بدي افكار واجواء رومانسيه للعيد اول عيد لي مع زوجي ساعدوني
 

عزيزاتي المتزوجات أن لي ست شهور متزوجة وخبرتي في الحركات الرومانسية قليلة بدي منكم تساعدوني بدي
حركات
وستايل جديد للعيد
لأنه زوجي طفش من التكرار

بديأفكاااااااااار العيد ليلة او يوم العيد
او يوم
متميزة والله يجزاها خير اللي ترد

ومين افضل اخلي الاكشن ليله العيد ولا يوم العيد
يعني بعد مايرجع من الصلاه ويعيد على اقاربه يعني بوصلني العصر او حتى بعده :rmadeat-55943b70d4:

واخر اشي نسيت احكيلكم اني بعيده عن اهلي وزهقانه :053:
يعني نفسي افرح واغير جوي الي ولزوجي((بالذات ان الفتره الاخيره كانت كلها مدائرات بيني وبينو على اتفه الاسباب)) فنقلبت حياتي شبه تعاسه :a3:

لا تنسوا تردوا يا حلوات :11_1_123[1]:

رد: بدي افكار واجواء رومانسيه للعيد اول عيد لي مع زوجي ساعدوني
 

والله يا حلوة بإيديك انتي لوحدك
انك تخلي حياتك سعيدة او تعيسة
خلي عندك فن مدارات الزوج
بالنسبة للافكار
يعني ما بتفرق افكار بليلة العيد ولا بعيد ميلاده ولا ايش ما كانت المناسبة
كلو واحد
لكن الي بيفرق مهارتك و شطارتك
بالتوفيق

رد: بدي افكار واجواء رومانسيه للعيد اول عيد لي مع زوجي ساعدوني
 

كيف فن مدارات الزوج؟؟

شكرا لمرورك روجينا

رد: بدي افكار واجواء رومانسيه للعيد اول عيد لي مع زوجي ساعدوني
 

وين الافكار يابنات

رد: بدي افكار واجواء رومانسيه للعيد اول عيد لي مع زوجي ساعدوني
 

اهلا يا ورد
طيب قبل لاحكيلك انتي كم عمرك؟؟؟
مافي حد من اخواتك اكبر منك او امك شرحولك هذه الامور قبل الزواج؟؟؟

طيب بإختصار يا حلوتي
و جملة واحدة بس:
لا تحطي نئرك بنئر زوجك
أد ما كنتي مدلعة عند ابوكي و اهلك
و كيف ما كانت طريقة حياتك قبل الزواج
الان بدك تنسي كل الدلع الي دلعوكي اياه اهلك
الان انتي عايشة مع بني ادم اسمو زوجك
ممكن تعتبري زوجك ثور لكن لا تناطحيه
معلش على التشبيه لكنه ازبط شي
لاااااااااااااا تناطحيه ابدا
لو شفتيه عصب و بدو يكسر البيت كلو عليكي
لا توقفي بوجهه
يعني معقول عمرك شفتي حدا بوقف بوجه الاعصار
آل بدو يوقف الاعصار!!!!
مستحيل والف مستحيل
و كذلك زوجك
المداراة: يعني تقدري تتصرفي مع المواقف بذكاء و بأقل الخسائر بالنسبة لك
اما اذا على كل صغيرة و كبيرة عملتي مشكلة مع زوجك
يعني هادي مش عيشة
هاد جحيم
و كل واحد يرجع يعيش مع اهله افضل له!!!
يا ترى انتي بدك متل هيك شي يصير؟؟؟

اكيد لأ
يعني اهلك زوجوكي و ما صدقو و يتطمنو عليكي
اذا ارفعي راسهم فيكي انك فعلا نعم الزوجة الذكية
الي بتقدر تعامل زوجها بذكاء

يعني كمان شوي بيجيكم اول بيبي
معقول تضلو تتصرفوا متل هيك؟؟؟

فكري بالمستقبل اكتر
ما تفكري كيف بدك تردي الكلام بوجه زوجك
و كيف بدك تفحميه و تحرجيه
وانو ما بصير انو ينتقدك او يحكي عليكي اي كلمة
لا طبعا هاد زوج
و اتوقعي منه اي شي
اصلا بحق الو انو ينتقدك النقد البناء الي فيه مصلحتك
وحتى لو انتقدك نقد غير بناء
هنا يجب انك تعرفي كيف تداري
المداراة
يعني حكى عليكي شي ما اعجبك
كيف بدك تردي بذكاء.....
شوفي
اسلوب البنوتات الدلوعات انو الوحدة تروح
و تزعل من زوجها لأيام و اسابيع
هاد سيبيكي منو
لانو اسلوب هدام
ولن يكون سبب في بناء حياة اسرية سليمة
تنازلي
لا تقولي كرامتي ما بتسمحلي
اياكي تقولي هيك
حتى لو كان زوجك ما بيتنازل الك
فإنتي لما تتنازلي عن عمل المشاكل
و تقولي له خلاص يا حبيبي متل مابدك
هون لما يشوفك تغيرتي
هو كمان تلقائيا رح يتغير متلك
لما يشوفك صرتي متل ما بدو
رح يصير متل ما بدك
و هاد الكلام تأكدي انو صحيح 100%
اما اذا ضليتي تتنائري معه
و توقفي له على الحرف
هون ما رح تكون النتائج مرضية
الكلام يطول غلاتي في هاد الموضوع
و في مواضيع كتير بهالمنتدى عن هاد الموضوع
ابحثي و اقراي و تعلمي
فعلا شكلك ما بتعرفي اشياء مهمة كتير بالحياة الزوجية
اهم من تعلم طبخة و لا غيره

اتمنالك التوفيق

رد: بدي افكار واجواء رومانسيه للعيد اول عيد لي مع زوجي ساعدوني
 

حبليبتي روجينا تسلمي مع انو في كلامك الي بعض البهدله بس مش مشكله عارفه انو لمصلحتي

انا عمري 22 سنه وبيني وبين زوجي اقل من سنتين
والله ياروجينا اني بفكر بالي بتفكري فيه وانا مش اني جاهله بالعكس عارفه و متفهمه وماخده دورات وجامعه و..
بس والله اني رح انجن من هالمشاكل البسيطه بس كبيره بحياتنا

حاولت وحاولت اني اكون زي مابتحكي وفكرت لو رح يجي بيبي وكيف رح يأثر هاد على اسرتي
صحيح انو اهلي دلعوني كتير بس انا كمان كتير عم بتنازل عن شغلات الي حتى انو اهلي للان بتنقدوني على اني بتنازل

بس عادي مابيفرق معي حكيهم بس والله كل تركيزي هاي الايام اني اتغلب على المشاكل وحتى اكون صريحه معك غالبا او دائما زوجي الي بيتنازل وبيحل المشكله

واد ماتحكي اقرئي قرات كتييير بس احيانا بشوف الواقع غير
في داخلي اشي انو سبب المشاكل تقارب السن
بيجيني شعور ان زوجي لايحسن التصرف او يتصرف معي بتفاهه وهاد الشعوور كتير مزعجني

روجينا لاتفهمي من كلامي ان حياتنا كلها مشاكل بالعكس الحمدلله الحب موجود وزوجي بحكيلي انو بيزيد
لكن المنائرات الصغيره كبيره وبتخرب على صفوه الحياه

واخر شي بشكرك من اعماقي لاهتمامك بموضوعي

رد: بدي افكار واجواء رومانسيه للعيد اول عيد لي مع زوجي ساعدوني
 

اذا انتي جاوبتي على سؤالك
و فعلا كلامك صح
تقارب السن بينكم هو السبب
يعني ينصح انو يكون الفارق بين الزوجين على الاقل 4 الى 5 سنوات
اما اذا دايما بتتنائروا فهاد سببه قرب الفارق بينكم

الحل بسيط اختي الحلوة
شو رايك تكبري عقلك انتي
و تكوني الافهم
معلش بعرف صعبة يمكن تكون بالبداية
انك تضلي تتنازلي
لكن طبعا انا لا اطلب منكي التنازل بالامور التي تمس كرامتك بشكل مباشر
لا طبعا
الحياة الزوجية المفروض تكون كلها مودة و احترام متبادل و رحمة
بتمنالك التوفيق

رد: بدي افكار واجواء رومانسيه للعيد اول عيد لي مع زوجي ساعدوني
 

الله يجزيكي الخير
تسلم يمينك