ازياء - فساتين سهرة و مكياج و طبخ

طلبتك تكفى ياحظ ..!!

ياحظ طلبتك تكفى لا تجافيني

اقعد بصفي طلبتك بس هالمره

ماعاد باقي دمع ما طاح من عيني
وآنا اتصبر واسب العيشه المره

يا قلبي الوافي امانه لا تخليني
تعبت من كبر الهموم بقلب يا صغره

الى متى يا هم تبقى مخاويني
خوه عزيز على الكسرات يا جبره

ابيه يبعد ولكن مو موحيني
وخف صوتي معاه وخفت النبره

ياهم تكفى ترا الي في كافيني
ماعاد فيني استطاعه حمل يا كبره

لامن سليت النهار الضيق يمسيني
ولامن سليت المسا قابلني من بكره

مافيه حيله ولا حاجه بيديني
حتى الثلاثه بعيني أصبحت عشره

لاصار صدري وطن الهم معطيني
جيش الهموم وجنوده بكامل الخبره

اقسم برب الذي خالقني من طيني
ماعاد تفرق معي ولا حركت شعره

والحين دامه تحدي بينك وبيني
هذا جوابي كتبته في طرف شطره

لا ضاق صدري وهمي جاي حاديني
وقفت قدامه وجالس وحدي انتظره

هموم بقعا تراقص مع شياطيني
وجنون شعري تمنى مني المطره

هذا قصيدي كتب من حر ما فيني
والقلب والله فلا هو منتهي صبره
للمزيد من مواضيعي