كحك العيد الناعم بالعجمية من مطبخ الشيف مونى بالصور
 

السلام عليكم ورحمة الله
بسم الله الرحمن الرحيم
كل سنة وانتو طيبين

مقادير الكحك
كيلو دقيق مخبوزات
نصف كيلو سمنة سايحة
250مللى لبن دافى(انا معرفش المللى ده قد ايه بس انا حطيت كوباية)
ملعقة كبيرة بيكنج بودر
2 ملعقة كبيرة سكر
ملعقة كبيرة ريحة كحك او اكتر للى تحب
سمسم(اختيارى)
الحشو
عجمية بالمكسرات(ودى اخدت طريقتها من فتوكة هنا)
مقادير العجمية
كوب الا ربع عسل نحل
ملعقة كبيرة دقيق
ملعقة كبيرة سمنة او زبدة
مكسرات مقطعةاو مجروشة
نبدأ بطريقة العجمية
اول حاجة هنقلب الدقيق مع السمنة على النار بشرط ان الدقيق لونه ميبقاش غامق
http://www.servimg.com/u/f33/15/33/51/98/110.jpg
وبعد كده ننزل عليهم بعسل النحل
http://www.servimg.com/u/f33/15/33/51/98/210.jpg
ونقلبهم كلهم مع بعض
http://www.servimg.com/u/f33/15/33/51/98/310.jpg
ونسيبهم يغلو على النار
هنلاقى الخليط تقل وابتدا لونه يغمق وابتدا يعقد يعنى يكون ليه قوام
وكل ماسبناه اكتر كل ماتقل اكتر يعنى انتى حسب مابتحبى قوامه
http://www.servimg.com/u/f33/15/33/51/98/410.jpg
قبل مانطفى نضيف المكسرات المجروشة
http://www.servimg.com/u/f33/15/33/51/98/510.jpg
نقلبهم مع بعض ونطفى النار
http://www.servimg.com/u/f33/15/33/51/98/610.jpg
ونسيبها تبرد عشان نعرف نشكلها
ولما تبرد العجمية هنلاقيهم قوامها طرى ومتماسك
زى كده
وعلى فكرة ياجماعة العجمية طالعة طعمها خطير لدرجة شلت حته منها اكلها لوحدها
http://www.servimg.com/u/f33/15/33/51/98/710.jpg
كده خلصنا العجمية
ندخل ع الكحك
اول حاجة هنجيب بولا كبيرة نحط فيها الدقيق ونحط عليه المكونات الجافة(البيكنج بودر وريحة الكحك والسكر)
http://www.servimg.com/u/f33/15/33/51/98/810.jpg
ونقلبهم ونحط السمسم
انا حطيت حوالى 3 معالق كبار سمسم
بس ده مش اساسى طبعا ده زى مانتى متعودة
http://www.servimg.com/u/f33/15/33/51/98/910.jpg
ونقلبهم كويس
ونعمل حفرة فى النص
وننزل على الدقيق بالسمنة السايحة
بس خلى بالكم السمنة لازم تكون دافيه مش مغلية
عشان لو سخنة البيكنج بودر هيفسد ومش هينشط العجينة
انا استخدمت سمنة فلاحى ودى طبعا خلت الكحك ناعم جدا وبيدوب فى الفم
http://www.servimg.com/u/f33/15/33/51/98/1010.jpg
ونقلبها كويس اوى بايدينا
يعنى زى مابيقولو نبس العجينة
لغاية ماكل الدقيق يتشرب السمنة كويس
http://www.servimg.com/u/f33/15/33/51/98/1110.jpg
وبعد كده ننزل عليهم باللبن الدافى(بردو مينفعش يكون اللبن مغلى او سخن)
ويستحسن نحط اللبن بالتدريج
فيه ناس بتحط لبن اكتر من كده بس انا مكترتش عشان الكحك يطلع ناعم
http://www.servimg.com/u/f33/15/33/51/98/1210.jpg
ونعجن كويس
http://www.servimg.com/u/f33/15/33/51/98/1310.jpg
تااااااااااااااااااااابعونى
هكمل المشاركة الجاية

رد كحك العيد الناعم بالعجمية من مطبخ الشيف مونى بالصور
 

بسم الله الرحمن الرحيم
نبدأ نكور العجينة كور فى الحجم اللى احنا عايزينه
ودى ميزة البيكنج بودر اننا هنشتغل ع طول مش هنسيب العجينة تخمر
http://www.servimg.com/u/f33/15/33/51/98/1410.jpg
ونجهز العجمية ونكورها كور صغيرة
http://www.servimg.com/u/f33/15/33/51/98/1510.jpg
وناخد كورة عجينة ونعمل فيها حفرة فى النص
http://www.servimg.com/u/f33/15/33/51/98/1610.jpg
ونحط فيها كورة عجمية من اللى احنا عملناهم
http://www.servimg.com/u/f33/15/33/51/98/1710.jpg
ونقفل عليها الاطراف كويس اوى عشان العجمية متطلعش منها اثناء الخبز
وكمان نحاول نصغر حجم العجمية
http://www.servimg.com/u/f33/15/33/51/98/1810.jpg
ونبدأ نحضر الاشكال اللى هنشكل بيها الكحك
انا جبت هنا اشكال بلاستيك وبردو جبت مناقيش
عشان نفتكر ايام زمان
http://www.servimg.com/u/f33/15/33/51/98/1910.jpg
ونبدأ نرص الكحك فى الصوانى
وطبعا لازم الصوانى تكون مدهونة لو مش تيفال
دى الصينية اللى اتعملت بالاشكال البلاستيك
http://www.servimg.com/u/f33/15/33/51/98/2010.jpg
ودى اللى اتعملت بالمنقاش
http://www.servimg.com/u/f33/15/33/51/98/2110.jpg
خبزته على حرارة 200 فى فرن الكهربا لغاية ماستوى والوش بقى لونه دهبى
وطبعا كل واحدة فرنها بيختلف عن التانى

وهنا لما برد وسكرته بالسكر بودرة
http://www.servimg.com/u/f33/15/33/51/98/2210.jpg
شايفين ازاى هنا العجمية باينة هى والمكسرات
http://www.servimg.com/u/f33/15/33/51/98/2310.jpg
ودول صورتين كمان
http://www.servimg.com/u/f33/15/33/51/98/2410.jpg

http://www.servimg.com/u/f33/15/33/51/98/2510.jpg

بدون مبالغة الكحك طلع ناعم وطعمه رائع
وفى رأيى البيكنج بودر نتيجته احلى من الخميرة بكتير
يارب الموضوع يكون عجبكم
ولاتنسونى فى دعائكم

رد: كحك العيد الناعم بالعجمية من مطبخ الشيف مونى بالصور
 

الله عليك
مااششششااء الله

عن جد روووووووعه وبيششهي

تسسلم ايديك يااقمممر

ومن العااايدين ييااقممر

يثبت ..

رد: كحك العيد الناعم بالعجمية من مطبخ الشيف مونى بالصور
 

رد: كحك العيد الناعم بالعجمية من مطبخ الشيف مونى بالصور
 

ما شاء الله رووووعه يالغلا

لكن عندي سؤال

ريحة الكحك اول مره اسمع فيها

كيف هيا وايش الفائده منها وكمان لو تنزلي لها صوورة