ازياء - فساتين سهرة و مكياج و طبخ - بنات مشاااااان الله ساعدوني اكسبوا فيني اجر

- اسرار البنات مشاكل وحلول (https://fashion.azyya.com/113)

بنات مشاااااان الله ساعدوني اكسبوا فيني اجر

السلام عليكم ورحمة الله وبركاته

كيفكم بنات

كيف صحتكم ان شاء الله تكونوا بتمام الصحة والعافية

صبايا رح فوت بالموضوع مبااااشرة

بنات انا هلا عم اكتبلكم وانا كتير خجلانة من حالي وخجلانة كتير كمان والصراحة ترددت لما كان بدي اكتب الموضوع بس قلت خلاص عادي رح اكتب المشكلة واذا كان فيكم خير تساعدوني بارك الله فيكم
واذا قراتوا الموضوع وطنشتوا فمالي غير ربي سبحانه وماشاء الله انا متاكدة انو رح تكون عدد المشاهدات اكتر من الردود

المهم انا بنات بعاني من مشكلة وهي((( العادة السرية))) والصراحة من زمااااان بعملها ولسا ما بطلتها
من وانا كبيرة وللان وانا هلا عمري 18 سنة وربي يشهد علي اني رايدة اخلص منها باي وسيلة كانت
والله يابنات كل ما اعملها وبخلص بندم كتير وبخاف من عقاب ربي لالي

فرجااااااااااااء الي عندها طريقة او نصيحة مااااا تبخل علي فيها وانا ما كتبت الموضوع الا لاني على يقين فيكم وبمساعدتكم فيي لانكم ال الخير والنصيحة واذا ما قدرتوا تحلوا لي مشكلتي فارجوكم بالدعاء لي وانو الله يهديني

(( للتنويه: انا كنت بصلي لفترة بعدين قطعتها ما بعرف اتمر واواظب عالصلاة ما بعرف ليش))

يلا يا بنات بيضولي وجهي ولا تخجلوني املي في الله ثم فيكم انتم

وانا اللي كنت احللكم مشاكلكم وبدخل كل يوم على هالقسم وبدور على مشكلة كل بنت وبحاول قد ما بقدر اني بساعدها وما ابخل عليها اجا دوركم انتم هلا تساعدوني وتكسبوا فيني اجر بلكي الله بيهديني على ايدكم انتم

فرجاء بنات لا تقرؤوا الموضوع وتطلعوا حتى لو ما عندك حل اكتبولوا الله يهديكي او الله يوفقك او او او او

ما بدي شوووف المشاهدااااات كتيييييييييييييييرة وبس ردين او تلاتة

اسفة لاني طولت عليكم

بحمى الرحمن

رد: بنات مشاااااان الله ساعدوني اكسبوا فيني اجر

حبيبة قلبي هالمشكلة صايرين كتار عم بعانو منها وللاسف هالعادة السيئة صعب التخلص منها بس مو مستحيل بس بدها صبر وقوة ارادة ، انت بتقولي انك مو قادرة تداومي عالصلاة بتعرفي ليش ؟ لانك بتعصي رب العالمين بأحرم الحرام
وهاد الشي عقابو مو سهل عند رب العالمين وعلى فكرة هاد نوع من انواع الزنا
انا ما بعرف اذا انت متزوجة او لا بس لو ما كنت متزوجة ارحمي نفسك وخافي على عفتك ، ولازم تعرفي انو هالعادة سيئة بكل المقاييس سواء على صحتك أو على مستقبلك أو حتى حالتك الاجتماعية
حبيبتي أول شي استعيني برب العالمين وادعي بحرارة ويقين صادق انو يتوب عنك من هالعادة تاني شي جاهدي نفسك حتى تحافظي على صلاتك وأورادك وحاولي تستمري
الغي من حياتك كل المسببات الي بتذكرك بهالعادة او بتحرضك عليها متل مشاهد معينة أو قصص أو اي شي تاني
وبعدين لازم تقوي صلاتك الاجتماعية وتبقي دائما مع ناس يعني ما تبقي لحالك ابدا ولا تعطي لنفسك الفرصة انك تختلي بنفسك حتى لو حسيت انك بامس الحاجة لهالعادة لا تعمليها
آخر شي حبيبتي دائما حطي نصب عيونك انو هاد الشي حراااااااااااااااااااام حرام وما بتحبي انو رب العالمين يقبض روحك وانت بتمارسي هالعادة صح ولا لأ؟
وإذا في عندك شي أنا بالخدمة وطمنيني عنك

رد: بنات مشاااااان الله ساعدوني اكسبوا فيني اجر

اي والله جزااااااااااااااااااااااااااكي الله خيرا وجعل كل حرف كتبتي بميزان حسناتك رفعتيلي معنوياتي كتييييييييير مشان اتخلص من هالعادة الزفت
لا لا لا لا لا لا ماااااااااااااااااااااا بدي الله يقبض روحي وانا بعملها اقسم بالله يا اختي كل ما اعملها بتخيل حالي ميتة وانا بعملها شو بتكون ردة فعل اهلي يا سواد وجهم والله

مشاااااان الله يا بناااااات سااعدوني محتاجتكم كتيييييييييييييييييير لا تتركوني وانا بامس الحاجة لردودكم

وجزاااااااااااااكي الله خرا حبيبتي على ردك الحلو متلك والمتواضع

بس يعني وين خطوات التخلص منها وين قوليلي؟

رد: بنات مشاااااان الله ساعدوني اكسبوا فيني اجر

حبيبتي انا قلتلك شو تعملي لو رجعتي قريتي ردي حتلاقي الخطوات
بس اهم شي تقوي صلتك بربك وما تبقي دايما مع الناس يعني ما تبقي لحالك مشان ما يحثك على هالعادة
موفقة يا قلبي