ازياء - فساتين سهرة و مكياج و طبخ - سؤال بسيط بمعادلة بسيطة :)

عندك صديق مقرّب ؟؟
لو كان جوابك : اها عندي أكيد صديق مقرب ...
بتثق فيه وبتحكيله كل شي عنّك وكل أحداث حياتك ؟
مخبي عن صديقك بعض الأشياء اللي مستحيل تحكيها لحدا ؟؟

لو كان جوابك : كل انسان عنده اشياء مخبيها وما بحكيها لحدا ...

آخر سؤال :
ليش ما خبرت هاد الصديق المقرب فيها ؟؟

1. ما بتثق فيه ؟
2. بتفكر إنه مش رح يفهمك ؟
3. بتخاف من العتب واللّوم ؟
4. بتخاف يكوّن عنك فكرة سيئة ؟؟
5. حاسس بالخجل من اللي عملته لهيك ما بدك تحكيله ؟

لو كان جوابك واحد من الاحتمالات السابقة
بحب أقلك للأسف إنه إنت ما عندك صديق مقرّب ومفهومك عن الصداقة المقرّبة غلط .

الصديق المقرّب هو الانسان اللي بيحتويك بجميع حالاتك وعيوبك وأخطاءك ومحاسنك .

للأسف معظمنا أو أغلبنا أو كلنا تقريباً ما عنّا انسان أو صديق مقرّب لإنه كلنا مخبيين أشياء بداخلنا ما بنحكيها لحدا أبدا .

عيد حساباتك ورح أرجع أعيد السؤال :
عندك صديق مقرّب بتحكيله كل شي عنّك ؟؟

هالمرة شو رح يكون جوابك ؟