تورتة الفراولة سهلة ورخيصة
 

:0136:السلام عليكم ورحمة الله وبركاتة
انا عضوة جديدة بينكم واحب اشارككم بمواضيعى الجديدة المباشرة من مطبخى
انهاردة هنزل لكم تورتة جديدة وطريقة الكيكة الاسفنجية
[IMG]http://ube.azyya.com/uploads2/12041218034820.jpg[/img

[IMG]http://ube.azyya.com/uploads2/1204121808111.jpg[/IMG]


نيجى بقى للطريقة الاول التورتة
انا عملت كيكة اسفنجية
5 بيضات بدرجة حرارة الغرفة
كوب سكر ناعم
كوب ونص دقيق
معلقة محسن كيك ( بيكون شبة الفازلين )
فانيليا
بيكنج بودر
الاول نضرب البيض والفانيليا ومحسن الكيك بالمضرب لحد ما يبيض ويكون زى الكريمة
وبعدين نضيف السكر ونضرب تانى كويس قوى كل ما تضربى الخليط بيتحن اكتر ويبيض
وبعدين ضيفى الدقيق شوية شوية واضربى بالمضرب عادى وفى الاخر البيكنج بودر
وحطيهم فى صينية مدهونة زيت ومرشوشة بالدقيق والخطوة دى بتخلى الكيك يطلع من الصينية بكل سهولة لما تقلبيها بصراحة انا اول مرة اجربها وزهلت لانى قبل كدة كنت بدهن الصينية سمنة والكيك بيكون لازق فى الصينية
ولما تستوى سبيها تبرد خالص انا عشان كنت مستعجلة سبتها تهوى شوية ودخلتهاالثلاجة عشان تبرد بسرعة ولما بردت خالص قسمتها نصين وفردت عليها كمية كريم شانتية ورصيت عليها طبقة من الفراولة متقطعة ترانشات وحطيت عليهاالنص التانى وغطيتها كلها بالكريمة وتزوقتها زى ما انتوا شايفين

طريقة الكريمة بقى
انا حطيت الكريمة فى طبق وحطيت لها مية مثلجة بس بحط بالمعلقة عشان متاخدش مية كتير وتطلع متماسكة وفعلا اول مرة تطلع معايا متماسكة جدا وضفت لها السكر الناعم فى الاخر وفضلت اضرب فيها لما قطعت نفسها وشلتها فى الفريزر لحد ماالكيكة خلصت طلعتها وزوقت بيها
ياريت تكون عجبتكم ومعلش انى مصورتش الخطوات

مع تحياتى
الريحانه ماى واى

رد: تورتة الفراولة سهلة ورخيصة
 

لا بجد ردود تفرح
اية المنتدى الفاضى دة
كل دى مشاهدات ومفيش ولا رد واحد