ازياء - فساتين سهرة و مكياج و طبخ - ساعدوني الله يخليكم كيف اتصرف مع زوجي

والله يارب انه تكون حياتك من لقبك ياقمر
وانا حابة احكيلك انو النساء كيدهن عظيم بس بقول بالصح والحلال
يعني لما سالك عن العطر كان بامكانك ما تجاوبي مباشرة بل اسكتي لفترة واعملي حالك بتفكري وين العطر
وبعدين قوليلو انا قايمة ادورلك عليه يا حبيبي تكرم عيونك وقومي من قدامو هديك الساعه يا قمر
وروحي عالغرفة ومثلي انك بتدوري عليه مع اصدار اصوات تاوه وكانك تعبانة من البحث وانتي حامل
وارجعي وقوليلو (برضو بدك تتحايلي هون كمان)حبيبي ما لقيتو بس بتذكر انك حطيتو مثلا عند المرآيه او بالخزانة مو متزكر حبيبي؟طبعا راح يجاوبك انو لا ما بتزكر او مابعرف بس المهم انو راح تركزي بعقلو انو هو ضيعو وممكن يسكت بعدها
اختي بدي اعلمك قاعدة مهمة عن الرجل وهي انو اللي بتقوليه للرجل عن نفسك او عنو بركز بعقلو وبقتنع فيه
يعني لو قولتيلو انو هوا استعمل العطر وحطو في الخزانة راح يقتنع ومثال اخر لو قولتيلو انك دورتي على عطره وما لقيتي راح يقتنع
وبعدين ياغاليتي هوا كيف كان معاك اول فترة زواج؟ قبل ما يتغير ؟ياريت تحكيلي لان ان تغير بعدين بطريقة غريبة
اعرفي انو محسود عليك او محسودة عليه او في حدا بلعب براسو ومتل ما بتقولي اخوانو
نصيحتي الك التالي
لما يدخل من الباب وتحسي بذكائك انو مو طبيعي روحي من وجهه وادخلي المطبخ او اي مكان تاني واقرئي اية الكرسي بصوت واطي بس لا تحسسيه وشو ماطلب اطيعيه وزي ما حكيتلك تحايلي ولا تجاوبي عاسئلته ببراءة
كوني ذكية وتعودي تقوليلو تكرم حبيبي
وتذكري انه زوجك جوهرة حاولي تشيليها وتمري بين الغام الحياة بذكاء بحيث ما تنفجر فيكي وتخسري ولازم تطلعي من بين الالغام شايله جوهرتك بين ايديكي
وتزكري الرجل سهل اللعب فيه ان مسك اذنه ابن حرام وما بتعرفي كيف اخوته بحاكوه
بس الدعاء لا تتركي وانا بسعدني اكون عتواصل معاك للخير