|
الفرق بين الاولاد والبنات بعد العزيمه
الفرق بين البنات والشباب بعد الرجوع من العزيمة
البنت بعد الرجوع من العزيمة هي يوه فاتك نص عمرك.. توني جايه من العزيمة أختها وش حطوا؟ هي يو يو يو ، حطهم يجنن، ما فيه شي ماحطوه ، أول شي الشاهي، بيالاتهم تجنن مزخرفه ومسكاتها ذهبيه ، بعدين القاتوه مدري من فين جايبينه طعمه يجنن وحاطينه في صياني خربزيه وفيها نقط صغيره لونها أخضر ، والمكسرات تموت ، حاطين كل كسرة في كيس والا العشاء ياربيه يهبل(يستمر وصف الاكل ساعة ونصف) أختها جت نوف؟ هي ايه جت، يالله لبسها يجنن، لابسه فستان وردي مطرز بكرستال بني ، لبسها من جد ياخذ العقل أختها لايكون نفس الي لبسته قبل 5 سنوات؟ هي لا لا ذيك المره لابسه فستان أحمر مو وردي ولا كان فيه كرستالات اختها أجل شكلها لابسه فستان بنت عمها أريج لاني شايفه البس هذا عليها هي اي والله، يوه يخزياه، والله انه ماتستحي ؟ لا وأريج تدرين وش لابسه ؟ اليوم لابسه لبس يحوم الكبد، الظاهر انها شاريته من أبو ريالين أختها وجزمتها؟ هي ما أدري ماشفتها، تصدقين طول العزيمه وانا احاول اتشوف للجزمة كن ماقدرت، حتى اني يوم طفشت في الاخير ذبيت شنطتي تحت الكرسي حقها على بالي ما ادري ونزلت راسي اخذ الشنطة عشان اقدر اشوف الجزمة بس ماقدرت،الكلبة لبسها كان طويل مرة ومغطي رجولها اختها :اكيد جزمتها مثل لبسها يحوم الكبد .. هي دايم كذا ذوقها خايس ...طيب ومكياجها كيف كان؟ هي وع ، مكياجها مخليها اكبر من امها، تخيلي حاطة روج بني، الظاهر انه ديرما مو روج، والله المسكرة بعد يوه مالها داعي، ما ادري مين النذلة الي حاطه لها المكياج ، شكلها زوجة ابوها اختها طيب وتسريحة الشعر هي حقت مين؟ نوف والا اريج؟ اختها كلهم هي تسريحة نوف حلوة، حاطة شباصة فضية وبكلة وردية، ومشابك برونزية والشعر صابغته بلون كحكحي لكنه يهبل، اختها كحكحي؟ يعني ايش؟ اختها ماتعرفين الكحكحي يالقروية؟ هذا لون جديد للصبغات ، اذا شفتيه تجيك الكحه من زينه حتى سألتها وين مصلحه شعرها فيه ورفضت تعلمني النجسة، اما اريج تسريحة شعرها بايخة، شفتي تسريحة خدامتنا جيناتا وهي تغسل المواعين؟ نفسها بالضبط اختها على طاري الخدامة؟ خدامة اريج وش لابسه هي الخدامة لبسها عادي، لكن جزمتها خقاق ، تهبل ماكأنها جزمة خدامة، لونها اسود وعليها خيوط فسفورية اختها صدق والله؟ هذي مو جزمة اريج؟ هي الا والله؟ وانا اقول وين شفت ذا الجزمة فيه .. هذي جزمتها قبل عشرطعش سنة، اتذكرها شكلها عطتها الخدامة بدل ماتكبها في القمامة . ( ويستمر الحش إلى صلاة الفجر ) ------------ الولد بعد الرجوع من العزيمة هو السلام عليكم، توني جاي من العزيمة وترا كل الشباب يسلمون عليك انتهت المحادثة |
رد: الفرق بين الاولاد والبنات بعد العزيمه
|
رد: الفرق بين الاولاد والبنات بعد العزيمه
هههههههههههههههههههههههههههههه هههههههههههههههههههه
يسلموووووووووووووووو |
رد: الفرق بين الاولاد والبنات بعد العزيمه
والله كلامك كله في محله البنات فلحو بس في القيل والقال بس كل واحده الله يعينها علي نفسها عارفين ان النميمه حرام وماشيين عليها
استغفر الله العضيم اللهم لاتجعلني نتكلا علي خلايق لله قولي امين |
رد: الفرق بين الاولاد والبنات بعد العزيمه
هههههههههههههههههههههههههههه
هههههههههههههههههههههههههه |
| الساعة الآن توقيت السعودية الرياض و الدمام و القصيم و جدة 09:05 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.