اعقد ونوي كل.......... البنات تدخل
 

السلام عليكم ورحمة الله وبركاته
واش راكم انشاء الله بخير مع رمضان
المهم
رمضان شهر ضيف اعلينا وعزيز اعلينا
وليوم جبتلكم لعبة حلوة ورائعة اسمها
اعقد ونوي
وهي عبارة عن البوقلات ولتعرف على اللعبة رايحة نعطيكم لمحة بسيطة عن البوقلات
في قديم الزمان اقتسم سكان العاصمة الجزائر المكان

فاصبح للرجل الشارع و للمراة السطح.

وبما ان كل البيوت متراصة سمح ذلك للنسوة بالانتقال عند بعضهن البعض

و اثناء اجتماعهن كانت البوقالات سيدة الجلسة

حيث تنوي الواحدة بينها و بين نفسها ان تهدي البوقالة لأحدهم

و يقال أنها كثيرا ما كانت " أي البوقالة " تعبر عن حالة صاحبتها.




أما فائدتها فكانت حينها السلوة الوحيدة لنساء العاصمة. و كن يقضين سهرة لرمضان بعدصلاة التراويح


فالبوقالة من التقاليد العريقة في العاصمة الجزائرية

حيث كان النسوة يتفنن في ابتكار الحكم
يمكن تكونو تعرفتو عليها
هي لعبة هايلة من التراث الجزائري كل البنات تتجمع وتبدى تقول بوقلات
وذلك من اجل الترفيه فقط
وانا حيبت نجيبها للمنتدانا العزيز من اجل التعرف عليها
لان ليس كل العربيات يعرفون هذي اللعبة
واذا عجبتكم
ااعقد ونوي شاركونا وتفاعلو معانا
وذلك كل يوم انجيبلكم مجموعة من البوقلات وانتو انوها في قلبكم وقولو واش رايكم فيها
وكل وحدة ليمن تهدي هذي البوقالة
ورايحة نعطيكم البعض من البوقلات اتمنى تعجبكم
بسم الله
يالله اختارو من 1 الى 7
بسم الله
1- انت ساعة و انا رقاص فيك انت خاتم و انا مرجان فيك نطلعو لراس الجبل و الي تلحق بكري تديك .
2-غرست و ردة في محبس كبرت و دارت الشوك و اش اداني نمسها حتى و ليت مهلوك
3-انتيا نجمة ضوات ليلا من تحت السحاب تلالا كي شفتك وحدت الله ما خلق يا مولايا قلتلك تحبني قلتي لا لا
4-شفت ثلاث بنات في وسط الدار الأولى قالت زهري محبوب و الثانية قالت زهري مكتوب و الثالثة جميلة قالت زهري مع المحبوب انا خيرت دعوة الخير تشفع فيا و تنحيلي الذنوب
5-ماني طبسى نتكسر ماني وردة تذبال راني خاتم دهب ولويزة في يد سيد الرجال
6-يانجمة النجوم راكى ضاوية في السماء ورايح يجى وليد الحلال اللي يخرجك من لهموم ويسقيك بالماء
7-نسول عليك يا لحبيب والسوال خير من ألف هدية ساعة على ساعة نتفكر الزمان و نقول إنشاء الله يعيا ويولى ليا.
يسلام كلام رائع وقمة
انا ادري حبايبي انكم اكيد مافهمتو الكلام لانو بالهجة الجزائرية لكن انتو اختارو ولي مافهمتوها انا اشرحها بالتفصيل
انا اخترت 7
وانتو يالله تفاعل
ولاتنسو
اعقد ونوي
وبالكلام الزين القعدة تزيان ولكلام الشين القعدة تشيان
سلام :a1:

رد: اعقد ونوي كل.......... البنات تدخل
 

4-شفت ثلاث بنات في وسط الدار الأولى قالت زهري محبوب و الثانية قالت زهري مكتوب و الثالثة جميلة قالت زهري مع المحبوب انا خيرت دعوة الخير تشفع فيا و تنحيلي الذنوب

حنونه انا نويتها على صديقتي رنوش
شكرا على هاد البوقاله
تقبلي مروري

رد: اعقد ونوي كل.......... البنات تدخل
 

-يانجمة النجوم راكى ضاوية في السماء ورايح يجى وليد الحلال اللي يخرجك من لهموم ويسقيك بالماء

اناا نويتها ع رهوف توامي

رد: اعقد ونوي كل.......... البنات تدخل
 

شكرا على الردود
باسم الله بديت ..و على النبي صليت
اليوم جبتلك بعض البوقالات
اختارو من 1 الى 7
1-طلعت للغابة ، صبت الضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس


2-عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.


3-الناس تنده بالرجال و الوالي ، وانا ننده بربي العالي .


4-يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك


5-جزت على جنية ، قالت لي واش تحوسي يا ولية ، قلت لها مانى نحوّس لا على ما ولا على جاه ، نحوس على من ضيّعت يولي لي

6-سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .

7-دارنا في الجبل ، مقابلة مكة ، مفتاحها من ذهب ، يشعل ما يطفي .

رد: اعقد ونوي كل.......... البنات تدخل
 

-يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك

نويتها على رذاذ انثى و تعرفي طلعت اونديري علاها صح مرسي اختي