ازياء - فساتين سهرة و مكياج و طبخ - اسهل طريقة لعمل حمام مغربي

السلام عليكم

طبعا كلنا بنحب الحمام المغربي لانه بيرطب البشرة ويفتحها بس هو عيبه ان منقدرش نعمله كل يوم

انا جربت اعمل الحمام المغربي لوشي بس والنتيجة روعة

المطلوب منك تحضري الاتي

صابونة النابلسي شاهين

صابونة أصالة (الصابون المغربي)

طمي مغربي

ميه ورد

1ليمونه

نيجي بقي للطريقة

لو عندك جهاز بخار يبقي تمام لو معندكيش تحطي حلة صغيرة وتمليها ميه وتغطيها علي البوتجاز وتسبيها علي نار هادية

هتروحي زي الشاطرة علي الحمام وتغسلي وشك بصابونة النابلسي وتشطفي وشك

وبعدين تاخدي شوية من الصابون المغربي وتعصري عليه الليمونة وتفردي علي وشك

وبعدين تاخدي حبة من الطمي المغربي وتفردي علي وشك

وتسيبي الخلطة دي لمدة ربع ساعة

خلاص عدت الربع ساعة ارجعي بقي للمطبخ زمان المية بقت فايرة اوعي تطفي عليها خلي البوتجاز شغال علي الميه وضيفي شويه ميه ورد وبعد كده عرضي وشك للبخار علي اد ماتستحملي بس اهم حاجة لفي شعرك بحاجة عشان بسمع ان البخار مضر للشعر

بعد ماتحسي ان وشك اتعرض للبخار كويس اوي اغسلي وشك بميه دافية مش سخنه

ونشفي وشك وهاتي قطنه وبليها من ميه الورد وادهني وشك .