https://2.bp.blog/-zPG_Tt11gzo/TmVfpD...oovfo1_500.jpg

صَديقي الهارب المَنسي ،
بَكى كانون ...
يجيني وجهك القاسي ..
وانادي له :
أبيك شوّي طالعني ،
جدار البيت ، اشياءَك ، وهم عطرك ،
حضورك ، لهفة احبابك ، مطارك ..
شنطة وداعك ...
بنفس الصوت :
قالوا لي :
خلاص إنسي ... خلاص إنسي ..
رحل صوتي معاك وبعدْه غيابك هو غيابك !
رحل لوني معاك وشوفه ان كانَه مع ثيابك !
رحل عمري ، رحل صبري ،
رحلت ومدري ألقاني أو اني صرت اضيّعني ،
أنا اكتب .. لكن إقرآني ..
بـِ تعرفني !!
بـِ تفهمني ،
مُحال تشوفني [ صدفه ] !!
أجل وشلون ....... تنساني !
صديقي ..
طاحت اوراق انتظارك .. والأمل نآيم
مِن يصحّيه لو باكر طلَع نوره ،
مِن يقول لـِ غصن صدرك ،
هِنا تبكيك : عصفوره .،
مِنو باقي !
يواسيني على غيابك ،
يلملمني من أبوابك ..
يغطيني بـِ ( لا تخافي ) !
وافضفض له عن الموت و عن الشوق وعن الغيره ،
و اشوف بـِ صوته إلحافي ،
نسيت اقول لك ...
تدري :
ذبحني البرد ..
و يآ كَم هالشتّى قاسي ،
صَديقي الهارب المَنسي ،
بَكى كانون ...
و أنا مُو قادره أنسى ..
و أنا مُو قادره أقسى ..
تجي .. ترحم بُكا عيني ،
تواسيني !؟