المشاركة الأصلية كتبت بواسطة غيمة عطر (المشاركة 4390098)

شكلك واعية وذكية وما بينخاف عليك

حبيبتي اول نقطة برافو عليك بتعرفي انو انت على اول عتبات سن المراهقة وطبعا لازم تعرفي انو هالسن حرجة شوي والاهل بصيرو بخافو على اولادهم وخصوصي البنات خلال هالمرحلة

وانا ما بتوقع انو في اهل بيستهزؤو باولادهم وانما هو احساس نابع من داخلك لانو حساسيتك بهالفترة بتكون زايدة شوي وسعي صدرك ولا تحطي هيك امور براسك

بالنسبة للموبايل والياهو والمسن والفيس بوك انا بتفق مع اهلك يعني مشان شو لسة بكير كتير عليهم واصلا انت مو بحاجتهم هلأ

والنت عالم بخوف ومو سهل وبدو حذر واحتياط شديدين

واذا كان عالملل والعطلة فانت فيك تنمي هواياتك المفيدة وبتقدري تستفيدي من وقتك باي شي بتحبيه وينميلك قدراتك

شوفي شو بتحبي وشو عندك هوايات وشو اهتماماتك شو صديقاتك مثلا

همسة اخيرة في اذنك لا تنجري ورا كل شي بيعملوه صاحباتك بمعنى لما بتشوفي صديقة الك مثلا مسجلة بالفيس بوك مو ضروري تفكري انو هاد الشي صح ولازم يصير لاء خلي عندك وعي اكبر من هيك

بتمنى تكوني فهمتيني