العيش الفينو للمبتدئات من مطبخى بالصور
المقادير
نص كيلو دقيق 2 ملعقة كبيرة سكر نص م ص محسن خبز 2 م ص خميرة فورية 2 م ك زيت وممكن زبدة ع فكرة ماء دافىء للعجن بيضة وكيس فانيليا لدهان الوجه الطريقة هتحطى الدقيق والخميرة الجافة والمحسن مع بعض وتحطى عليهم الميه الدافية واحدة واحد وتفضلى تعجنى كتير وتحطى ميه وتعجنى لغاية ماتبقى العجينة كورة وبعد كده هتحطو معلقتين الزيت وتعجنو تانى بس بصو عجينة العيش مش طرية اوى ولا ناشفة اوى يعنى عاملة كده زى الحاجة الملصقة يعنى العجينة مش ناشفة ولا طرية لدرجة ان العجين يطلع فى ايدك اهم حاجة حتى بعد مالعجينة تبقى كورة تفضلى تعجنى فيها بايدك ده بيدى نتيجة حلوة اوى بعد كده وكل ماتعجنى وتقرصى فيها هتبقى احلى وهتلاقى العجينة بقى لونها ابيض تغطيها وتدخليها فرن البوتاجاز تخمر لمدة ساعتين او اكتر وكل ماسبتيها تخمر كل مابقى احسن هوريكم الخطوات دى بالصور هنا خلطت المقادير الجافة مع بعض وحطيت عليهم الميه http://i43.servimg.com/u/f43/15/33/51/98/147.jpg ده كنت خلصت عجن وخلاص هسيبها تخمر http://i43.servimg.com/u/f43/15/33/51/98/244.jpg هنا بعد ماالعجينة خمرت http://i43.servimg.com/u/f43/15/33/51/98/345.jpg بعد كده اخد جزء من العجينة افرده بالنشابه http://i43.servimg.com/u/f43/15/33/51/98/446.jpg والفه رول http://i43.servimg.com/u/f43/15/33/51/98/543.jpg واحطه فى الصينية وهكذا كل العجينة وارصهم فى الصينية اسيبهم يخمروا بعد كده اعمل فيهم فتحات بالسكينة وادهن الوش بالبيض والفانيليا واحط عليهم سمسم او حبة البركة http://i43.servimg.com/u/f43/15/33/51/98/638.jpg وتدخليه فرن البوتاجاز على حرارة 200 وتحطى فوق النار صينية فيها ميه عشان الحاجة متتلسعش منك وتوزع الهوا فى الفرن وتطفى لما الوش يحمر فضل منك عجينة ومش عايزة تعمليها عيش نعملها سندويتش عجوة او جبنة او مربى او اى حاجة احنا بنحبها ناخد الجزء ده ونفرده ونحشيه زى كده http://i43.servimg.com/u/f43/15/33/51/98/736.jpg http://i43.servimg.com/u/f43/15/33/51/98/834.jpg وده العيش لما طلع http://i43.servimg.com/u/f43/15/33/51/98/928.jpg http://i43.servimg.com/u/f43/15/33/51/98/1022.jpg شوفى طرى وهش ازاى من جوة http://i43.servimg.com/u/f43/15/33/51/98/1121.jpg وده سندويتش العجوة لما طلع http://i43.servimg.com/u/f43/15/33/51/98/1218.jpg |
رد: العيش الفينو للمبتدئات من مطبخى بالصور
شكرا لك ابداع متواصل تقبلي مروري وردي |
رد: العيش الفينو للمبتدئات من مطبخى بالصور
|
رد: العيش الفينو للمبتدئات من مطبخى بالصور
تسلمو ياقمرات ع ردودكم الجميلة
وفى انتظار تطبيقاتكم وتحت امركم فى اى استفسار على العام وعلى الخاص |
رد: العيش الفينو للمبتدئات من مطبخى بالصور
|
الساعة الآن توقيت السعودية الرياض و الدمام و القصيم و جدة 09:43 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.