|
رد: رواية خنقت الورد يا يمه وبيديني انكسر ذبلان
>>الجزء السابع عشر
كل الطرق تؤدي إلى روما ..0..الحزن..0.. هو أن أسكن مدينة الأحلام،، وأبني قصور الهيام،، ثم مع مضي الأيام،، أستيقظ على أنين الأوهام،،، ....!ّ لولا الهوى ما ذل في الأرض عاشق ولكن عزيز العاشقين ذليل ....!ّ اجتمعنا كلنا على طاولة الفطور بس باقي بسام عمره طويل هذا هو نازل من الدرج كان لابس بنلطون أسود وبلوزة حمرا لابقه على لونه شكله توه متروش نزلت عيوني بارتباك وأنا اتذكر الأحداث الجديدة اللي صارت قلبي كان يرقع لدرجة إني ما قدرت أرفع كاس العصير وتركته واللي زاد الطين بله همس للين بإذنها قامت وخلته يجلس مكانها قدامي يا ربيي لو إنها تاله كان ما رضت تعجبني بعنادها مد الكاس لتاله صباح الخير الكل صباح النور صبت له من الحليب شرب منه شوي وهو يناظرني انشغلت بالسجق الايطالي اقطعه ما علي منه راكان بشبه عصبية نطق متقصد مشاء الله سيد بسام كان ما قمت من غرفتي تاركني أنام بالصالة بعز البرد بسام من طرف عينه ببرود لا تكذب ما نمت بغرفتك أمس وقفت اللقمة بحلقي مو راضيه تنزل لا لا تكمل أرجوك ما استوعب اللي قاله وراكان مسكها قال وهو يغمز لي بالله وين نمت أجل يا بعدي بسام طالعني لاحظ وجهي كيف محمر حسيته رحمني مالك دخل وفجأة كلهم ضحكوا ما عدا أنا وبسام وكرهت هالاشتراك بينا أنا منحرجة وهو ما أدري بإيش يفكر غامض هالانسان ما أعرف أي تفاصيل لمشاعره خالتي يلدا تهاوشه راكان كل وإنت ساكت ورآك مدرسة راكان وقف الحمد لله يللا آرفيدرتشي قرب مني وهمس وهو ياخذ جاكيته شرايك فيني أحرجته صح؟؟ ما رديت عليه وناظرته بنظرة خلته يبلع ريقه بتمثيل ويعتذر سكوزا لتين أنـ... بسام بحزم راكان اترك البنت بحالها وروح لمدرستك قال أحرجته قال وأنا ما حسبت حساب لمشاعري ابتسم وهو خارج حسيت إنه من جد تحسف لفيت عنه وكملت عصيري اللي مو راضي يخلص مدري أنا شبعانة وإلا هو كثير...! فتحت عيوني على صوت رجولي نسيته من فتره ابتسمت : رب رب ما بتقومين رصيت على عيوني شكثر أحب دلعي من أعز الناس لتين وأمي فتحتها بشويش وبصوت ثقيل لا تناديني بهالاسم ابتسم وهو ماسك كرتون بيده ليه؟؟ بس كذا ما أحبه يذكرني بلتين وبأمي حسيته تحبط اوكيه قومي بس أنا بناديك فيه متعود عليه ضحكت من غير نفس على راحتك مسك يدي وقومني اعتدلت بجلستي ع السرير شعندك مصحيني من الصبح وتوي انتبه ع اللي بيده شهذا؟ ماجد صباح الخير اخيرا انتبهتي جايب لك معصوب ربى بإحباط نعم ماجد ضحك على شكلها شفيك؟ ربى بعدت الفراش وقامت مابي ما أحبه استغفر الله الله يكرم النعمه دخلت الحمام غسلت وجهي وفرشت أسناني طلعت لقيته جالس على مكتبي وبيد ماسك الملعقة وبيد العلبة وياكل ابتسمت على شكله كأنه طفل عمره 10 سنوات بادلني الابتسامة ما غيرتي رأيك بعدت شعري عن عيوني وأنا أقاوم حومة كبدي لا هههههههههههههههه طيب انزلي الفطور جاهز أبوي وليلى تحت استغربت ليلى حاف ناظرني بهدوء والملعقة واقفه قدام وجهه ايه ليلى حاف اكبر مني ب3 سنوات ومرة أبوي مو أكثر ولا أقل حسيت فيه ما تقبلها لسى للحين ماجد فاقد أمي كان يموت فيها طردت الأفكار من راسي حتى ما أبكي طيب يللا ننزل قام وخرج من الغرفة تحسرت لأني قلبت مواجعه بس مصيره يتقبلها مثل ما أنا حبيتها!! غمض عيونه بانزعاج من النور القوي اللي صدمه جاه صوت فيصل المبسوط وافي قم الساعة عدت العشر وإنت نايم عدل جلسته بضيق يووووه شفيك؟؟ ناظر الساعة كانت عشر ونص راح موعد الإكسرسايز حقي فيصل ابتسم وهو يفتح ستاير الغرفة ودخل نور الشمس ومنظر الموج الأزرق الصافي يفتح النفس على بالي شي وافي قام وهو يرتب اللحاف ليه هذا مو شي؟؟ فيصل يناظر الشورت بازدراء خله الحين يجون الخدم يرتبونه هز راسه بإحراج لا أحب ارتب أشيائي بنفسي فيصل مشاء الله عليك ابتسم وهو يتثاوب فطرت أنت وطلال طلال الدب فطر قالك ما قدرت أسد جوعي إلا بالسفرة اللي حطوها وافي بهدوء هههههههه وإنت فيصل بابتسامة أنتظرك وهو يسحب منشفته ابتسم بود اوكيه الله يعطيك العافيه ربع ساعة وجاييك خرج وتركه يتمتع بحمامه الدافي كانت لابسه بنطلون جينز فاتح وبلوزة بلا أكمام سوده وشعرها رافعته ذيل حصان باهمال والترانج كوت حاطته ع الكنب تنتظر تاله رايحين للكوافيره لين قاعده تشرف ع الخدم اليوم بتجيهم وسن بنت طيبه بعد اللي صار قدامها بالحديقة مع بسام اتصلت على لين وما سكرت الا لما سمعت صوتها وتطمنت إنها بخير ابتسمت وهي تتذكر ربى قد ايش وحشتها هالبنت فجأة خطرت ببالها فكرة توترت لما فكرت كيف بتنفذها ومسرع ما طلعت لتين على حقيقتها لما تبغا الشي تسويه وبطريقتها الخاصة بس إن شاء الله هالمرة ما يوقف بطريقها شي خاصة إنها لأول مره تجرب تتعامل مع جنس ذكوري ولا بصفته ايشـ/زوجها ارتبكت شكثر الكلمة قويه وصداها أقوى،، طالعت بنفسها بالمرايا عاديه هذا وصفها لنفسها دايما مشت باتجاه غرفة راكان ورجولها تخطي وترجع وبطريقها كانت غرفة تاله مفتوحة دخلت أخذت وحده من عطورتها سبحت نفسها فيه وخرجت ولا انتبهت لها تاله اللي كانت لاهية بدواليبها تطلع حجاب مناسب مع الترانج كوت غريبة هالبنت اللي يشوف شكلها وأناقتها ما يفكر أبدا إنه هذي شخصيتها المايلة للرجة وصلت للممر غمضت عيونها وهي ماسكة مقبض الباب 123 زفرت بتوتر رجعت على ورى بفجعة لما انفتح الباب طالعها متفاجأ وشكله كان لابس بيخرج رمشت بتوتر وهي تفرك يدينها ببعض أنا......اممم ترك الباب وقرب لها بعدت على ورى بسرعة كنت بقولك شي لمحت شبه ابتسامة منه ومال لداخل تفضلي هاااا أنا أدخل غرفته ؟؟!! ما وعيت إلا وهو ساحبني من يدي مدخلني جلسني وجلس قبالي تفضلي شتبين؟ رجعت شعري ورى إذني واستحيت من نظراته احمم كنت بقولك... بهدوء ونظراته للحين تتفحصني نانا شي ناقصك مو مرتاحة تبين شي؟؟ حمر وجهي وتلعثمت معد أقدر اتكلم ونانا بعد يدلعني ناوي علي شكله من غير شي بديت أفلت نفسي وأتبع هواي!! هوا يا عالم أبي هوا ما في أكسجين انعدم من الغرفة وقف وكأنه جاي لي وقفت بسرعة معاه وعقلي اشتغل بسرعة ما في إلا هالفرصة إذا تبين تكلمين ربى قربت منه وبدلع زين بقول ناظرني حسيت إنه تورط ههههههههههه صرت قباله بالضبط حسيت إنه جسمي يولع من الحيا والدنيا كلها صارت حمرا بس بسوي اللي ابيه بسوي كفاية ساكته عن حقوقي اممم بسام حبيبي؟؟ فتح عيونه بصدمة وبهمس آمري ابتسمت بخبث مديت يدي للفحته وقعدت أحركها وأنا أناظر تحت لأني بموت بين لحظة وثانية أبي أكلم ربى!! :............................. ..... لثواني حسيتها ساعات ما رد وش موقفي لو ما وافق حسيت إني حقيرة ولما ما رد رفعت عيني ببطأ أناظرة شفته سرحان يناظرني احممم تركت اللفحة وبعدت شوي وبصوت مبحوح هاا شقلت؟؟ وإللي ما تدريه يا لتين إذا إنتي خبيثة فبسام أخبث بأضعاف؟!؟! لف عنها رمى نفسه ع الكنبة براحة وقال ببرود بشرط لتين بترقب وشو؟؟ أشر على خده بهدوء لتين ما استوعبت ايش؟؟ رجع أشر على خده تبوســـــــــيني رمشت كم مره قام لعندها بحركة فاجأتها وأرعبتها وش ناوي عليه هذا؟؟ حسيت إنه غطى النور عني وصرت صغيييرة بالنسبة لجسمه همس وهو يلمس رمش عيني برقة هذي لا عاد تكرريها؟؟ :وش هي الحركة اللي تو سويتيها ودايم تسوينها لا توترتِ وابتسم بخبث يعني يدري فيني متوترة قلت استعبط أبعد الاحراج اللي اجتاحني ليه؟؟ ما أقولكم بعض الأحيان عقلي يوقف!! نزل لمستواي وباس خدي بهدوء وبرقة اعدمت وجودي بس... لأنها توترني معاك لا إراديا رجعت سويتها حركة وتعودت عليها إذني انحرقت وبنفس الهمس ما قلت لك لا تسوينها وبارتباك بعدت عنه مما مقدر متعودة دخل يدينه بجيوبه وهو يناظرني تنفست الصعداء لما دق الباب وانفتح لفيت عطيته ظهري كانت الخادمة : سنيوري بسام السيارة جاهزة هز راسه باوكيه خرجت وقفلت الباب وراها حسيت بشي ع ظهري تشنجت لفني بقوة بسام وهو معقد حواجبه وش هذا اللي بظهرك؟؟ خفت وعيوني غرقت توقعت حشرة وإلا شي رجع يسأل من بين أسنانه ونبرة صوته احتدت وش هذا اللي بظهرك؟؟ قلت ودموعي نزلت من الخوف وش هو تكلم؟؟ مسكني من كتوفي ولفني ع المرايا الطويلة بعد شعري ناظري وش هذا مين مسوي فيك كذا؟؟ غطيت وجهي بيديني الثنتين ناسيه ناسيه!! نسيت لأنه الألم راح لكن ألمها النفسي للحين بقلبي قلت بين بكاي لما حسيته بينجن من نظرته لو ما تكلمت وبصوت متقطع آثار سجني زادت تعقيدة حواجبه وسمعته يهمس لييه؟؟ رجع شعره على ورى بعصبيه وهو يدف الكرسي ويجلس ع السرير بعصبيه ويكلم نفسه ليييه يا ربي ليه وش اللي يصير؟؟ مسحت دموعي بخوف من شكله حسيته قدام شي كبير هو ضعيف قدامه بس وش الشي اللي يضعف قدامه بسام اللي ما يهزه شي كانت تناظره مو منتبها على نفسها هالة النور بملامحها الجريئة محمره تفاصيلها لانت بفعل الدموع اللي مغرقة عيونها العسلية الصافية وكله ولا نظرة عيونها لوحة فنان غرقان بحزنه ينسج ملامح محبوبته الفاتنة الخبيثة وبكل هذا تجمع براءة طفل ما عاش طفولته ولا تهنى بها حست بدفا يلف جسمها كله والسببـ...حضن بسام اللي لمها بحنان ما انتبهت إلا وهي غارقة فيه تشبثت فيه وهي تبكي بصمت إنت ليه تسوي فيني كذا أنا ما أستاهل كل اللي يصير لي حرام عليك ما رد رص يدينه عليها شهقت بدموعها بسام دخيلك قولي ليش متزوجني؟! بعدها عنه بهدوء مثل ما أخذها وقرب وجهه منها لا تسألي عن أشياء أحسن لك ولي ما تعرفينها ضربته على صدره برجا وضعف خانها طيب أنا أتعذب بسببك دفها برقة ع الكنبة خلاها تستريح فيها ركع قدامها وبان طوله قدام قصرها وبصوت غريب ما فهمته لا يغرك ترا كلنا بالهوا سوا وبيده مسح دمعتها وموضوع ربى نتكلم فيه بس رجعت الليل طلع وتركها مثل ما هي وردة ذابلة تنتظر سقيا قاسيها....!ما فهمت وش يقصد شدت شعرها بقوة وهي ترص على راسها يا ربيي لين متى بوقف قدام غموضه أبغا افهمه وأرتاح يا رب ساعدني تنهدت بصوت عالي وتركت العنان لدموعها دخلت تاله نونا يللا تأخرنا ساعتين شتسوين هنا إنتي وقفت قدامي لتيييين؟! ليه تبكين يا بعد قلبي وحضنتني بقوووة حسيت إني بنخنق وبصوت خافت اتـ..ركيني تلو بنـ..خنق تركتني ههههههههههه أحسن عشان ما تبكين مره ثانيه عشان واحد ما يستاهل شفته وهو خارج من عندك قولي وش سوالك وغمزت لها يللا توناا قولي طالعتها بنظرة وأنا أمسح دموعي تونا بعينك ههههههههههههههه يوووه شحلوه الدلع عجبني من اليوم ورايح دلعك تونا وإلا نانا -وبنغزة - زي ناااس حمرت خدودي وصار الجو حار رغم اني لابسه شي المفروض يبردني بعدت وجهي عنها بضيق من الشي اللي وصلت له بسام أمره يهمني...! صرخت بوجهي وجععع لتييين قومي عطيتك وجه بيروح حجزنا قمت من غير نفس انزين لا ينط لك عرق وبتوعد هيين يا لتين والله لاوريك وتشوفين وقولي تاله قالت ما عطيتها وجه أخذت الترانج كوت حقي لبسته لفيت الطرحه وأخذت الشنطة يللا مشت معي وأنا جاهلة بنيتها...؟! : امم أروح ليه لا بس وش مسويين يعني أبو ماجد أهل ليلى كل أربعا لازم يجتمعون تعال توسع صدرك معهم ماجد وعقله صار متفتح أكثر ومتفهم للأمور بعقلانية هز راسه بتفكير اوكيه مو مشكلة أشوف وأرد عليك ابتسم ربى مبسوطة معهم ربى بابتسامة واسعة مرره خص نص جمانوه مجننتني هالبنت ويوووه لما تجتمع مع وديم تقول كبريت وغاز هههههههههههههههههههههه تذكر وديم وطفاقتها ما قدر إنه ما يضحك هالبنت عليها تصرفات يا ما لعوزت الكل معها ابتسمت ليلى بس منمدجين مع بعض وإلا ربى هههههههه إلا وبقوة بعد أبو ماجد ناظر مرته إلا يا ليلى طلال متى راجع بلعت ريقي بحيا هذا وش جاب سيرته الحين بس فديته وحشني صار له 3 اسابيع تقريبا غايب طلعت منها تنهيده عميقة استوعبت النظرات الموجهه عليها نزلت عيونها بإحراج بالغ الكل ههههههههههههههههههههههه ماجد متعمد والله يا ليلى أخوك عامل عمايله بأختي هذا وهي لسى ما ملكت يعني حبايب ربى رصت ع الشوكة الله يقلع ابليسك يا مجود ليلى هههههههههههههههههههه مدري والله مين اللي عامل عمايله في الثاني حتى هو ما صدقنا يطلب يتزوج وتجي اللي على هواه أبو ماجد ابتسم بحنان يعني ربى تحبيه؟! يلعن ابليس أبو الأب الفلاوي هذا!! هذا سؤال ينسأل؟؟ الله يهديك بس.. ربى قامت بإحراج وبدلع ضربت الأرض برجولها باباااااااااااا الكل ههههههههههههههههههههههه تركتهم وطلعت على غرفتها تجري ماجد ههههههههه يا حليلها لا أنا هذا طلال لازم أشوفه ليلى ابتسمت بحب للحين تستحي شوي من ماجد خاصة إنه يناديها باسمها وهي فسرتها إنه أمر طبيعي لأنه ما في فرق كبير بينهم أبشر بطلع لك صور من عندي له يا حبه للتصوير أبو ماجد قام ترا اللي ما تعرفه عن نسيبك شايف نفسه مره ابتسم بس ولد ناس وأصيل سفره دايمه ماجد ابتسم وزاد فضوله يعرف هالشاب اللي قلب إخته مية وثمانين درجة وأبوه حبه بهالطريقة : والله إن ما اقتنعتي مالي دخل فيك لتين باقتناع تام برأيها شوفي صبغ ماني صابغه عاجبني لون شعري أنا جيت عشان جسمي وبشرتي وسويت اللي بغيته الحين جست سشوار وتقص أطرافه أكثر من كذا نو نووويه مستحيل ما تعرفين شكثر شعري غالي علي رغم إنه مزهقني تاله وهم حاطين لها جهاز التجفيف بعد الصبغة على شعرها تنهدت لتين ذبحتيني بعنادك غيري سوي لوك جديد لتين ما أبييي تاله بعصبيه اوكيه براحتك خلي بسام يطالع بغيرك انصدمت من الكلمة لو قبل كم يوم سامعتها كان ما اهتمت لكن هي يهمها أمر بسام تخيلت للحظة إنه بسام فعلا يطالع بوحده غيرها عصبت وارتفع ضغطها كلمت الكوافيره وهي تسفه تاله قصي أطرافه وسشوريه وبسس تاله لفت وجهها إنتي حره وبدأت الكوافيره الإيطاليه بكل مهاره وحرفيه تقصقص أطراف شعرها التالفه اللي أنهكها إهمال لتين لصحتها ونحفها بسبب تركها الأكل لمدة طويلة وأثناء ما كانت تقصه كانت توصف لها طريقة الغذاء الصحية للإهتمام بالشعر وكيف إنه الغذاء الصحي عامل رئيسي مهم برونق الشعر وحيويته طالعت نفسها بالمرايا كلها ثواني وخلصت القص وبدت بالسشوار كانت معبسة كلمة تاله وعتها على اشياء كثير بس حتى لو هي ما تدري وش هو ناوي عليه ناداها صوت بقلبها بس إنتي بديتي تميلين له ويهمك رأيه بس هو ما يهتم ..مين قال يهتم والدليل تصرفاته اففففف راسي صدع من يوم دخلت الكوافيره وهم مستلمينها من أصابع رجولها وطالع إللين خصل شعرها الكستنائية لمعت عيونها بالمرايا العاكسه للكوافيره الواقفة على راسها تشتغل بصمت والجهاز بإذنها تتراقص على أوتاره غريبة لون شعري حلو أول مره أنتبه عليه ليه تاله مو عجبها : عجبني مين قال موعاجبني لكن أنا أقول غيري مجرد تغيير انتبهت عليها فوق راسي وكنت أتكلم بصوت عالي ناظرتها ابتسمت رديت لها الابتسامة وأنا أعبر عن إعجابي بشكلها بإشارة اوكيه من يدي كانت هالمرة صابغة شعرها أسود وحواجبها مشقرتها برسمة الشيطان ولون عينها انتبهت عليه بنفسجي غامق لبسها كله على بعضه ستايل غربي كان ذكرني شكلها الأنثوي بشي واحد جويل لما تاخذ شخصية وتلعب فيها وتطلعها شي ثاني ابتسمت شفت هالبرنامج مرتين ورسخ بعقلي ذكرى أليمة هزتني ورجعتني للماضي سنتين " البيت فاضي عبد الله راح يوصل أمه وعمي مو فيه سهرته الليلة صباحي على قولتهم راحت سهى تحضر عرس بنت جيرانها وأمرتها تعزل غرف الضيوف كامله مع الحوش وبعد ما نظفتها وخلصت وهلكت بالشغل رمت نفسها ع الكنبة الطويلة بالصالة وكان التلفزيون شغال ع قناة الـmbc انتهى برنامج وطلع جويل اللي هو هالبرنامج ما صدقت إنه طلع لأنها شافته قبلها مره وعجبها وتمنت تتابعه زي باقي البنات لما كانوا يتحكون عنه بالمدرسة ما وعت إلا على إيد تهوي على كتوفها وتجرها توقفها عطاها كف وراه كف ثاني يالفاجـ## شتسوين هنا وانهال عليها بالضرب ما كانت تدري إنه جاي وإلا كان ما طبت الصالة وما تركها إلا وهي مذبوحة تنزف بصمت تنزف أنين وألم وظلم ما لها ذنبهـ.." سمعت صرخة تنمي عن إعجاب بالغ أثاريها صرخة تاله وهي تصرخ بتكرار واااااااو روعة لتين طالعه تهبلين مشاء الله عليك مسحت دمعتها بسرعة ولفت تشوف شكلها بالمرايا كان شعرها الطويل اللي وصل لآخر ظهرها مع السشوار عادة ما يبين طوله كويس لأنه ملفلف قصت أطرافه بتدرج زاد كثافته ومع السشوار والشدو الفيروزي اللي حاطته لها الكوافيرة الخبيرة زاد جمالها روج بلمعة وردية على شفاها العريضه أبرز ملامح وجهها الفاتنة من غير تزييف زايد وبأناقة بالغة كالعادة ناظرت نفسها مدري ليه كل هالإطراء من تاله عاديه وأقل من عاديه بعد ع العموم استانست بكسرة الروتين هذي لولا الذكرى اللي سيرت علي وقلبت المواجع تاله مسكت يدها بحنان تونا ابتسمي ما ابي اشوفك زعلانة ليكون زعلتي عشان الكلمة اللي قلتها لك لتين بعدت عيونها عنها تكابر وإذا؟؟ ما همني أصلا تاله بنغزة وهم خارجين علينااا ما همك هاااااا وأربع وعشرين ساعة معاه بالغرفة وكل هذا ما همك حمرت خدودها انطـــــــمي ههههههههههههههههههههههه شفتي عاد يا أمي حبيه مو غلط لتين استوقفتها كلمتها قالت بشرود بعد ما ركبوا وسكر الخادم الباب تهقين نقدر ننسى جروحنا اللي سببوها هالأشخاص تاله بابتسامة وهي تمسك يدها نقدر لتين نقدر خاصة لو كانوا هالأشخاص يحبونا حبهم لنا بيغفر لهم زلاتهم مهما كانت لتين بعدم فهم شقصدك بـ..يحبونا؟؟ تاله ناظرت الشباك ما أدري إنتي فتحي عيونك وناظري بكل اللي حولك وبتفهمين قصدي رجعت ناظرتها بابتسامة وهي تدخل لها خصلة من شعرها ظاهره من الحجاب شغلي مخك شوي لتين إنتي ذكية بس الظاهر التعب أثر عليك لأنه واضح إنك ما كنتِ كذا عوامل أثرت عليك لتين بضيق إنتي وش دراك وش كنت؟ تاله هههههههههههههه الله يخلي عالمتنا النفسيه لين هذا كلامها عنك أنا مجرد ناقل للأمانة كانت بتكمل حديثها لكن وصلوا واضطروا ينزلون . |
رد: رواية خنقت الورد يا يمه وبيديني انكسر ذبلان
ليلة زواج بدور..
ابتسمت وهي تنتظره كان خارج كلمها وقال لها تنتظره بغرفته بيقولها شي يسعدها نقلت نظرها من العطور المصفوفة ع التسريحة لجدران الغرفة بلونها السكري الباهت مع قهوة بحليب وارتكزت أنظارها ع لوحة فنية لبيت حجري يطل على نهر جاري وغربة الشمس معطيته روح صافية بلمحة حزن تنهدت الحزن صار عالمها أي شي يربطها فيه أولهم لتين وتاليهم ماجد اللي اكتملت فرحتها فيه لولا تنغيصة لتين عليها وآخرهم طلال قلبها دق بقوة وهي تتذكر مكالمته اليوم لليلى يطمنها بوصوله لأسبانيا مسحت وجهها بظاهر كفها اشتقت له ابتسمت بغصة وبهمس وحشني هواشك وتحريشاتك ههههه وكل شي : ضحكيني معك انتبهت له واقف قدامها مبتسم وبإيده كاسة الميلك شيك بالفراولة من باسكن عطاها تفضلي أهلا بك بغرفتي المتواضعة أخذتها وظلت واقفة وش كنت تبي تقولي بسرعة تراني متحمسه هههههههه طيب ارتاحي فضخ كابه وعلقه ع العلاقة بالزاوية وجلس ع السرير وهو يفصخ بلوزته ويرميها ع الكمدينة جلست ع الكنب مجووود جاي تقولي شي والا تستعرض لي بجسمك ههههههههههه انتظري طيب ليه مستعجلة ما تفيدك العجلة ترا بهاللحظة ابتسمت ابتسامة صافية وسرحت لو لتين ترجع شقد بيكون مناسب لها ماجد بعد ما تغير ما اعتقد إنها ترده وشكلهم لايق لبعض ولا إراديا خرجت منها الكلمة لو رجعت لتين بتكونون أحلى ثنائي انتبهت عليه عدل جلسته وابعد عيونه عني ربى لازم تسمعيني خفت من نبرة صوته خفت وبقوة بعد حدسي يقولي في شي ما يخليني مرتاحة وكأنه يهددني لا تفرحين كثير يا ربى طمنتني كلمة ماجد إنه شي بيسعدني بدأت دقات قلبي تعلى مسكت صدري بألم أسمعك يا ماجد وبهمس ....للنهاية ماسكه يدها بحب شأد إلك وحشي يا توتا والله كتير شتأت لك ابتسمت بود وأنا بعد اشتقت لك وسن وما راح أنسى أفضالك عليّ شو ما عملت شي كانت تحرك راسها بعفوية وتتحرك بكل مرونة تفضح مفاتنها بتنورتها السودة الماسكة القصيرة وبدي بلون دم الغزال مع شعرها البندقي المنسدل بنعومة لقدام كان شكلها كأنها عارضة بجمالها الفاتن وملامحها الحاده حطت يدها على ظهرها بحنان وين رحتي ابتسمت بمحبة للين الطيبة معكم قدمت لها الخادمة العصير ردتها بلطف ما لها خاطر بشي بس ودها تجلس بحالها كانت لمتهم حلوة وكل شي فيها مرتب خاصة إنه وسن من النوع اللي تحلى القعدة معها بعفويتها وهبالها مع تاله بعدت شعرها عن عيونها وسن ضحكتها حاده وعاليه البيت كله أكيد سمعها الحمد لله بسام مو فيه ؟؟ !!ابتسمت بسخرية من تفكيرها ما تبي بسام يسمعها وينفتن فيها طيب بسام زوجي ومن طبع الأنثى تتملك لا بس هو يعني لي توسعت ابتسامتها ويعني لي الكثير بس كيف اتصرف ما اعرف ما أبيه يعرف وعلى هالفكرة صحت على صوت تاله وهي تكلم وسن هذا بسام رجع الحين أجيب ميرا كانت معه وقفت وما كأني أنا اللي أتصرف أحس حالي غريبة معقولة بسام غيرني؟؟ وبهدوء تاله أنا بجيبها استريحي لفت عني بغمزة سفهتها وكنت عاطيه المدخل وجهي وعن يميني البنات شفته جاي بيدخل طلعت بسرعة وتوتر له بسام بسام وهو يكمل مشيه بعد ما عطى ميرا لخادمتها الخاصة هلا مسكته من إيده وسحبته بعيد عن البنات كان صوت وسن المدلعة معبي المكان فتحت أول غرفة دفيته عليها ولأنه مو مستوعب دخل بسهولة وقفلت الباب رحت لوصيفتها ميري ابتسمت سي سينيورا قلت بتوتر ودي ميرا عند تاله هزت راسها إلورا وراحت رجعت دخلت غرفتي احترت وأنا أوقف عند المرايا ما أعرف أهم شي إني أطلع حلوه بعيون بسام حتى لو ما حبني فتحت الدولاب أخذت فستان قصير لونه بين السماوي والريشي قصير لين نص الفخذ ومن فوق كوكتيل بدلت ملابسي بهدوء رجعت شعري على ورى وثبت عليه طوق من اللولو ومن نفس اللولو لبست بنحري كان شكله متناسق مع اللون غمقت الروج على شفاهي العريضة على قولة ربى عاطيتني جاذبيه اي جاذبيه الله يرحم أمك وبهاللحظة عبست عند هالكلمة لأول مره أحس بمعناها فعلا الله يرحمها بس أنا أمي الله.. ما قدرت أدعي عليها رغم القسوة اللي أحسها في قلبي منها تمتمت بضيق الله يسامحها أخذت صندل ناعم ع الأرض لونه أبيض كريستالي رشيت من عطر فيمي بوس <<ههههههه أحس ريحته نوم ابتسمت على شكلي امم لا بأس جذاب إذا ما كان حلو وبصوت عالي أروح القهر اللي فيني والله ما خليك تطالع بوسن يا بسام بوزت أنا أحلى منها ع الأقل أنا مسلمة مدري كيف طلعت هالكلمة مني نزلت راسي فعلا أنا مسلمة تكفيني هالنعمة ولو ما كانت متمسكة بديني بالتمام لكني ما أطلع بالشكل اللي تطلع فيه وسن بطنها وفخوذها وظهرها كله طالع لكل الرجال.. "ولو يا لتين كلها مفاتن وإنتي تطلعين مفاتنك للرجال ولو جزأ منها ع الأقل وجهك وهو أكبر فتنة في المرأة للأسف أول كنا نادرا ما نشوف وحده كاشفة وإذا شفنا انتهرنا فعلها لكن اللحين صار شي طبيعي تعود الكل على شوفته وكأن نظرتنا لمجتمعنا تبلدت ما عاد أحد يهمه شي والفتن كثرت وهذي من علامات الساعة اللهم إنا نعوذ بك من الفتن ونسألك يا مثبت القلوب أن تثبت قلوبنا على دينك اللهم آمين..!" رمشت بتوتر لأني سمعت حس أحد لفيت بسرعة حطيت إيدي ع فمي لما شفت بسام واقف بميلان ع الجدار اللي يفصل بين الغرفة حقت النوم والغرفة المكشوفة عليها وبعيونة نظرة غريبة نفس ذيك النظرة اللي عجزت أفهمها استوعبت أنا دخلته هنا وبعدها دخلت وراه ووو شهقت بصوت عالي لما تذكرت إني بدلت هنا لااااااااااااااا غطيت وجهي اللي انحرق أنا!! غيرت قدامه!! ياااااربي كرر كلمته وهو على نفس الوقفه أعيدها وبهدوء وهو يقرب لناحيتي عمرها ما أثرت فيني وإنتي بعيدة عشان تأثر فيني الحين لا تقرب بليييز ارجوك بيذبحني هذا اليوم ما استوعبت شقال كنت بعيدة شتقصد بسام والله كل يوم أغرق بغموضك ؟؟ وبرقة بعد يديني عن وجهي تأملني وأنا منزله عيوني بالأرض مالي وجه أرفعه بعد اللي صار حسيت من لمست يده إنه متوتر ويمكن مرتبك بعد رفع ذقني باصبعه وبنبرة حنان لا تخافين ما في أنثى تأثر فيني أنا وأشر ع صدره بكل غرور قوته تعجبني وبنفس الوقت تعذبني أكره شوفته ضعيف ويجذبني بروده وغروره يحرقني بجرأته و يطفيني بتصرفاته حتى تجاهله يوترني باختصار هالإنسان قلب موازيني...! رجع يكمل بنفس الهدوء وعينه للحين ماخذه راحتها ما غير وحده جات ببالي على طول زوجته ونطقت لا شعوريا بضيق زوجتك الأولى؟! ناظرني بصدمة وفجأة تعقدت حواجبه كملت أستحثه ع الكلام وهو قريب مني ما تفصلنا سنتيمترات أم ميرا؟؟ صغر عيونه وهو يكرر وراي أم ميرا!!!! وفجأة ابتسم وتوسعت ابتسامته وتحولت لضحكة مميزة ما قد سمعت مثلها بحياتي رغم كرهي له بهالموقف شقصده يستهزأ فيني؟؟ ضربته على صدره بإحراج لا تضحك تراك تقهرني قول وخلصني أدري فيك تحبها من كنت بالخبر غرقت عيوني بس مدري ليه تزوجتني؟؟ شوي هدأ ضحكه واختفت ابتسامته قرب مني رجعت على ورى لين لصقت بالباب حط يده ع الباب وراي جنب راسي تدرين؟؟ ريحة عطره خنقتني ووترتني زيادة رمشت بتوتر غمض عيونه بصبر سحبني له فقدت توازني كالعاده وأنا بين يدينه حمرت خدودي وإذني وارتفعت حرارة جسمي بحيا ياااارب رحمتك أنا مو متعوده على هالتصرفات بعدت عنه بسااام اتركني طبع بوسه طويله ع خدي وتركني عشان ما ترمشين مره ثانية بعدت بسرعة وأنا أعدل الفستان المنحوس وتحسفت لأني لبسته ما بقى شي مستور طلع سيجارة من جيبه وولعها تأكدت إنه متوتر بس ما جاوب ع سؤالي واليوم لازم أعرف قصتها هالميرا ورغم كل شي أحبها وبظل أحبها هالبنت وأموت فيها عدلت شعري ووجهي رايح من حركته بسام أبي أعرف عن زوجتك ابتسم ابتسامة جانبية وخفت لا يرجع يضحك لا تخافين مردك بتعرفين والأيام بتكشف لك توسعت ابتسامته وهو ينفث الدخان بحرية بس عجبتني هههههه وش هي اللي عجبته؟؟ كشرت ما أعتقد إنه يضحك وبعدت عنه رحت للتسريحة خلعت الطوق وانسدلت غرتي براحة ع جبيني لاحظته واقف وراي على طول يتأملني وهو يدخن تنهدت ابعد شوي :............................. .. ترجيته بعيوني ارجوك ارحمني قرب زيادة وكأنه ناوي علي ويدري باللي فيني بس أهنيك يا بسام قدرت تفوز بقلبي دق قلبي بقوة لما مد يده ومسد ع طول شعري وهمس حلو بس أول أحلى قرب لأذني أحب طبيعتك أكثر ابتعد وابعد قلبي معه أنا اليوم يا عالم بموت مو طبيعي اللي يصير معي ناظرت الفراغ اللي خلفه يوم اختفى كنت بلحقه أقوله ينتبه لا يخرج عند وسن لكني تراجعت لما تذكرت كلمته مدري ليه ذكرني بالمتلثم أول شخص قلبي دق له نفسه غامض يجي وبلحظة يختفي مسكت خدودي المولعة وأنا أناظر حالي بالمرايا أول مره أحس إني حلوه حلـــوه وجذابه بعد يمكن لأني سمعتها منه من فم رجال تكون غير ومو أي رجال هذا بسام زوجي ووحبيبي بعد غمضت عيوني وأنا أتنهد بعمق شكلي ببدل وأنام وما وعيت أفتح عيوني إلا ع دق الباب توقعت الخدامة تناديني العشا تفضل دخل راسه وابتسم بتصفيرة يااااااهووو يا لابيللا شو هيدا الجمال ما بأدر أنا ابتسمت يسلمو راكون شوي شفته مرفوع بالهوا جره بسام وطلعه عطاني ظهره وهو يكلم راكان بكل برود خير أخ راكان شتبي داخل عند مرتي راكن بعصبيه وهو يعدل قميصه كنت بناديها تسلم ع وسن طالعه بسام ما تبي تسلم عليها اوكيه يللا فارقنا أشوف ولا عاد تقرب من هنا وسكر الباب سمعت راكان يتحلطم ويهدده بإنه بيطرده من غرفته بلعت ريقي وعيوني بالأرض للحين تأثير كلمة مرتي ساري مفعولها علي قال بعصبية لتين لو سمحتي ما عاد أبي أشوفك بهاللبس بالبيت رفعت عيني بتكشيره اففف رجعنا للطير ياللي تفحص ملامحي والسيجارة للحين بيده اوكيه ما رديت عطيته ظهري بروح أبدل وسمعت صوت الباب وهو يتسكر للحظة كرهته حسيته رجع بسام اللي يأمر وينهي ع كيفه رجع بسام البارد المتسلط اللي بكلمة لازم أنفذ أوامره التابعه لعمي لازم ينكد علي و أنا اللي كنت بطلب منه أكلم ربى زفرت وأنا أمنع دموعي مدري أنا متى مكتوب لي أفرح من غير كدر!! ....!ّ تجيني طيف يا عمري.. على جنحان شوقـي لـك اخاف ارمش من عيوني..! وابعثر جيت وصالـك ....!ّ صحى مروق ومبسوط ع الآخر شاف طيفها في نومه وش يبي أكثر من كذا.. ابتسم وانسدح ع السرير بكل قوته جنب وافي ولأنه نومه خفيف فتح عيونه وناظره بصمت ابتسم صبحك الله بالخير قام رمى عليه المخده من غير ما يرد ودخل الحمام طلال شف قليل الخاتمه يسفهني حك راسه وراح لسرير فيصل وبنفس الحركة رمى نفسه ولا كأنه في أحد جنبه نايم ومستغرق بالنوم اففف الله يعينها اللي بتتزوجك يا فيصل بعد عيونه بحزن وهو يتذكر لمار وبصوت عالي فيصل فصوووووووووول فصولياااااااا فتح عيونه وهو يتثاوب وابتسم ابتسامة واسعة ذكرتني بعبد الله طلال عقد حواجبه مين عبد الله؟؟ فيصل تقلب وجلس ع السرير وشعره حايس خويي اخته بالرضاع تصير خوية ربى طلال بعصبيه وصوت يرعد قص بلسانك يا حماار لا تجيب طاري زوجتي ؟؟!! قام بسخرية زوجتك ههههههه متى الزواج يا خال ما عزمتنا افا افا والله ما هقيتها منك قام بعصبيه وهو متنرفز حده لازم تعكر مزاجي انت والدب الثاني أخذ اللفحة حقته والجاكيت وطلع من الغرفة رايح باتجاه الباب فيصل وهو يفتح الدولاب ياخذ منشفته صرخ على وين؟؟ طلال بصوت أعلى مالك دخل انطق مع اللي معك وخرج ورقع الباب ابتسم فيصل أبي أعرف من فين وارث كل هالعصبية هالانسان خرج وافي وشعره يقطر مويه وهو ينشف شعره بهدوء فيصل لف عليه صباح النور وافي وعيونه تدور بالغرفة صباح الخير وينه خالك؟ فيصل وهو يدخل الحمام والله طلع وهو معصب ويسب فيني وفيك مدري اشفيه وافي ابتسم غريبة كان مروق بس صحاني بطريقة سخيفة وما عطيته وجه شكله عشان كذا عصب فيصل مدري عنه خلني اتروش واطلع نشوفه وين راح وافي رجع يطلع ملابسه الله معك بعدت شعرها بخنقة وهي تمسح دمعة طاحت الكوافيره بعطف شو ست ربى ما خلصنا دموع رجعت تمسح دموعها ياليته بإيدي لكن وش أسوي ربطت شعرها كله على ورى وارخت جسمها ع الكرسي المايل براحة عشان تمكيجها هذي ثالث مره تبدا ويخرب كل شي بسبب دموع ربى من أمس من سمعت الخبر من ماجد وهي منقلبة توقعها تفرح لكن وين تفرح وهي تعرف بقلب لتين الله يعينك يا قلبي ويسهل عليك ابتسمت بوجهها ابدا حبيبتي تنهدت بعمق اوكيه كملت لها المكياج وهي مستغربة بكاها ما هي عروسة عشان تبكي لهالدرجة فاقدة عروستهم اللي بتتزوج!!! كلٍ على ليله سرى... كنت لابسه بنطلون أسود وأطرافه ذهبي وعليه بلوزة لين الركبه لونها أسود ووسطها صور لأبراج عالميه بالذهبي ومغطيه شعري بإيشارب صغير أسود ناظرت الساعة وأنا واقفه عند باب غرفتها صار لي ساعة أنتظرها تفتح باقي شوي ويجون بيت جدتي ابتسمت ابتسامة صمت وألم حلو إنك تعيش مع عائلة تحبك وتعزك الكل حولك ويسأل عنك ومعاك ع الحلوه والشينة وأخيرا فتحت ست تاله سحبتني من يدي وهي تدور شو رايك ناظرت تنورتها الكلوش القصيرة الخضرا مع قميص أصفر مفتوح من قدام وتحته بدي أبيض مع شكلها واللوك الجديد طالعه تجنن ابتسمت قمر مشاء الله عليك تاله كشرت مو أحلى منك مالت عليك سرقتي الأضواء عني من يوم جيتي انحرجت وأنا أتذكر كلمة بسام أمس ليه ناديتيني تاله ضربت راسها صح تذكرت تعالي اجلسي جلستني ع الكرسي بحط لك لمسات بس عشان تظهر ملامحك أكثر قلت بضيق لازم ماله داعي في خوالك تاله بهدوء غريب عليها لازم اليوم بتعرفين خبر حلو لازم تكونين مشرقة وابتسمت ابتسامة واسعة وهي تضرب الفرشه بخفة على كامل وجهي تكفيين يالمشرقة إنتي هههههههههههههه وفجأة سكتت لتين ممكن أسألك سؤال الله يستر من أسألتها قلت وأنا مغمضه عيني إسألي بدون مقدمات مو لابق عليك الأدب ترا ههههههههههههههههه اسمعيني زين اسمعك وهي تخط الكحل على عيوني من برا رمت سؤالها حسيته خنجر دخل بقلبي وعجز يطلع رمشت بتوتر كم مره خلتها تشيل إيدها عن عيني شوي وبقسوة حاولت أظهرها وأمنع مشاعري الباقيه شفيها أمي؟؟ تاله بحنان ما تدرين عنها شي ما ودك تشوفينها؟؟ بعدت عيوني عنها للشباك وأنا على نفس جلستي لا هي ما ودها تشوفني عشان كذا عمري ما تمنيت....نزلت راسها وهي تمنع دموعها....وبشفه ترتجف أشوفها تاله بنفس النبرة مسكت يديني الثنتين بس لتين ما في أم ما تبي تشوف بنتها أكيد لها أسبابها قمت سحبت يديني بقوة منها وأعصابي ثارت ربى ما كانت تتجرأ تفتح معي هالموضوع لأنها تعرف تأثيره علي قلت بنبرة مرتفعة أرعبت تاله و ما في أم تترك بنتها وهي ما كملت شهرين ما في أم تترك بنتها عند ناس هي أدرى بنواياهم الشينة ما في أم تقدر تترك طفلها وهو لسى يطلب حليبها مسحت دموعها بقسوة ما في أم ترضى ضناها يعيش ربع اللي عشته أنا ضربت على صدرها بحسرة وصوتها تجهش عند حرمه بآخر عمرها والمرض ينهشها وتحتاج من يعولها عند عم ما أمنت نفسي عنده وأنا بوسط بيته وهو من لحمي ودمي عم أرسلني بيدينه للكلاب ينهشون لحمي عند واحد ما في بقلبه ذرة رحمة وإلا إحساس مثل أخوك يا تاله أخوك ذبحني وأنا حيه خلاني ما أعرف وش معنى حياة ما لها طعم عندي خلاني أعيش تناقض كرهني عيشتي لين وصلت للي وصلته الحين شوفيني تحسبين مبسوطة عاله على ناس ما أعرفهم ولا يعرفوني وبغربة وتشرد تكفيني الليالي السود اللي عشتها وبعد هذا كله بكل بساطة متزوجني كيف ما أدري ليه ما أعرف وفوق كل هذا خلاني أحبـ... وراح صوتها بالبكى وهي تطلع جاريه من الغرفة راكان واقف مذهول وبسام ماسك كتفه اللي صقعت فيه لتين وكملت مشيها مو ألم بقد ما هو صدمة من صوتها المجروح وتاله بالغرفة تنتحب قصة لتين ....!ّ((أنساك)) هاذي حطها بين قوسين يعني على ما قيل ماني بناسيك لو يفرشون الدرب شوك وثعابين ما أقدر أغير عنك دربي وأخليك لأني "أحبك" والمحبة ترى دين وأنا ((قطعت الوعد وبالحب أوفيك)) هالحين "أحبك" وبعد بكره وبعدين وأظل يا روحي على طول مغليك ((الحب ماهو يوم وإلا بيومين)) الحب رحلة عشتها في شواطيك....!ّ توهم زافينها بدور كانت ابتسامتها الناعمه أحلى شي فيها ولمعة الفرحة اللي بعيونها كل بنت تتمناها بليلة زواجها همست بإذنها رورو رفعت حاجب وشو؟ جمانة بابتسامة وينك؟؟ : معك ضحكت بخبث شوفي وديموه كيف تبكي على أختها والله لاوريها خلها تجي بس بمسكها عليها ربى ههههههه حرام عليك وبحزن وعيونها غرقت ما قد ذقتي طعم الفراق عشان كذا تضحكين عليها جمانة بعصبية يا زفت لا تصيحين أنا ما جيت ورضيت أمي عشانك وبالأخير تصيحين والله لو ما سكتي كف على وجهك يسكتك ضحكت وهي تمسح دموعها أعوذ بالله منك خلاص ما بصيح جمانة وهي تطلع جوالها اييه خلك كذا سنعه عشان ما اضطر استخدم يديني ربى بقهر ما كأني عطيتك وجه بزيادة ما ردت عليها وابتسمت بخبث أقول ربى ما ودك يرجع عمي ربى بحيا وضيق أشك صراحة إنه بيرجع شكلها عجبته الجلسة هناك ونسى نفسه جمانة تسوي إنها مصدومة اوف اوف والله زعلانة عمتنا لا عاد مستحيل ينساك أكيد راجع قريب إن شاء الله ربى نست نفسها وضيقتها وقالت بصوت خافت إن شاء الله وفجأة استوعبت وشو؟! نساني أنا ضربتها بشنطتها الصغيرة وهي تمشي وجعع جمااانة يا قليلة الحيا جمانة وهي تبعد ههههههههههههههههههههههه ربى وحمر وجهها والله لاتشوفين حسابك بالبيت وراحت تسلم على بدور قبل لا تطلع مع زوجها ناظر الناس قدامه بوسط مدينة مدريد الساحلية والجوال للحين على إذنه مدري جمانة متقصده والا هو قلبه ما طاوعه يسكر وهو يسمع حكيها نبهه صوتها المعصب عمي قال بروقان هاا جمون شلونك؟ جمانة بابتسامة أنا زينه الحمدلله إنت شخبارك وبدلع وكذب سوري ما انتبهت ع الجوال طلال لا عادي خذي راحتك جمانة نعم؟؟!! طلال بثقة شفيك؟ قلت شي؟؟ جمانة مدري المهم متى راجع وحشتنا ترا وشدت على كلمتها طلال وبعد ما سمع صوت ربى قرر متى بيرجع قال وهو يوقف قريب إن شاء الله قريب جمانة ابتسمت عاد عمي هالله هالله بالهدايا يقولون أسبانيا بضايعها زينه وأصلية طلال زينة وأصلية هاا أبشري من عيوني جمانة يا قلبيي يا عمييي وبطفاقة ع فكرة ربى قالت لي سلمي ع خالي طلال طلال عصب وشو؟؟ جمانة تلعثمت هاا ما قالت شي والله طلال سكر بوجهها حمااااااااره كم مره أفهمها إني ماني بخالها رجع شعره بقوة على ورى بقطع نفسي أذبحها وش أسوي بهالغبية حط يده على كتفه لا دخيلك في ناس يبونك مو بس هي طلال زفر بجنون والله يا فيصل لاحطك افرشك قدام هالعالم وافي وفيصل هههههههههههههه وجلسه وافي يا خوي استريح راحت والا جات تبقى حرمه طلال حط الجوال ع الطاولة وهو يهز رجوله بعصبية والله حاله أنا هالاسبوع ماشي فيصل انصدم بس حنا قلنا بنجلس عشر ايام طلال بضيق غيرت رأيي وبرجع بالطيارة خلي سميث الكلب يكمل الرحلة وافي بابتسامة جانبية وبهمس حتى ذا ما سلم منك توكم متفاهمين وش حلوكم فيصل بنفس الهمس الله يهداك ما تعرفه هذا لا عصب ما درى من قدامه الله يعينها وافي اسكت بس لا يسمعك ويبدا باسطوانته المعتاده فيصل هههههههههههههه طلال من طرف عينه بقهر ضحكوني معكم بالله وافي بهدوء يمتص غضبه أبد شرايك نروح نشوي اليوم بحديقة باركي ديل ريترو وعلى ضيقته ما مانع فيصل بحزم أقول طلال ما كأنك كبرتها وهي صغيرة خلاص عاد جايين ننبسط لا خطبتها طلع عيونها على هالحركات السخيفة اللي قاعدة تسويها طلال بهيام وهو يمسك صدره ما قدر صدقني يا فيصل ماااا أقدر فيصل أخفى جرحه اللي ما اندمل ويحاول يتناساه لكن عبث في أحد يقدر ينسى نفسه وهواه؟؟!! أقول انثبر إنت وقلبك الغبي وخلها تلعب فيك على كيفها طلال بنظرة ما كأني عاطيك وجه وافي هههههههههه لا أحسن قوموا تطاققوا طلال وهو يحك راسه متى رايحين ترا بديت أجوع فيصل وإنت متى ما كنت جايع وافي هههههههههههه طلال يمسح على بطنه المعضل الحمدلله ع الأقل نحيف مو زي غيري ونغزة يالحبيب ترا يبيلك ريجيم مكثف وافي هنا تكلم أقول طلال لا تتحمس ترا فيصل انحف منك طلال أنا أطول فيصل شدخل أطول أنا أنحف طلال بلا مبالاة عاادي فيصل طيب ليه مقهور طلال بقرف اففف فيصل لو ما انطميت بتصرف معك تصرف ثاني فيصل يا ليت تغير هالكلمة لأنك غثيتنا فيها وافي وعلا نبرة صوته يا خي خلاص طفشتونا شفيكم إنتوا الاثنين شجاكم صايرين بزران استحوا على وجيهكم كل واحد أتفه من الثاني فيصل وطلال مع بعض لا يا شيخ إحلف بس وافي ابتسم والله وضحكوا كلهم بوقت كانت الشمس غربت فيه وخلفت وراها أجمل منظر يتربع بسما هالمدينة الصناعية الخلابة . . . من ايطاليا.. الحب يحكم دولته بلا سلاح >> نهاية الجزء السابع عشر |
رد: رواية خنقت الورد يا يمه وبيديني انكسر ذبلان
بسم الله الرحمن الرحيم
>>الجزء الثامن عشر ساعة الغضب ليس لها عقارب ..0..الحزن..0.. هو أن يكون من الخير لكما أن تقتسما الطريق فيظهر شريكك على حقيقته الوخيمة! بالسيارة كانت ليلى وربى وجمانة ووديم اللي للحين تمسح دموعها جمانة بهمس وديم مشاء الله عليه ولد خالتك مملوح وديم بوسط دموعها أدري كشت عليها مالت الحمدلله إنه ما طلع عليك وديم بحده كلي تبن جمانة باستهبال كلي معاي طيب ما أحب آكل لحالي ربى علت صوتها لأنه أصوات وديم وجمانة بدت تعلى أقول ماجد ماجد بحنان لف عليها لأنه عارف شكثر هي متأثره من اللي قاله لها من أمس تنهد بداخله يا حظك يا لتين بوحده تحبك مثل ربى!! الله يعوضها هلا آمري رب رب ربى ابتسمت ورضت بواقعها وعناد أخوها وتعليقه على هالدلع روح بيتنا على طول وديم وجمانة بينامون عندنا ماجد إن شاء الله وفجأة الكل التفت على صرخة وديم ااااااااااي ليلى انفجعت شفيكم؟؟ ماجد ارتبك وقف السيارة ومو عارف كيف يتصرف مع المخابيل اللي وراه وديم ماسكه كتفها وتمسح دموع التماسيح جمانة الحمـ## عضتني جمانة ما ردت ليلى زفرت يا الله منكم انتوا الثنتين جمانة ما توقفين حركاتك جمانة بنرفزة عمتي هي اللي قالت كلام ما ينقال ماجد بهدوء أحرك يا ليلى ليلى بحنان وصوت دافي حرك يا ماجد طفاقة بنات مدري متى بيعقلون وديم دفتها بيدها سخيفة جمانة بعصبية وإنتي اسخف ربى غمضت عيونها وربي لو ما توقفين إنتي وياها بعلم جدتي ع المسخرة اللي تسوونها ورخت صوتها وإنه أصواتكم طلعت عند ماجد وديم تكفيين خوفتينا يا مامي جمانة كملت بصوت معتدل وبكل براءة بعدين عادي مو وديم تقول إنكم خاطبينها لماجـ.. حطت يدها وديم عند فمها وبخنقة اسكتي الله يفضح ابليسك يا غبية ربى تطالعهم هههههههههههههههههههههههههههههه هههه هههههههههههههههههههههههههههههه هههههههههههههههههههه ههههه ماجد اللي ما سمع شي ابتسم لضحكة إخته اللي طالعه من قلب وتمتم إن شاء الله دوم يا رب ليلى راسها مصدع مسكت راسها بألم ماجد الله يسعدك مطولين ابتسم ماجد لا كلها عشر دقايق تعرفين القاعات بعيدة عن وسط البلد ليلى بتعب صادق ربى بخوف بعد اللي صار لليلى ومع طلال صارت تخاف عليها كثير ماما فيك شي ماجد ضربت الكلمة عنده ع الوتر الحساس ماما يا كبرها يا ربى!! كانت ملامح وجهه تتغير بالضيق وبكل هدوء تتابعها جمانة ووديم الأولى تتأمل في محاسن خلق الله على قولتها والثانية تتأمل داخله و كل اللي تعرفه إنه ولد خالتها وأًعجبت بتغيره وعجبها صموده انتبه عليها لا حبيبتي ما فيني شي لا تشيلين هم كله صداع من العرس من زمان ما صار عندنا عروس وحب يلطف الجو حتى ما يبين الضيق عليه لأنه مره ما عجبه إنه ربى تنادي وحده غير أمه بمعنى الأمومه كلها كلمة ماما ما تستحقها الا اللي تعبت وربت أمه بس هي الوحيده اللي تستاهل هالاسم إن شاء الله قريب نفرح بربى الكل إن شاء الله وربى غرقت بحياها وبطيف طلال مد يده لا إراديا وشغل المسجل ع الشريط اللي فيه خيم الصمت مع ظلمة الليل وضوّ القمر وعذوبة القرآن من حنجرة شيخ الأئمة ماهر المعيقلي " يعجبني صوته هالشيخ أحسه يدخل القلب ويفرض الإحساس بالخشوع " ....!ّ يا زمان الآه عشت المستحيل وانتهى حلمي بطعنات الرحيل وانتثر دمعي على خدي النحيل وين ذاك الحضن ياليته يعود وين راس المجد مع ساس الجدود وين نبع الحب موثوق العهود ....!ّ صار لهم نص ساعة جالسين سألوا عنها ردت يلدا بابتسامة ارتباك إنها نايمه وإذا مرت ع الكل ما مرت ع الجدة رويدا لأنها تعرف القصة من أولها لهاللحظة طبعا حدث اليوم يرجع التقرير فيه لحضرة السيد راكان سألته وبكل مرونة جاوبها كان جالس وعقله مو معه حتى أخواته وراكان واضح عليهم إنه في شي صاير اثنين كانوا متخلفين لسى ما جو بشير تنهد وهو يميل على بسام بهمس شفيك؟ زوجتك فيها شي؟؟ بسام طالعه لمدة بصمت وبعدها قام هز راسه بشير مو عارف اشفيه غريب اليوم مو طبيعي في شي صاير وقف عند باب غرفتها دقه بخفة وحاول يفتحه زفر للحين مقفلة الباب رفع حاجب ومشى بالممر لجناح أبوه وأمه فتح الباب راح لزاوية قريبة من البلكونة الواسعة المطلة ع البحيرة الخارجية كاملة نافذة قزاز صغيرة فتحها سحب مفتاح غرفته بسهولة وطلع ما اهتم بالعواقب أهم شي يدخل يشوفها الحين حرك المفتاح وانفتح دخل صوت جزمته ضرب بالسيراميك وأصدر صوت حاد ناظر الغرفة ما في صوت تركزت عيونه ع السرير قرب منه بعد البطانية بخفة متكومه على نفسها ونايمه وواضح من ملامحها إنها نامت تبكي مسح ع راسها وهو يجلس ع طرف السرير ولما تحركت ابعد يدينه وتكتف يتأملها ويتأمل ضيقها بنومتها حتى وهي نايمه ما هي مرتاحه تحركت وفتحت عيونها وأول ما طاحت عينها بعيني غرقت وأبعدت عيونها وهي تعدل جلستها بسرعه وبصوت مبحوح وش جاي تسوي هنا؟؟ خذيت نفس وبعدين لتين وش بيفيدك البكا؟ نزلت دموعي فورا وبضعف كرهته شتبي مني أنا تعبت أنا تعبت يا بسام اتركني بحالي صوتها وهي تبكي وتتكلم من بين دموعها اللي صارت ملازمتها يقطع القلب لعبت فيني إنت وعمي ما بقيتوا فيني روح وهذا إنت رجعت لاحقني ليت عبد الله هنا وزاد بكاها لأن مالي عزوة تعذبني يا بسام وش ذنبي لو أبوي طلعت للدنيا وهو ميت وش ذنبي قولي؟؟ مابي منك شي بس رجعني الخبر واتركني بحالي يدري فيها ضايقه وتقول هالكلام من ورا قلبها وإلا ما في وحده تتمنى ترجع للي كانت هي فيه ومن غير نقاش سحبها وغطاها بحضنه حاولت تبعده بسااااااااااام اشششش لا تتكلمين تمسكت فيه لما حست بحنانه اللي معذبها ولما هدت بعدت عنه وعيونها في الأرض رفع ذقنها برقة ناظر عيونها بحر العسل تلمع والكحل ماخذ حريته بوجهها مد يده ناظرتها بعجز مسك يدها وقومها قومي غسلي وجهك وتعالي نطلع جدتي تسأل عنك بعدت عيوني عنه مابي أطلع لهم بسام برقة لتين جدتي طلبتك وحاسه إنه فيك شي قمت مرغومة عشان ما أفشل خالتي يلدا وشفته ينتظرني قدام الشباك العريض وبيده سيجارة على نهايتها مسدوحين ثلاثتهم ع السرير العريض بعد ما صلوا الفجر وديم هاديه لأول مره بحجة فقدها لبدور أختها جمانة تثاوبت ربى شتسوين بالجوال بهالوقت ربى ابتسمت على صوت المسج وفتحته حطت الجوال قدام عيونها انتظر هذي شوفي صورة بدور ع الكوشه ومعها زوجها دققت بالصورة هذا عادل؟؟ ما انتبهت عليه بالعرس قامت وديم وسحبت الجوال ناظرته بتمعن ضمته لصدرها ورجعت تبكي تنهدت ربى وبعدين وديم غرفتي تملت مناديل خلصتيها جمانة ابتسمت مشاء الله بدور مملوحه بس زوجها عادي ربى بلا مبالاة عادي مو شرط يكون حلو عشان تتزوجه يعني مو بني آدم جمانة عبست أنا ما قلت كذا قصدي أقارن بينهم بس تصدقين عاد وديم أحلى من أختها عند هالكلمة رفعت راسها وديم وبردة فعل غريبة رمت الجوال عليها بابتسامة إحراج مالت عليك توك تتفلسفين ربى ضحكت على وجه جمانة وهي مو مستوعبه الحركة ههههههههههههههههههههههههه جمانة بتكشيرة ربى مو كأني اسمع صوت رجال يا إما أبوك يا إما خطيب وديم وديم ضربتها وجع إن شاء الله ما قلت لك كذبه وكذبناها لا تعيدينها جمانة بعدم اكتراث ما حد قالك تكذبين على بالك باخذه مثلا وغمزت لها وديم بعصبيه خذيه وتهني فيه بعد شعندك تركتهم ربى يتناقرون لأنها فعلا سمعت صوت ع الباب مره ثانية فتحته واقف بالطرف وعيونه مغمضه ربى ربى ابتسمت هلا ممكن؟! أصوات العلل اللي عندك!؟ أبي أنام تعبان بكره وراي عمل عقدت حواجبها عمل؟! اللي تذكره إنه فصلوه كيف الحين؟؟ ماجد ابتسم وعين مفتوحه والثانية مقفلة أبوي شغلني عنده بالشركة وبفرحة نقزت عليه و ضمته ضحك وهو يتركها يللا دعواتك وقبل لا تدخل ربى لقت شنطة وديم حقت العرس تنحذف من داخل وسمعت صوت ماجد النعسان وهو رايح انتبهي يا أختي من أي حوادث مو ناقصين يرجع المعرس مفجوع على زوجته ويييي يا ويلي شقاعد يقول وفجأة تلاقي الصندل على راسها صرخت بألم جاها ماجد بسرعه شفيك ربى مسكت راسها وشوي وتبكي قرب لها وهو معقد حواجبه تعورتي؟؟ ياليـــل متأكده هذولي بنات طلعت وديم يا قلبي ربى هذي جمون الحمـ... شافت عيون ماجد تنزل بسرعه للأرض حطت يدها على فمها تمنع الشهقة ودخلت ورقعت الباب نيابة عن صرختها ربى ابتسمت بين ألمها مو ع الموقف قد ما هو ع ردة فعل أخوها يالله يا ماجد قد ايش تغيرت ياهووو نكلمك مو توني موصيك لا تروحين لطلال مشوهه ربى انحرجت قالت وهي تبعد بالله؟ مو أنا قايلة لك ادخل لا تشوف خطيبة المستقبل ماجد كرر وراها بعبط خطيبة المستقبل ربى ضحكت وهي تتركه وتدخل تشوف حسابها مع البنات رجع عادها خطيبة المستقبل وديم!! عز الله رحت فيها يا ماجد ههههههههههه دخل غرفته وسكر الباب نزلت مع بسام ويده محاوطه كتوفي أخذت نفس وأنا أسلم ع جدتي خذتني بحضنها ما تركتني حتى قال بسام بمزح أربكني ها يا جدتي ترا أغار أنا زوجها ما قد حضنتني كذا الكل هههههههههههههههههههههههههه راكان نطق ويا كثر ما أخاف وأحط يدي على قلبي بس شفته بيتكلم لأني أدري فيه بيجيب العيد علينا بسووووم؟!! بسام ابتسم بوجهه وطالعني بنفس الابتسامة حسيت بعيونه كلام لكني أوقف عاجزه قدام نظراته ما أعرف وش يقصد للحين؟؟ كنت واقفه جنبه بينا شبر فجأة ما حسيت إلا بوحده جايه ورمت نفسها بقوة بحضن بسام وهي تضحك فتحت فمي بنت أكبر مني يعني يمكن بأواخر العشرين شعرها باذنجاني وملامحها متناقضة عين وسيعة بأنف واقف وفم عريض"ما لاحظتوا إنها تشبه أحد؟؟" أكثر شي ملفت فيها كان جسمها مثل تاله طويله وجسمها متعوب عليه في النوادي والريجيمات والأغرب من هذا كله إنه بسام كان يضحك معها وكأنه عاجبه الوضع إنها بحضنه توقعتها زوجته أم ميرا رصيت ع أسناني ورمشت بتوتر لما جات عين بسام علي أول ما دخل رويد حيا الكل وناظرني وابتسم ابتسامة واسعة حلوه وقرب ارتبكت أكثر ولا شعوريا صرت أرمش بعيني ريحة عطره انتشرت بالمكان تذكرت اللي صار لي هذاك اليوم حسيت إني برجع وبكل ثقة جاي بعد انتبهت لبسام ترك اللي معه وقرب مني وحاوط يده على خصري وقربني له رويد ولا كأنه واقف بسام بجثته قدامه حسيت برهبه بسام جنبي وهذاك قدامي وبينهم نظرات كأنها تحدي غمضت عيوني بألم هو كل ما شاف بسام رويد غرز أصابعه بخصري وش ذنبي؟؟ أخيرا نطق رويد بصوته الجذاب تشوري دي ستا سيتا ! سمعت شهقت لين وسجى وشفت تاله تحط يدها على راسها ما عرفت شقال بالضبط لأنه متقن للإيطاليه ويتكلم بسرعه وطلاقه ولا مداني أفكر لأن بسام بعدني بقوة طيحتني ع الكنبة والمصيبة طحت ع خاله بشير اللي سندني بسرعه وهو يقوم لبسام قاموا كلهم وهم شايفين بسام مسك رويد من ياقته ومن غير ما يتكلم وجهه هو اللي كان ينطق عصبيه ارتعبت أول مره أشوف بسام بهالشكل ست سنوات ما قد شفته بهالمنظر وجهه مسود وعرق بجنب جبهته طالع ويتنفس بصعوبة رفعه بيد لأنه أضخم منه بوضوح ومن بين أسنانه يا خسيـــــــــــس هذي مو مثل اللي تعرفهم _ صرخ _ فاهم ورفع يده بيعطيه الكف توقعت ينشل منه لكن جدتي مسكته وبعين مترجيه وحازمه نزل يدك يا بسام واتركه خلاص كفايه ما حشمتوني إنتوا الإثنين ناظرها ورماه بالأرض ومسحه بنظرة احتقار ومشى وقف عندي مسكني بيدي بهدوء ولا كأنه توه معصب وسحبني له لصقت فيه ورمشت ناظرني بعصبيه ومن بين أسنانه لاااا ترمشيين فاضي هذا وقته يقولي هالكلام وبين هالمعمعة فتحت الخادمة الباب ودخل اللي اشتقت له فعلا ولحنانه ابتسم للكل واختفت ابتسامته لما شاف أشكالهم الكل معبس ورويد متسند ع حضن جدته نطت تاله له وارتمت بحضنه وهي تمسح دموعها داااااااااادي وحشتني مسح على راسها بحنان وأنتوا بعد وحشتوني تسحبوا بهدوء راكان ولين يسلمو عليه لف بسام عنه وناظر الموجودين ووجه كلامه لجدتي اللي قاعدة تمسح ع شعر رويد بحنان ومحبة واضحه وهو هادي ولا يناظر ناحيتنا حتى هذي ثاني مره والله وهذاني أحلف قدام الكل وربي اللي خلقني وخلق هالحقير لو رجع قرب ناحية مرتي جنازته بتحضروها راح لأبوه باس راسه ويده عن إذنك يبه وسحبني معه لفوق كنت أرتجف من الخوف وتألمت كثير لأنه بسببي صار اللي صار دخل الغرفة وقفل الباب فصخ بلوزته وارتمى ع السرير وزفر بضيق وجهي انحرق قلت وأنا مستحيه بصوت واطي خير إن شاء الله ابتسم الخير بوجهك صعقت هذا اللي توه معصب ومزلزل البيت بصوته شاف تعابير وجهي قام وجا لناحيتي مد يده بكل سهولة وشال حجابي وبصوت هادي يخوف رويد مد يده لشي مو ملك له خاص فيني أنا من أملاكي وأنا أكسرها هاليد اللي تنمد على ورقة من أملاكي فما بالك لو كنـ... قاطعته وأنا أتذكر البنت اللي حضنته لو سمحت ما أبي أسمع من نظراته واضح انه انصدم لكنه قرب أكثر ولف وجهي بيده وصرت مقابلته مباشرة أنفاسه ريحة عطره البارده المختلطة بريحة السجايراربكتني وزاد هذا حياي منه الحين ليه مو لابس قميصه ضعفت ما أقدر هذا الشخص نقطة ضعفي همس يعجبك؟؟ صدمني سؤاله واحتقرت نفسي وش شايفني حتى يسألني سؤال مثل كذا أنا ما طالعت الرجال وأنا تايهه عشان أطالعهم وأنا الحين اعتبر متزوجة حتى لو على ورق أنا ما شفته ابتسمت بسخرية مثل ما عجبتك المدلعه اللي تحت عقد حواجبه وصغر عيونه بعدت وشبكت يديني ببعض وأنا مقهورة الغيرة ذبحتني جاوب بطريقة غريبة تعجبه وتذبح لتين قرب منها ولتين يا زعم ما هي خايفه واقفة ما تحركت رسم شبه ابتسامة وقرب وجهه منها رفعت حاجب ورصت على يدينها اللي بدت ترجف من الربكة واذنها بدت تحمر من الحيا بسام عاجبه الوضع يعجبه حياها ويستمتع لما يشوفها تحمر وتنقلب وبحركة بطيئة باس أنفها الواقف بشموخ لتين وهي ترمش بسرعه بعدته عنها إنت صاير قلييييييل حيا ضحك من قلب وابتسم أخيرا زوجــــــــتي تدرين وإلا أعلمك بطريقتي بلعت ريقي بتوتر وما رديت مع إني كنت شوي وأموت من الخوف والخجل رجع يسأل أعلمك؟؟ ناظرته بطرف عيني يستهبل الأخ بالله علمني ما أدري والله من متى؟؟ شفته قرب نقزت لآخر الغرفة وأنا أسمع ضحكته المميزة اللي تزيد ارتباكي انقــــــــــــــــــــــــلع حط يدينه بجيوبه وطلع سيجارة وولعها نفث منها وهو يناظرني كأني مجنونة بالزاوية تعالي ما بسوي لك شي هه غبية أنا العب ع الزفت اللي تحت مو علي أنا لتين الخالد ابتسم ابتسامة جانبية والنعم والله لكن إنتي الغبية مو هي عصبت وولعت من العصبية والغيرة والقهر أعموا عيوني جيت عنده وأنا أوجه اصبعي بوجهه شوف ما أبي أشوف وجهك هذا انقلع برا أخذ اصبعي بسرعه وباسه إنتي الغبية هذي البنت تصير خالتي ؟!! قد ايش أنا غبية وحمـ## وكل سبات الدنيا دايما أطلع خسارنة قدامه كمل بهدوء ورمى القنبلة وخالتك بعد؟!!!؟!! : سامر بالمجلس مع ماجد وديم بنرفزة رمت الغطوة والشنطة هالولد ما يغير عادته يقولي أطلعي وهو طاق حنك مع أخوك ربى وهي مسدوحه ع السرير تكتب بلابتوبها ههههههههههههه خليهم وحشوا بعض من زمان ما تقابلوا قربت بفضول وش تكتبين؟؟ ربى ابتسمت وهي تبعد الجهاز لما أخلص بقولك وديم بلا اهتمام اييه وش صار بعد ما قلتي لي وش سبب غيبة أخوك؟؟ ربى وهي تطالع الشاشة اممم ظروف وديم بالله إحلفي بس ما كنت أدري ربى هههههه لا والله - هزت كتوفها- بس كان حاب يغير نفسه وديم بعدم اقتناع اها دق جوالها رفعته بعصبيه نعممممم ربى مسكت إذنها الله يعينك يا ولد خالتي ويعوضك خير بإذنك وديم بعصبيه متأكد إنك برا والا جالس مع مجود ومن بين اسنانها زيين سكرت السماعة وقامت وربي شغلك عندي يا سامر إذا ما قلت لأبوي ربى ههههههههه الله معك حركت يدها بالهوا وهي تطلع مع السلامة سكرت ربى الاب توب وانسدحت ع السرير تناثر شعرها الأسود حولها برقة غمضت عيونها وهي تسترجع كلمات خاطره قرتها رعاكـ الله يا نور البصر..[تجي وتروح] وحبك في الضمير.. غيابك يووم يالغالي دهر.. غيابك يدعي الخاطر كسير.. بعدت غرتها وقلبت ع الجهة الثانية وبصوت مسموع متى بترجع يا طلال! رجعت راسها ع المخده وهي ترسم صورته بمخيلتها وتكتب تحت بالخط العريض لكـ وحشه تعدت كل المواصيل]].. تنهدت وهي تتذكر شكله لما يناقرها وضحكت لما تذكرته كيف يعصب على كلمة خالي وبصوت مليان حب وشوق والله إنك أحلى خال بالوجود . |
رد: رواية خنقت الورد يا يمه وبيديني انكسر ذبلان
....!ّيقولوا الناس: بغيابي تشب القلب وتضوي لك
حنيني من وهج شوقه..يميل القلب لا مالك قضى دمعي من عيوني.. أبي من عيونك أبكي لك تعبت أهرب من الأشيا البسيطة من تفاصيلك تعبت أسأل زوايا البيت عن أول وآخر آحوالك....!ّ فتحت الغرفة والنور عقدت حواجبها ونادت أختها باستغراب لماااار لموور إنتي هنا دارت عيونها بالغرفة سمعت صوت ونور خافت جاي من غرفة الملابس دخلت بسرعة كالعادة شافتها متكومة على نفسها ع الصوفا البرتقالية المدورة تنهدت وهي تقرب منها بهمس لمو حياتي جلست جنبها حطت يدها على كتفها رفعت راسها منظرها قطع قلب أختها دموعها خط شق خدودها نصفين شفايفها الرقيقة ترتجف بصمت وعيونها كلها ألم وحزن ما قدرت تخفيه وتصبر أكثر من كذا ضمتها بحنان وهي تخفي دموعها لمار حبيبتي وش اتفقنا لا تسوين بنفسك كذا كفايه ضمتها زيادة وزاد نحيبها من غير لا تنطق دخل خالد إللي كان يدور عليهم ولما شافهم بهالحال حك حاجبه يمنع نفسه لا تتأثر زيادة ويحصل اللي ما يبيه لأنه عاطفي لأقصى حد أشرت له سارا يروح قال بصوت غلفه الحنان والحزن يارو تحت سمع شهقة لمار وأومأت له سارا براسها إنه يروح رجع على ورى وطلع بقلة حيله وش بيده يسوي أخته صمدت مده وإنهارت بأشد قوه ما كان أحد متوقعها حابسه نفسها وصحتها تدهورت وصارت تنكتم كثير عايشه على كمام الأكسجين اللي بغرفتها عجزوا معها مو قادرين يتصرفون بشي وفيصل العاشق بصمت كل يوم ينقتل بهدوء لكن إبتسامته مرسومة على طول خوف من إنه يعذب أحد معه لكن لمتى وش نهاية هالصبر؟؟ استوعب إنه في وحده واقفه قدامه تطالعه بذهول ناظرها وهو رافع حاجب مع التفكير يارا ارتبكت لأنها كانت واقفه عند الباب بتدخل وهو واقف عنده وسرحان بعد بإحراج وهمس اسمحيلي دخلت يارا وقلبها بيطلع كفايه عليها كذا حرام عليك يا خالد!! ....!ّيا خسارتنا المريرة نارنا صارت رماد واحد وعشرين دولة ما تصدت لليهود....!ّ كانت طبيعتها خلابة وللحين مثل ما تشوف هذا اللي خلا الأندلسيين يتمتعوا بإحساس رقيق ومرهف دفعهم إنهم يألفوا الألحان السهله والعذبه بنفس الوقت حتى تتماشى مع حياتهم وطبيعة حبهم للغنا واللهو الترف اللي كانت عايشه فيه الأندلس أثر بأهلها كثير يوم طاحت بيد النصارى عشان كذا شفت كثير من القصايد اللي ألفها أصحابها نابعة عن عاطفة قويه وشعور بالحزن منها ابن الآبار شاعر أندلسي معروف يقولك بقصيدة رثاء للأندلس.. يا للجزيرة أضحى أهلها جزرا للحادثات وأمسى جدها تعسا ففي بلنسية منها وقرطبة ما ينسف النفس أو ما ينزف النفسا مدائن حلها الإشراك مبتسما جذلان وارتحل الإيمان مبتئسا<<هذا البيت مره أثر فيني*الأندلس:أسبانيا والبرتغال حاليا.. ابتسم طلال بأسى جد حلوه القصيدة ومؤثرة تنهد وافي كل شي قاعد يروح من بين يدينا وإحنا له وأولى فيه لأنه كان لنا وبيبقى لنا لكن وين اللي يسمع ووين الي يقول ويفعل ضرب كفه ببعض ما بيدنا شي إذا حنا فلسطين من أراضي الوطن العربي متكتفين قدامها مثل قلتنا ما بيدنا إلا الدعاء والله يسهلها وأخيرا رفع راسه فيصل وهو يسمع من البداية ومستمتع بمعلومات وافي الشامله ناظر الجسر قدامه والمويه الصافيه بمجرى النهر قدامه ما كذب هذا هي أسبانيا جمال وروعة ومناظر ابتسم بفخر حتى لو ضاعت منا لكن بيوم من الأيام كان يحكمها الإسلام هزه وافي وين وصلت؟؟ ابتسم وهو يلف معكم وينه طلال وافي بحنان هذا اللي معنا صار له ربع ساعة رايح فيصل انحرج وين راح يكلم مديره على الرجعة تخيل المجنون بيرجع بكره بالطيارة ناظره فيصل وحنا وافي ابتسم بهدوء وهو يتكتف ويناظر البحيرة إذا ودك تجلس جلست معك وإذا نويت ترجع بعد أنا حاضر فيصل ربت على كتفه تسلم يا وافي هذا من أصلك أنا أقول دام طلال بيرجع خلاص خلنا نرجع كلنا وهو يمشي معه على قولك نرجع كلنا رفع عينه لها ينتظر ردة فعلها توقع تصرخ بوجهه أو تكذبه لكنها بكل بساطة ناظرت ببرود لو قلت لي إنها هنا تنتظرني برا الغرفة ما بروح لها إذا إنت عرفت وش معنى الأم يا بسام أنا ما عرفت ولا عمري راح أعرف تركته بصدمته وطلعت شافتهم كلهم جالسين استغربت جدتها فيه لسى قربت منها اللي تتسمى خالتها للحين لتين تحس إنه ماهي مستوعبه نفسها يعلى وينزل حضنتها كيفك لتين حبيبتي ناظرتها بقرف وبعدت يدها عن كتوفها ماني بخير دامك طلعت بحياتي جيهان بصدمة ودلع لتين أنا خالتو لتين بتريقه لا عاد تصدقين ما أعرف ارتجفت شفاتها قالت تقوي نفسها وهي تجلس جنب راكان تحس الكل صاروا غرب عنها يكون بعلمك لا إنتِ ولا اللي تتسمى أمي تهموني ولا عمري فكرت أسأل عنها حتى خل اللي تركتني عشانه ينفعها بعدت عيونها عنهم حست بيد تحاوط ذراعها رفعت عيونها له ناظرها راكان بانكسار وحنان وكأنه يواسيها كان ودها ترتمي بحضنه وتفرغ اللي فيها عيونها غرقت سحبت يدينها بهدوء وخرجت للمر دخلت على أول غرفة راحت لها كانت بسريرها ساكته أخذتها بحضنها ضمتها وبكت تحركت بحضنها مو فاهمه شي بس كل اللي تعرفه هالطفلة إنها تعلقت بهالبنت اللي تقطر حنان حطت يدها ع كتفها بحنان لفت بفجعة ولما شافتها نزلت عيونها وتركت لدموعها الراحة أخذت منها ميرا وضمتها لتين مسحت دموعها آمري خالتي يلدا بعطف لتين مهما كان هذي أمك وشرح لك بسام وش السبب اللي تركتك عشانه لتين مجروحه وماحد حاس بعمق الجرح اللي بقلبها شهقت وهي تبعد شعرها عن عيونها ما أبيها خالتي ما أبيها واجهت الموت وهي بعيدة عني خلي زوجها ينفعها ما أبي أشوفها يلدا وهي تمسح على شعرها لو إنتي ما تبين تشوفينها ولا مو مهتمه أجل ليه تبكين سكتت لتين ما عندها رد لأنها فعلا تبكي لشي يهمها ربتت عليها وهي تحضنها لتين أحيانا الدنيا تمشي عكس اللي نبيه بس إحنا المفروض نوقف قدام هالمصايب وما نضعف لأننا لو ضعفنا ما راح نقدر نعيش وهي تبكي وبصوت كله يأس ياليتني أموت يا خالتي ولا أشوف اللي قاعد يصير فيني أخرج من مصيبة أدخل بأكبر منها :اششش لا تتكلمين قال هالجملة وهو ياخذها من حضن أمه رفعها بيدينه يلدا ابتسمت باستغراب بسام! وهو يلبسها الترانج كوت بنطلع شوي يمه تغير الجو عن هالخنقة لتين وهي تبكي بس أنا ما أبي أطلع حط الحجاب على راسها مو على كيفك وشالها وطلع لتين متمسكه فيه ودافنه راسها بكتوفه وبهمس بسام اتركني ما رد عليها وهو ينزل الدرج بسرعه كلهم كانوا تحت ابتسمت الجدة بتوتر ما قلت لكم يا عرسان الأسبوع هذا بيكون زواجكم ولما ترجعوا بنسوي الترتيبات بسام ناظر لتين للحين دافنه راسها فيه ابتسم بانتعاش لما نرجع نتفاهم ضحكوا عليه لما قال هالجملة وكأنه مو مصدق تصرف لتين وخرج حط اللقمة بفمه وطالع الكل شفيكم؟؟ ربى ههههههه شكلك نسيت تمشط شعرك حط يده على راسه ورجع شعره على ورى بإحراج من ليلى ليلى بحنان هههههههههه شكلك جوعان بالعافيه عليك ابتسم وهو يرجع ياكل الله يعافيك عمر إلا يا ماجد وش رايك تكمل نص دينك بلع اللقمة ببطأ وناظر أبوه وحول عيونه لربى المبتسمة بحماس وليلى بملامحها الحانيه تثاوب وهو يكمل أكله إذا هالشي بيسعدك ويسعد أمي بقبرها أنا ما عندي مانع ترحم عليها الكل ونقزت ربى لأخوها وضمته ماجد ناظرها باستغراب وهي ضامته وهو جالس ع الكرسي وشكلهم صاير يضحك عمر وليلى هههههههههههههههه ماجد هههههههه ابعدي عني خليني أكمل أكلي تركته وهي ترجع لمكانها شرايك بوديم ماجد بابتسامة حلوه ليلى أدرى بهالأمور شرايك يا ليلى ليلى ابتسمت والله وديم ما عليها مشاء الله فرفوشه وحلوه وغير كذا قريبتكم يعني أدرى فيها وربى تحبها هذا يكفي ربى يا قلبي عليك يا خالتي الله لا يحرمني منك الكل آميين ماجد بمرح شف! الحين مين اللي المفروض يحبها أنا وإلا ربوه ربى بدينااا من الحين الكل هههههههههههه قام الحمدلله ربى شرايك خالتي نكلم خالتي اليوم نروح لهم ماجد من فوق الدرج بصوت عالي مسرع خليني أقلب الفكره براسي أول عمر قلبو إبليسك بجهنم قول آمين من أول قاعد تلعب علينا ماجد هههههههههههههه سووا اللي تبون ليلى وربى ههههههههههههه كملت ليلى بنغزه لا اليوم في ضيوف مهمين جايينا بكره خلينا نروح لهم ربى رفعت حاجب باستغراب ضيوف؟؟! ليلى اييه ضيوف مهمين لابوك ولنا قامت بتطلع غرفتها غريبة ما قلتي لي قبل ليلى أنا أمس عرفت ربى اها مو مشكلة بكره بكره أهم شي إنه يتم الموضوع ليلى وهي تناظر ربى بسعادة إن شاء الله عدلت حجابي أول ما نزلني فتح باب السيارة الخادم أخذ المفتاح بسام وأشر له يروح ما رضى وكأنه متدبس بالأرض ابتسمت مع إنه ما كان وضعي يسمح أبد آخر شي عصب عليه وغصبه يروح قلت وأنا متكتفه ليه خليته يروح ناقصين حنا مصايب قرب وجهه مني وبعدت أنا وبابتسامة خبث تخافين علي؟؟ بوزت وأنا ألف وجهي بتوتر عشان أمك وبنغزه أمــــــي اعترفي عادي إنك تحبيني وميته علي الحب مو عيب على فكره ناظرته يستهبل هذا ضحك بخفه وهو يفتح الباب تفضلي لفيت وجهي مابي وين ماخذني ابتسم بحنان ماخذك تغيرين جو وتنسي الدنيا ومصايبها حسيت إنه ماخذني أسكر قال تنسي الدنيا قال هههههه :إن شاء الله دوم طالعت فيه بسرعة نزلت عيوني وأنا منحرجة قرب مني ههههه بعدت بسرعة بسام حنا بالشارع بروح معك بس بشرط رجع لفحته على ورى وهو يلعب بالمفتاح آمري رمشت أنا واقفه قدام بسام وهو مبسوط لا ويقول لي آمري وين ربى وعبد الله لو قلت لهم أكيد بيحسبوني انجنيت حسيت بلمسة يده الناعمه على خدي عيني طاحت بعينه شي فيها شدني ما قدرت أرفع عيني وكأني مخدره خدودي انحرقت وإذني راحت فيها كل هذا بس لأنه باس جبيني تحمحمت بحيا وصوتي مبحوح جيب ميرا معنا ناظر البيت وكأنه يفكر من عيوني ادخلي انتي ركبت السيارة قفل الباب وراح قدامي البيت وع اليمين الباركينق مثل المظلة محفوفة بالشجر وفيها كم سيارة لفتتني السيارة الحمرا هذي اللي ماني قادره أعرف فين شفتها تذكري يا لتين تذكري مو قادره منظر البحيرة خيالي والبط يسبح فيها ويحرك جناحاته وكأنه ينفض نفسه ويدفيها من ثلوج توسكانا القاتلة كان برد فعلا نفخت ع القزاز تكون بخار رسمت بطرف إصبعي قلب لا إراديا كتبت فيه بسام بس مسرع ما انمسح وكأنه يرفض اعترافي ضحكت بهدوء وأنا أشوف الخادم والسواق يتناقشوا بعصبيه شكلهم تصرف بسام غلط لازم السواق والخادم يكونوا معنا تنهدت وأنا أذكر حكي خالتي يلدا ..... أبوي كان رجل سياسي مهم ومعروف بإيطاليا وكان عنده معارضين كثار أولها لأنه مسلم من عائلة كاثولوكية متعصبة لدرجة إنه أفراد عيلته هم اللي كانوا يحاولون يقتلوه إللين مات مغتال على يد رجال تحت سلطة عمه عشان كذا ماحد من عائلتنا يطلع إلا وحوله حراس لأنه سبق وبشير جاته رصاصة برجوله منهم أما أمها واللي هي جدة بسام وجدتي عندها دور تصميم معروفة هي اللي تشتغل فيها تاله عارضة زي ما عرفت اسمها السيدة البيضاء Dama Bianca بس خاصة بالسيدات وعدتني تاخذني لها يوم بس مدري متى مع اللي قاعد يصير معي فكرت لثانية بأمي حسيت بالكره يتسلل لقلبي وبنفس الوقت شعرت بالحنين ما أدري لو شفتها وش بسوي عشان كذا أفضل إني ما أشوفها!! انتبهت على صوت ميرا نسيت كل اللي كنت أفكر فيه وأخذتها من بسام ضميتها وأنا أبوس خدودها المليانة يا قلبي بموت لو يصير فيها شي :بسم الله عليك لا تجيبين هالطاري طالعت وجهها البريء قاعده تضحك وتحاول تنطق كأنها طفل بشهوره الأولى عمرها أربع سنوات لكن المرض متمكن منها وحالتها ما هي خفيفة سبحان الله اللي يشوف العز اللي هم عايشين فيه ما يتوقع إنهم عاجزين يشفون بنتهم ليه لأنه ربي عطاهم المال لكن الصحة بيده حتى يحس الإنسان كيف هو عاجز ويحتاج الله بكل وقت وبكل زمان ومكان وصل فيصل وهذا هو واقف قدام بيت طلال طلال بابتسامة يللا ضف وجهك وسلم لي على أهلك وخاصة هههههه داليا ابتسم وافي بشوق لأخته أبشر ضغط زر الأنترفون بقلة صبر مشتاق لأمه ولأهله كلهم فتح له البواب آوووه مستر طلال طلال دخل بسرعه وترك الشنطة وطنش البواب وتركه يكلم نفسه دخل البيت ريحة البخور فايحه وأصواتهم متجمعين غريبة بس يللا حلو الكل هنا ما يحتاج يمر عليهم بعدين شاف أمه جالسه وخواته ترك الكل وراح لها باس راسها ويدها وضمها يمممه وحشتيني أم إبراهيم شهقت طلال فديت قلبك حبيبي الحمدلله ع السلامة تعبان يمه روح إرتاح أم خالد لا ما يرتاح أول شي يسلم علينا وبعدين على بيت حبيبته طلال وهو يسلم عليهم عقد حواجبه ما غيرها ربى حبيبته!! مين؟! الكل هههههههههههههههه جمانه بنغزه أفا يا عمي نسيت خطيبتك وخطيبة بعد فهموني شسالفة؟؟!! أم إبراهيم أنا خطبت لك يا طلال واليوم بتروح تشوفها لأنهم وافقوا طلال وعلامة تعجب فوق راسه تدور وافقوا بعد؟!! مين هم ؟!! وبعصبيه قلت لك غير ربى ماني متزوج إبراهيم وهو داخل مع يوسف للحين مراهق يا طلال مين غيرها يعني أكيد ربى اللي رجيت راسنا فيها وأمك تقدر تسوي شي غصب عنك؟؟ ارتاح طلال وانبسط بعد وبحركة عفويه حك راسه بس ما أبي أتزوج الحين الكل نعمممممم!! طلال هههههههههههههههههه عليكم أشكال احمم أقصد يعني مدري تجربة جديدة وحاس إني مدري كيف سارا تطالع خالها ياحلوه وهو مرتبك أول مره أشوفه كذا وما قد توقعت إنه في يوم يرتبك دايما واثق من حاله يارا ههههههههه خالي وش بقيت للعروس وبلحظة رجع طلال الأولي رجع الكاب على راسه إييه ومتى بنروح أم إبراهيم بحب واضح لولدها الصغير الحين ننتظرك إدخل بدل ثيابك وبسرعة لا تتأخر وإلا بهون قام بسرعة لا دخيلك لا تهونين ما صدقت أنا وطلع الكل ههههههههههههههههههههه جمانة والله ربى مو هينه شف وش سوت فيه يوسف باستهبال الحب وعمايله ههههههههههههههههه واكتفت لمار بابتسامة تمنع دموعها المتحجرة!! الجو هادي المطر توه وقف شايله ميرا النايمه على كتوفها ومغطيتها بالترانج كوت حق بسام القمر مضوي السماء فضلوا يمشون على رجلينهم وبإصرار بسام من غير الحارس كانت تعبانه ومهلوكة الجو يهلك من البرودة مع إنها تعودت بس برد تورينو يدخل العظم مد يده للمره الخامسه لتين بطلي عناد وعطيني ياها إنتي من غير شي تعبانه من غير نقاش استسلمت وعطته هي شالها وضمها لصدره بحنان وبيده الثانية حضن يد لتين البارده قربها منه ثاني مره لا تطلعين من البيت من غير جونتيات شوفي كيف شوي وتتجمدين نزلت عينها لجسمه ولا إراديا قالت بسام إنت بردان شوف كيف القميص ملصق عليك من المطر تكلم والدخان طلع من فمه بسبب البرودة لا تشيلين همي أنا رجال وابتسم ما قدرت ما تبادله الإبتسامة يالله شقد أنت حلو يا بسام!! خسارة فعايلك وإلا كان طلعت كامل والكامل وجه الله.. لما شافها مسرحه فيه ضمها لجنبه وكملوا طريقهم... جلست ع الكنبة الطويلة اممم طيب هالضيوف أول مره يجون ليلى بزهق ربى طفشتيني هذا عاشر سؤال تسأليه ربى ههههههههههههه طيب طولوا حاسه فيه شي وراك احساسي دايما بمكانه ليلى وهي تقوم هذا هو دق الجرس خليك عاقله طلعت وتركتها ربى شف! خليني عاقله ليه من متى أنا مجنونة ما أمداها تكمل تفكير إلا وأم ليلى وأم خالد وأم فهد مقتحمين المكان ربى !!! أم إبراهيم بحنان وشوو يعني ما بتسلمين علينا ربى ربى بارتباك ههه هلا هلا جدتي الله يحييك سلمت عليهم قامت تصب القهوة وبهمس وهي تعطي الفنجان لليلى هذولي الضيوف خالتي ليلى ابتسمت مو عاجبينك ربى على عيني وراسي والله وأحلى ضيوف لكن ليه ما قلتي لي أنهم هم؟؟ ليلى توسعت ابتسامتها وناظرت أمها يمه جا طلال ربى من سمعت الإسم لا شعوريا طاح الفنجان من يدها قامت ليلى بسرعة بسم الله عليك حبيبتي أم إبراهيم هههه من طروا الحبايب انحرجت ما عرفت كيف تتصرف جلستها ليلى ما عليك حبيبتي الخدامة تنظفه أم إبراهيم شالت تلفونها هلا يمه هههه اصبر شوي هههههه انزين مع السلامة قفلت تلفونها يمه ربى حبيبتي المعرس بيشوفك ربى بصدمة يشوفني؟؟!!! طالعت ليلى ليلى بحنان ربى حبيبتي هذا من حقه وحقك شرايك ربى بهمس يعني أبوي عارف من أول ليلى لا على أساس خطبة رسمية لكن قال بيشوفك الحين أم فهد قومتها يللا ربرب بلا دلع يعني ما تبين تشوفين طلال ربى بارتباك لا الكل هههههههههههههه ماجد من ورا الباب احممم يا ولد ليلى قامت ماجد ماجد ابتسم ها وين العروس؟؟ ربى راحت له وتمسكت فيه ماجد بلييز ما أبيه يشوفني ماجد ههههههههه عن الدلع ربى والله رجال والنعم فيه ارتحت له وبعدين فوق كذا – غمز لها – مملوح ليلى هههههههههههههههههههه ربى بإحراج شوف أنا بإيش وهو بإيش ما وعت إلا وماجد ساحبها معه ومدخلها المجلس مسحت على راسه بحنان وحب وإخته مستلمته تريقه حتى وهو نايم أبو فيصل هههههههه انتبهي لا يطلع ولدك كذا مناقراني سجى بدلع باباااااا حرام عليك فيصل فتح عيونه وفز سجى!!! سجى انفجعت شفيك بسم الله؟؟ وبصوت باهت من الصدمة إنتِ حامل؟؟!! سجى استحت ونزلت عيونها اييه أم فيصل ههههههه صار لها أربع شهور بس مو مبين فيها فيصل رفع حاجب بفرحه يا زعم مستحيه يعني سجى بقهر وش شايفني لوح قدامك ما أستحي فيصل ضربها على راسها وهو قايم خبله ما تستحين من أخوك أبوه وأمه ههههههههههه تثاوب وهو يطلع الدرج تصبحون على خير أنا هلكان بروح أنام أمه الله معك حبيبي الكل وإنت من أهله ناظر سجى بنظرة فهمت عليها وطلع نقزت الدرج وراه دخلت وسكرت الباب فيصل وهو يسمع صراخ أمه تهزأ فيها عشانها بتجري إنت متى بتركزين ناويه تطيحين ولد ماهر سجى شهقت وهي تضم نفسها بسم الله عليه أعوذ بالله ابتسم بلا معنى وبعيون مترجيه وهو يفصخ قميصه معطيها ظهره شلونها؟؟ سجى كانت عارفه بيسأل عنها قلبها عورها عليهم الإثنين تعبانين خاصة لمار حالتها كل يوم تردى عن الثاني تنهدت بخير لف عليها رفع راسها وبألم سجى خليك صادقه معي شلونـــــــها لمـــــــــار؟؟ لفت عينها عنه ومسحت دمعه طاحت غصب عنها فيصل لمار مو بخير مريضه وتعبانة نفسيتها البنت انهدت مره وحده أنا ما أقولك كذا عشان أعذبك زيادة لكن البنت بتروح من يدينا وإحنا مو قادرين نسوي شي سكت لدقايق بعدها تركها وأخذ روبه الديشانبور ودخل الحمام بلعت ريقها ومسحت وجهها لما دق جوالها طلعته "" مهورتي "" حاولت تعدل صوتها :هلا حياتي هلا بالغلا سجى وبصوتها المدلع آهلين بيبي : شلون حبي والنونو مدت بوزها اممم حبك مو بخير والنونو مدري عنه ماهر هههههه أفا مو بخير وولدي ما تدرين عنه سجى وهي تطلع من الغرفة وبصوت واطي ماهر حبيبي قلت لفيصل إنه لمار تعبانة ماهر بجدية لاااا يا شيخه لا تقولين سجى بحزن والله حزني توه رجع وسألني عنها قلت له إنها بخير بس هو أجبرني أتكلم تنهد الحين هو موجود سجى دخل يتروش ماهر إذا ما نام لما بجي الحين بسلم عليه وإنتي لا تشيلين هم اللي الله كاتبه بيصير سجى الحمد لله على سلامة وافي ماهر الله يسلمك حبيبي سجى اوكيه بايات ماهر بسرعة لحظة لحظة كذا من غير شي سجى تستهبل شي مثل إيش يعني ماهر دخل جو معها يعني شي من هنا وإلا هنا سجى والعبط وصل حده هناك وشو يعني ماهر عصب الله يقلع ابليسك انقلعي سجى ههههههههههههههههههههههههههاي أحبك مهوري ماهر هههههههههه فديتك حبيبي مع إني مو هذا اللي كنت أبيه بس أعرف الحين كيف آخذه يللا إفتحي لي أنا عند بيتكم سجى نطت قول والله ماهر هههههه والله وشوي وشوي سجو حبي لا يصير ع البيبي شي سجى بغيرة وهي نازلة الدرج ايييه كله البيبي والبيبي أنا صرت كخه من الحين ماهر بصوت ساحر يأثر بسجى إنت الأصل يا قلبي الأصل والبيبي الفرع ابتسمت بحيا يسلموو حبي ماهر بنفس الصوت يعني حبيبي بطول عند بابكم حفظت النقوش اللي فيه سجى وهي تضغط زر الأنترفون ههههههههههه تفضل . . . من ايطاليا.. الشجار القديم سهل التجديد >> نهاية الجزء الثامن عشر |
رد: رواية خنقت الورد يا يمه وبيديني انكسر ذبلان
>>الجزء التاسع عشر
متى وجدت الإرداة والصبر لا يوجد شيء صعب ..0..الحزن..0.. هو أن أصمت وفي داخلي ألم طفل يتكلم،،، صنمت أول ما دخلني ماجد ما في حركة ما في نفس عيني جات على طلال وكأني مو مستوعبه ما نزلت عيوني أحسها علقت مو راضيه تتحرك استوعبت لما شفت نظرته وكأنه أسعد إنسان وضحكة ماجد ربرب كل هذا تكحلي عيونك بالغاليين بلعت ريقي الله يفشل ابليسك يا ماجد ما بعد صار زوجي وبدل ما أطلع جلست مدري شصار فيني أحس إني مو ربى والله مو حاسه بتصرفاتي وهالمره نزلت عيوني ع السجادة مرت ثواني هاديه بس اللي فجعني إني شفت طلال قام وجلس جنبي بيني وبينه كنبه تقريبا وقعد يناظر الأرض كأنه يدور شي رفعت عيني لماجد استنجده لقيته يناظرنا كأننا معاتيه وفوق راسه عبارة وش يحسون ذولي؟؟!! ماجد أقول أخ طلال شفيك؟؟ طلال عدل جلسته وناظرني حسيته كأنه ما يبي يغمض عيونه لأنه كان مركز نظره علي وبصوته الواثق أدور اللي ربى تدوره فهمت قصده انحرجت وماجد قعد يضحك عجبته التريقه اللي طلال طلعها علي وقفت ولا اهتميت لنظراتهم بس قبل لا أخرج انتبهت بالمرايا اللي قدامي إنه طلال بشخصيته الواثقة كان يناظرني ويبيني أجلس بس كرامته فوق كل شي لأنه يدري إني ما بسمع له دخلت الحمام بسرعه ناظرت شكلي بالمرايا تنورة كلوش بنفسجيه وبلوزة بلون الذهب المطفي تحت الصدر حزام عريض بنفسجي شعري القصير الأسود مفتوح بحيويه وخدودي كانت بلاشر طبيعي كنت مستحيه وبنفس الوقت حسيت بشعور حلو وأنا أتذكر مقابلتنا ابتسمت برضا يا رب تسعدني وتكتب لي الخير مع طلال انتبهت إني قاعده أدعي بالحمام طلعت ولفيت من الدرج الخلفي ورحت غرفتي عشان ما حد يستلمني مو ناقصة ما أمداني أدخل الغرفة إلا والجوال يدق حلفت ما أرد كانت وديم ألاحظ إنه هالبنت دايما تخرب لحظاتي الحلوه لما ما رديت كم مره وصلني مسج توقعت شي مهم فتحته كان فعلا من وديم ومهم بنظرها وسخيف بنظري """ربوووه بدور الزفت ما راح ترجع قبل اسبوعين قال الله ياخذ ابليسه زوجها يقهرررر مسوي فيها روميو """ ههههههههههه الله يعينك يا ماجد!! سكرت الأنوار وفتحت الأبجورة الطويلة غيرت ملابسي ورميت نفسي ع السرير ما بنام بس أبي أفرغ نفسي عشان أفكر بالأشياء الحلوه لتين واتطمنت تدريجيا عنها مع إني أشك باللي يسمى بسام وطلال وبيصير ملكي هالاسبوع مثل ما قال أبوي ااااااااخ يا رب الله يرحمك ماما غمضت عيونها وهمست مثل ما دايما تكلم أمها ماما أنا فرحانة خليك راضيه عني... أتمنى تكوني جنبي الحين أرتمي بحضنك وأخبرك بمشاعري ضمت الدب الوردي لصدرها وحاولت تتذكر موقف طلال حتى ما تبكي.. دخلنا كان البيت هادي الخدم يتحركوا فيه للحين وخالتي يلدا الله يخليها جالسه تنتظرنا ولما شافتنا كأنه جبل وانزاح عن قلبها قامت أخذت ميرا بسرعة وضمتها وهي تمسح ع راسها قبل لا تعطيها خادمتها حبيبي وأخيرا رجعتوا شغلتوا بالي عليكم باس راسها بسام يلدا لا عاد تعودها وتطلع من غير الحراس يا بسام رضاي عليك معك لتين إنت مو لحالك ابتسم بتعب تطمني عليها إذا كانت معي تسمعي خبر وفاتي منها هي بنفسها وهي سليمة يلدا ولتين بعفوية بسم الله عليك رفع حاجب يا بختي والله عندي أم وزوجة يخافون علي وضمنا بيدينه العريضه استحيت مو من شي قد من كلمة زوجتي للحين مو متخيلتها يلدا عقدت حواجبها شفيها ثيابك ليه مبلله بتمرض بسام وعرسك بعد أسبوع لفينا الاثنين على هالكلمة شفيكم مو قالت لكم ماما؟؟ تكلمت بصعوبة عرس ايش خالتي؟ وبسام يناظرني وكأنه يستنى النتيجة يلدا حبيبتي لتين ماما قالت لازم نسوي عرس حتى الناس ما تتكلم عنا تعرفين مكانتها بالبلد وتهتم أمي بهالأشياء وبعطف يللا لتين وافقي عشان خاطرها خليها تفرح فيكم عقدت حواجبي متكدره لأنه للحين ما أعرف موقعي وبقية حياتي كيف بتكون وكثير أشياء في بسام وفي حياتي غامضه للحين ما فهمتها :ها شقلتي توتا فركت عيوني بتعب سووا اللي يريحكم ما فرقت معي وطلعت الدرج وأنا أسكر باب غرفتي سمعت خطواتهم ع الدرج وقبل لا أقفل الباب حط يده بسام فتحته باستغراب ابتسم بود تصبحين على خير بعدت عيوني وأنا أخلع حجابي وإنت من أهله تركني وراح سكرت الباب ورحت آخذ دش وللحين سالفة العرس مأثره علي ماني متخيله إني بكون عروس لا ومع مين مع السيد بسام تنهدت بعمق وأنا أفتح المويه وأجلس فيها الله يقدم الخير.. ....!ّالوفا الغالي توفا والألم حقق مرامه قلت: يالمجروح قلبي كل خاين له ندامة قالي: ياليت ربي حط للطيب علامة....!ّ الظهران مول//Costa Coffee حط الأكياس وأشر للجرسون لو سمحت واحد موكا بارد لف عليها ربى لاتيه صح ابتسمت بتعب اييه زين انك ما نسيت طلب لها وابتسم وهو يرجع شماغه على ورى أفا والله أنسى شي مفضل عند أختي الغالية نزلت عيونها للأكياس تسلم ماجد وش بيبقى لك الحين بقى لي صندل عالي اممم التاج خالتي ليلى قالت لي بتجيبه محل تعرفه هي مثل ما انا ابيه ووووحلق مناسب عشان الزفة بتكون قبل لا يلبسني الطقم طلال قالت اسمه وابتسمت وعيونها تلمع ابتسم ماجد بحب لهالدرجة تحبيه؟ استحت ربى وقالت وصوتها تغلفه نبرة ممزوجة بفرحة وحزن أنا مو متطمنه من الكلام اللي قلته لي عن لتين وبسام ماني متصورة هالإنسان يطلع منه كل هذا ناظرته مو عارفه كيف توصل له الفكرة يعني مو متخيله أبد اللي قلته طيب وش ردة فعل لتين بس هي امنيتي اعرف بوشو تفكر الحين تتوقع تقبلته قرب جسمه من الطاولة المربعه للكوفي وهو يحط يده بتفكير على ذقنه تتقبله ليه لا ؟؟ بس صعبه صراحة على اللي كان يسويه وتوسعت ابتسامته بعدين انتي ما تدرين وضع لتين يعني هي هناك بحاجة وغربة من الطبيعي انها تحبه لما تكون ما تعرف الا هو هناك خاصة لو عاملها بطيب واظهر الشي اللي يخفيه بس لو كانت هنا ههههه اتوقع تروح عليه ولا كان فكرت تناظر وجهه بس ارجع اقول الرجال ترى لهم تأثير على البنات اللي مثل لتين اللي تكون محتاجه عاطفيا حد يوقف معها ويحسسها بالأمان والحنان اللي هي فقدته من صغرها سرحت بأخوها ولا انتبهت حتى على دخان الكوفي اللي قدامها يتكلم عنها ولا كأنها بيوم كانت حبيبته ابتسمت بألم هذا هو الحب الحقيقي إنك تحب الشخص وتتمنى له الخير سواء كان معك أو مع غيرك آذاك أو ما آذاك تظل تحترمه لأنه بيوم من الأيام كانت له مكانة خاصة بقلبك يعني لو واحد غيره كان انفعل وما رضى يتكلم عن انسانة كان يحبها صارت لغيره بس الظاهر هذا الوفا اللي قليل صار بهالأيام ونادر بين الناس لكنه ما انمحى من قلب ماجد سواء للإنسانة اللي حبها أو لخويه اللي عرف عنه.... "أنا من الأشخاص اللي مؤمنه وموقنه إنه الوفاء في هذا الزمن للأسف شبه صار معدوم وما تعرف الشخص إلا بعد مصيبه تصادفك معه وكل شخص انعدم من الوفاء دخل ضمن قائمة المنافقين بأعمالهم وأخلاقهم لأنه يظهر شي غير اللي داخله الحمدلله الذي عافانا" رفع صوته طلاااااااال انتبهت عليه هاا شفيك تصرخ من الحين أخذ عقلك يا ساتر بعدت عيونها عنه لا والله اني ما كنت أفكر فيه ماجد ابتسم اوكيه اشربي قهوتك عشان نرجع ليلى دقت تقول العشا جاهز رشفت من القهوة اوكيه خليه يحطها لي سفري بشربها بالسيارة لا خليك اشربي وبعدين نطلع لا والله ماجد خلاص اصلا تعبت من العصر وحنا نلفلف شدراني عنكم البنات ما يعجبكم العجب وبابتسامة ليكون وديم كذا ربى ههههههههههههه وأكثر يا حبيبي أنا رحمة جنبها وبهمس الله يعيني ربى وشوو؟؟ ماجد ولاشي خلصي القهوة خلينا نمشي هزت كتوفها قلت لك خليها سفري ما رضيت!! ....!ّ حبيبي لا تجيني قول.. وين انت؟ وانا اجـي لـك ابيك تقول وين انت.. وعلى عيوني انا اسعى لـك ... وربي فوق روس الشوك.. لا اخلي القلب يمشي لـك واخلي ظلالي يسبقنـي.. قبـل يحضنـي منزالـك ....!ّ قلبت القنوات بطفش تاله بعملها من الصبح تتدرب لعرض جديد نهاية هالأسبوع قبل العرس بيوم يعني يوم الثلاثاء وعرسنا الأربعا لين بالجامعة وراكان بالمدرسة ميرا للحين نايمه وخالتي راحت تزور امها قبل لا أنا أصحى على قولتها تتفق ع العرس أحس أنهم متحمسين وأنا وبسام ما همنا لأنه ماحد يعرف بمشاعرنا أتوقع يدرون لكن مطنشين على طاري بسام اكتشفت اكتشاف والله يستر من الجاي بسام يدرس بمعهد طيران باقي له سنة ونص هي سنتين خلص نص وبدى بالكورس الثاني يعني!! مطولين بإيطاليا بعدت شعري وأنا أميل بجلستي ع الكنبة وبسخرية يعني كيف؟ وين تتوقعين يالتين تروحين هنا أهله وناسه وهناك مالك أحد لا أهل ولا ناس خاطري أعرف شي واحد عمي وينه وليه ما سأل عني ودور أكيد شايف له صيده تلهيه ما فكرت أسأل بسام لأني ما أبي أعرف عنه شي ولو خبرني بوفاته ما راح أبكي عليه شخص واحد ما اشتقت لأحد كثره أخوي،،، عبد الله والله لو شفته لأتصدق لـ100 فقير شكر لربي شفت وجهها قدامي نسيت كل شي وأخذتها وبديت ألعب معها : ميرو حياتي قولي مـ..ا..مـ..ا ضحكت بطفولة وابتسمت ميري بحنان أشرت لها تروح وأنا بمسكها طلعت براسي بخليها تنطق ماما لو وش يصير قعدت أحاول تعبت معها ومو راضيه بستها على خدودها الحمرا على طول اففف ميرا حبيبتي ما لقيتي تاخذين من أبوك إلا العناد : وش فيه أبوها عاد حدك إلا الوالد رفعت راسي ع الصوت ما انتبهت وش قال حط جاكيته الأسود الرسمي ع الكنبة وقميصه الأبيض مفتوحه ياقته وكتبه فوق بعض ع الطاولة شكله راجع من الدوام بلعت ريقي بتوتر من شكله الأنيق رغم بهذلته قرب مني ورفعها بالهوا وباسها ميرا بابا شلونك اليوم وبكل براءة طفولة ضحكت بصوتها ونطقت بعدم وضوح مـــ..اما بغيت أنجن قالتها أخيرا ناظرني بسام بصدمة سمعتي اللي سمعته ابتسمت وعيوني تلمع وقمت باخذها منه أضمها قالتها تعبت وأنا أعلمها تيبست يوم بعد يدي وضمني معها وبصدق التمسته بصوته تدرين شكثر فرحت بنطقها ما كانت تتكلم أبد حاولنا معها من عمرها سنة وحنا نجيب لها الألعاب والمربية دايم تحاول تكلمها لكن ما في فايدة باس راسي وابتسم تسلميـ... تركته وجلست وبتوتر يزيد كان وديتها لأمها يمكن تنطق ناظرني وهو مضيق عيونه رجعت تقول أمها وإنتي وين شايفتها جالسه إن شاء الله بسام لا تستهبل ودها لأمها حرام عليك تحرمها منها من يوم جيت ما شفتك وديتها لها زفر ونادى ميري خذيها وديها لأمي شوفيها جات أخذتها وأشك إنها فهمت كلمة وحده جلس قدامي وهو يفتح باقي قميصه وهو رافع حاجب ناظرني ما بيننا مسافة : إنتي منو قالك إني متزوج وعندي بنت بعد وميرا بنتي كتمت نفسي وأنا ألعب بأظافري مدري شقول استجمعت قوتي لين متى ساكته وانحرق بمكاني وبنظرة حسيت شوي وأبكي إنت قلت..أنا سمعتك ناظرني بصدمة أنا!!!؟؟ وانا امسح دموعي اللي بدت تنزل مدري ليه يمكن لأني أحس بالضغف قدامه كنت تكلم بالتلفون زوجتك وقلت بوسيها وقولي لها بابا مشتاق لك وياويلها تنساني بسام ابتسم ر غم استغرابه وحافظه النص بعد اخخ منك يالتين وتكذبين عيني عينك وتقولين إني ما أعني لك انهارت هي متضايقه وحالتها صعبه وهو بكل بساطة يبتسم حطت راسها بين يدينها وهي تمسح دموعها بألم حط يده على كتفها المهتز من البكا لتين... بعدت يدينه ما أبي منك شي ولا تبدا باسطوانة اللف والدوران والتطنيش قال بسرعه اوكيه قولي لي كيف جزمتي إنها بنتي وإني متزوج بس عشان هالمكالمة ما ردت هذولا هم الرجال يسوون اللي يبون دايما وبعدين بكل برود ينكرون كل شي وكأنه شي ما صار لما شافها ساكته قرر يكمل مسك يدها ما قاومت :ميرا أختي مو بنتي! رفعت عيونها وجات بعيونه ظلت تناظره بصدمة كمل بصدق أنا مو متزوج صحيح عمري 28 سنة بس مو متزوج لأسباب مو لازم الحين تعرفينها وقفت بذهول مستحيل مستحــــيل اللي يصير معي وقف معها لفها لجهته وكمل بصوت هادي إنتي زوجتيني وخليتيني أخلف وسميتي بنتي بعد قاطعته وعيونها مغرغرة وبهمس ليه ما قلت لي؟؟ قرب راسها منه وضمها مسح على كتفها بحنان إنتي أول إنسانة أتزوجها وما قد لمست مره بحياتي حتى إنتي وإنتي زوجتي! استحت وهي تبعد عنه وتمسح دموعها إنت ما خليتني أدري عن شي كل شي فيك غامض رفع حاجب وتظنين إنك كتاب مفتوح يا لتين 6 سنوات وأنا أشتغل عند عمك وللحين ما أعرف كل تفاصيلك الداخليه عقدت حواجبها بعدم تصديق! أردف يوضح قلت داخليه يعني ما أعرف شي عن مشاعرك بس وإلا الباقي حافظة مثل اسمي لتين بابتسامة سخرية وما كفاك؟؟ قرب منها ومسك كفينها من أطراف أصابعها وهو يتأملها وبصوت هامس أنا أجهل أهم جزء فيك واللي أنا معاك عشانه قرب يدينها له وباسها فهمتيني؟ فهمت وكيف ما أفهم وهالإنسان صار في داخلي عالم! اكتفيت بابتسامة أمل من غير لا أرد دخل راكان وهو يلهث ههههههههههه الحقوا أمي دخلت بنقاش حاد مع خالتي جيهان عشان العرس ناظرناه حنا الاثنين ويدي للحين بيده تكلمت لما ناظرني بسام راكان قول لأمك هي تتكفل بكل شي جيهان مالها دخل ولا أحد طلب رأيها راكان بس هذي خالتك يالتين! انزعجت قلت بضيق وأنا ما أعترف قال بإصرار اعترفتي والا ما اعترفتي هي خالتك وخالتي نجد أمك بعد من بين اسناني نطقت بقهر راكــــــــــــــان وباستفزاز رد نعـــــــــــــــــــم ناظرت بسام بترجي وقهر بساااااام وكأنه أحد كب عليه مويه بارده انتفض نعم كملت بعفويه ناسيه أنا وش لابسه "شورت مخطط فوشي وأخضر وأزرق وبلوزة بكم طويل بيضه وبالوسط فيها قلب بنفس لون الشورت"وأنا اتمسك فيه بدلع شوووفه لف عليه بسام راكان اعقل وبلا تفاهه راكان بخبث عداااااااال لا تذوب علينا بس شفت شي يطير وراكان يهرب ووراه بسام ناظرتهم بهباله وخدادية الكنبة الصغيرة طايحه في الأرض بعد ما أصابت راكان فديت بساااام ما يرضى علي تاله ههههههههه شقايل راكان ناظرتها وهي طالعه الدرج ابتسمت وصل لك تاله ههههههههه بسام تحت معه شافهم أبوي ويوم سأل قاله بسام إنه راكان يعلق تعليقات تخدش حيائك ضحكت وضحكت من قلب بعد مو لشي قد ما لأني فرحانة اليوم بس لأني عرفت إني أول بنت بحياة بسام! يالله شكثر حلوه الكلمة الحمدلله يا ربي طالعت تاله اللي جلست ع التلفزيون بلبسها تلوو شسويتي اليوم جلستني معها بحماس وتركت التلفزيون توتا عندي لك اقتراح وجدتي شجعتني عليه وقالت لي أنا أسألك ابتسمت بتفاؤل وشو؟؟ سحبتني لها وباستني بقوة بعدتها واستغربت تلوو ما أحب بنت تبوسني غمزتني بخبث بالله طيب إذا ولد أقصد إذا بسام عادي؟؟ ضربتها على كتفها وخدودي حمرت قليلة حيا أصلا إنتي من يومك ههههههههههههههههههههه اوكيه اسمعيني يوم الثلاثاء بيكون العرض وطبعا أي مصمم أو مصممه غالبا يكون آخر التصميمات فستان عروس ومدام إنتي عروستنا إخترناك إنتي تلبسيه وتاخذيه بعد العرض يعني يكون فستان زواجك هديه من دور التصميم حقت جدتي سكت أفكر والله قويه الحركة يعني أكون عارضه بذيك الساعة نو نو ما أبي صرخت بوجهي لتين مو على كيفك إحنا قررنا وخلاص جلست لين بعد ما سلمت وواضح وجهها مصفر تذكرت سطام الله ياخذه كل اللي فيها منه الله لا يوفقه آمين دامكم قررتوا ليه جايين تقولون لها اييه والله صادقه ليه جايين تقولون لي الحين تاله زفرت بعصبيه أولا لين بلاش تتقمصين دور عبد الله بن أبي سلول الحين ثانيا لتين أنا أمزح استغفر الله كذبت ما قررنا جدتي ما رضت الين توافقين ابتسمت على عصبيتها وناظرت لين شرايك لولو ابتسمت أنا أقول حلوه الفكرة وما بينقصك شي لو نفذتيها تنهدت أوكيه عشان خاطر جدتي أسوي أي شي وبسرعة هجمت علي وطبعت بوسه طوييييييله ع خدي حسيت أحد بعدها عني شفت بسام يناظرنا بعصبيه خييييير تاله؟؟ فهيت أنا وجهي صفر شلون يفكر هذا تاله بابتسامة غبية وشوو يعني زوجتك حلال عليك وحرام علينا قرب راكان ببرود ومد يده قدامي ممكن ما فهمت عليه أشر ع يدي صرخ بسام فيه راكان وتبن انفجع وجلس ع الكنبة يا لطيييف كأنه ماحد تزوج غيره اففف استغفر الله ما فيها شي لو بست يدها يعني هي مثل أختي بسام وكان جالس جنبي وأنا أطالعه بابتسامة هادئة أختك بعينك لتين مالك دخل فيها تأفف بطفوليه لتين لتين لتين لتين طفشتنا إلا صح ع الطاري لتين وش معنى اسمك ابتسمت تصدقون إني ما أعرف رجعت ظهري ع الكنبة وهزيت كتوفي ما أعرف أفااااا يا ذا العلم ما تعرفين معنى اسمك وبفخر ضرب على صدره أما عني فأسمي يدل على الرزانة والوقار والعزة تاله وهي تلعب بشعرها ايييه صح مره يقولون انه راكان نوع من أنواع الكلاب الكل هههههههههههههههههههههههه راكان بقهر أخفاه يعني مو أحسن من التالوله إنتي لتين إذا ما تعرفين وش معنى تالوله أعلمك يعني الحبة اللي تطلع بالجلد يسمونها بعضهم إثلول وحرك حاجبه يقهرها تاله بغرور هييهييي يا حبيبي اسمي معناه النخلة الصغيرة شكبرك قد الحمـ## وصغيرة بعد بسام وهو على وشك يضحك على مناقرهم راكان احترم نفسك والا ابعرف كيف اخليك تحترم غيرك عدل سكت بضيق ناظر لين بحنان وإنتي لين وش معنى اسمك ردت بنعومة وهي تمسح ع خدودها الورديه لين يعني ضد الخشونة النعومة والرقة راكان بحب يا علني أفديك يا أختي أول مره أشوف وحده إسمها مناسبها مو أخوك بسام من كثرة الإبتسام المفروض نسميه كشرام قالها بطريقه مسرحيه ضحكتنا كلنا حتى بسام ضحك طالع بلتين اللي قاعده تضحك من قلب كأنه صار لها سنة ما ضحكت لمعت عيونه بنظرة حاول يخفيها لا تكشف نواياه غطت يدها بفمها وهي تضحك ابتسم عجبتك هاا؟؟! لف عليهم أجل أنا بقولكم وش معنى اسم ميرا له عدة معاني بس اللي حنا أخذناه إنه نوع من أنواع الزهور وإلا كيف لتين ؟؟ لتين ابتسمت حتى أنا سمعت إنه نوع من أنواع الزهور ناظرها ولف اوكيه واسم لتين معناه رمشت يعرف معنى اسمها؟؟!! تنفست ببطأ وسعادة وهي تسمعه تاله بحماس اييه وش معنى اسم لتين صراحة أنا أول مره اسمعه بس عجبني بسام معناه شدة الحلاوة راكان بزهق شوف عاد نعرف انها زوجتك وانك تحبها ما قلنالك تغزل فيها قلنا نبي معنى اسمها بسام شلون تفكر انت؟؟ راكان ههههههه من جد والله بسام بجدية من جد وسحب لتين لحضنه يعني مو مبين عليها لتين خدودها حمرت صفر راكان يا ويل حالي شوف خدودها وش صار فيها بسام ابتسم مالك دخل ع الاقل فيها حيا مو مثل بعض ناس ربي حارمهم هالنعمة راكان بطرف عينه شقصدك؟؟ تاله هههههههههههههههههههههههه راكان بقهر اضحكي انتي مره يضحك صراحة بموت أنا لين ابتسمت وهي تقوم بدو مناقرهم تاله وراكان الله يعين وقفت الخادمة باحترام Il cibo è pronto "الطعام جاهز" وبدقايق كان الكل من أكبرهم لأصغرهم ملتفين حول السفره . |
| الساعة الآن توقيت السعودية الرياض و الدمام و القصيم و جدة 10:45 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.