ازياء - فساتين سهرة و مكياج و طبخ - عادة عربية غريبة ،،، تعالوا وشوفوا

::
::
::
::

إذا صار عندنا عرس بنزمر !!
إذا نجحلنا حدا بالتوجيهي بنزمر!!
قبل ما تفتح إشارة المرور بنزمر!!
وبعد ما تفتح إشارة المرور كمان بنزمر!!
على الدوار وفوق الجسر وعلى النزلة وبالطلعة بنزمر!!
إذا طول علينا الشرطي وهو موقفنا عشان نزكره بنزمر !!
أما إذا حدا كسر علينا بالغلط او بالقصد أكيـــيد بدنا بنزمر !!
أما يلي بتوقف سيارتو قدامنا عطلانه مو مشكلة بــنزمر !!
إذا طالعين من شارع فرعي لرئيسي بالليل او بالنهار بــنزمر !!
وإذا طالعين رحلة بدنا نغني واكيد لازم نزمر !!
وإذا عجبتنا بنت ماشيه بالشارع أووووووووه أجبآآآآري بــنزمر !!
وإذا شفنا ابو فلان بالشارع وحبينا نقلو مرحبا , مو حلوة لازم نزمر !!
ولو قرر واحد منا يخفف مشان يمرر أحد المشاة كل يلي وراه بـيزمّروا !!!
وطبعا إذا فاز المنتخب اكيد شي ضروري إنو نطلع نزمر !!

وفي هذه اللحظة وأنا بكتب بالبوست سامعة صوت زوامير

أكيد إنتو معي إنو هاي ظاهرة مش منيحة ومزعجة ؟؟

بس يلي بيحير إنو لما بترتفع اسعار الوقود والبنزين
ولما بتزيد الضرائب على هالمواطن وبتكتر
ولما بتزيد رواتب الكبار وبتبقى على حالها رواتب الصغار
ولما بيزيد معدل البطالة وبتلاقي الناس ملقحة بالشوارع
لا شغلة ولا عملة !!

العجيب انو فـــجأة بـيختفي صوتنا و ما بــنزمر !!!!!!