ازياء - فساتين سهرة و مكياج و طبخ

- ادب و خواطر (https://fashion.azyya.com/40)

- - تحيا الكويت (https://fashion.azyya.com/363309.html)

تحيا الكويت

تحيا الگويت ♥

لحد يجادلني على حب الگويت
حبه تمگن بالضماير والأعماق
دايم افگر به ليا اصبحت وامسيت
وگل القصايد لجلها اليوم تنساق
من سبة فراقه زعجت التناهيت
اضحك وانا نفسي من الهم تنعاق
بدايتي بالشعر للگويت سويت
يوم الغزو گتبت شعري بالأوراق
اول قصيده قلت ياگويت حنيت
والدمع من عيني على الخد حراق
واليوم مبعد عن ثراها وونيت
غصبن علينا نتبع دروب الأرزاق
لايمگن أنسى ديرتن به تربيت
أنشهد ان بعده من الصعب ينطاق
ياما هتفت بعالي الصوت ناديت
بالمدرسه في وسط طابور الإشراق
نرفع علمنا نقول تحيا لنا الگويت
تحيا الگويت اللي لها الگل يشتاااق

رد: تحيا الكويت

روووووووعه صح لساااانك
تستاااااهل الكويت

رد: تحيا الكويت

تسلم الايادي على الطرح الاكثر من رائع
لا تحرمينا جديدكِ
و تستاهل الكويت اكثر ياعسل

رد: تحيا الكويت

تحيا الگويت

لحد يجادلني على حب الگويت
حبه تمگن بالضماير والأعماق
دايم افگر به ليا اصبحت وامسيت

رووووووعه يعطيك العافيه

رد تحيا الكويت

شمعة ذوبها الغرام
حروف وكلمات في قمة الروعة
وتميز في الذائقة وحسن الاختيار
سلمت اناملك
وننتظر جديدك

تقبلي مروري