السلام عليكم حبيباتي : ):grin:

كيفكم ؟؟ ان شاء الله مبسوطين ؟؟!


بنات انا عندي فكره جميله تحتاج الى تنفيذ و دقه و متابعه و ايضا خوف من الله و يكون ذا العمل لوجه الله سبحانه ...

بما ان الصيفيه جت و الشباب قاعدين في البيوت و البنات بعد ... احنا ي الصغار نبي نساعدهم على الزواج باذن و توفيق من رب العالمين ... يعني زي م يقولوا هذا عمل تطوعي لوجه الله في الاجازه

" يا بخت من وفق راسين بالحلال " ليش م نكون حنا السبب ؟؟! بتعرفون كيف كملوا الموضوع و اشرح لكم : )

امممم نفتح تطوع اللي حابه تشوف الطلبات و تزوج تشترك هنا :::


بيصير كل بنت مسوله عن فئه
مثلا انا اكون مسوله عن فئه البنات اكتب اسمي (وسيطه خير للبنات)
بنت ثانيه تكون مسوله عن فئه المطلقات و الارامل تكتب اسمها (وسيطه خير للمطلقات و الارامل )
بنت ثانيه مسؤله عن فئه الشباب تكتب اسمها (وسيطه خير للشباب)
بنت ثانيه مسوله عن فئه المطلقين و الارامل و تكتب اسمها ( وسيطه خير للمطلقين و الارامل )
و هكـــــذا ......

اللي بيصير انو كل بنت تدخل منتدى تزويج و تكتب انها ؛ مثلا وسيطه خير للمطلقات و تطلب منهن ارسال مواصفاتها و مواصفات العريس ( نكتب للمنتدى انو احنا عملنا جماعي تطوعي من اجل تزويج اخواننا و اخواتنا و هذا لوجه الله ) و اصحاب الطلبات بيراسلونا على حسب الفئات .
و نصير احنا ي الاربع نتراسل: مثلا اذا في بنت حابه تتزوج من مطلق او ارمل او شاب اقوم ارسل بياناتها للبنات اللي معي و اصحاب الفئه و اذا لقت الوسيطه لها نراسل صاحبه الطلب انو لقينا لها عريس و الباقي هم يكملونها شوفه شرعيه و زواج

يعني م رح نطلب صور و لا خرابيط المواصفات زي م البنت تقول او الشاب او المطلق ....الخ

و نحط شروط يعني م نزوج واحد متزوج . و لا مسيار . فقط الزواج الشرعي المعلن على سنه الله و رسوله . يكونون المتزوجين سعوديين فقط ...

و بكذا نكون زوجنا بنات و شباب السعوديه باذن واحد احد

وش رايكم ي بنات ؟؟ اللي يبي الاجر م يقول لا

ادري بتقولون صعبه بس و الله في بنات كبروا و يبون الستر لا اكثر و لا اقل ..
خلونا نكون احنا السبب بنكسب دعوة منهم بظهر الغيب و اجر من رب العباد

و الله ثم و الله .. و الذي نفسي بيده اني صادقه و انه عمل لوجه الله لا اريد جزاء و لا شكورا
اللي موييد للموضوع يقول و اللي حاب يشترك كوسيط و ياخذ اجره من ربي يتفضل


و مشكورين ...