رد: ورود في مزبلة الواقع
 

الجزء الثاني عشر..
.
.



ضيعت على سكة الحيره عناوين ..











.
.




..×..( شـ،،ـكـ،،ـراً )..×..



شغل السيااره بروقان ..
اليوم كان ممل عن الرجال بس ماحس بالممل لانه يحكي مع حياة قلبه بدور ..

فتح درج السياره ناظر بالعلبه المربعه وتغليفها الاحمر والذهبي ...
رجع سكر الدرج وابتسامته تزيد ..
بيعطيها لـبدور بكره قبل لايرجع وليد من السفر ..

عدل شماغه .. وهو يدق على بشاير ..

:مرحبـا ..

كشر وجهه اول ماسمع صوتها .. تذكر خلااافه معها ..مايحب يعطيها وجهه او يعطيها اكثر من حجمها ..
: أطلعي انا برى ..

سكـر الجوال .. من غير لايسمع ردها .. ودق على أمه .. مايبغى يرجع معها للبيت لوحدهم ..
يتنضايق اذا جلس هو وهي بس ..
: آآآلوووو هلااااا وغلاااا بشيختهم ..

سمع الفرحه بصوت امه : هلااا حبيبي رعود ..

ابتسم ياااحبه لدلع امه له .. هو حرم نفسه منه فتره وهاللحين رجع يتذوقه ..
: يالغاليه خلصتي ..
اذا ودك ترجعي معنا للبيت انا وبشاير ترآي برى ..

ام وليد بهدوء : لااا حياتي ارجعوا انتم ..
- همست – اللي بيخطبوها لمساعد ماوصلت الا من ساعتين ومابعد عـ..

قاطع امه وهو يضحك : ههههههه من جدك يمه بتوافق عليه يعني ..
انتم عارفين من خوالها وهي من بنته ..
- باستهزاء كمل – انسواا الموضوع ترضى بواحد كان مسجون ..
لاااا وسااايق شاحنات ههههههه ..
والله خالتي ماني عارف كيف تفكر ..

أمه قالت له بنفس استهزائه .. : هذااا انت اخذت بنت نصااب ومحد حكى معك ..
اترك ولد خالتك براحته ..
على الاقل مافكر يطلع عن بنات خلق الله السنعين ...

ابتسم بدون نفس .. لو تدري امه انه ندمان قد شعر راسه ..
بلوى وبلاء نفسه واهله فيهـا ..
كان غبي لما قهر بدور وهي تتعذب مثله ..

انتبه ببشاير تمشى ببرودها المعتاد لعند سيارته ...قال لامه : خلاااص يالغاليه اجل ابرجع للبيت من دون ..
يله باي ..

سكر من امه وهو يفتح قفل السياره بدون مايلتفت لهـا ..
توقع ان اخلاااقها كالعاده مقفله ... وانهم بيكملوا الطريق سكوت ..
وياثقله من طريق معهـا ..

.
.

بشاير مرووقه ومبسوطه لابعد درجه ..
تحس انهـا طايره بالسمـاء والحياءه تبتسم لهـا ..
: السلاااااااااام عليكم ورحمة الله وبركـاته ..

سمعته يرد بدون نفس : وعليكـم ..

قالت بهدوء وهي تبتسم : أنا ماتعشيت أعزمني على مطعم ..

لف عليها مستغرب ..
وش ذا الروقان اللي هي فيه .. حتى صوتها متغير ..
: انا تعبان وابغى ارتاح ..

لفت بشاير وجهها لنافذه تصد عنه .. حكي شجن ماينفع .. ماتقدر تنفذ ولو ربعه ..
رعد غير مطلق .. ولو انهم عيال عياله وظروف زواجهم تتشابهه ببعض الاشياء ..
بس رعد أقسي ..


.
//
.


رجعت لفت لعنده تناظره ..
حماسها وتشجيع شجن لها تحسه ضااع عند وجهه الجامد ..
لاااا زم وضروري تعمل مثل ماطلبت منها شجن ..
من يومها شجن ماهي بسهله وعندها حكمه ..

تنهدت وهي تتامله يوم عن الثاني تكرهه ..ولحضات قليله تحن له ..

رعد حس فيها تناظره .. مالف عليها .. ماله خلقها ينتظر يرجع للبيت علشان يحكي مع بدور ..
حس بايدها الناعمه الدافيه على ايده وهو ماسك القير ..
وصوتها الهادي يساله : سلامتك ..
وش اللي متعبك ..؟!

حرك عدسه عينه لها بدون مايلف ..
فيها شي ماهو بطبعها تتلزق فيه بالعاده تطنشه ولا كـانه موجود ..

سحب ايده من ايدها : مافيني شي بس ابغى انام ..

ناظرته بشاير بقهر .. بس ضلت عند موقفهـا ..
طلعت من شنطتها البندول واعطته اياه ..: خذ لك وحده ..

رعد تأفف .. ودف ايدها بعيد وهو متنرفز : مابغى شي ماتفهمي انتي ..

بشاير ماردت عليه دخلت البندول لشنطتها وناظرت قدامهـا وهي ساكته ..

رعد ناظرها بطرف عيونه وهو قرفان كم مره يعيد لها الحكي ماتفهم ..
بارده ..قطعه ثلج ..مايحس بوجودها ..
لكن ..لاحكت مايبغاها تسكت يحب يسمع صوتها ..

وهي تسكت بس تناظره وماترد الا اذا سالها ... كيف الحياه مع شبه انسانه مثل كذا ..
يحس دفترها ابيض الملائكه ماتكتب فيهم شي من كثر سكوتها ..
عكس دلوعته تحكي وماتسكت .. وتضحك ..والحياه بصوتها ..

انتبه من سرحانه على ضربة عصاها لدرج اللي قدام ..
وصوتها تتذمر : آآوه سوري ..

خاف ان الدرج ينفتح مد ايده بيسكره بس مامداه لحق لان العلبه صارت بحضن بشاير ..

بشاير كردة فعل طبيعيه رفعت العلبه وناظرتها باستغراب .. واضح انها هديه ..
ومن تغليفها الشفاف قدرة تقراء اسم الماركه على العلبه ..
استنتجت ان اللي بداخلها .. ساعه ..
.. ابتسمت بخفه كان جايب لها هديه ..

رعد خاف تفتحها وتقراء الكرت ..جاء بيسحبها منها بس استغرب من حركتها ..
رجعت العلبه لدرج وسكرته بهدوء ..
معقوله ماعندها فضول لو واحد بالمئه تفتحهـا ..
انتظرها تسأل .. ولما طالت الدقايق بسكوتها عرف ان مالها نيه ..

انسانه غريبه .. على فقر اهلها بالنسبه لمستواه .. الا ان عينها شبعانه وماتهتم لاي شي مهما كان جديد ..
الا بمعنى اصح انسانه متبلده وبارده ..وهو مايعجبه ذا النوع ..


نزلت بشاير من السياره وهي مبتسمه تفكر ..
شكله بيعطيها الهديه بس هي خربة عليه .. اول مره يعملها من زواجهم مااشترى لها شي واهداها ..
مع ان ذوقه حلوه .. وهو ذوق ..

استندت على العكاز ومشت لداخل من غير لاتلتف على رعد ..ببالها ان الهديه لها وبيجيبها معه ..

رعد نزل من السياره ومشى لخطوات سريعه عندهـا .. قال بهدوء : ماهي بلك ..

كان يقراء افكارها .. والا تعمد يحطها ويقهرها ..
حست بخيبه امل كبيره .. وكرهة صوته ...
لفت عليه وهي تنزل غطائها ..ناظرته لدقايق ثم لفت ..
.: ومن قال اني ابغى منك شي ..

ضغطت على رجلهـا وسبقته وهي متضايقه ..
نفسه مره تحس باندماج معه ولو لثواني .. دااايم بعيد عنهـا .. تصرفاته تبعدها اميال وتخلق بينهم حواجز ..
انسان غريب عنهـا .. من كل ازواجها ماقد حصل برود كبير كذااا بينهم ..

دخلت شافت طلال بالصالون الداخلي اللي على يمينها ..
يلعب بالبلاي ستيشن " كره " .. وشكله طفشان ..
ابتسمت ومشت لداخل الصالون : هآآآي ..

وقف طلال اللعبه ولف عليها وهو يبتسم : هااي ..
رجعتـي ..
- ناظر برعد اللي دخل وراء بشاير وغير كلامه –
اقصد رجعتوا بدري ..

رعد اشر لطلال " هلا " وكمل طريقه بيطلع فوق .. بس وقف وهو يسمع بشاير ..
: طلول ..شكلك ماتعشيت انا بموووت من الجوع وش رايك نطلب ..
ونتعشى سـوا

طلال شغل اللعبه بعد ماقصر على الصوت ..: مع اني متعشي بس اتعشى مره ثانيه ماقول لاا ..
هههههههه ..

سمع ضحكة بشاير : ههههه ..بالعافيه ..

طلال : بشورر ليه ماتعشيتي هناك ..؟؟؟!
ماعجبك العشاء ..


طلول ..
بشور ..
نتعشى سـوا ..

رجع رعد لورى وناظرها من بعيد من غير لايحسوا فيه .. وهو يحس بالقهر ..
تضحك ..وتحكي بطلاقه ..

بشاير فصخت عبايتها وهي تبتسم .. اليوم اجمل ايام حياتها مستحيل تعكره لو بايش ..
التقتت بشجن .. تحس جزء من روحهاا رجعت ..
: لاااا عادي ..
بس حاسه نفسي مفتوحه على الاكل ..
لو جابوا لي تعيس اكلته ههههههه ..

طلال اصطنع الخوف : تييييييييييس ..؟؟!!

بشاير : هههههه .. امزح معك ..
- طلعت جوالها – ناظر البنت هذي وشرايك فيها ..؟؟!!

طلال ناظر لانا بجوال بشاير : ايش فيها الصغييره ..

بشاير ابتسمت بخبث : وش رايك فيها ..
احجزها لك لحد ماتكبر ..

طلال ضحك باستخفاف : لااا ياشيخه ههههههه ..
صايره خطابه بعد..

بشاير سحبت جوالها وجلست على الارض بجنب طلال ومتكى صغير فاصل بينهم ..: كيفك انا خاطبتها خاطبتها ..
-ناظرت للجوال - ياااويلي تجنن ..

طلال بتفكير ..: ماهو بهذي بنت ولد خالتي نجلاء مطلق الله يرحمه ..

بشاير هزت راسها وهي مبتسمه بنجاسه : آآسمها لانـا ..

طلال حذف عليها المخده : ضفي وجهك ههههه ..

رعد ناظر بشاير باهتمام وش ردة فعلها وطلال حذف عليها المخده ..
هي مغروره وبارده ..اكيد بتقلبها جد ..

بشاير بعدتها بسرعه قبل لاتضرب وجهها : ههههه اوك عيد القيم ابلعب معك ..
تحدي ..

رعد ناظرها باستغراب ..
وناظر بفمها المبتسم بفرح وبرقه عيونها اول مره يشوفها كذا غير ايام ماليزيا ..
هي نفسها بشاير البارده اللي مالها صوت ..

سند جسمه على الباب يناظر اخرتها معهم ..وهو معصب ..

طلال لف : تحدي ههههااااااااي ضحكتيني ..
ماكاني قبل امس غالبك 19 ..صفر ..

بشاير غطت رجلها اللي ماتقدر تصفطها ..بمخده صغيره وهي تقول باحراج : قصدك امس ..

طلال : بعد ههههههه ..
طيب من وين نتعشى قبل ..

رعد ناظرهم ماهم بحاسين بوجوده ..
عارف ان طلال صغير .. بس يفهم وماهو بغبي ..
وهو ينقهر اذا حكت بشاير مع امه واخته ..او الخدامه حتى كيف وهاللحين مع طلال ..
هي شي يخصه ومفروض ان محد يقرب منه ..

مشى لعندهم وهو يقول بعصبيه : بشاااااااااااااير ..
أنتي هنا وانا لي ساعه اناديك ..

لفوا عليه ...

طلال تنهد بضيقه مايحب يكون موجود اذا رعد عصب على بشاير ..


بشاير سحيت ابتسامتها .. وقبل لاترد عليه كان ماسكها من زندها وموقفهـا : كل تفكيرك العشااء ناظري كيف صايره برميل ... ووو..
و..
تعشي معي من البيت ..
طلول اطلب لك لوحدك ..

طلال ابتسم : متعشي ..

بشاير حاولت تسحب ايدها منه بس هو ضغط عليها ..قالت بهدوء : جائيه معك بس باخذ عكازي وشنطتي ..وعبـ

قاطعها وهو يصرخ : سنااااااااااانـا .. سنااااااااااانـا ..
تعالي طلعي اغراض مدام بشاير لفوق ..
- لف عليها -
مالك حجه هاللحين ..

رمشة بعيونها حجه لايش ..؟؟!
وش فيه هـذا متقلب ..كل دقيقه بمزاجي ..

مايتركها تجلس مع حد الا وسحبها معه بعدين مايعطيها وجه ..
: طيب آآيدي تالمني ..

خفف الضغط على ايدها .. بس ماتركها لان ماعندها عكاز ..
: مره ثانيه اذا جوعاانه قليلي قبل لانوصل للبيت ..

بشايرناظرته ببرود ثم لفت وجهها عنه ..

رعد وقف عند الدرج وناظره نظره طويله وجهه مقهـور ..

بشاير مستغربه من عصبيته الزايده هي اللي مفروض تعصب ..
قفزت على صرخته : ليه ساكتـــه ..؟؟!!
ليه ماتقولي انك طلبتي مني بس انا قلتلك تعباان ..
ليه معي ساكته ومالك صوت ومع غيري ضحكك لاخر الشارع ..

ترك ايدها بقوه اختل توازنها رجع مسكها علشان ماتطيح على الدرج ..

بشاير مسكت الدرابزين ..ودفته عنهـا ..
: طلال يسمع لاترفع صوتك ..
اذا عندك حكي قله فوق ..

رعد مسكها من جديد وقال بين اسنانه : لاتغيري الموووضوع ..
قولي لي هااالحين ليه معي بارده كذا ..
ومع غيري لاااا ..
ماهي باول مره تعمليها دايم اسمع ضحك وسواليفك واذا دخلت تسكتي ..

بشاير لفت وجهها عنه بدون ماترد ..
هي هاللحين الغلطانه وعيوب الارض كلها فيها .. وهو الصح ..

رعد احتقرها : مراح تردي صح ..؟!!
اسمعي ماتحكي مع حد من اليوم وطالع .. الا معي انا سامعه ..
- سحبها من جديد يطلعون الدرج -
وغرفتك ماتطلعي منها لحد ماتتعلمي كيف ماتتجاهليني ..

بشاير مشت وراه وعلى وجهها علامة استفهام كبيره ..
من اللي يتجاهل من ..؟؟!!
معقوله يكون غار عليها من طلال ..
قالت بتعب ..: رعـد بشويش لاتسررع ..
رجلي ..

لف عليها معصب .. ناظر رجلها اللي ترتجف ..وجهها المكشر ..
رفعها عن الارض بيداته ..وهو ساكت ..

بشاير ابتسمت بداخلها ..
رعـــد رفعهـا ..
وغار عليهـا ..

مانتبهت انها ارسمت ابتسامتها على وجهها الا لما سمعت رعد يقولها معصب : لاينشق حلقك...
لان عكازك طلعته الخدامه ...

بشاير ابتسمت اكثر .. وحطت راسها على كتفه..وهي تقول بهمس : شكرا ً

ناظرها بطرف عيونه وهو شاد ملامح وجهه .. متنرفز مررره ..
حلو صوتها ..
وحلوه الشكر منهـا ..

تنهد من كلمه بسيطه .. حس براحه فضيعه ..



ــــــ،،،،.ـــــــ,,,ــــــ ,,
ضيعت على سكة الحيره عناوين ..
ــــــ،،،،.ـــــــ,,,ــــــ ,,

..×..( السالفه شابت وهي توها بنت!!
ماتت امـاني بس تبقى اماني..)..×..


بالغرفه الزجاجيه .. *
اشغه الشمس الحمراء وقت الغروب تسللت لداخلها بهدوء ..

اخواض خضراء باماكن متفرقه .. طبيعه جذابه ..مندمجه الوانها مع الكنبات البنفسجيه
..واجهزه التكنولجيا البيضاء .. التلفزيون والاب توب والاستريو.. الخ ..
كلها باللون الابيض ..

جالسه على الكنبه البنفسجيه وقبالها لابتوبها الابيض تتصفح فيه ..وهي تشرب من عصير الليمون البارد ..

رافعه شعرها الاسود الطويل لنص ظهرهـا ببلنسه صغيره لانها قاصته بالتدريج وماتقدر تلمه كله ..
ومابدلت بيجامتها من وقت الغداء ..

: آآمممم مافيه حد يحس بعشقي له ..
متعه فضيعه وانا اشربه ...
هههههههههه ..

ناظرت رهف بكاسة الليمون البارده اللي بيد سديم ..وهي تشربها بتلذذ : مايعجبني حااامض بالمره ..

سديم شربت بروقان : اممم والله ان ماعندك ماعند جدتي .. جربيه وبتدعين لي ..
- عدلت جلستها بحماس -
روورررو بعد شوي بروح اخذ نونو هاجر تجين معي ..

رهف ناظرت بسديم وحماسها ..تغار من هاجر والعنود لانها تهتم فيهم كثير ..
قالت بدون نفس : لاااا ..
عندي دراسه مابعد خلصت ..

سديم اكلت من فطاير السباتخ الحاره اللي قبالها وهي تضحك : ههههههه .. قولي ماحبها وخلاااص ..
انتي الله يعين بنـ ..
-سكتت شوي تحك شعرها .. وخدودها موردين -
اللله يعين زوجـك عليك .. متعذب المسكين ..

رهف قالت بدلع وهي تشد بنطلون بيجامة سديم الضيقه : سوووووسو لاتقولي كذا ..
كفايه ماااماااا وحكيها ..

سديم شدت انف رهف : متى بتكبري انتي ههههههه ..

وقفت وهي تتمدد ومبتسمه براحه ..آآآيام تحس بقيمتها جد بعد ماكانت بالظلام ..
وبعد ماتعذبت بالعلاج ...
هي ماعادت تعرف نفسها .. انسانه ثانيه مختلفه اختلاف كبير ..
ووكل هذا بنظرها .. الفضل لله ثم للعنود ..
: واااو نفسي بايس كريم ..
شكلي ابمر باسكن ..
- لفت على رهف -
روور من جد انتي سخيفه قومي نبدل ونطلع للفجر ..
نغير جو يوم غياب من المدرسه ماياثر ..

رهف تحمست وجلستها مكاانها من جديد ..:آآجلسي بدري تطلعي ..
انا ماااقدر المشكله بندوووري بيزعل منـ

قاطعتها سديم بتافف : بندوووري ..
آآف وهذا بكل مكان طالع لنـا ..

ساند جسمه على الباب ويناظرهم .. ماكانت عيونه تناظر رهف ..
لالالاا ..مركزه على سديم وبس ..
يوم عن يوم بنظره تحلو اكثر ..
بالبيجامه .. بتيشرت .. بلبس البيت .. باي شكل تعجبه ..
ابتسم بالم ..سوهو يسمع دلع اسمه بصوتها ..

اليوم اغرب واثقل يوم مر عليـه بحياته ..
خطب لوحده مايتخيل يكمل حياته بدونها ..

واليوم عمه صدمه بشي ماتوقعه ..
هو كان يحبها بس بعد ماعرف صار يعشقهـا ..
وعمه عبدالرزاق كبر بعينه ..

(( سمعت كلماته وانا ماني مصدق ..
ضنيته يمزح .. بس اللي اعرفه عن عمي مايحب يمزح .. ولا بامور مثل كذا ..
سالته اتاكد وانا ماني مصدق حرف واحد ..
احس قلبي محروق ونفسي اصرخ واكسر كل شي حولي ..

سديم تكون بنت عمتي هيلـه ..
بنت عمتـي ..
دمنـا واحد ..
طواال هذي السنين وانا ادعي على اهلها اللي رموهـا وهمـا اهلي ..

سالت عمي بهمس وانا اتمناه يكذب حكيـه .. : بنـــــت عمتي هيلـه .. ؟؟!!
كيــف ..؟؟!!
ليه ماحكيتوا ..
هي تدري ..
عمتي هناء تدري ..؟؟!!

قاطعني وحسيت ان وجهه اسود فجاءه .. وملامحه كبرت سنين قدام .. : انت عارف ان عمتك هيله اختي من ابوي بس ..
و قبل لاتتزوج كانت تسافر مع ابوي كثير لان امي ماتبغاها عندها ..
ولانهم يسافروا لوحدهم ابوي الله يرحمه ماكان فاضي لها ومشغول بعمله ويتركها لوحدها ..
وهي " الله لايسامحها " تركت الشيطان يضحك عليها ..
ولعبت بذيلها من ورانا مع واحد كان يشتغل عندنـا ..

سكت شوي ..وجهه محمر .. حسيته يختنق ..جيت باتكلم برحم حاله ..
بس هو سبقني بالكلام ..
: المهم انها بلتنا بهذي سديم ..
مادريت عن مصييبتها الا وهي بالشهر الثامن ..
كان ابوي وازها بالكويت وجالس معها .. لانه عارف مايخلصنـا الا دمهـا ..

سالته بفضول : ولما عرفت ,,..!!

جاوبني وهو منزل راسه : جريتها من شعرهـا .. من الكويت لرياض ..
والله اني عجنتها بايدي ..
آآآآآه ..
تمنيتها تموت هي وبلاهـا ..
ولدتها عندي بالبيت منع ابوي عنهـا ..

: علشان كذا جدي مات غاضب عليك ..

تنهد من قلب : آآيوا ..

سالت وانا احسني اسمع لكذبه ..
عمتي هيله ..مضرب المثل والا خلاق بنظري .. ابوس ايدها وراسها كل ماشفتها ىلانها احن عماتي ..
تكــــون كـذا ..
: طيب عمتي هناء درت ..؟؟!!

هز راسه لي بلا واحس انه موقادر يرفع عيونه عن الارض : لاااا ..
انا اللي أخذت سديم ورميتهـا بالبر ..
وانا اللي رجعت اخذتهـا .. واخذت اخوياي معي علشان مايشك احد ....

سالته وانا اتذكر البر ..واحاول اتذكر تعابير وجهه لما رفعها ..
: ليه رجعت اخذتهـا..؟؟!!

سكت لدقايق طويله .. وعيونه لهالحين بالارض ..
اول مره اناظر لعمي وهو بهالحاله .. احس دمعته بتهون عليه وتنزل ..
اختنق من شكله ..
مثلي الاعلى .. ابوي الثاني .. غلاااته محد يعرف حجمهـا ..
منكسـر كذا ..
و عمتي هيله هي السبب ..
كل اللي افدائهم بحياتي هي سبب تعاستهـم ..

شديت اسناني وانا اعفيه من الاجابه اللي خمنتها ..
ماهانت عليه بنت اخوه .. من يومه حنون وقلبـه كبير .. مع انها ذنب عمتي هيله ..الا انه ماتركهـا ..

حسيت العبره تخنقني وانا اسمعه يقول : انا اللي دبرت مقابلها مع هنـاء ..
انا اللي ارسلت المرأه تقنع زوجتي تاخذهـا ..
انتظرت سنين طويله لحد ماخذتها عندي وقدام عيـوني ..
حفظتها عن كلاب الشوارع .. وسترت على اختي من غير لاحد يدري ..

لااااااااا ياعمي لاااا ..
انت رميتها بمكان اوسخ من الشارع ..
ولدك ضيع بنت عمته من غير لايدري ..اللي خفت منه برى صار داخل بيتك ..

حط عمي ايده على كتفي وناظر بعيوني بجديه وعيونه محمره : محد يعرف الا انا وجدك وعمتك هيله .. وماقلتك الا اني شايفك قد المسئوليه ..
سديم آآمانه برقبتك ..
هي بنت عمتك .. واخت زوجتك ..
واختك بعد ..
انظلمت كثير يابندر ..وانا ماقدر اساعدها ..
اكره اناظر وجهها ..بس انت مفروض تحن عليها ..
انت انسب واحد يكون مسئول عنها ..

حطيت قبضة ايدي على صدري ..
لو تدري ياعمي وش دااخل ذا القلب ماوصيتني عليهـا ..))

.
.


قاطعته رهف وهي تاشر له بخجل : بندوووري ..
راجع من المستشفى بدري ..

تنهد وهو يسلم عليها .. : السلام عليكم ..
ماعندي مرضى كثير اليوم ..

سديم اول ماحست ان بندر جاء ..نزلت راسها اكثر تلهي نفسها بشرب العصير .. تحاول ماتناظره ..
ضغطت على المزاز " المآصه " باسنانها بقوه .. (( ولااا كاانه موجود ياسديم.. ولاااا كانه موجود .. تمالكي اعصابك ..
الـ..تافه وحشري ومغرور .. ))

رهف سحبت له الكرسي و مدت له العصير : يعطيك العافيـه ..

ناظر لسديم بعد ماجلس قبالها ..مـوف ..اليوم اول مره يحس اللون الموف حلو .. وهي لابسه بلوزه بلونه ..
ياناس مافيه حد يتعذب مثلـه .. قدام عيونه ماتتغطى عنه صحيح دايم بنطلونات بس ضيقعه .. : الله يعافيك حبيبتي ..

انتبهت سديم انها خلصت العصير كله بعد ماسمعت صوت سحبها للهواء من المزاز .. : آآآوووووو...

لف بندر وجهه اول ماحسها ترفع راسهـا ..وناظر برهف وبس ..

رفعت راسها و هي منحرجه من الصوت بس ضحكت مع ضحكه رهف : ههههه ..سووووري .. من الحـر والله ..


حركة ايدها على وجهها المحمر ..
(( آآآف يااربي وين الهواااء ..
بختنـــق ..
هذااا وراه دخل وضاع الاوكسجين من الجو )) 000

رهف : هههه .. مع ان التكيف بارد ..
- لفت على بندر ومسكت ايده بدلال -
بندووري ابطلع مع سوسو لعند صاحباتهـا ..

بندر لف على سديم وكانت تناظره لفت وجهها بسرعه لنافذه تناظر النجوم اللي بدت تلمع بالسماء ..
قال بجديه : ومن قالك ان سديم بتطلع عند صاحباتها من الاساس ..

لفت عليه سديم : آآيش ..؟؟!!

بندر عيونه بعيونها بالضبط ..ابتسم بخفه لما بعدت عيونها عنه وخدودها وردت ..
خجل ..
حياء ..
مايدري ,,
شي حلو يطغي وجهها كل مالتقت عيونهم .. يحس ان الكون من حوله مافيه الا هي وخدودها المليانه المحمره ..
كانها ورده تفتح ويتفتح معه قلبه .. ينعشه براحه غريبه ..

قال بثقه : حنا بوسط الاسبوع مدارس ..
واغلب الاماكن فاضيه مافيها الا شباب ..
تطلعي مع صاحبااتك ليه ...

سديم لفت عليه من جديد بس ماتناظره تناظر اي شي حولهـا .. : طفشت من البيت ..
بروح لبيت هاجر ..
انت تعرفها وتعرف زوجها كويس ....

بندر على نفس نبرته : اكثر من مره قلتلك انا واثق فيك ..
بس ..
- اخذ نفس قصير .. ابتسم لرهف بتشتت –
ابغاك بشغله صغيره اليوم ..

سديم تبادلت مع رهف نظرات الاستغراب ..
خافت ان فيه بلاء جديد بينرمي عليها ..
بندر مايحكي بهدوء كذا الا ورائها كارثه ومصيبه ..
ماتنسى المرات اللي ضربها فيها يمنعها من الحشيش لما كانت تتعالج ومابيدها اي قوه ..
كان دايم معصب ومايهدء الا ورائه شي ..

وقفت بهدوء وقالت بسرعه : وقت ثاني ..
قل لرهف وتقلي ..
عن اذنكم ..

بندر اشر لها ..وهو يقول نبره مرتفعه ماتبغالها نقاش : أجلسسسسي ..
موضوووع ضروري ..

ناظرته سديم وهي حاسه ان الاوكسجين من جد خلص من حولهـا ..
وش عنده وش يبي فيهـا ..؟؟!!

عضت شفتها وناظرت يمينها ويسارها بارتباك ..اول ماحط بندر ايده على شعر رهف ولخبطه بحنان وهو يقولها : حبيبتي اتركينا شويه ..
بحكي مع سديم ..

تتضايق اذا ناظرت بندر يعامل رهف كذا .. بس تكابر ..وتحاول ماتعطي الموضوع اهميته ..
قالت بارتباك : ماهو بضروري تطلعي ..
اجلسي معنا ..

تنهد بندر بداخله ..
ماهي بواثقه من نفسها .. اول نتايج العلاج ..
تحس انها اقل من البنات اللي حولها .. وان اللي عملته مستحيل ينغفر ..
: لاااا رهوفه اطلعي هاللحين ..
احكي مع الخياط يرسل لك طرحات الزواج ابختارها اليوم ..

رهف ابتسمت ابتسامه واسعه ,, ااول مره بندر يهتم بشي لزواجهم ..
: جدددد ...
طيررررران ويكونوا عندك ..

اتركتهم وطلعت ...

سديم كانت تلهي نفسها من جديد بالاكل ..
قالت وهي تناظر قدامها : وش عندك ..؟؟!!
اذا العمليه مستحيل اعملهـا ..
انا مالي ذنب عبيييدان الـكـ ..
– قطعت كلمتها وهي تدخل كميه اكل اكثر لفمها ..-
هو السبب .. 0

بندر يناظرها بشغف مافيه الا هو وهي وهذا تقريبـاً من النوادر ..صحيح انهم بالصاله بس بعد لوحدهم ..
: خلاااص مايحتاج العمليه ..
نايف عارف بكل شي ..

ناظرته باستغراب وفمها مليانه ..قالت من غير لاتفتحه بهمهمات :هــا..؟؟!!

ابتسامه قصيره بطرف فمه على شكلهـا الفاهي ..
: نايف ..
ماتعرفي من نايف ..؟؟!!

هزت راسها بنفي وهي تحشي فمها اكثر بالاكل .."لاااا" ..

مسك الشعرات الكثيره اللي بمقدمه ذقنه ..وهو يفكر ..
اكيـــد ماتعرفه وش الغباء اللي صابه ..

بعد وجهه عنها وناظر البوابه الرئيسيه ..
والله جــامده وصعبه ..
هو يقولهـا بنفسه ..
وهو اللي خطب لهـا بنفسه ..
وهو اللي يعشقهـا ويخاف من نسماات الهواء تجرحها ..

رجع ناظرها بعد ماقوى قلبه ..وقسى عليه ..
: نايف ..
خطيبـك ..
اقصد اللي خااطبـك ..
واليوم بيخطبك وبكـره جائي يناظرك ..

سمعت الكلمات ووصلت مخها بسرعـه البرق .. بس صدمتهـا ..
حست الاكل وقف بحلقهـا ..
وبقايا الهواء اللي تتنفسه اختفـى ..

:كـح ..كــح ..

شرقت بالاكل اللي تاكله ..وغمضت عيونها تحس بالظلام ..
رجعتع فتحتهم على صرخه بندر : طلعيــه ..

بندر وقف بسرعـه ..اول ماحس بلونها يصير احمر وازرق .. ..
ضرب ظهرها بخفه ..وهو يمد ايده عند فمها : طلعيـه .. طلعـي الاكـل ..

هزت راسها لااا ..ماتبغى تطلعه على ايده ..
بس حلاوة الروح طلعته من فمهـا ..وهي تدور اوكسجين وتكح : كح كح ..
كـــــح ..كـح ..

مد لها المويه بالايد اللي ضرب فيها ظهرها : أشربي ..

ناظرته سديم وناظرت ايده اللي فيها بقايا اكلهـا .. وهي رجعت تستوعب ..
كانت بترفض بس حطت يدينها على ايده اللي بالكاس وشربته بسرعه ..
وعيونها مغرقه .. اختنفت ورجعت تنفست .. ..

مسح بندر فمها بمنديل وهو يبتسم ..: هـذاا لانك معبيه فمك ..هههه ..

سحبت منه المنديل بقوه وهي ترتجف ..مسحت فمها وهي تناظر ايده بقرف ..

حطت المنديل على الطاوله واشرت على ايده : آآآ..... آيدك ..
- حكت رقبتها بارتباك -
آآ يدك .. قرف ..

ناظرها مستغرب .. : قررف ..؟؟؟!!
بس هذا بعدك ..

حط بقايا الاكل بمنديل ..ومسح ايده بمنديل معطر ..

سديم حركت ايدها على وجهها من جديد وهي تحس الجو حـار وكتمه ..
(( مـن ايش مخلوق هـذا ..
كيف ياخذ اوصااخي كـذا ..
مااايفهم ..))

دفته بعيد عنها ..بعد ماكان منحني شوي عندهـا ..
لما شافت نظرته المستغربه ..ابتسمت ابتسامه باهته ..: آآآآ...
آآآ حآآآآر ..اقصد حــر ..
و..
كتمه ..

رجع بندر لكرسيه متنرفز .. تكرهه لهذي الدرج .. ماتطيق يقرب منها شويه ..
: كلي براحتك علشان معدتـك ..

كتفت ايدهـا .. وهي تبلع ريقهـا .. تحس دقات قلبهـا مضطربه كثير ..
نست زواج و خطييب...وشي اسمه نايف ...
نست وش اللي شرقة عليه من الاساس ..
اخذت كاسة مويه ثانيه وشربتهـا بسرعه ..

بندر قال بجديه يخفي مشاعره : انا حكيت مع عمي عبدالرزاق وهو مبدائياً موافق على الرجال ..

الرجـال ..
آآآي رجال ..
آآيوه العريس ...؟؟!!
يعني من شوي ما يمزح ..

قالت بهدوء وهي تناظره بتركيز : من جدك ..؟؟!!

بندر ابتسم لها ببرود : أكيـــد هذي فيهـا مزح ..
الرجال ولد نـ - سكتت وهو عارف حساسيتها من هذي العبارات - ..
ولد ناس يعرفهم عمي من زمـان ..
تقدم لك ويبغى النظره الشرعيه بكره ..
ولاني انا ولي امرك جائي اقولك ..

قالهم بسرعه .. حكي كثير ملخبط .. فاقد لشجاعته وتماسكـه ..
وهي تناظره بعيونها السوداء الواسعـه ..وترمش ..
نظــره الم احتوتها قبل ماتلف عنـه ..

حاول يفكر بكلام مقنع اكثر لانه متاكـد انها بترفض رفض قاطع ..

سديم ناظرت بالمنديل اللي بداخله بقايا اكل .. وبالمنديل المعطر اللي مسح فيه ايده ..
وارهفت سمعهـا لصوت تنفسه الواضح.. وكانه مخنوق من الجـو ..
غرقة عيونهـا .. بس مسكت دموعها بسرعه واخذت نفس ..

لفت عليه بقوتها المصطنعه وابتسمت : آآممم ..أنت وش رايك ..؟!

ناظر بعيونها مستغرب : ها ..؟؟!!

رفعت سديم كتوفها الضعيفه ..: بمـا انك المسؤل عني على قولتك ؟؟
وعارف كل شـي ..
وش رايك ..؟؟!
أنا وحده تنفع لزواج ...
- عصبت –
انت بنفسك جاي تقووولي ..
تستهبــل حضرررررررررتك ..
- اختنق صوتها -
واالا انا اقبالك لعبـه وتتسلى فيها ..

رمت المنديلين على الارض : مـره ثااانيه لو تشوفني اغرق قدامك لاتساعدني ..
قرررررررف يقرف شكلك ..

ركضــت بسرعــه لفوق ..وهي تبكــي ..

بندر تنهد ..
ردت فعلها اقل من المتوقعه ..
انسانه عصبيـه ..
كبريت ولاي شراره يشتعـل ..
عنفها استحاله يخف لو اكبر الاستشارين النفسين عالجها ..

طلع جواله من جيبه ودق على هنـاء : هلااا عمتـي ..

سمع صوت هناء المرتبك : كووويس انك دقيت يابندر ..
عمك قال لي ..
بس اكيد انها مراح توافق ..

بندر تنهد : ليه ماتوافق بكيفها هي ..
موضوع مايرجع لهـا .. بتدخل لنظره الشرعيـه غصب عنهـا
والا أنا بتفاهم معها بطريقتي ..

.
//
.

صرخت بالسماعه وهي تمشي بغرفتها بانفعال ..: قهـــــرتي قهرني قهرني ..
على باله بكيفه يتحكم فيني ..
ليييه هو بنفسه يقولي .. مايحس ..
انا داريه انه قاصد يجرحني ..

العنود ناظرت بهاجر ماهي عارفه وش ترد .. هم متفقات مع بندر انهم يقنعوا سديم تتزوج هـذا ..بس العنود مستصعبه الوضع ..
هاجر اشرت لها تحمسها تتكلـم ..
فقالت بهدوء : سديم ليه معصبه شي طبيعي انك بتتزوجي وفي حد يخطبك..
بسم الله عليك انتي مزيونه والف من يتمناك ..

سديم ضحكة وهي تناظر شكلها عاكس على البلازما المطفى ..
اي مزيونه واي حلى .. وهي بهالشكل : ههههههههه ..
ضحكتيني وانا مالي خلق اضحك ..
اقول لايكثر ..

هاجر سحبت السماعه من العنود المتردد : اقووول سدوووم اانتي اللي لايكثر ..
اكيد ان اللي خطبك هذا عارف بكل شي مثل ماحكى لك بندر ..
والا ماكان صار واثق من الرجال لهالدرجه ..

سديم حكي هاجر عندها غير عن اللكل .. هي بنفس وضعها الاجتماعي مع اختلافات بسيطه ..
: هااجر من جدك ..
لااا .. لاتقولي لي بعد اوافق واطلع عنده ..

استغربت من هاجر اللي ردت ببساطه : آآآيوا ..
انتي هاللحين بنت طبيعيه مثلك مثلنا ولله الحمد..
وبعد احسن مننا قمر الله يحرسك ..
وامه داعي له هذا اللي خاطبك ..

سكتت تستوعب حكيهم ..
ليه اللكل ماخذ الامور ببساطه ..
مايحسوا انها قوويـه ..

ضاعت اكثر وهي تسمع تكملت حكي هاجر : انا وانتي واحد يا سديم ...
وانتي شايفتني متزوجه مبسوطه ومرتاحه ..
وبعدين انتي موتك البزارين تزوجي وتشطري وجيبيلك نونو ..
والله لاينسيك كل هموم الارض..

سديم جلست وهي تطرد شعور استسلام سيطر عليها : لاااا انا غيرك ..
انا وضعي مختلف ..

هاجر بواقعيه :ولااا هو مختلف ولا شي ..
الرجال عارف كل شي ..

تنرفزت سديم : عارف وعارف ..
من قالكم انه يعرف كل شي ..
هو بس عارف عن ..
عن ..
- خنقتها العبره -
عـ .. عن عبيدان ..
انااا وحده ماتنفع لزووووووووووواج ..
وحتى لودخلت عند والله لاخليه يهرب ..



ــــــ،،،،.ـــــــ,,,ــــــ ,,
ضيعت على سكة الحيره عناوين ..
ــــــ،،،،.ـــــــ,,,ــــــ ,,




..×..( و..،،.. الـ،،ـواو..،، .. مـ،،ـا نتـ،،ـهـ،،،ـت ..)..×..





لافه جسمها ببنطانيه ثقيله .. تدفي جسمها من البرد ..
ناظرت لنافذه كيف الثلج ينزل ..
ابيض صافي .. لونه يحسسها بالكفن والموت ..

قصرت على التلفزيون ورفعت جوالها من الطاوله ..
تدق على عائشه والا لا ..؟؟

محتاره تحاكيها وتطلب منها دراهم هاللحين ..والا تنتظر الموعد المحدد ..
رسوم الكليه تاخرت فيها عائشه كثير ..
مالها وجه تطلب منها ..

شهقت بخوف اول ماهتز جوالها بيدها " نغمة هتلر " ...
كانت مسرحه وافزعها ..

كشرت بوجهها اول ماقرت اسم المتصل ...(( جراح يتصل بك )) ..
اكيد داق يبغاها تتعشى معه ..

رمت الجوال على الطاوله بعصبيه : آآآآف مالي خلق اجامل ..
اليوم العصر كنت بخرب الدنيا ..

بعدت عنها البطانيه ومشت لعند الثلاجه وكانها بطه .. لابسه اكثر من بيجامه.. تحس ببرد فضيع : آآآوووه .. كاني داخل فريزر ..

فتحت الثلاجه ..ناظرتها فاضيه .. الا من علبة روب ومرتديلا ..
سكرتها بطفش ورجعت جلست على الكنبه ..
ضمت رجلينها لصدرها : آآآف جوعانه ..
وذا الاسبوع خسرت كثير ..
تعودت على دلع المطاعم شكلي ..

رفعت الجوال وضربته باظافيرها القصيره .. : دااام ان ذا الغبي رامي نفسه عليه ..
ليه ماستفيد منه اكثر ..
امممم ..احكي معه وا لا انتظر يدق ..
- حطت ايدهـا على بطنها - ..
اذا انتظرته بموت من الجوووع..ويمكن مايدق..
امم مكالكات لم يرد عليها مكالماات..ايوا جرااح ..

دقت وهي تعض شفتها ..اول مافتح معها الخط : مساء الخير ..

قالت بهدوء : هلاً ..

.
.



موقف بسيارته عند اخر الحي العربي .. مايقدر يدخل علشان سمعة رحاب على حد قولهـا ..

ناظر من النافذه لشارع .. وعيون تنتظرها بترقب ..
وعدته تتعشى معه ولما دق عليها ماردت فتوقع انها مراح ترد نهائي .. تعشى مع امـه ..وأخوه ..
بس لما دقت ماقدر يردهـا ..وهو واعدها ..

بلل شفايفه الجافه بلسانه وهو يفكر .. يقولها هو مين والا يسكت ..
من مصلحته يصارحها بحقيقته والا بيخسرهـا ..
يخسرها مثل ماخسر نوفـا .. بس هذي امريكيه يمكن عادي عندها ..
تراجع لان رحاب دايم تحكي عن عادات اهلها وتقاليدهم .. وعن اسم هم وعائلتهم ..

انتبه على دقات رحاب النافذه ..
بجاكيتها الابيض الفصير وتنورتها الطويله .. وابتسامه واسعه تنور وجهها الباهت ..

فتح قفل باب السياره ..وابتسم باعتذار ..: سوررري آن كنت سرحان شويه ..

رحاب حطت شنطتها بحضنهـا : هممم وين بتعشيني ..؟؟!!

جراح حرك سيارته وهو يناظرها بفضول : أنتي وين نفسك تتعشي ..

رحاب بلامبالاه : آآآي مكان ..

جراح يحس انه مبسوط اذا كانت معه رحاب .. الحياه تتلون بنظره مثل لون عيونها البحريه الصافيه ..: وش رايك بـ باستـا ساخنه ..؟!!

رحاب طلعت من شنطتها مرايه : اوكـ.. آي مكان ..
آممم صحيح قبل لانسى ..
-مدت له جوالها ..-
جوالي خرب ابغى واحد جديد .. او صلحه لي ..

اخذ الجوال وقلبه بايده باهتمام ..: خرب من ايش ..؟؟!!

رحاب ابتسمت ببشاشه وعيونها تبرق : بدون مادري حطيته بالكابتشينو ..

حط الجوال بجيب جاكيته .. وهو يفكر يشتري لها جوال جديد .. : نفسك بجهاز معين والا انا اختار لك ..

رحاب : براحتك ..
(( دامك انت اللي بتدفع كيفك ..
انا ماني بخسرانه شي ..
والا هي غديات وعشياتك معك ع الفاضي ..
ادفع ياجعل بليس بجهنم ..
جد جنس غذر لو اني زوجتك والا بنتك ماوصلني دولار منك ..))

.
.

بعد ماجلسوا بالمطعم الهـادي مره .. طلب باستـا وشوربه المشروم ..
وهو يناظر رحاب باهتمام ..وهي ماتناظره مثل العاده ..
: ماقلتيلي كيف الكليه معك ..

قالت بدون ماتناظره : عادي ماشيـه ..
قلبنت رحاب المنيو بين ايديهـا وعيونها تناظر باسعار الباستا وشوربه المشروم .. في اغلى منهـم بالمطعم .. هي حالفه انها تجفف دمه .. وتطلع ريحتـه ..
مابعد شاف شي ..من اللي منتظـره ..
اللي عاجبها ومساعدها .. واضح عليه ميت بدباديبها .. ولو تطلب النجوم جابهـا لها ..

جراح عكف ايد لصدره يناظرهـا ..
: آآها .. كويس ..
يله شدي حيلك علشان نتعامل معك بالبوتيك ..

رحاب ناظرته ووهي مستغربه بس تصنعت الهدوء : هههههه .. ابفكر ..

جراح : قدامك ثلاث سنوات تفكري فيها ..

رحاب رفعت كتوفها بلامبالاه : يمكن ..

جراح فكر بتردد شخصيتها ماتساعده يحكي لها .. دايم كذا بارده ولا مباليه .. بس تعجبه .. ويحترم اشياء كثيره فيهـا ..يحسها صادقه وقلبهـا مثل بياض بشرتهـا ..

مد جواله الفضي : هاللحين خذي جوالي لحد ماشتري لك واحد ..

رحاب ابتسمت بهدوء (( الفاااهي كيف حاكيته من شوي ... شكله مايدري ان عندي جوال ثاني ...))

دخلته بشنطتها : ثااانكس جراح ..

سكتوا لان وصل العشاء وحطه الوتر على الطاوله ...
ناظرته رحاب وريحته فتحـت شهيتها اكثر ..
رفعت ملعقتها وشوكتها لفت المكرونه بالشوكه وقبل لاترفعها لفمها حست بنظراته لهـا .. ماكان ياكل يناظرها مثل العاده ..

اكلت لقمه صغيره ثم حطت الشوكه والملعقه بدون نفس ..
ورجعت ظهرها للكرسي ..

جراح استغرب قال لها بسرعه : آآن وش فيك ماتكلي ..

رحاب تكتفت بدلع وهي مستمتعه : ماعجبني ..

جراح : آآآوه ماعجبك ..
طيب خذي من الشوربه ..

رحاب بكذب : ماحب الـ مشروم ..

جراح باهتمام : ليه ماحكيتي من اول ماطلبت ..
- رفع المنيو -
طيب اختاري لك شي ثاني ..

رحاب : مابغى من هنـا .. اكلهم فاشل ..

جراح ابتسم لها : الله يسامحك يوم اني سالتك ماقلتي شي ..
من وين نفسك ..؟!!

رحاب : مادري بس مو من هنـا ..

جراح : طيب في اكله معين نفسك فيهـا ..

رحاب : ابغى شغله خفيفه هذا ثقيل ..
ووو ..
ابغى سلطه ماهو بشوربه ...
ووو ..


و الواو مانتهـت ..



ــــــ،،،،.ـــــــ,,,ــــــ ,,
ضيعت على سكة الحيره عناوين ..
ــــــ،،،،.ـــــــ,,,ــــــ ,,


من بكــــــــره ..


..×..( مـ،،ـجـ،،ـرو،،ح..)..×..



:تتزووووووووووووووج ..؟؟!!
ليه ..؟
ومين ..؟!!
وانـا ..
كيييييييييييييييييييييييي ف تتززززززززززززوج وأأأأأأأأنـا ..؟؟!!


ناظرها ببرود وهو يقشر البرتقاله : انتي ..؟؟!!
لك وجه تحكين بعد..

بلعت ريقها وضمت يدينها لبعض : لاااا نايف قول انك تمزح ..
انت وعدتني ماتتخلى عني ..
و..
وساامـ..حتنـ......ني ...

اكل البرتقاله البارده باستمتاع : انا ماسامحتك انا مشيتها بمزاجي ..
وبعدين انا عند كلمتي مراح اتخلى عنك ..
انا بتزوج واعيش حيااتي ..
العمر قدامي وابغى لي ولد ..

حطت ايدها على صدرها ..: ووولد ...؟؟!!
ناايف من جدك ..
كذاا انا بنفضح واللكل بيعرف اني ..
أنـ..
أنـي ..
- بخيبه امل وطت صوتها - أن ربي ماهو بكـاتب لي احـ

نايف ابتسم لها بشماته : والله هذا حال الدنيا..
احمدي ربك ..
لو واحد غيري من زماااان مسرحك ..

وصايف وقفت بعصبيه : وعلى بالك برضى لك تتزوج غيري ..
ماهو بنا وصايف بنت ذيب اللي ترضى بضره ..

نايف قال وفمه مليان اكل : لانك بنت ذيب جالسه عندي هاللحين ..
اسمعيني يابنت عمي انا ساكت عنك علشان عمي بس ..
ولان عمي موافق اتزوج عليك فانتي مانتي هامتني ..

قالت باستغراب :ابوووي وافق ..؟؟!!

نايف ابتسم اكثر : آآيه ..
وامس راح خطبهـا مع الجماعه ..
وملكتي بكره ..
عندك اي اعتراض لمي اغراضك لبيت ابوك ..


وصايف قالت ببلاهه : ابووووي يخطب لزووجي ..
كذاااااب ..
ابوي مايسويها ...

سد حلقك مالكذابه الاانتي ..
عمي ذيب لما قلتله عن سواد وجهك حلف ان عليه مهري لعروستي الجديده "الله يحفظها لي يارب " .............بس ابوي رحمه ..

وصايف صرخت فيه وهي بتنفجر : والله ماتتركك تتهنى معها ..
والله ماترك لهـا ...
ومرااح اسكت لكم .. وابوي الشيبه هذااا اكيد خرف وانا اللي برجع له عقله ..
انتم تبووووووون تجننوني ..

طلعت وسكرت الباب باقوى ماعندها ..

نايف ناظر للباب وترك البرتقاله من ايده وابتسامته اختفت ..
: على بالك سهله ياوصايف اتزوج عليك ..
وعيالي من زوجه غيرك ...
لو تدرين من هي العروس كان من جد انجنيتي ..


ــــــ،،،،.ـــــــ,,,ــــــ ,,
ضيعت على سكة الحيره عناوين ..
ــــــ،،،،.ـــــــ,,,ــــــ ,,




..×..( أنـ،،،ـا ،، مجـ،،ـبو،،ره يـ،،ـايمـ،،ـه ...)..×..


" بداخل مستشفى الـ................ الحكومي .."

:أيش فيه ..؟؟!!
وش اللي حصل معك امس ...؟؟!!
يمممه حبيبتي قولي لي ..

فجر ناظرت بأمهـا والدموع معلقه بعيونهـا ..
واللي يحصل معها امس ماغاب عن بالهـا لحضه .. الحياءه بشعه ..
الواقع مـر وقاسي ..
تخيلت انها تخلصت من العذاب بس الظاهر انه لاحقهـا حتى بوسط اهلها ..
لو مادخل ابوها امس ..لو مانقذها من ايد اخونها كان وش وضعها ..

هزت راسها بالنفي وهي تشد على اسنانها وتناظر امهـا .. (( الحمدلله انك مانتي موجوده امس يمه .. الحمدلله انك ببيت عمي .. الحمدلله ابوي اللي سمعني ماهو بانتي ..))..

تنهدت بتعب وهي تمسك بايد فجر : احكي لي وش حصل معك ..؟؟!!
ليه اغمى عليك ..

حركت شفايفها بصعوبه والهم خانقها: لاتخافي ياخالتي ..
مافيه شي ..
بس الظاهر معي نقص تغذيه ..
الحمدلله ان عمي انتبه فيني ..

ام يعقوب ناظرت بخد فجر المجروح وعيونها المغرقه .. ماريحها جوابها .. ولا جواب زوجها .. فجر حصل معها شي بس محد راضي يحكي ..
: كم مره قلتلك كلي اكلك قليل بس انتي ماتسمعي ..؟؟!

فجر هزت راسها بدون ماترد ..
مراح تحكي بتسكت ..
امها ماهي بناقصه يكفي فراق ريوف ..وبعد عبدالمحسن هو سبب هم امها الدايم ماتبي تزيد عليها ..

مانتبهت ان امها راحت ورجعت الا لما قالت لها : فجوره عمك يبغى يتطمن عليك ..

فجر : أبـ...آآآ..عمـ ..... ـمـ.........ـي ..
لااا مابغى ..
مابغى اشوفه ..

ام يعقوب استغربت ..: ليه ..؟!!

(( هو االلي عمل فيك كذاا ..
استغفر الله من متى اشك بابو يعقوب..
يمكن صايدها بشي ..
ياارب استغفر الله البنت اخلااااق حسبي عليكم يامحيسن وسهاموه شككتوني بالبنت ..
اجل وش الحكاايا ..؟؟))

فجر بسرعه قالت بارتباك : فشله ..
استحي وانا جالسه بالسرير كذااا ...

ام يعقوب ابتسمت براحه ..من زن عيالها فوق راسها كانت بتظلم البنت ..
: لاتخافي ياايمه بيحاكيك من ورى الستاره ..
يابو يعقوب تعال ..

فجر من ربكتهاوخوفها غطت وجهها بالشرشف الابيض ..
ابتسمت امها على حركتهـا ..

.
.

واقف ورى الستاره البيضاء وهو شاد على قبضة ايده .. مقهور من ولده وعليه ..
كانت صدمة حياته انه يكون من هالنوع النذل الغدار ..ويخونهم ببيتهم ..طعن اللكل بظهره واستغفل البنت الامانه برقبتهم ...

لو انها مو بنت اصل ومتربيه كان قامت الدنيا وجلستها .. بس ونعم من رباها ماحكت حتى لام يعقوب شي ..

قال بحنان واسف لبنت بعمر بنته المفقوده.. : السلام عليكم ..
كيفك حالك هاللحين يابنتي ..؟؟!!

سمعت صوته سمعت صوت ابوها..
اول مره يحكي معها .. اول مره يحكي مععععععععها..
قال لها يابنتي ..

(( يبه ماني بخيييير ماني بخير ..
يبه حتى ببيتك بيدنسوا عرضي .. عرضك يبه ..
شرفك انهان ..
وبينهان دامي بنتك..))

نزلت دموعها وهي تجاوب بصوت مخنوق : الح.. الحمـ .. الحمد... للـ .. لله ..؟؟!!

ضغط على ايده اكثر وهو يسمع شهقاتها ..
تحسب على ولده وعلى نفسه اللي ربى واحد مثل كذا ..
: دووم انشاء الله ..
أم يعقوب الله لايهينك اتركينا شوي ..

ام يعقوب بدون اي نقاش ..طلعت لبرى..هي عارفه زوجها حكيم ..
: ابشر ..

بو يعقوب سكر الباب بعد زوجته وهو يتنهد : العذر والسموحه منك يابنتي ..
النذل انا بتفاهم معك ومايصير خاطرك الا طيب ..
سـ

قاطعته فجر بسرعه : لايااعمي لاتشيل همي .. حصل خير ..

بويعقوب : المره هذي سلامه المره الجائيه يمكن مالحقك ..
وانا عارف ولدي ماعرفت اربيه وماقدر عليه بعد ذاالعمر..
علشان كــذا..
-سكت شوي ياخذ نفس –
انتي مفروض ماتجلسي معنا بالبيت ..
كله شباب وماينفع ..

غطت وجهها بيدينها وهي تبكي بصوت مكتوم ..
شهقات وعبرات عاليه تكتمها بصدرها وتمنعها تطلع ..وين ترررروح ..؟!
لمين تلجأ .. ..؟؟!!
بعد ماحصلت اهلها يطردها ابـــوها ..
من لهـا غيرهم ..

لما طولت وماسمع لها رد بس صوت بكيها اللي تحاول تخنقه ..
مشاعر اب حط نفسه مكان اب البنت هذي ..
بنت ضايعه تايهه ..
: حنا دورنا على ابوك بجده كلها ماحصلناه ..
حتى بمستشفى الـ####.. ماله آثر ..
- كمل بحنان -
اهلي واللكل تعود عليك ونعم من رباك يابنتي ..
فأنا مالقيت حل الا ازوجك ولد اخوي ..
انتي عانيتي بحياتك ومحد بيصونك مثله ..
انا عارف انك ماتبين وهذاا من حقك ولا يحق لي او يحق لاي حد يسالك ..
بس لاني اب ..
وعندي بنات وانتي والله بمكان بنتي المرحومه .. اقولك تتزوجي بشر ..
لان لو حده من بنات لاقدر الله كانت بوضعك كان دعيت ربي انها تتزوج وينستر عليهـا ..


سكتت ..
لسانها بلعته مع دموعهـا ..

(( يبـــــه ..
أبـوي.. أنت ابوي ..
وانا بنتك ..
انا المرحومـه ..
انا لينـا ...
انت شلتني بس ماعرفتني ...
من قالك اني مابغى اتزوج ..
من قالك ان حلمي مثل حلم آآي بنت ..
بس انا ماينفع احلم انا موبنت ..
انا مابغى اي رجال بحياتي اللي شفتهم كافي ...

بس حكيك درر ..
تفكيرك يوزن بلد ..
انت بطلي يابوي .. انت غير الرجال بالعالم ..
انا احبك يايبه بس ببعد عنك ..
مابغى انزل راسك ..))

بو يعقوب ناظر لرجله ..
طولت ماردت عليه ..اكيد تفكر ..
: يابنتي خذي راحتك لاتستعجلي ..
فكري بهدوء هذا مستقبلك بس مابيدنا خيار ثاني ...
وصدقيني والله لو ماهو بشر اخو ريوف كان من زمان مزوجه لها ..
عن اذنك ..

نزلت الشرشف عن وجهه اول ماسمعت خطواته تبعد ..
وثواني بسيطه سمعت خطوات امهـا .. مارفعت راسها ضلت تناظر حضنها وهي تبكي ..
: بسم الله عليك يافجر وش جاءك ..؟!!

فجر : خالتي ..
انا موافقه على بشـ .. بششششر ..



ــــــ،،،،.ـــــــ,,,ــــــ ,,
ضيعت على سكة الحيره عناوين ..
ــــــ،،،،.ـــــــ,,,ــــــ ,,



..×..( زلـ،، ـه ..،،..لـ،،ـسـ،،،ــان..،، و..،،..لا زلـ،،ـة قـ‘،‘ ـلـ،،ـب )..×..



وقفت عند باب المجلس الداخلي وهي مبتسمه وفرحـانه من اللي تسمعـه ...
الحياءه يوم عن يوم تبتسم لهـا ..
:هـي الخسرانه والله والا في حد يرد ولدي ..
تحمد ربها اننا ناظرنا بخشتها ..
لا من حلاها الزايد ولااا من رشاقتها ..
ولااا من دراهم ابوهـا ...

الجده تنهدت : هماي قلتلك ماراح يعطوونها لمساعد ..
انا اعرف جدتها خزنـه وتفكيرها ..
بس انتي تجيبين الطلااايب والفشايل لعندك ..

تاففت نجلاء من ام زوجهـا الحنانه : خآآلتي ماني ناقصتك انتي بعد تتشمتي ..
تعبت وانا اخطب له والناس ترفض ..
كان محد دخل لسجن غيره ..

الجده بواقعيه : والله لو يخطب أسيل واحد مثله انتي ورجلك شتوه من الباب ..
بعدين انتي الله يهداك ماتخطبي له الا بنات مدلعات ملكعات عند اهلهم ..
اذا تبين خذي له على قد حالهـا ..

نجلاء تنرفزت : لاااا واجيب لي بلوى ثانيه ..
مانقصني هبال مطلق بعد ابلي مساعد ..
وهذي كرة الشحم انا اعلمها كيف ترد ولدي والله لاخذ له اللي تكسر راسها ..
ابخطب له بنت الـ؟؟؟؟؟.

دخلت شجن وهي تضحك بشماته :.. ولارااح يوافقون عليـه ..
الا اذا خطب رقاااصه ..هـذا حكي ثانـي ..


نجلاء : شرفتـي ياجعلي اشوفك عاجزه ..
كل ذاا بالمدرسه ..
بسرعه روحي للمطبخ جهزي لنـا شي نتغداء فيه ..
والا ببالك تاركتك هنا لسواد عيونك ..

شجن جلست وحركت النقاب على وجهها تبرده ...
وهي مطنشـه نجلاء ولا كـانها حكت معها : كيفك جدتي اليوم ..؟؟!!
كيف صحتك ..؟؟!!
اخذتي دوائك الصباح ..

الجده ابتسمت بحنان : الحمدلله يابيتي ..
أسيل عطتني اياه قبل لاتنام ..

نجلاء عصبت: انتـي ..
انا احكي معـك ..

شجن التفتت حولها : صحيح وينها اسيل اليوم ..؟؟!!
ليوانه لهاللحين نايمه ..

نجلاء عصبت اكثر : بنت شوارع ماتنلامي ..
حتى اللي اكبر منك ماتعرفي تحترميـه ..

شجن لفت على نجلاء : اسمعيني ياعجوز ابليس ..
دامك جالسه ببيتي تحترمي نفسك ..
وماتحتكي معي انتي بجهه وانا بجهه ..سامعه ..

نجلاء والشرار يتطاير من عيونها وفمهـا : بيتك ...
ياجعلي اوديك لقبرك قريب ..
بيت مين يابنت الـ؟؟؟...
هـذا بيت مساعد ولدي وانتي هنـا تخدمين فيه ..

شجن ابتسمت بخبث : لااا تقولين حكي ماتعرفين معناه ..
اسالي ولدك المعيوف من وين له هالدراهم ..
وهو طلع من السجن مابيده حق تاكسي ..

حست شجن ان ام مشاعد باي لحضه ممكن تنفجـر .. رفعـت اغراضهـا ..وطلعت نت المجلس .. راسها مصدع من البنات بالمدرسه وهاللحين هذي العجيز ..

غطت وجهها بالطرحه الثقيله اول ماشافت مساعد بوجهها .. بآخر الممر ..
كاانت بتمشي بدون ماتحكي شي بس لسانها يحكها لازم تذب عليه كلمه تسم جسمه ..
: هارد لك صدقني لو تخطب رقاصه ماتوافق عليك ...ههههههههه ..

مااناظرها صاد بوجهه عنها مثل العاده .. قالت بهدوء يرد على ضحكتهـا الاستفزازيه : قولك يعني حتى رقاصه ماملى عينهـا ..
وش رايك ببنت شوارع تهقي توافق ..مثلك يعني ...

عيونها صارت فناجين من وسعهـم .. : كـل تبن ..

مساعد كمل وهو ينزل شماغه ومعطيها ظهره : آآوه كيف نسيت انتي مايملى عينك الا واحد وضع مطلق ..
الفلوس هي اللي تجذبك هـا ..

شجن كملت مشي وهي مولعـه .. بس وقفت من جديد ..على تكملت حكيه : أنا سالت محامي ممتاز وقالي لانـا من حقنـا اول ماتدخل 7 سنوات ..
انا عمهـا واولى فيهـا دامك ام ماتملك بيت ودخلك يادوب يكفيك ..
مشكوره لانك ام مهمله بصراحه خدمتيني كثيـر ...ووضعك الخاص انك لقيطه بعد ساعدني كثير ..

لفت عليـه ناظرت بظهره العريض ولو بيدها تقطعه بالسكيـن ....
قالت وهي حاسه بخوف فضيع .. : وش قصدك ...؟؟!!

مساعد تنهد :آآآآه انتي ذكيه وتفهمين ..
- لف عليها فجاءه تراجعت لورى مع ان مسافه كبيره بينهم ..بس هي تنرعب منه وبالذات من الجرح اللي بخده يذكرهـا بموت مطلق ...لانه بنفس اليوم انجرح منها ..-
ليه خفتـي ...؟؟!!

قالت شجن بسرعه بطريقه دفاعيه : من قالك اني اخاف منـك ..
ولو انك رجال من صلب رجـال قرب من لانـا بنتي او فكر تاخذها منـي ..

ناظرها بغضب .. (( رجال من صلب رجـا بيعلمك كيف تحكين معـه ))
قال بجديه بصوته الخشن مـره : كانك تبين بنتك أمسكي لسانك العفن هـذا ..
ايوه ..
آآآ.. الرقاصه ماحتاجهـا دامك موجوده ..
- تحولت نظراته الجامده لخبث - ..
لك ساعتين واربع وثلاثين دقيقه تفكري وتردي علي .. يا انك تتزوجيني او تشيلي اغراضك من هنـا لشارع من غير بنتك ...
و لان سمعتك ماتساعد كثير .. اقدر اخلي السبع سنوات تصير سنتين علشان اخذ لانـا ..

تركهـا ومشى لجناحه مع جده .. وهو مصدوم من الحكي اللي طلع منـه ..
وش هالتهـور ..
كيف الكلمات طلعت من فمهـا هــــو ..
تتزوجينــــي ..

قالهـا من جد .. والا كـان بحلم ..
ناظر من حوله غرفتـه ..وحط ايده على راســه ..
وش هالــزله ..
اكيد من الجلسه بالشمس جائته ضربـت شمس ..وانجـن ..

فتح الباب بيطلع يتراجع عن اللي قالـه .. بس بوجهه امـه وجههـا مولـع نـار .. احمـــر .. ويحسـه بيدخن بعد شوي ..

آآمـــــــه ..

كيـف نسى امـه لما نطق بالجنون ...ونسى مطلق .. وكــــل العقبات اللي بينـه وبين شجــن ..
ليه سمـع لقلبـه وقف عقله .. لهدرجه ضعف لما ناظـرها ..

: وش هــــــــذا اللي سمعتـه من شوي ..
مساااااااااااعد انت انهبلت ..
والا تبغى تجيب اخرتـــــي ..

مساعد بهدوء : يمـه الله يهديك لاترفعين صوتك كـذا ..
انا ماني ورع قدامك ..

نجلاء حطت ايدها على راسهـا من المصيبـه : انا جالسه افكر كيف ارميها من هنـا ..
وانت مثل المهبول تقولهـا تزوجيني ..

مساعد ضغط على ايده بقوه ويحس الشريط ينعاد قدامه بس بطريقه مختلفه ..لما قالهم مطلق انه يبغى يتزوج شجن ...
شاف الدنيا قباله سوداء وحس ان اخوه مهبول .. وكانه مسحـور ..
بس هاللحين مساعد مكان مطلق يبغاها ... و هو اللي قتل اخوه علشان يرجعه لعقله انجن مثله ..
: يمـه انقرفت بحياتي في الثلاثين ومافي حد يرضى فينـي ..
انا ابغى اعف نفسي عن الحرام ..

ام مساعد ناظرته باستغراب : تاااخذ هذي ..
نسيت انهـا حرمتنا من مطلق ..الله لايسامحها ..

مساعد بدفـاع .. : هي مالها دخل مطلق اللي خطبهـا ..

ام مساعد مسكت راسهـا بيداتهـا الثنتين : آآآآآه هـذا اللي بيجيب اخرتـي ..
يارب ان وش عملت بحياتي تبليني بهالفاجره ..
سحرت هـذا ك وسحبته عندها وهاللحين الثانـي ..


.
//
.
دخلت لغرفتهـا وسكـرت الباب بقوه ...وهي تصرخ من القعـر : يخســـــى ويعقب ..
ياكل تبـــن أمـه وجدتـه وابوه ..
المنحط السـافل ..
مابقى الا هو بعــــد ..
والله موتـي ولااا اوافق عليـه ...
المـوت اللي هو المــوت ارحم لي ..
الحقيــــر ..
اكيد انه انجن يوم فكـر بهالغبـاء ..
اكيد ان ورائه بلاء والا الثعلب مايهرول عبـث ...
بس والله يامسيعـد والله ماهنيك واعدي لك اللي ببالـك ..

- صرحت بقهر -
آآآآآآآآآآآآآآآآآآآآآه...
الحقيـــــــــــــــــر ..

: مــاما من الحقير ..
عمو مساااعد صح ...

التفتت للانا اللي مانتبهت بوجودها اول مادخلت : وفي غيره وجه العنـز ..
قال ايش قال يابنتك ياتتزوجينـي ..
تخسى الا انت ..
لو اكبر محامي حكى ماخذتك وانا زوجـة مطلق ..
آآآه يالقهر ...
بقواة وجه ..- تقلده - تتزوجينـي ..
الزباله يوم انه مالقى تلقيه وجه جاء تتزوجيتني على باله عايفه حياتي ..
انا ابغى افهـم هذا كيييييييييييييييف يفكــــــر ..

رمشت بسرعه ورى بعض خوف من عصبيه وصراخ امها : بشويش ماااما اذوني ..
- تخصرت –
وش هو يعني تزوجيني .. يعني تعرسين عليـه ..

شجن تنرفزت اكثر من حكي لانـا : ياجعلـه يعرس على ست عفاريت..
وياجعل قبره يضمه قريـــب ..

ضلت بثورة غضبهـا لحد مامروا الساعتيـن والاربع وثلاثين دقيقـه ..
وتعــدوا لسبع ساعات .. ومادق عليهـا او حتى نادائهـا يسالهـا ...

مافكرت تفكر لو ثانيه توافق رفض نهائـي مايبغاله نقاش ..



ــــــ،،،،.ـــــــ,,,ــــــ ,,
ضيعت على سكة الحيره عناوين ..
ــــــ،،،،.ـــــــ,,,ــــــ ,,



..×..( ضيف برياء )..×..



صحت من النـوم ... ناظرت بالنـور القوي اللي على عينهـا ..
غطت وجهها بالبطانيــه وهي تبتسم (( أصبحنـا واصبح الملك لله ولا حول ولاقوة الا بالله )) ..

وقف عند راسهـا ورفع البطانبه عن وجهها : لهاللحين نايمه ..
وش ذااا الكسل اللي انتي فيه ..؟؟!!

حكت عينها بايدها وهي تتثاوب : يالله صباح خير ..
ليه معصب ..؟؟!!

رعد بعد ايدها عن عيونهـا : العصـر وانتي صباح عنك ..
قومي واتركي عنك الكسل ..

بشاير استغربت .. وش عنده مصحيهـا هو ..ومهتم انها متاخره بالنوم (( لايكون من جده بيحبسهـا بالغرفـه ))
قالت بهدوء وهي تعدل جلستها وتلم شعرهـا : رعد تعوذ من الشيطان ليه معصب كذا ..

جلس على السرير عند رجلها .. وعيونه تناظرها بحده : من هـذي شجـن ... ؟؟!!
من وين تعرفيهـا ..؟!!
ليه دخلتك للغرفـه وسكرتـوا الباب ..؟؟!!
وضحككم واصل لعندهـم ..

آآآيوا العقربه امه محشرتـه ...
رجعت تمددت بكسل وهي تقول بلامبالاه ..:عادي وحده اعرفهـا ..
ماشفتها من زمـان جلست معها من غير ازعاج اي حد ..

رعد بجديـه :آيوا تعرفيها من ويـن ..؟!!

بشاير رفعت حواجبها مستغربه .. : وليه مصمم تعرف ..
وحده اعرفهـا وخلاااص ..

رعد رمى عليها البطانيه : اجلسي كويس وحاكيني ..
من وين تعرفيهـا ..؟؟!!

بشاير عدلت جلستها و قالت بسرعه وهي مجهزه اجابه لسوال : كانت تدرس معي بالابتدائيه واولى متوسط ..وبس ...

رعد بجديه : لاتحكين معهـا مره ثانيه سامعه ..

بشاير استغربت اكثر : ليه ..
وش فيهـا شجن ..؟؟!!

رعد : انتي عارفه مين اهلهـا ..؟؟!!
من بنتـه ..من تكــون ,,
استغفر الله العظيم ..

بشاير سندت ظهرها على قاعدت السرير وهي تحس بضلوع صدرها تنقبض..
: وش قصدك ..؟؟!!

رعد : يعني دارسه معها و ماتعرفين انها بنت حرام ..استغفر الله ..
وسمعتها مثل وجههـا ..

بشاير تحس بضلوعها تضيق اكثر وتضغط على قلبهـا تقبضـه ..
اللي يحكي عن شجن يعني يحكي عنهـا هـي ..
قالت بدفاع وعيونهـا تغرق ..: واذا يتيمـه وكانت بالدار ..
عادي ..
البنت متربيه احسن تربيه ومارضى لك او اي حد يحكي عنهـا ..

استغرب رعد من عصبيتها وتاثرهـا شويه وتبكي : هاللحين لك سنين ماشافتيها وش يدريك ان سمعتها مو شينه ..
بعدين الاشكال هذي وصخه وماينفع تحكي معهـا ..

(( الوصخـه هذي عايشه معك ياولد الماما ..
كلكم كـذ1ااا .. ))

قرب رعد من عندهـا وعلى وجهه علامة استفهام : هههه ..ليه تبكيـن ..؟!!
انتي ماتعرفي الناس هذي كويس ..
اغلبهم مريضين نفسياً .. انا لما كنت اشتغل بشهار اغلب الحالات اللي تتحول لي منهم ..

مد ايده لوجهها بيمسح دموعها .. دفته بشاير عنها بقوه ...: ابعــد ..

نزلت من السرير اخذت عكازها للحمـام ..
تختلي بنفسهـا.. حتى رعد مثلهـم كلهـم .. الا يمكن هو اكثرهم تخلف ..
هو اللي يهمه برستيجه وشكله كيـف .. ولو يدري عنهـا بيرميهـا باقرب وقت ..وهي محتاجته هاللحين ..
ومحتاجه شجن اكثر ومن الاستحاله تتخلى عنهـا .. هي مستحيل تكون مثل اللي كـانوا يحتقروهم ..
هي مثلها مثل شجن لكـن مزوره ..

رعـد تكـرهه تكــرهه اكثر واحد من اللي تزوجتهـم .. لانها ارتبطت فيـه خلاااص ..

فتحت العلبه القزاز اللي عند مغسلة الحمام .. ورفعت المناشف الصغيره ..
طلعت علبه "التحليل المنزلي للحمل "..
نزلت دموعهـا اكثر .. تتمنى التحليل يكـون خطاء ..

لها ثلاث ايام تكذب وكل ماعملت طلع صح .. وماتبغى تروح للمستشفى ياكدوا لهـا ..

كيف تصير حامل ..
اخذت كل احتياطهـا ومع كذا حامل ...

كل اللي تزوجتهم ماغلطت الا بهـذا يصير الغلط ..

يكفي همها بعد تجيب لها هم بزر ..اكيد بيلعبوا فيه موييز وعزيز ..
والاكيد انها مستحيل تنزله لو اللكل اجتمع عليهـا .. هي ذاقت نار رمي الاهل واهمالهم ..
ذاقت يعني ايش يتنكروا الاهل لطفلهم ويحاولوا يتخلصوا منه باي طريقـه ..
بس بينظلم هـذا الطفل .. بيعيش الالم معهـا ..
يعيش الالم بس مايموت كل يوم بعيد عنهـا هذا شجن بنتها ماليه حياته ومعوضتها عن كل اللي كانت فاقدته ..
ومعطتها قوه ..
وهي بعد بمولدها بتكون مثل شجن قويه ..

دخلت العلبه البيضاء تحت المناشف بسرعه اول مافتح رعد الباب ..
: انهبلتي انتي تبكين بالحمـام ..
مشتهيه يدخل فيك شي ..
مايستاهل كل هالبكي وحده سمعتها شينه قلتلك لاتحاكينهـا ..

لفت عليه بشاير تدور لو رحمه بسيطه لشجن .. او بالاصح لوضعهـا ..
زادت بكي وهي تقول : طيب هي زوجة ولد خالتـك كيف تحكي عنهـا كذااا ..؟؟!!

رعد مسكها من ايدها يطلعها من الحمـام ..: بلى من السحر اللي عملت له ..

بشاير بدفاع : من قالك والله الخلل من خالتك القاسيه ماحنت على ولدهـا حتى لما مات ..

رعد سكر باب الحمام وتركها اول ماتاكد انها ماسكه عكازهـا : انتي اخر وحده تتكلمي عن الحنان ..
امك وابوك واختك لك اسبوعين مازرتيهم واذا جاءو لك ماتحكين معهم ..
محد قاسي غيرك ..

بشاير ضلت تبكي .. : مراااح اترك شجن ... هي صديقتي واغلى من اختي ..
انا واثقه فيها مثل ماني واثقه من نفسسسسسسسسسسي ..

رعد: قلتلك لاتحكين معها ..لاتعانديني تندمي ..

بشاير : اذا هي فيها شي انا فيني ..
متربين حنـا سووا ..

رعد : ومن قالك انك متربيه ..
خليني ساكـت احسن ..

طلع وتركهـا بنوبة بكيها اللي باين انها مراح تخلص ..

بشاير انقهرت وبكـت اكثر .. هذا ومادر من هي ويشكك بتربيتها كيف اذا درى ..


ــــــ،،،،.ـــــــ,,,ــــــ ,,
ضيعت على سكة الحيره عناوين ..
ــــــ،،،،.ـــــــ,,,ــــــ ,,




..×..( كـل مـا قـلـت ‘ الـصـبـر ، مـرسـى { الأمـانـي ...
| ضـمـّنـي | مـرسـى الـتـعـب مـن كـل / صـوب .. !
و كـل مـا قـلـت : الـسـمـا ،، زرقـا ‘‘ عـشـانـي
طـاحـت الـزرقـة عـلـى راسـي .. ذنـوب .... !)..×..


طلعت من الكليه وهي تناظر برسوماتهـا الفاشله .. اللي على قولة استاذها " استاء " منها ..

(( آآف ..
ذاا الاجانب يكبروا الموضوع على قل سنع ..كل شي بدقه ..
- ناظرت رسمتها بتركيز -
والل رسي وتصميمي حلو فيه تطور بالنسبه لقبل ..
مسكين بعد ماشافني وانا ارسم الورد ههههههه ..
هاللحين انا اللحجيه مع وجهه ..
اللون الاسود مع الزيتي يعجبني .. قال غامق مع غامق ماينفع .. زش علمه هـذا .. ..
انا ذوقي ردئ ..وماعرف تنسق .. والله من البسطات خربت علي ههههه ))

رفعت راسها على صوت بوري سياره ..
((آآوه جراح ..
شكله اليوم فاضي جائي ياخذني ..
الفقران يشتري لي سياره بدل هالمشاوير .. ))


أشر لهـا بيده وهو مبتسم .. ياحلو اللون الاخضر " العشبي " عليهـا .. يحب يشوفها لابسته .. بناسب للون عيونها ...
تمدد للجهه اليشار و مد ايده للباب وفتحه لها .. ثم رجع عدل جلسته ..

رحاب فتحت الباب .. ودخلت تدور الدفاء ..الثلج ينزل بكثره هذي الايام ..: كويس انك جيت بـرد ..

رفع كاسه ستار بوكس وهو يبتسم .. : الكابتشينو جاهز ..
تغديتـي ..؟؟!!

هزت راسها " لا " وهي تشرب بتلذذ ..

رفع جوالها .. اللي اعطته امس : آآن جوالك كويس ماخرب ... بس غيرت البطاريه ..

اخذته بسرعه : من جد ..
الحمدلله ..

ابتسم لفرحتهـا .. بس قال بخجل : وفيه رقم دق عليك كثير امس ..

فتحته بسرعه وهي تدعي ربها تكون عائشه ..
قالت بفرحه : مااااماااا عائشه...

دقت بسرعه من غير تردد او تفكير ..
ماصدقت تدق عليهـا .. اشتاقت لها قبل ماتهتم بالفلوس ...
: آلو ماما عاااائشه كيفك ..

..: ..............

تغير صوتها بدون نفس :رولاااا ..
وش تبين راده وين ماما عائشه ..؟؟!!

...:...............

صرخة بصدمـه / آآآآآآآآآآآآآآآآآآآآآآآآآ آآآيش ..؟؟؟؟؟!!!!!

رمت الجوال من ايده وغطت وجهها تبكـي ..
عائشه ماتت ..؟؟؟!!
ليه وكيف ..؟؟!!

ليــه تموت وتتركها ...
ليه تقسى عليهـا مثل ماقست عليها مزنه وتركاتها ..
ماصدقت لقتها تتركهـا ..

ليه تموت ليـــــه ...
كل اللي حولهـا يغيبوا من قدام عيونهـا ..

جراح سكر الجوال بعد ماعرف من وحده لبنانيه ان امها ماتت ..
لف عليهـا وهو ماهو عارف وش يسوي لهـا ..
نادها بهدوء .. : آآن ..

رحا ب بعدت ايدها عن وجهها وصارت تضرب خدودها وهي تبكي ..: يااااربي ليه ..
ياااارب خلااااص تعبت ارحمنـي ...
ياااارب من بقالي بعدها ابضيع من جديد ..
يارب بعد ماحصلتها تاخذها مني ليـــــــه ..؟؟!!

مسك يدينها يمنعهم يوصلوا لوجها .. : استغفر الله ياآآآن ..
انتي مسلمه ومومنه بقضاء الله وقدره ..
لاتجزعي وتقنطي من رحمة الله ..
قولي وراي استغر الله . . استغر الله ...

ارخت ايدها بعد ماكانت شادتهـا ...
قالت وفمها يرتجف : استغر الله ..
استغفـــــــر الله ..

جراح ارتاح انها تجاوبت معه بسهوله وكانها متعوده على المصايب : لااااا حول ولاقوه الا بالله ..

رددت وهي ترتجف اكثر وتقدم جسمها وترجعه وهي تون بالبكي : لااااا حول ولاقوه الا بالله ..


كمل وهو يشد ايدهـا : ان لله وان اليـــــــه راجعون ...

شهقت بالبكي ومزنه وام حمزه وتهاني وسديم وعائشه وفجر وحمزه وشجن وبشاير كلهم قدام عيونها .. كل اللي تحبهم وبعدوا عنها ..
: ان لله وان اليه راجعون ..


.
//
.

سالته بفجعه : يمه جراح من هـذي ..؟؟!!

جراح سكر الباب بعد ماتطمن ان رحاب متدفيه ..مسك ايد امه ومشى بعيد عن الغرفه وهو يقول بهمس ..: هذي آآآآآآآن ..

ناظرته بعصبيه : آآن ومن هذي آآن ..؟؟!!
- تغيرت نظرتها لالم -
يمه جراح انت عندك حركات ..

ضحك باستمتاع : ههههه .. هقوتك يمه تربيتك تطلع عنده هالحركات ..
هذي وحده اعرفها من فتره ....
ماتت امها ... ومن شوي خبروها ..
و المسكينه مصدومه ماقدرت اتركها بالشارع ولاااا اعرف وين شقتها ..؟؟!!

امه بشك : يعني ماتعرف وين شقتها ..

رفع حواجبه وهو يضحك : يممممه هههههههههه ...

امه بعصبيه : انا مادخل كفار لبيتي ..
اسالها عن بيتها وطلعها من هنا ..

حط ايده على كتف امه : آآوه الدلوعه زعلانه ..
يالغلاااا هذي مسلمه ...سعوديه ..

ام جراح : هنديه انا عندك ...
شقراء وملونه تقوولي سعوديه ..

باس خد امه وراسها : والله ان امها سعوديه اسمها عائشه الـ#### ..

امه شهقت : آآه من بنات الـ#### ..
ماهم بهذولاء كباريه ..

ابتسم لها بتودد يمتص غضبهـا : عليك نور ..
هي بنتهم امها متزوجه امريكي وجابتها .. واللي فهمته منها انه مات بحرب الخليج او شي مثل كذااا ..
وهي جايه لهنا تدرس ..

امه باحتقار بصوتها : لوحدهااا ..
واااضح على البنت فلتانه وماتربت .. طلعها من هنا بسرعه ..
انت وش دخلك فيها ماتخاف تركض وراك ...

ابتسم بحنان من خوف امه عليه : ماخبرك قاسيه يالغلا ..
اتركيها ترتاح شويه ثم بوديها لشقتها ..
ممكن هالحين يانور قلبي تعملي لها شوربه ساخنه تاكلها ..
وتصبريها شويه هي يتيمة الام والاب هاللحين ..

قالت كارهه وهي تمشي لتحت : علشان خاطرك بس...
وطلعها قبل لايجي ابوك ..

اشر على عيونه الثنتين : من عيونــــي ..

رجع لغرفته يتطمن عليهـا .. فتح الباب بشويش ..ناظرها جالسه على السرير ومغطيه وجهها بايدها تبكي ..
مايتخيل حياته من غير امه وابوه ..
كيف هي .. وهي البنت الوحيده ..



ــــــ،،،،.ـــــــ,,,ــــــ ,,
ضيعت على سكة الحيره عناوين ..
ــــــ،،،،.ـــــــ,,,ــــــ ,,



..×..( أستسلام ..)..×..


: ايييش ..
وافقت ..؟؟!!!
من قال ..

ابتسم وهو يجلس بجنب امه المستغربه : يعني بكذب يمه ..
تو دق عمي وقال واقفت .. والتحليل بكره لو نبي ..

ريم : غرررريبه ..؟؟!!

رنا : امس حنا عندهم قالت ماتبغى تتزوج نهائي ..

ريم بتفكير : يمكن لما تزوجت ريوف تحمست تتزوج ..

رنا : لاااا ياشيخه ..
قولي حست بالزهق وبالذات ان مابقى ببيت عمي الا محيسن ويعقوب ..

ريم قربت من اختها وقالت بهمس : ليه دايم اذا قلتي يعقووووب توطين صوتك ..
وووو..وجههك تغير لالوان الربيع ..

رنا دفتها : ضفي وجهك هذا اللي يعطي بزارين وجه ..

ناظر بشر بخواته وهو سرحان ..
شي غريب تغير رايها بين يوم وليله .. لااا وعمه يقول مستعجلين ..
معقوله كانت تحكي من جد .. تتنظر زواج ريوف ..
بس حس عمه متضايق مره وجهه تعبان ..

طلع من تفكيره على جلست نوف بجنبه : وعلى كيفها هذي متى ماتبغي توافق ومتى ماتبغى تقول ضفوا وجهكم ..
-شدت ايد اخوها بتملك - بشر ماهو بلعبه بيدهاا..
يممممه دقي على خالتي ام يعقوب وقولي لها تحتفظ بالبلوى عندها .. اخوي مايبغاها ..

ناظروها ريم ورنا بعصبيه ..
ريم : وانتي من اخذ رايك ..؟؟!!

رنا ..: حتى البزارين طلع لهم صوت ..
انطمي مابقى الا انتي بعد ..

نوف تنرفزت : انا ماحكيت معكم ..
- لفت ناظرت اخوها - بشررر من جدك بتوافق تاخذها ..

ابتسم لها بهدوء : آيوا ..
عطيت عمي كلمتي ..

نوف تاففت ولفت بوجهها عنه : آآف ..
صحيح انك ... .~~~~~~~~~~..

سكتت عن السبة اللي كانت بتقولها ..
ماتقدر تقولها له بوجهه كذا .. وبالذات انه فرحـان ..
: والله اذا اخذتها ماني بحاظره لاملكتك ولا زواجك ..
مطاااافيق على طول قالت ايه زمرتوا ورقصتوا ..

تركتهم وطلعت لغرفتهـا ..

رنـا ناظرت فيها وهي تطلع فوق : الحمدلله والشكر قلبها اسود ..
مادري على من طالعه ذا البنت ..

ريم بضحكه غبيه : على ابوي طبعاً هههههههههه ..

.
//
.

لبست عبايتها بعد ما رجعت ملابس المستشفى لهم ...

وهي تصفط ملابسها بالشنطه الصغيره ترتجف ..
رجلها تضرب ببعض من الخوف ..

(( من جدك وااافقتي ..يافجر ..
وبعدين ..
اذا سالك .....
اذا قرب منك ..
اذا حكى معك ..
وش بتعملي ..؟؟!!
اكيد انك انهبلتي .. وتدوري لنفسك الفضيحه ..
والله لو يدري عنك لاتكوني باقرب شارع ...
ياااااااااربي انا وش بليت نفسي فيـه ..

ياااااااارب خذ عمري قبل لاتزوجه ..
قبل لايجي اليوم اللي انفضح فيه ..
يارب استر علي ..
استــر علي ..
يارب خذ عمري .. يااارب اموت ولا انزل راس اهلي للارض ..))..




ــــــ،،،،.ـــــــ,,,ــــــ ,,
ضيعت على سكة الحيره عناوين ..
ــــــ،،،،.ـــــــ,,,ــــــ ,,

..×..( مـ،،ـبـ،،ـروكـ )..×..


ابتسمت وهي تناظر رهف تسحب الملابس من ايد هاجر ..وتقول بقهر : البنفسجي احلى عليها من البيج ..

العنود ابتسمت لرهف وغيرتها الواضحه على سديم : بس البنفسجي غامق مره وكئيب ..
الاخضر طيب وش رايك ..

رهف مدت البلوزه لسديم وهي تحتقر هاجر والعنود : انا اختهـا واعرف اللي يناسبها اكثر ..

هاجر معصبه من رهف .. دايم رافعه مناخيرها ودلوعه بزياده .. قالت لها بنفس اسلوبها الطفولي : وحنا صديقاتها ونعرف اللي يناسبها ..

رهف بعدت شعرها عن وجهها وهي تعوج فمها ماهو بعاجبها ..

سديم تنهد بضيقه : هاللحين انتم من جدكم ...
- اشرت على العنود - وانتي طفي الكاميرا من ايدك ..
مبسوطه مع وجهك تصورين ههههههه ..

العنود بخبث : ودي تيقي ماصور ..
هــذا حدث بتشهده الرياااااااض كلهـا ..

سديم : هه هه هه بايخه ..
اطفيها بس اطفيها ... وانتم من قالكم اني بلبس من اللي اخترتوه ...
انا بلبس – مدت بوزها بخجل – تنـ تنوره ..

شهقـوا ..

هاجر ابتسمت اوسع ماعندها : ..ياحركاااااااااات تنوره .. ؟؟!
ههههههه ..

العنود قربت الكاميرا عند وجه سديم المحمر: هذي اللي جد يبغالها تصوير ..هههههههه ..

بعدد الكاميرا الصغيره عن وجهها : ضفي وجهك ههههه ...

رهف انبسطت مره .. ركضت للغرفه الصغيره اللي بداخلها كل ملابس سديم وطلعت منه كل التنانير اللي كانت تشتريهم لهـا : يله اختــاري .. ؟؟!!

ناظرت فيهم سديم وهي تبتسم بخجل : ابغى وحده تحت ركبتي بالضبط ..

رهف : من عيوني ..
هذي مرره نايس وبتطلع حلوه عليك ..

سديم حكت شعرها : اممم ..
ممكن اطلب منكم طلب ..

كلهم مع بعض : اكيد ..

سديم شد اسنانها ..: مابغى ولا وحده تناظرني وانا لابستها ..

رهف : لااااا بليز سدومه ابغى اناظرك فيه ..

هاجر : لاااا والله ماهو بعلى كيفك ..

العنود ابتسمت بحنان لسديم وتركت الكاميرا على الطاوله وهي تصفق : يله ياحلوات نطلع نتعشى لانوتر البنت ..
قالت ماتبغى لاتحرجوها ..رهف مري من الجهه الثاني ..
الكاميرا شغالعه بتصورك ..


.
//
.


صرقع اصابيع ايده بتوتر وهو يبتسم لابوه المبسوط .. حاس بنظرات بندر الحاده له ...
لعن عبدالله بداخله الف مـره .. اللي رماه بهالمصيبه ..

وماهي باي مصيبه ..
سديـــــم ..
المدمنه .. المجنونه بنظره ...




تم بحمدلله وتوفيقه ..
و السلام عليكم

،،،،،،،،،،،،،،،

رد: ورود في مزبلة الواقع
 

الرواية جميلة جدا بس المشكلة انها مش كاملة

رد: ورود في مزبلة الواقع
 

روايه جميله المفروض تكمملها ليش كم سنه ماكملت

رد: ورود في مزبلة الواقع
 

مساعدو وشجن كلهم طيبين بس كل واحد يبي ينتقم لثاني بس أحلى ثنين يجننننننون 💑

رد: ورود في مزبلة الواقع
 

ياليت تكملها لان من جد روعه نفس أسلوبها برواية سعوديات في بريطانيا ياليت تكملها