رح للسهر والعالم الملتمه
 

رح للسهر والعالم الملتمه
و اسهر وانا ربي يروف بحالي
:
وابعد واذاضاقت عليك اليمه
تدل بيتي وتعرف جوالي
:
خل اليتيم الي فقد حضن امه
مال اليتامى غير ربي والي
:
تموت روحه في يدك من سمه
غالي ولايفداك غير الغالي
:
لاهانت العشره تهون الذمه
في وقت تنباع الذمم بريالي
:
الشان شانك وانت ابوه وسمه
تبقالك الفرحه وانا يبقالي
:
هم(ن)يزايمه البحر مع همه
ويصير من بعد الملوحه حالي
:
وشعر(ن)يذكرني براس القمه
والوجه الابيض والمقام العالي
:
ودرس(ن)يذاكره الزمن ويصمه
لاواهنيك يالفؤاد الخالي
:
وقصة ضياع وبعثره ومطمه
من جالك وحطيتها في جالي
:
اقف دلالي من دموعي جمه
واروح منها يابس(ن)فنجالي
:
اقص جرحي في الظلوع بدمه
وان هان الاول مايهون التالي
:
واجلس والارض لجلستي مهتمه
مدري وش اللي ماطرى في بالي
:
اشعر بقربك يوم ربي تمه
واناظره واثره ماغير ظلالي
:
انثر شتاتي في العرا والمه
ماعندي الاغترتي وعقالي
:
اصبح على الاطلال ضايع يمه
وامسي تحت جنح الظلام لحالي
:
:

رد: رح للسهر والعالم الملتمه
 

*اصبح على اﻻ‌طﻼ‌ل ضايع يمه
وامسي تحت جنح الظﻼ‌م لحالي
:
*
مشكوره ع الابداع لا عدمناك

رد: رح للسهر والعالم الملتمه
 

اسعدني و شرفني حضوركِ لمتصفحي

رد: رح للسهر والعالم الملتمه
 

امتعني موضوعك جدا اختي
واعجبني اسلوب طريقة سرد الموضوع
تدخل المعلومه بسهوله وتجعله مفهوما
بارك الله فيكي اختي ولا تحرمينا من مواضيعك المبدعه
دمتي بطاعة الرحمن

رد: رح للسهر والعالم الملتمه
 

يسعدني و يشرفني مروركِ