ازياء - فساتين سهرة و مكياج و طبخ - مساحة فضفضة تفضلوا يا متزوجات

ام جنا حبيبتي

اسمعيني منيح

المشكلة انه زوجك اثر عليكي بطريقة سلبية من ناحية نظرتك لنفسك و ثقتك بحالك
خلاكي تحسي انك مو كويسة ومو مرضيتيه ومو مسعديتيه
هاد الشي خلى زوجك كمان يزيد و يزيد بعملية تثبيطك وتحسيسك بالذنب وخلته زوج متكبر ومو شايف فيكي شي كويس

الحل

انك يا ام جنا مو بحاجة لزوجك عشان ترضي عن نفسك............و ترضي عن ادائك الزوجي والبيتي
انتي يا ام جنا لما خطبك زوجك ..........انتي اللي وافقتي عليه لانك انتي كنتي راضية عنه كزوج الك
ولما اجا خطبك ....اجا اكيد لجمالك و ادبك واخلاقك واصلك وسمعة عيلتك .اكيد
يعني انتي يا ام جنا امراة كاملة .........ومو ناقصك شي؟؟!!!ليش تسمحي لاي انسان حتى لو كان زوجك انه يدمر ثقتك بنفسك؟؟
على العكس

انظري لنفسك وقولي لحالك كلمات ايجابية متل: انا جميلة وامراة كاملة وقائمة ببيتها وعندي بنوتة حلوة
و زيادة على هيك انتي عم بطوري نفسك لاجل ترضيه و زوجك ماعم يرضى ...والسبب بعدم رضاه انك مو راضية عن نفسك!!!!
ارضي عن حالك حبيبتي انتي ماشااللله عنك مو مقصرة
والحل هلا

لاتهتمي لاي تعليق سلبي بيصدر من زوجك وقويلي لحالك هو هيك ح يحكي بس انا ما بهتم لاني انسانة ببذل جهدي ومو مقصرة بشي

شغلة تانية مهمة

الزوج بياخد الكلام اللي عم تقولوا الزوجة عن نفسها....يعني لا عمرك تقوليلو :متلا نسيت احط الملح عالاكل! او انشغلت بالاولاد وما كملت او راحت علي نومة

لا لا ...............قوليلو :(نفرض انه شغلة مو زابطة بالاكل) هي هيك بتنعمل الاكلة هاي!!انا قرات الوصفة وكانت هيك وهيك ازكى وافيد
متلانسيت تعملي شي

قوليلو كنت عم اكوي قميصك او نظف مكتبك او..........اي شي تاني بس ما تقولي :نسيت...او ما قدرت

شغلة تالتة مهمة

عمرك لا تسالي عن رايه فيكي او شغلك او طبخك!!!

اتزيني و روحي وتعالي قدامي بدون ما تسالي ............لو حكيتي كلمة عادية وما عجبه...وعلق.... لا تهتمي ولا كانه حكا ...ضلي مبتسمة وهادية واحكي معه بشكل عادي دون ما تبني انك زعلتي

وكوني المعلمة اله يعني انتي احكي كلام لطيف لبنتك قدامه

خليكي انيقة و واثقة من نفسك
ازا شافك واثقة بحالك..................بضمنلك انه راح يتغير معاك وما عاد يعلق او ينتقد

اشتغلي بهواية معينة.مارسي رياضة يعني انشغلي عنه وعن محاولة ارضاؤه لانه لن يرضى

والله يوفقك

وبتمنى اكون افدتك

وطمنيني عنك دوم