انا صدري وطن هآلك من التغريب والقسوه
انا صدري وطن هآلك من التغريب والقسوه على يْدينك إذا فِعلاً تقول الدنيا ذي حلوه ........ أنا ما ظنّ غير إنّك تحاول تقتل أحزاني تعال و شوف بْعيونك بقايا خيبة الهقوه ........ تعال إسمع نحيب الحرف إذا وقّف على لْساني جيوش الآه بْضلوعي تشنّ سْيوفها غزوه ........ تهاليل الصبر خانت ورُمح الياس أدماني على كلّ الدروب اللي مشيت تْصيبني كبوه ........ وقفت و ما لقيت إلاّ يدّق الجرح بيباني معاني الضعف بأعماقي تزيد و تكبر الخطوه ........ بعيد إن قلت بسّ هانت بديت أوصل لـ عنواني أنا منهو وصل مثلي فـ إرهاقه إلى الذروه ..! ........ أنا من صارت هْمومي تضايقني فـ شرياني عجزت إنّي في ذا الدنيا ألاقي للأمل صحوه ........ متى بلقى و لو مرّه عطايا غير حرماني ..! تيّقنت بْردى وقت ٍ يحطّ أقداره بْـ عنوه ........ عيوني تشهد و دمعي يزيد ف ـقوة إيماني تحمّلت الألم لكن بديت أتعب من الصطوه ........ كثيف الكبت بي يمكن يوصّلني لـ طغياني عليم الله مجبوره أضيق وتجهش البكوه ........ غصب عني بديت أشكي بعد ما فاض كتماني على يْدينك إذا فعلاً تشوف الدنيا ذي حلوه ........ مع إنّي أدري بْجهدك لجل تنهي لي أحزاني |
رد: انا صدري وطن هآلك من التغريب والقسوه
يعطيكِ الف الف عافيه
موضوع رااائع وجهود أروع ننتظر مزيدكِ بشوووق |
الساعة الآن توقيت السعودية الرياض و الدمام و القصيم و جدة 09:40 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.