يوم الله بلاني بالحب حبيت طفله اماراتيه كاملة
 

رواية يوم الله بلاني بالحب حبيت طفلة صغيرة
للكاتبة : وحيـده آلـدرب

شخصيتنا الرئيسه
مزنه ... و هي طالبه بالصف الثالث عدادي .. امارتيه شخصيه حبوبه السنها اطول عنها ..
اتصير مواقف ويها بالدارسه ... و تعقتد حياتها يوم تكتشف انه ولد جيرانهم .. اللي هو بطلنا الثاني
طلال يحبها .. و هو اكبر عنها .. بوايد .؟..

و الباقي بنتعرف عليهم بالطريج

.. احداث القصه : رومنسيه & كوميديه ..

اخليكم مع الجزءالاول ,,
مزنه ... امارتيه تحديداا ظبيانيه .. تبلغ من العمر 15 سنه
مزنه : هييييييييييه صلوح وين امايا
صالح : هيه هب صلوح اسمي صالح يا الثوره
مزنه : طع هذا صرصور و يرمس وين امايا خلص
صالح : انا هب ياهل يا بنت عبيد فاهمه انا عمري 10 سنوات
مزنه : اووووووووووه يا السباااااااااال حلو جيه وين امايا
صالح : تعالي < فتح جيبه < اهنه
مزنه : تستعبط
صالح : لاااااااا حشى بس استعبط ..
مزنه :جب يلاااا و رحت عنه
جان صالح يشل علبه الاكلينكس و يفرها ع مزنه
مزنه : و العثره يا الجلب .. و تركض ورهااا و يوم زخته رشته كف ع ويه
و يظهر ابوها من الغرفه
ابو حمدان : مزنوووه .. الشو بلاج تخبلتي
مزنه .. + دموع التماسيح .: تحاول اظهر دموع بابا شوف صولح فر عليه علبه الاكلينكس
ابو حمدان : .... اقول صويلح تزهبت حق صلاه اليميعه
صالح : هيه ابويه تزهبت
مزنه ..!! ابويه ليش ما اتواجعه
عبيد : خوزي عني اونه الشو واجعه ابويه انا اعرفج تربيبتي اقص ايدي اذا مب انتي الغلطانه
مزنه .. مدت البوز 3 اشبار و رحت غرفتها
بو حمدان : صالح بارك الله فيك نش ابويه شوف امك وين
صالح : ابويه اعتقد امايا في غرفه حمدااااانو اتبخره
بو حمدان : هيه صح انا شفتها شاله المبخر انزين ابويه .. سير فديتك شوف اخوانك سلطون و رشود زهبوا وله لا انا احتريكم تحت
صالح : ان شاء الله ابويه
...
ام حمدان : حمدانو حاسب بتحرق عمرك .. ليش ما تسمع الرمسه اقولك انا ببخرك
حمدان : امايا خليني اتبخر ارواحي انا هب ياهل وصلت 22 سنه
ام حمدان : هاي السوالف ما يخصها بالعمر
صالح : امااااااااايا اماااااااايا
ام حمدان : الشو بلاك اتزاعج
صالح : امايا مزنوه الغبيه ادور عليج .. .. حمدانوا تعال ابسرعه وله ابويه بيشخطها عنك
حمدان : انزين انزين ياي ياي ..
صالح : امايا وين سلطون و رشود
ام حمدان : نزلوا قبل اشويه مع جسوم
صالح : اوكيه .. و راح عنهم
ام حمدان : يلا حمدان حرك عن ابوك يتحرك هب ناقصين حشره
حمادن : انزين زخي المبخر
ام حمدان: خل اروح اشوف هالخبله ..
<< طق طق <<
مزنه : جست منت
ام حمدان : الشو تبغين حاااشره العالم انتي
مزنه بنظره مرعبه : امايا انتي صدق حامل ..؟
ام حمدان : و امنو قالج هاي الرمسه
مزون : خالتيه دقت و يالسه اتبارك و الحالهه حاله
ام حمدان : الله يهديج يا امايا اكيد انتي خبرتيها < خاله مزون اسمها ام حمد <
مزونه : يعني حامل
ام حمدان : انا قلت يمكن هب اكيد و ع العموم ما ظهرت التحاليل للحينه
مزنه تنهدت تنهيده طوووويله : اوف اللحمد الله
ام حمدان : و ليش ان شاء الله تحمدين ربج و اذا كنت حامل شو يعني
مزنه : امايا من صدقج اكبر اعيالج ..عمره 22 و تبغين تحملين
ام حمدان : و الله مب ذنبي اني صغيره
مزنه : لا و الله
ام حمدان : و الله هذا بيد ربج يا مزنه هب بيدي وله بيديج و رحت عنها
مزنه : امايا ..امايا ..
لحقتها مزنه و نزلت الطابق الاول
شافت يدتها ام امها حميده
حميده : ها مزنه شرفتي
مزنه : السلام عليج يدتيه ,, اشحالج عساج بخير و نعمه
حميده : اللحمد الله .. يلا عاد ارفعي ثوبج
مزنه : لا اتزغين يدتيه متسروله
حميده : انا يوم اقول شي اتسوينه فاهمه
مزنه : يدتي ... < اووووف< و رفعت ظرف ثوبها
حميده : الشو ها
مزنه : شو ها ..؟
حميده : وينه .السروال
مزنه : مع احترامي الشديد السروال مال عيايز .. و بعدين هذيني لابسه شلحه

حميده : اسمي انج هب متربيه .... انزين صليتي الظهر
مزنه : اشقايل اصلي هب لازم يخلصون خطبه
حميده : ويدي امنو بيخطب وسط هالنهار ..؟
مزنه : يدوووه .. خطبه محاضره .. مال يوم اليمعه
حميده : هييييييييييه انزين قولي جذه .. و انتي شو دراج متى يخلصون
حشى مب عليج ذان جان سمعج يوصل لين المسيد
مزنه : ااااخ امايا ذاني اتعورني
حميده : بلا عياره و سيري صلي
مزنه : يدوه انا متعوده اصلي بعد ما يرجعون الريايل
حميده : غربلاه العدو انتي اتاخرين صلاتج عسب جيه و الله يا مزنوووه
اذا ما رحت الحينه بفلعج الحينه بنعال
مزنه : الا النعال يدتيه دخيلج .. شكله وصخ و ركض ع الغرفه
توضت و صلت .. و مشت في الممر و هي تمشي سمعت تلفون امها يرن
< ########<
مزنه : اووووووووه هذا احمار ما يفهم اقوله الرقم غلط خل ارد عليه بلعن خيره ..
مزنه : اللهم طولك يا روح
!!: امــــــــــين
مزنه : اعنبووو استح الناس في صلاه اليمعه و انته ادق ع خلق الله
!!: توني راد
مزنه : انزين عن امنو بتسأل هاي المره خالد وله محمد و له خلفان و علي و له سعيد وله عبدالله
!!: هههههههههههههههه
مزنه : ويه ضحكت من سرك بلا اقول انا هب يالسه انكت وياك صدقني .. انته جيه بس فكر مجرد تفكير ادق ع هذا الفون و الله ما يكون اسمي م ....
!!: مزنه صح ..؟ و اذا ما خاب ظني هذا هب تلفونج تلفون امج و عمرج 15سنه و صف ثالث عدادي
مزون ...!!!!!! اكبر علامه تعجب ع راسها : لااااا كله غلط و سدت الفون في ويه
من وين يعرف كل هاي المعلومات عني ..؟
<< #######<<
يتصل بك
مزنه : ما برد ... اخاف .. اوووه .. لازم ارد اخاف يبلشني ولد الئيمه
مزنه : شو ما تفهم حمار
!!: مزنوه اشحالج
مزنه : شو الحياه حلوه تسأليني اشحالي اقول ما بتى اتعرف اشحال اخواني ..؟ و اشحالهم اذا دروى عنك اسمع يا ولد الناس اذا مفكر تبى تلعب انا مب مال لعب انا يهال عمري 15.. شرات ما قلت ما يخصني في هاي السوالف
!!: مزنوه انتي كبيره بعلقج مب بعمرج
مزنه : اقول لو انته ريال دق ع هذا الرقم و سكرت في ويه
و خلاااااااص واقف تنتظر اخونها بتخبرهم و قامت تمشي يمين يسار يمين يسار
sms
> مزنه بلاج اتحوسين بالغرفه يمين يسار ..؟
انصعقت اكثر و تمت واقف مكنها
مزنه : هذا .. هذا اكيد مب انس هذااا جن امااااااااااااياااااااااااااا
لحقوا عليه عاد كله وله ايبون طاري الجن يدام مزون اتموت من الزيغه
من كثر ما زاغت تمت اتصيح ..!!!!!
sms
>> مزون لا اتصحين امزح ويااااج >
ردت عليه
<< لو انته ريال صدق اتقول امنو انت <<
sms
>> ههه اوكيه لفي وراج ..<
لفت وله اتشوف طلال ببتسامته العذبه ..حمدت ربها انها متشيله بشيله الصلاه نظره له نظره احتقار و سكرت ستارتها و سوت له حركه بيما معنى و الله ما عديها
مزنه : النذل كان يراقبني ما عليه اذا ما خبرت امايا ما يسموني مزنه بنت عبيد
sms
<< خليج عاقله و لا اتسوين مشاكل بينا وو لا اتخبرين حد <<
<< طلال لو اخويه جسوم امسوي جذه في اختك منالوه بترضى مب حرام عليك اللي سويته فيني <<
<< خلاص انا اسف ما اعيدها و الله بس لا اتخبرين حد <<
< يا طلال متى بتفهم انا كبرت ما عدت ,,اليهال اللي اتلاعبها خلاص <<
طلال ما رد عليها
...
ام حمدان : مزنووووه
مزنه : نعم امايا
ام حمدان : تعالى غذى
مزنه : اوكيه ..
ام حمدان : يلا يلسي الشو تبين احطيلج
مزنه : الموجود
حطت لها امها عيش و دياي مع سلطه وروب << شهيتكم
جاسم : مزنه شو امسويه انتي
مزنه << وقفت اللقمه في حلجها و تمت اتكح .. و بعد فتره شو شو سويت ..؟
جاسم : المدرسه دقت علينااا امسات اتقول انج شارده من الحصه
ابو حمدان : بارك الله فيج بنتيه وايد شاطره ان شاءالله بتظهرين الاوله هاي السنه
مزنه : ايييييييه اتحريت عندكم سالفه الا هي حصه رياضه
ام حمدان : انتي وايد مستهينه بالسالفه ..؟ انزين ممكن اتقولين لي ليش شارده الشيخه ..؟
مزنه : بكل بساطه و بدون اختصارات .. هب يايبه البس
ام حمدان : وليش ما وديته
مزنه : و الله البس اللي عطونا و الله ثم و الله و قوله اخونا المصريين تلاته بالله العظيم البشاكير ما يدنون يلبسونه تبغين انا بنت عبيد الا في عمري ما لبست غير ماركات البس هالبس و الله لو الموت
جاسم : انتي ابوج شيخ و انا ما ادري
مزنه : ابويه شيخ الريايل
بو حمدان : استانس .. صح صح
ام حمدان : الشو صح انته بعد لا اتقص عليك هاي الملسونه ام السانين .. الحينه شارده عسب ناسيه البس ؟؟؟
مزنه : هيه
ام حمدان : عيل باجر بتنسين كتاب العربي بتشردين من الحصه
مزنه : هب جيه السالفه
ام حمدان : عيل كيف
مزنه : اووووووووووه ما اتخلون الواحد ياكل و نشت راحت الطابق الثاني
ابو حمدان : ليش جيه سوتوا بها
ام حمدان : خلاها محد مخربها غيرك .. و بعدين متانه هاليومين خل تضعف اشويه ..
جاسم : امايا ما بتظهرين مكان اليوم
ام حمدان : امبله فديتك اتفقت انا و قوم جيرنا ام طلال انروح الوحده مول نتعشى
جاسم : امنو بيوديكم
ام حمدان : انته وله حمدان ..
حمدان : انا بوديكم امايا جسوم عنده مباره بسير يلعبها في النادي مع ربعه
ام حمدان : اتحمل ع عمرك مب شرات ذيج المره ريلك انكسرت
جاسم : لا اتزيغن امايا ولدج سبع
ام حمدان : .. بنشوف يا السبع
مزنوووه يوم تنقهر اتحط راسها بالكتاب و تدرس و اونها يالسه اتحل مسأله رياضيات .. و اتردد : الله ياخذ الرياضيات و برهااانه
< طق طق <
مزنه : امنو
صالح : حد غيري
مزنه : ويه قطيعه اصبر < فتحت الباب < خير ..؟
صالح : تلفون تباج منول
مزنه : ادلعها بعد انزين الحينه يايه
....
مزنه : هلاااا و الله هلاااا
منال : اهلين و سهلين و بوستين ع الخدين
مزنه : منقود ما استقبل بوسات انا
منال : هههههههههه
مزنه : ما دقيتي الا اذا فيه شي خيررر
منال : اكييييييد .. عندي خبر اتحبين تسمعينه
مزنه : اللهم اجعله خير
منال : خير خير .. بس قولي لي الشو بتلبسين الليله
مزنه : ليش ..؟
منال : الشو اللي ليش بنروح الوحده مول ما تدرين
مزنه : لا و الله محد خبرني
منال : غريبه امج تدري
مزنه : تراني مضاربه ويها ع سالفه الشارده امسات
منال : هيييييه سكتي حتى انا
مزنه : زين غيري الموضوع شو الخبر خلصي
منال : باركيلي
مزنه : الف صلي و سلم عليك يا حبيب الله محمد كلووووووووووش بتعرسين امنو هذا تعيس الحظ اللي امه داعيه عليه ..؟
منال : في عينج انا اصلا اللي بياخذني لازم يحب ايده يدام و رى كل يوم الصبح
مزنه : ههههههههه من حلاتج
منال : احلى عنج
مزنه : اخيج
منال : بتخلين اقولج وله اسده في ويهج
مزنه : قولي
منال : ظهروا لي فووون
مزنه : و الله
منال : و الله
مزنه : الف مبروك غناتي
منال : الله يبارك فيج عقبالج
مزنه : عطيني الرقم
منال : #####
مزنه : مب جنه شرات الرقم اللي كان يتصل منه طلال الحينه بوريك ...
مزنه : منول هالرقم كان يدق منه واحد ,,, يوقل انه غلطان
منال : حلفي بس
مزنه : و الله
<< طلال اللي توه حدر غرفه منال يدور قلم رصاص
منال : و انا اقول الرصيد وين يروح خلاص عيل مع السلامه مزنه ارمسج بعدين
مزنه : << ككككككككككككك << مع السلامه
طلال : << يخرب بيتج يا مزنوه << بلاج جيه اتناظريني

منال : طلال انته الحين كم عمرك ..؟
طلال : اممممممممممم 20 سنه ليش ..؟
منال : يعني اتعرف الصح من الغلط ..؟؟ << كيف تجرأ و تاخذ فوني و ادق ع خلق الله
طلال : انا ..؟!!
منال : لا اتصدق يدتي
طلال : و ليش ماشي غيري بالبيت ...!! يمكن سعاد وله سعد
منال سعاد معرسه و سعد في قسمه مع حرمته و ماشي غيرك
طلال : هب انا
منال : انا و هب انا لا اتيلس اتسوي حركات و الله يا طللول اذا عدتها ما بعديها لك
طلال : اصغر اعيالج طللول اسمي طلال يا الغبيه .. و بعدين هالنقص وحده شراتج تيلس اتقول حقي شو اسوي شو ما اسوي ..؟
منال << ذاغت من شي واحد بس : طلال
طلال : الشو ..؟
منال : امممم انته بتودينا الوحده مول صح
طلال : ليش ادريول مال ابوج شافتني
منال : حرام عليك قوم نحن و قوم مزنوه متفقين انروح
طلال : اذا مزنوه << بوريج يا مزنه << اتصلت و قالت طويل العمر طلال و دهم بيوديكم
منال : تستهبل اكيد لا
طلال : عيل ماشي رووحه
منال : بخبر امايا .. انك تبى مزنوه اترمسك
طلال : عاادي بقول هاي علثه عسب ما اوديكم عندي شغله في بوظبي و ابي اظهر ارواحي
منال : لااااااااااااا خلااااااص خلااااص
راح عنها طلال و ابتسامته الخبيثه ما فارقت شفاته
ع طوول منال دقت حق مزنه اتقول لها السالفه
مزنه : << نعم نعم نعم .. الشو امرتي الشيخه ..؟؟ مستخفه انتي اليوم ما اعرف شو صابج من يوم شرو لج الفون ..؟
منال : ابليز مزنوه ... قال ما بيودينا .. و انتي تراج شرات اخته اصغر عنه بوايد .. و عادي لو رمستيه
مزنه : مااشي
منال : مزنوه عاد لا اتذليني طلبتج
مزنه : انا اعرف ما بتفكيني .. .. و بعد صمت .. خلاص اوكيه بس ها تراني بسكر الخط ع طول
منال : فديتج يا ربي اموح اموح و تمت تركض ع غرفه طلال اللي يالس يحوط بالنتن
منال ببتسامه تحدي و حطت الفون ع ذانه
مزنه بس سمعته يقول شو ع طوول : اممم .. طلال ابليز طلبتك يب قوم امك وينا الوحده مول و سكرت الخط
منااال لازلت مبتسمه اخوها استغرب و فتح عينه .. و حب يحرقص اخته
طلال برووود : ما قالت طويل العمر ..
منال : طـــــــــــــــــــــــــــــ ــلال
طلال : هههههههههههههههههههه انزين انزين لا ينط لج عرج بس خلاص بوديكم ..
منال : غصبن عليك اصلا و سحبت فونها من ايده و ظهرت خاري الغرفه
< sms
مشكووووووووووره يا قلبي عمري ما بنسى موقفج
ام حمدان : مزنه تعالي وحده مطرشه مسج
مزنه : عطيني .. ابتسمت اشويه و بدت تكتب
< افى عليج باي وقت <
ام حمدان : تعالي صدق اتزهبي نحن بنروح نتعشى في الوحده مول
مزنه : ادري .. ليش ما خبرتني
ام حمدان : اكيد الخبله منالوه هيه خبرتج
مزنه : لو خبله جان ما ظهروا لها فون
ام حمدان : ظهروا لها فون
مزنه : هيه
ام حمدان : و الشو يعني عادي
مزنه : دام انه عادي انا ابغى بعد
ام حمدان : قصورج يا بنت عبيد لا تطرين هاي الرمسه ع لسانج وله بكف ع ويهج
مشت مزنه و هيه ماده البوز شبرين و روحت غرفه يدتها
اللي توها متسبحه ...و متعطره
حميده : ها مزنه شوفي شغلج و ارفعي ثوبج
مزنه : يدتي الشو ها كل ما اتشوفيني ارفعي ثوبج وله اشوف ايدج متحنيه وله لااا
لهذي الدرجه شلحتي غ اويه كل ساعه اتشوفين
حميده : ارمسج بلا قله ادب مالتج هاي و ارفعي ثوبج
مزنه : رفعت طرفه ها حلوو ..؟
<<< احم احم هووود
يبست من سمعت حسه لا يكون لااااااااااااااا
حميده : حسن اصبر ابويه لا تحدر مزنوه هب متشيله
حسن : ان شاء الله يدتي
ربعت مزنه و شلت ششيله بيت و لبستها
حميده : احدر ابويه
حسن : هود هود
مزنه : <<< يعل سبع اهنود يذبحونك قول امين <
سلم ع يدته اللي اتصير له ام ابوه و طفس لابعد الحدود و يحب يضايق مزنه دووم
حسن : اشحالج مزنه

مزنه : < حد يشوف ويهك و يكون بخير ..؟< اللحمد الله ع كل حال
حسن : و الله دنيا قبل جم سنه كنتي تلعبين شرات السبلان في الحوي و الحينه غديتي حرمه
مزنه : جييييييييه ابويه شو شافيني قبل بويه و له مسترجله ..
حميده : شو بويه بعد شو هاي الكلمه
حسن : هههههههههههههههههههههههههه و الله انج للحينه ياهل ما كبرتي
مزنه : حرمتك اليهال اوكيه
حسن : انا مو متزوج ..!!
مزنه : جب اوكيه
حميده : هيه تراج ما اتسوين حق حد حشيمه احترمي نفسج يلااا و عن طوله اللسان
مزنه : السموحه يدتي ما اتشوفينه شو يقول
حميده : روحي غرفتج لا افلعج بشي ابط راسج
حسن : هيه صح رمسه يدتيه روحي احسن لج
مزنه : هو بيت ابوك اتقول روحي ...!!! و الله البيت بيت ابونا و القوم ناشبونا
حميده : الله يهديج
مزنه ظهرت من الغرفه محرجه
....::
المغرب .....
طبعا الكل تزهب حق الظهره
ام حمدان : حمادن سير ناد اختك خل تظهر شو يالسه اتسوي يلا نبى نظهر بنتخر ع الناس
حمدان : ان شاء الله امايا الحينه بروح
<< طف طف <<
مزنه : ها الشو
حمدان : يلا بسرعه
مزنه : صبر انزين
حمدان : عندج 5 دقايق
مزنه : شو 5 دقايق انا يوم اروح عزى ما اتكفيني 5 دقايق
حمدان : ليش الحينه بتروحين عرس يعني .. يلا اكلي تبن و اظهري احسن لج
<< مزنه فتحت الباب <<: ها خلصت
حمادن : من هول المنظر شو ها ..؟
مزنه : شوش و
حمدان : الشو اللي ع ويهج
مزنه: اجحال و جلوز
حمدان : << بصراحه شكلها وايد كيوت بس انا اغار ما اتصير هاي الرمسه <<
يلا بسرعه مسحيه اذا تبين اتين وينا المول وين رايحن نحن عرس ..؟
مزنه : لااا حرام عليك بعد دورات التجميل اللي دخلتها الحينه اتقول امسحيه
حمدان : امايا مخلتج تحدرين جيه دورات
مزنه : ههههه اقصد البنات يالسين من شهر يعلموني احط جحال و جلوز بطريقه صحيحه
حمدان : و الله انها مدرسه خراب .. هاي اقولج امسحيه احسن لج المول زحمه
مزنه :so wet ?
حمدان : سو وت طل في عينج
مزنه : دخيلك
حمدان حرج : لا اتخليني احلف ما اوديج
مزنه : انزين بسمنح الجلوز لكن الاجحال لاااا ما بقدر امسحه الحين اوكيه
حمدادن : بس انا هالمره بعديها ثاني مره يا ويلج مني فاهمه
مزنه : اوكيه
مرحبا الساع ....تابع ...لقصه ...يوم الله بلاني بالحب حبيت طفله صغيره
ركبوا السياره و اتجهوا للمول
حدرو .. و مزنوه ما عندها وقت ع طول حدرت محل .. مال سولف كريمات بدي لوشن جل شور .. الخ
!! : شو هالجمال اليوم ما اروم انا
مزنه : عقدت حوجبها اتعرف الصوت لكن امنو ..؟ لفت ظهرها تبى اتشوف الشخص
طلال : الاجحال عجـــــــــيب ..!!
مزنه : انته ... انته .. كيف تجرأ
طلال : ..!!!
مزنه : شو انته ما اتزيغ اخويه واقف اهنه و الحياه حلوه عندك ياي اترمسني ..؟
طلال : عادي
مزنه : في عينك و مشت عنه
مزنه قربت من منال : هلا و الله و سلمت ع الحريم و تموا يتمشون
منال : اقول مزنوه شوفي المحل الجابل مال اكليرز
مزنه : هيه بدوووره اتقول عنده اشياء يديه نزلها حلوه
منال : يلا انروح
مزنه : اوكيه .. امايا
ام حمدان : الشو تبغين
مزنه : ابي اروح اكليرز انا و منال
ام حمدان : روحوا بس لا تتأخرون
ما صدقوا ع طول شخطوها
مزنه : منال شوفي هذا الاشغاب روووعه
يلنبس ع تنوره باربي قصيره حمرا و عليه بدي اسود و حزام
منال : شكلج بيطلع كووول
مزنه : عيل باخذه
منال : اوكيه .. مزنوه تعالي شوفي ها الكرستال مال الفونات
مزنه : هيه وايد كيوت بس انتي خذي لون ازرق لانه تلفونج اسود او خذي بنفسجي
منال : لا البنفسجي احلى باخذه
طبعا طفعوا الاحساب و ظهروا
حمدان : ها طلول شو الاخبار بعد
طلال : و الله ماشي الحال شخبار الدوام وياك و وين جسوك القاطع له يسأل وله شي
حمدان : الدوام اللحمد الله .. جسوم الله يسلمك لاهي مع كمبيوتراته اشترى 2 و حاطهم بالغرفه ..
منال : طلال طلا ل
طلال و حمدان قربوا صوب البنات
طلال : خلصتوا
منال : هيه وين قوم امايا عيل ..؟
طلال : روحوا الطابق الثاني و قالو نحتريكم لين اتخلصون
منال : زين اصلا نحن نبى انروح الطابق الثاني
طلال : عيل يلا يدامي و هم يشمون وقفوا يحترون اللفت و طبعا مجابل اللفت فيه قهوه استار بكس
واحد من الفاضين يطالمزنه و محد منتبه له غير طلال
مزنه : قصيتي علي خلتني اشتري النعال البني و انتي خذيتي الاسود
منال : انزين البنى حلو بنسوي تبادل وقت ما تحتاجينه خبريني
مزنه : خريطه انتي شرات ذيج المره
طلال يشوف الشاب اللي ما نزل عينه
طلال : خير يا الاخو فيه شي ..؟
!!: الشو فيه
طلال : لا سلامتك بس اشوفك اتشوف الاهل
حمدان : خير يطالع امنو اشوف خلني خل ادبه
مزنه : اووويه
منال : اقول تغشي
مزنه : اكلي تبن احسن لج عقب شو اتغشى عقب الفشله
!!: يا خي انا ما اطالعهم انا اطالع الطوفه اللي وراهم
حمدان تقدم لكن طلال مسكه : تستخف دمك انته
!!: ما استخف دمي .. اثقله
حمدان : اقول لا اي و ادوس في بطنك يا محترم ..!!
!!: هيه انته ما اسمحلك
مزنه : خلاص يا حمدان امش ما عليك منهم هذيله لوث
حمدان : و الله لو الاهل مب وياي جان علمتك اتفو عليك
و ركبوا اللفت منال ما اتروم تمسك عمرها من الضحك
مزنه : اقول لا اتكثرين ترى نط عرجهم بيلعنون خيري و خيرج
طبعا سكتوا بالفت ما اتنقاشوا بالسالفه
حمدان : وين امج
مزنه : ما اعرف دق عليها
< الا صلاتي <
ام حمدان : حمدان يمه نحن عند محل نعومي
حمدان : لا تتحركون
وصلوا عند نعومي و حدرو البنات المحل
طبعا مزنه و منال متعودين انه لازم يتقمون بشي اشتروا نفس البيجمات
و قت الحساب
ام حمدان : اووه يمه سيري عند حمدان خل يعطيج ما عندي فجه
و حرام اكسر 500
مزنه : انتي جيه جيه بتصرفينها تمت تتحرطم و هي تتقرب من اخوها اللي واقف برى المحل و عطنها ظهره
جان اتحط ايدها ع جتفه : امايا اتقول تعال ادفع ما معها فجه
وله يلف .. و يطلع ... و يطلع طلال ..!!!!
نهايه الجزء الاول …....

رد: يوم الله بلاني بالحب حبيت طفله اماراتيه كاملة
 

الجزء الثاني
حطت مزنه اصابيعها ع حلجها و تمت ساكته
طلال يبى يمسح هذا الاحراج : بلاج بسم الله
مزنه : اممم ع .. عيل حمدان وينه
طلال : هههه حمدان عزج الله راح الحمام تراني صبيت عليه بالغلط العصير
مزنه : اها خلاص اوكيه و لفت ظهرها
طلال :.. مزنه ..
مزنه : لبيه << كيف ظهرت هاي ..؟
طلال ابتسم و عرف مو من خاطرها : لبيتي في منى .. ابى اقولج شي بس
مزنه : ادري ان اسفه لاني حطيت ايدي ع ظهرك << ويها غدى احمر<<
طلال : هههه لا مب جذه السالفه .. يا مزنه الرمسه اللي بقولها يمكن تبعدج عني ا و تحرجج مني بس .. انا لازم اقولها و ارتاح يا مزنه انا .. احـ...
حمدان : ها مزنه شو عندج < قالها و الشرار بيطلع من عينه <<
مزنه : ارتبكت و ابتسمت عسب اتعدل الوضع : كنت اسال طلال عنك ابغى بيزات
حمدان : ها جم ؟..؟
مزنه : مب وايد اخويه العزيز .. 250 درهم
حمدان : خذي .. ما وراج غير الخساير
خذت مزنه البيزات و تمت اتقول في خاطره : الشو كان كان يبى يقول يمكن احبج .. حبه برص ؟.. لا مو معقوله .. يمكن عرف عن سالفتي انا ولد عمي احمد الجلب مع الضاربه بس كيف عرف محد يدري غيري وو صويلح .؟. هيه صويلح محد غيره فاضحني بالفريج
منال : هييييييييييييييييييييييه صار لج سنه اناديج اللي ماخذ عقلج يتهنى به
مزنه : ها وين نحن
منال : تستهبلين ..؟
مزنه : اقصد ظهرنا من محل نعومي
منال : خبر خير كان مرفوع بالسكرانه و حدرنا بعدها بمحلين
مزنه : والبيزات .؟.؟
منال : اي بيزات ؟؟
مزنه: اللي كانو بيدي
منال : لااا انتي مو طبيعه الكيس بيدج مال نعومي و تسالين عن البيزات
لحقوا يا جماعه البنت فقدت ذاكرتها
ام حمدان : بلاج مزنه
مزنه : لا بس مدوخه امايا
ام حمدان : هيه و الله تعالو نيلس خلاص تعبت بنسير نتعشى
طبعا .. يلسو يتعشووون و بعد العشى امنو بيسكت مزنه اللي بتموت اذا ما كلت شي حلو
طلال : تعالو بعزمكم ع دانكن دونتس
مزنه : بس انا ابغى اسير باسكن روبنز
طلال : من اعيوني
<< طلال انتبه للرمسه مو جنك زودتها <<
حمدان : رفع حوايبه و صخ
و صلو عن دانكن
ام حمدان : انا ابغى كابتشينو << ما ادري صح وله غلط
ام سعد : انا ابغى قهوه لو عندهم
طلال : امايا وين يالسه القهوه الشعبيه انتي ..
ام سعد : عيل يب لي جاهي مع حليب
طلال : الحينه كملت امايا اقول انا بيب لج ع كيفي
ام سعد : اووه خلاص يب اللي تباه
ضحكو اليميع
منال : انا بروح مع مزنه باسكن
حمدان : يلا امشو عيل
طلال : لا << بصوت عالي
حمدان : استغرب شو لا
طلال : < ارتبك بس حصل حجه < منال انتي مزجمه هب زين لج باسكن روبنز
ام سعد : هيه صح
منال : اعنبوا من متى هالاهتمام اخوي العزيز
طلال : جب انزين
منال : خلاص عيل يب لي دونت جالكت مع نسكفيه
طلال : اوكيه
حمدان : يلا مزنه سرينا
مزنه نشت
طلال : صبروا بي معاكم انا بعد بطلب من هناك نش طلال و طلب و مش مع حمدان و مزنه
حمدان : << شك انه فيه انه في الموضوع بس ما حب يرمس قبل لا يتأكد .؟.
حمدان : ها مزنوه الشو تبغين ..؟
مزنه : بن ......< شي قاطعها
طلال : بنانه رويل حجم كبير بالكاكو و الفلانيا
مزنه : بسم الله كيف عرفت
طلال : ههه اصلا ما تطلبين غيره
حمدان : < اعصابه في خشمه <
مزنه : عيل اعناد بك بغير و بطلب برج
طلال : و الخيبه كل هذا بتاكلينه ارواحج بتنفجرين
مزنه : كيفي عندك مانع
طلال : لا عندي دواس .. بعدين لا تيلسن اتصيحن يوم بتصرين دبه
مزنه : اتخسي
حمدان : اكلي تبن ترى فيه ناس وراج و صوتج بدى يعلى
طلال : حس ع دمه و صخ
مزنه و هي تطلب : ابليز ون برج
حمدان : اند ون كابتشوينا بلاس
<< اشفيه الكبيورد مخرف مالنا ما يكتب الانجليزي ..؟<<
طلال : اند ون بنانه رويل و غمز حق مزنه
حمدان : ما انتبه لانه شاف ابتسامه مزنه شاقه الحلج : انتي الشو اتسوين واقفه اهنه ما طلبتي انجلعي روحي يلسي
مزنه : امنو بيختار الانواع يدتي .؟
حمدان : لا عمتي
مزنه : عمه عينها
حمدان : جب يلا
مزنه : شو جب
طلال : منقود يا مزنه لا اتردين ع اخوانج
مزنه : شو هاي الحياه

حمدان : بفلعج بالمندوس الحينه معنه يديد و قيمته حرام اخسرها ع ويهج مزنه فتحت اعيونها و بدت تحمر و نزلت راسها و ومشت بسرعه
طلال : حرام عليك الل...........
حمدان رفع ايده يقوله لا اتكمل
خذو الطلبات و طلب مزنه تيك اويه
و رحوا يالسو ع الطاوله
منال : وين خلبتي
طلال : خبلتج واجعه اخوها و راحت الحمام اتصيح
منال : و الفلعه حراام
طلال : حرام في الدرام روحي ورها
منال : نشت
ام سعد : ع وين
منال : ع حمر عين ... ع وين يعني عند مزنوه راحت الحمام عزكم الله .. امخيسه عمرها بالعصير و ساريه تغسل ملابسها
ام سعيد : اي عصير هو مب اسكريم
منال : تراه ذاب و طاح عليها و مشت بسرعه
ام سعد : شافتني يهال عندج .. تعالي
ام حمدان : خليها يا ام سعد بترد اكيد راحت الحمام ورى مزنه
**************************
منال : يا سلام و الله قالوا زعلانه و انتي اتعدلين اجحالج
مزنه : و لااااااااااااه ازيدج من الشعر بيت بحط جلوز اعناد فيه النذل عيل انا يخاف يوصخ نعاله بويهي
منال : هدي اعصابج
مزنه : و هي اتحط اجلوز و ردي لمعاي : ماشي اعصاب اصلا تمت اعصاب
عدلت شيلتها و حطت عطر و ظهرت
!!: ################# << الرقم
مزنه : اقول تكفى ولي لا يعافيك فكنا
!!: تدعين علي افى بس
مزنه : ما ردت عليه و مشت بسرعه و تم يلحقهم لين شافها وين وصلت و غير رايه
ام سعد : ها يمه خاز
مزنه : شو خاز
ام سعد : العصير
مزنه : اي عصير
ام سعد : اللي انصب عليج
مزنه و كل علامات الاستفهمام ع راسها و ضربتها منال ع ظهرها
مزنه : اها هيه هيه خاز
حمدان بس شاف الجلوز الشرار بين من عينه
حمدان : امايا الوقت متاخر خل انرد البيت
مزنه : هيه صح يلا
ام حمدان : ما ادري بلاكم بس يلا و سلموا ع بعضو و مشوا للبيت
...................... صعدت ع طول غرفتها و تمت كل اشويه اتنزل جسمها ع الارض و لزقت ظهرها ع الباب و تمت اتصيح و بهدوء فتحت عبيتها و كالعاده بنطلون جنز و بدي نص كم
و فتحت قباضت شعرها .. اللي يشوفه يدوخ .. شعرها طوويل و بني فاتح مب اسود
و اتحن ع امها تبى اتقصه قربت من ستارتها تبى اتسكرها .. بس لاحظت في حد يرقبها و هذ االحد بس انتبه انها شافتهع نزل راسه ما هتمت و سكرت ستارتها و طاحت ع الفراش اتصيح ......

تابعــــــــــــ ...لقصة ...يوم الله بلاني بالحب حبيت طفله صغيره ..

.... بعد اللي شافه طلال من خلال دريشته .. سكت .. ما عرف يوصف ... لهذي الدرجه كبرت ..
مزنه هذي الطفله كبرت ...
انا كيف تجرأت و كنت بتعرف لها بشي انا نفسي مو متاكد منها ...
معقوله انا احبها ..؟ كيف هذي طفله .. عقب ابتسم مره ثانيه
منظرها روعه اليوم
بس اعتفس ويه يوم تذكر ...
و بدى صوت داخله يناديه
طلال لا تقص ع عمرك هذي ياهل 14 سنه بس ... انزين شو يعني انا 20 سنه
ماشي فرق 6 سنوات .... يا طلال لا تقص ع عمرك
مستحيل تحبك ..!!
ليش مستحيل ..؟
لانها طفله ..و الاطفال ما يفكرون بالحب
اسكت اسكت يا الصوت اللي في داخلي لا تعكر علي جوي اللي عشته
<<< فديت صوتك <<
طلال : الو
سهيل: هلا و الله
طلال : اهلين
سهيل: ماشي يا الصايع ... عيل رايح الوحده مول ها
طلال : بسم الله شقايل عرفت
سهيل : خلك خلك اصلا شفتك اتغازل وحده
طلال : لا هاي قويه عاد جذب شي عدل
سهيل : انا ما اجذب يا العاير
طلال : يا الجلب و الله مو متفيج يالس افكر
سهيل: اكيد اتفكر ليش ما خذت الرقم صج انها غرشوبه انا دخت يوم شفتها
طلال : كل تبن لاااااااااااا انته تجذب جذبه و اتصدقها
سهيل: شو اجذب اقولك انا رقمتها بس دعت عليه
طلال: بدى يشك قلتي كيف شكل البنت
سهيل: عذااااااااااب و ربي عذاااااااااب انا بس مستغرب انته كيف ما انتبه لها هيه يت عندك في دانكن دونتس وياه وحده ثانيه
طلال: عرف انه يقصد منال و مزنه بس يبى يعرف اي وحده فيهم ... هيه تذكرت اي وحده تقصد فيهم
سهيل: اللي كانت حاطه اجحال و جلوز
طلال: لو في امك خير يب هاي الرمسه يدام حمدان يا الهرم تطالع بنت جيرنا صدق طلعت مب ريال
سهيل من الصدمه : رضعيه حمدان ما غيره
طلال : هيييييييييييه
سهيل: و هذا حمدان الجلب عنده اختك بهالجمال و ما يخبرني خل اشوفه بلعن خيره
طلال تنزرف: يااااااااااااااااااااااا الجلب و الله بلعن خيرك لا اتيب طاريها ع السانك فاهم
سهيل: بو الشباب شو بلاك ترها بنت الجيران هب اختك
طلال صخ : بس بعد ما ارضى ترها بحسبه بحسبه .... ما يبى يقولها
سهيل: تيلس اتسوي لي افلام خليجه شرات اختيه ما ادري شقايل و منقود انجلع زين ...!!
طلال : انته واحد يبالك كف يعدل ويهك ع الرمسه اللي اتقطها مني و الدرب خل اشوفك بدبك
سهيل: شو بلاك مشتل .. قالها بمزح لا يكون اتحبها
طلال صخ .....
سهيل: هيييييييييييييييييييييييييه وين رحت لا يكون صدق ..!!!
طلال : و اذا
سهيل.: خبله انت شكلها اصغيره وايد
طلال : دامها اصغيره الشو حقه ملاحقها ..؟
سهيل : جب يلااااااا و الحينه قولي انته تحبها
طلال : ماااا اعرف ..و لا تسالني و لا اتيب طاري هالموضوع
سهيل : لاااا يا بو الشباب هاي السالفه يبلها قعده
ترى سهيل و طلال ربع الروح بالروح من اول ابتدائي لين كبروا مع بعض
طلال : يصير خير .. انا الحينه بخليك بسير انام
سهيل : وين بيك نوم يا حظي و انته صرت العاشق الولهان
طلال: تراك زوتها ها
سهيل: جزاي يالس ارمسك وله ع احسابي الرصيد بخلص بدال ما اخسره ع اربيعتي اخسره عليك
طلال : تراك ذلتنا و الله بطرش لك رصيد بس فارج
سهيل : مالت ع اللي يتصل بك
طلال : ايه و الله مالت
سهيل: انزين يا الدب بوريك مع السلامه
طلال: مع السلامه ...
تابع لقصة يوم الله بلاني بالحب حيت طفله صغيره ::
السبت الصبح )
نشت مزنه و شافت ساعتها
8 :30
..!!!!! انا ايام المدارس يخسي بضرابه انش هالوقت و الحينه بكل برود انش شي يبط الجبد
خل اسير اتريق ..
سنتياااااااااااااا
مزنه : سنتيااااااااااااااااااا يا مال الفلعه تعالي
سنتيا : نعم مزنه
مزنه : وين الريوق
سنتيا : ريوق .. امممم ما في سوي انا كل يوم اسوي 10 صبح
مزنه : يعني بلاج ان شاء الله سيري سوي احسن لج
حميده : بلاااااج اتزاعجين و اتواجعين من الصبح هالمسكينه
مزنه : هاااي مسكينه يدتيه هاي حيه ام راسين
حميده : محد غيرج حيه
مزنه : يدتتتتتي
حميده : اتيددت اضلوعج
مزنه : حرام عليج تدعين علي
حميده : هب حرام تدعين ع هاي المسكينه انتي الشو مقعدج من الصبح
مزنه : بس جيه لاني امسات .. و صخت تمت اتحيد شو صار ابها امس
حميده : راااحت مزنه في احلام القيضه هييييييه ابويه نشي
مزنه : ها ها
حميده : شكلج للحينه نايمه
مزنه : لا ناشه يدتيه و قربت منها و باستها ع راسها
حميده : يلاا عاد ارفعي ثوبج
مزنه : اي ثوب يدتيه انا لابسه بيجما..!!
حميده : اقول عن هذا المنكر و ارفعيه
مزنه : يدتيه اقولج بيجامه يعني بنطلون
حميده : ويدي الشو ها لابسه يلا سيري لبسي مخورتج بسرعه
مزنه : حق الشو بيونا ناس
حميده : لااا بس منقود تيلسن جذه
مزنه : شو منقود ماشي غرب
حميده : اول شي اللي ما يستحي من اهله ما يستحي من الغريب و بعدين حسن بات عندنا
مزنه : اخيييييييييييييييييج
حميده : استحي ع ويهج و سيري لبسي شي محترم
مزنه : اوف اوف الواحد بيته ما يروم يتهنى به
صعدت مزنه فوق و هي تتأفف ...
حسن اللي بدى يوعه من نومه ..
ظهر من غرفه جاسم و حصل مزنه في ويه و طبعا مزنه تتمشى الحلوه هي و بيجمتها و شعرها اللي ما لفته .. و الحياه حلوه
وقف من كثر ما اندهش و فتح عينه و هي تطلع فيه و مستغربه ليش جيه يطلعها اشوفيه مينون هذا ..!!!!!
بس حست بعمرها و ركضت غرفه امها و سكرت ع عمرها الباب امها حست بالباب اللي اتسكر بكل قوه
ام حمدان : شو ها كيف تحدرين جيه انتي ما فيج مذهب دقي الباب ع الاقل فيه ناس نايمه
مزنه : امايا .. حسن موجود بالبيت و ظهر بويهي انا ما كنت اعرف انه بالطابق الثاني اتحريته بالاول في غرفه حمدان
< غرفه حمدان ترى بطابق الاول <
ام حمدان : ويييييه سود الله ويهج من بنت شافج بهذا المظهر ..؟
مزنه : اي مظهر
ام حمدان : هذاااااا
مزنه ها و شافه عمرها بالجامه و تمت سااكته فعلااااا منظر ..!!!!!!!
شو اقول لكم مزنه اتموت في البرموده و حضرتها لابسه برموده ضيج لان اصلا هي ضعيفه و دوم يوم اتسير تتشرى تاخذ اصغر سايس
و لابسه بدي نص كم ..!!!
امها عطتها هزيه محترمه و هي تمت صاخه فعلا هي غلطانه كانت لازم تنتبه ..!! اوف
ظهره من غرفه امها عقب ما تاكدت مليون بالمئه الطابق خالي
و ركضت ع غرفتها و سحبت لها مخوره بنفسجيه و لبست شيله ..
و نزلت بس كنت كل ما تنزل دري اترد تصعده ..!! ياااارب هذا الطفس اكيد بيعلق حسبي الله ع ابليسي .. لين ما انتبهت لها يدتها
حميده : تعالي مزنه محد غريب حسن عندي
مزنه : << هاي المصيبه ..؟ << اممم
حميده : شو اممم يعد تعالي اتريقي
مزنه : كاني يت
نزلت مزنه تحت .. و منزله راسها بالارض
حسن : هههههههههههههههههههههههههههههه هههههه
حميده : ويدي بلاك ولدي ميهود .. شو بلاك مره وحده ضحكت
حسن : لا و له شي بس تذكرت شي صار اليوم الصبح في الممر
حميده : شو صااار ..؟
حسن : الله يسلمج ...
مزنه : ما صار شي شو بيصر يعني
حسن : هههههههههههههههههههههههههههههه هههههههههههههههههههه هههه شكلج عجيب يا بنت العمه
حميده : هيه انته ويه ويهك اتغازلها و انا يالسه
حسن : لا يدتي امزح بس بلاج عيوزتي حرجتي
حميده : عيز حيلك
حسن : لاااااااا يدتي جيه ازعل تدعين علي من الصبح

حميده : لا فديتك الله يحفظكم جيمع
انا الحينه بخليكم بسير غرفتي
مزنه نشت بعد يدتها
حسن : وين رايحه
مزنه : بسير غرفتي
حسن : ... اليوم شكلج كووول و غمز لها
مزنه سوت له طاف و رحت غرفتها
تدرس...
منال اتقوم اخوها احلى شي في حيتها يوم اتقوم اخوها
منال: يلا قول وراي انا حمار
طلال : انا حمااار
منال : انا طفس
طلال : انا طفس
منال تهمس : انا احب مزنه
طلال: اموووت بها
منال : ادري
طلال نش يوم حس بالموقف و مسكها : و الله بلعن خيرج يا منالوه لو ظهرت هاااي السالفه حق احد
منال : ها لالا ما بتظهر
طلال : اطلع برى يلاااا بلا في شكلج ..
نش طلال ..
و لف ويه صوب دريشه حبه .. الذي بدى يمتلك كل قلبه ..
مزنه اتلف شلتها تستعد تبى تظهر من غرفتها..
و كانت فاتحه جمتها عسب اتهوي الغرفه
طلال بدون مقدمات يفتح جماته : صباااح الورد و العسل
مزنه : صدق ما تستحي ع ويهك و سكرت دريشتها و ظهرت من غرفتها
طلال تعكر مزاجه ..
<< فديت صوتك <<
طلال : هلا جسوووم
جاسم : اهلين ارمسك
طلال : شو
جاسم : بنروح الليله بنلعب ..
طلال : يصير خير
جاسم : بلاه صوتك
طلال : توني ناش من الرقاد
جاسم : بل في حد ينام لين هاي الحزه
طلال : ايه فيه
جاسم : امنو
طلال : انا
جاسم : انزين انا بخليك وراي شغل
طلال : شو شغله يا حظي
جاسم : طبعا غذى امي
طلال : ليش امك مستعيله
جاسم : شو مستعيله قول متاخره الحينه الساعه 2 الظهر
طلال : شوووووووووووو
جاسم : خبر خير و الله نش نش و خل اسير انادي حمدان ع الغذى
ظهر طلال من غرفته و سار غير ملابسه
تيمعوا العائله ع الغذى
ام حمدان : بلاج ما تاكلين مزنه
مزنه : امايا قلبي ناغزني
ام حمدان : فالج ما قبلناه انجبي و اكلي زين
مزنه : ما اشتهي بسير فوق .. سارت فوق مزنه و امها عورها قلبها و بنعرف ليش
بعد الغذى
في غرفه جاسم
سلطان : وين حسون
جاسم : روح بيتهم
سلطان : اها انزين شي مباره اليوم
جاسم /: هيه فيه
تحدر عليهم ام حمدان
ام حمدان : ما فيه مباره قروا مكانكم
سلطان : ليش امايا
ام حمدان : و الله نستوا شو صار ذيج المره .. مزنوه نغزها قلبها و اتكسر جسوم علينا انكسرت ايده و ريله من حادث و اليوم قلبها نغزها ماشي روحه
سلطان : ما عليج منها زين هاي مأثر عليها هزبه حمدان مال امس
جان يضربه جاسم ع ظهره
ام حمدان : اي هزبه
جاسم : ما شي
ام حمدان : قولو احسن لكم
جاسم : قول لو فيك خير ما اتزيغ من حمدان
سلطان : و الله فيني خير الشو يعني ازيغ منه .. و تم يقول حق امه السالفه
ام حمدان : جيه عيل مزنوه ما عليه ..
<< طخ طخ <<
مزنه : امنو ..؟
و فتحت الباب
ام حمدان : مزنه و العثره
مزنه : خير شو صاير
ام حمدان : انتي كيف تجرأين و اتعلين صوتج ع اخوج امسات
مزنه : امنو خبرج..؟
ام حمدان : مو شغلج
مزنه اكيد : السوسه ولدج جسوم
ام حمدان و هي اتزخ مزنه من ايدها : حطيني ع بالج عدل نحن وله وحده من عائله ..ال.... طلعت قليله ادب مب انتي اللي بتظهرين الشينه فيها انتي فاهمه
مزنه اشويه و بتصيح انا شو سويت
ام حمدان هدت اشويه : يا بنتي يا بنتي انتي كبرتي و اخوانج بدو يغارون عليج
فهمت مزنه ع امها تقصد برمستها طلال .. : سمحني يمه ما راح يتكرر صدقني
ام حمدان : جيه ابغاج دوم ..
و ظهرت عنها و فعلا مزنه بدت تجمع ذكريتها و اتشوف شو كانت اتسوي و كيف كانت نظرات حمدان حق طلال ..
طبعا ع المغرب روحوا الشباب .. النادي يلعبون كوره

و رجعوا بسلامه ..\
الاحد الصبح قبل الطابور الصباحي
منال : بلاج تتثاوبين من الصبح
مزنه : شو اسوي حد كان يفلع جامتي
منال : هههههههههه امنو
مزنه : تسالني انا
منال : انا يعني لااااااا صدقني هب انا هذا روميوا
مزنه : يا سخافتج
منال : هذا اخوي يا حظي عاشقنج
مزنه فتحت عينها و تمت تطالع في منال
منال : تراني ما امزح
مزنه : هههه ضحكتني طلال يحبني انا اصغر عنه بوايد
منال : حبيتي الحب ما يعرف صغير و كبير
مزنه : وايد تطالعين افلام
منال : .. يا مزنه اخويه يحبج الا يموت فيج
مزنه : كيف عرفتي قالج :
منال : قالي وله ما قالي يبن كل شي واضح في تصرافته
مزنه : بس انا ما انفع له
منال : انتي اتحبين حد
مزنه : لاااا طبعا انا صغيره
منال : لا اترديين هالكلمه اصغيراصغيره لوعتي جبدي
مزنه : شو مطلوب مني احبه ..؟
منال صخت
مزنه : يا منال لو الحب كان بالاختيار .. جان كل انسان اختار اللي يباه بس الحب مب في ايدي وله في ايديج
منال : بس عبريه يا مزنه
مزنه : انتي تامرين اعصي ربي و اخون اهلي يا منال
منال : انا ما اقولج رمسيه ..
مزنه : كل الطرق تؤدي الى روما
منال صخت ما عرفت شو اترد ..
منال : ترى اللي يحب بيه يوم و يمل
مزنه : اذا يحبني صج شرات ما اتقولين ما بيمل
منال : بنشووف يا مزنه فكري في رمستي
<< ترن ترن <<
مزنه : تعالي اليوم نحن دورنا بنحي العلم
منال : خخه ما حصلو غير صفكم
صف مزنه صف مميز بنعيش احداثه حصه حصه \
صف يتكون من عشر بويات
, و الباقي كساله و مشاغبين و عليهم طوله لسان و محد من المسات يحبهم
طلع الصف في خط مستقيم و بدى ينشد النشيد الوطني
و بعدين تقدمت البويه اليازيه عسب اتحي العلم : يا بنات بلادي هذي عليكم يرفف خفقا عليا في سما امارتيا الغاليه فاحيين معي هذا العلم و طنا
الجميع : من المحيط الى الخليج
اليازيه : املنا
الجميع : امه عربيع واحده
و هني صارت المصيبه
بدال ما اتقول نموت للتحيا قالت نحيا للتحيا
اليميع : دوله الامارات العربيه المتحده
طبعا محد لاحظ غير الصف نفسه و مااتو من الضحك ههههههههههههههههه اصوات ببدت ترتفع
المديره سحبت المكيرفون من عند مس الراضه : يا قليلات الادب يا بنات تاسع 3 محد يتحرك الباقي يلا ع الصفوف
طبعا بعد ما تيسروا الصفوف بدت تتكلم المديره
المديره : انتو ما تستحون جذه الطالبه اتحي وطنها و علمها ..؟
اليازيه : مس انا غلطت لاني كنت مرتبكه بعدين هب نحن الوحيدين اللي ضحكنا كل المدرسه ضحكت
المديره : جب و عن قله الادب
اليازيه و نعمه البويات : لا تسيلن اتسبين هاي الوازه اللي تشتغلين بها اسمها التربيه قبل التعليم و انتي يالسه اتقولين جب .. ماشاء الله يوم برد اليوم البيت بيلس اقول جب و بقول المديره علمتنا ..!!!
<< يعني انتو مول ماشاء الله ما تستخدمون هالكلمات
المديره : انتو انتو صف لا يطاق بس انا بعلمكم يدامي ع الادراه كل وحده اتشيل شنطتها و اغرضها و بردها البيت و باجر اتي كل وحده مع ولي امرها و فعلا المديره زهبت الباص للينات و ركبوا
تتحرونهم زعلانيين بالعكس ميتين من الفرحه اونه اجازه ..
في الدرب ع البيوت لاحطوا انه في حادث .. حادث خطير و الكل متيمع وايد ناس
مزنه لمحت .. سياره السياره الملقلوبه نفس سياره حمدان تم قلبها ينغزها
لين ما شافت رقم السياره و صرخت : وقــــــــــــــــــــــــــــ ــــــــــــــــــــ ــــــــــــــــــــــــــــــ ف
راعي الباص اخترع حتى اربعتها
اليازيه : بلاج
تمت تركض عند باب الباص
مزنه : افتح الباب
راعي الباص : شنو فيه
مزنه : اقولك افتح اخويه هذا و تمت ادموع تنزل قربت نعمه و اليازيه منها و هب مصدقين اللي يسمعونه و فتح راعي الباص الباب و نزلوا منه و تمت تتقرب بهدوء الشباب اللي واقفين الكل استغربوا من هذيله الثلاثه طالبات
تمت مزنه تركض و ادز الشباب لين وصلت و ليتها ما وصلت حمدان .. طايح و الدم يسيل منه و الشباب يمه و يقرأن عليه و يحترون الاسعاف
مزنه بصرخه هزت الواقفين كلهم : اخووووووووووووووويه لااااااااااااااااااااااااااااا اااااااااااااااااااا ااااااااااااااا اخوووووووووووووويه لا اتروح طاحت و انفتحت عبيتها و رفعت راس حمدان و حطته بحظنها : اخوووويه نش حمدانووو نش ,,, اقولك .. نش لا تدلع ... حمدان نش و اتمت اتصيح و اتمسح بثيبها دمه ....!!!!!
اليازيه تسحب اربيعتها و نعمه ويها
مزنه : خلوووني خلووووني يا اخوي نش من لي غيرك يا اخي لا تروح و انته مب راضي عني نش يا اخويه نش ....و جسمها كله يرتجف و الشباب يحاولون يهدون بها مب قادرين
مزنه : اتفو عليكم انتو هب رايايل مخلين اخويه طايح جيه .. شيلوه وده المشفى حرام عليكم انقذوه دمه برقبتكم
حمدان حبيبي قووم حمدان حبيبي قوووم حمدان دخيلك حمدان ...
يلست تدور في جيبه لين حصلت فونه ما تعرف شو اتسوي دقت باخر رقم دق عليه حمدان
طلال : الو حمدان وينك تاخرت ع الدوام
مزنه : بصرخه الحقني الحقني يا طلال بموووت الحقني
طلال : بلاج يا مزنه بلاج
مزنه : حمدان مسوي حادث

رد: يوم الله بلاني بالحب حبيت طفله اماراتيه كاملة
 

الجزء الثالث

ياربي .. ياربي .. مدري ويش اسوي بالهحظ من وين ما صديت حظي متردي
كل ما وصلت الشمس تجذبني الارض و كل ما بنيت احلام حظي يهدي ...
الحزن .. الحزن في عمري مشى الطول و العرض و انا بمكاني ارسم الحلم وردي ...
و اخذت حلمي و قلته عيش بالنبض لكن زماني وقف النبض عندي ..؟؟

.....عن ماذا احكي لكم .. عن الدموع ام الصرخات التي اطلقتها مزنه بكل وقوتها ..
دموع قتلت مزنه التي بكت بطريقه هستريه .. و بدت .. تتكلم بطريقه متقطعه :
باعلى صوت عندها .. يا حمدان يا حمدان سامحني .. انا في حقك يا اخوي اخطيت .. يا اخوي نش من لي غيرك سند
يا اخويه نش .. نش ارجوك نش ..
اليازيه : يا مزنه ما يصير اللي اتسوينه اذكري ربج
مزنه : لا اله الا الله .. وين الشرطه وين الاسعاف وينهم ...؟؟ وينهم عن اخويه
لمحت مزنه سياره طلال من بعيد بدت تزحف .. و بعدين قدرت توقف ع اريلوها
طلال اللي ياي باقصى سرعه وقف و ع طول فتح باب سيارته .. و قربت منه مزنه و بحاله يرثى لها مسكت ايده : ابوس ايدك يا طلال لا اتخليه يموت لا اتخليه هذاااا حمدان يا طلال حمدان .. اذا راح بروح انا يا طلال شيله دخليك يا طلال .. و بدت الدنيا اتدور بها سندها طلال و فتح باب سياره السيد الثاني و ركبها و ركض عن حمدان و ساعدوه 2 في رفعه ..
!! : يا ريال ما يصير اتشيله لو ظهره منكسر وله شي اتري الحينه بتي الاسعاف
طلال .. ما عطاه ويه و حط حمدان عن مزنه اللي ماسكته و اتصيح بشكل يقطع القلب ..
في الدرب
اتصل طلال ع جاسم
جاسم : مرحبااا
طلال : اسمعني زين تعال الحينه مشفى .. ال ****
جاسم : خير شو صاير
طلال : انته تعال و بس
جاسم : صاير شي
طلال : حمدان اخوك مسوي حادث خفيف ..
جاسم وقف من الصدمه : ح ح حمد حمدان اخوي ..؟
طلال : لا تسرع مع السلامه
..
وصل جاسم المشفى .. و طلب النجده و حطوا حمدان ع السرير و بدوى يدزونه .
و مزنه اتصيح و تمشي بسرعه وراهم و عند غرفه العمليات رفضوا يدخلونها و تمت اتصرخ
طلال : ما يصير جيه يا مزنه صلي ع النبي مافيه الا العافيه
مزنه : انته شو اتقول يا طلال انته اتعرف امنو هذا هذا حمدان هذا بجر امي هذا سندي الشو الحياه من بعده..؟
و تمت اتحوس بالممر و عقب تعبت اكثر يوم عليها شريط سالفه المول و يالست ع الارض و اتكورت ع عمرها ..
مرت ساعه .. ع السالفه و الكل ع اعصابه
في واحد يركض باول الممر يركض بكل ما اوتي بقوه .. معتفس الغتره معفوسه و الكندوره .. حالتها حاله
جاسم .. يركض باول الممر
شاف مزنه و استغرب وايد بس في هذي الظروف ما حب يسال كيف وصلت اهنه ..؟
طلال يالس يقرى كتاب ادعيه و جاسم .. يمين يسار يمين يسار
طلال : جاسم جاسم ..
جاسم : نعم
طلال : ما بتخبر حد ..؟
جاسم : لا اول خل تستقر الحاله
طلال : ربي يستر بس ..
< ظهر الطيب من غرفه الطوارئ <<
مزنه حست به ع طول نشت وقف اخوها ورها و يمه طلال
الدكتور : ادعوا له للحينه الحاله ما استقرت اذا مرت 24 ساعه و هو بخير راح يعيش ان شاء الله ..
لكن لو صارت له اي مضاعفات ....
مزنه : لالالالااااااااااا و بدت تركض تبى تحدر غرفه العلمليات تجمدها اخوها و قف جنه حاجز
شربكت اصابيعها في اصابيع اخوها ..
ليش ياربي ليش شو سويت من ذنب .. شو به اخطيت ليش يا جاسم ليش ربي يبى ياخذ اعز الناس عندي ..؟
جاسم : استغفري ربج هب زين هالمرمسه يا مزنه
مزنه صاحت ازياده رفع جاسم ايده اليمين و حطها ع راس اخته و حظنها و صاح ويها لكن بصمت
مضت ساعات و مزنه بدت تهدى
طلال : جاسم انا اقول لو تاخذ اختك و اترد البيت و اتخبر اهلك
جاسم : معاك حق .. لازم اخبرهم
عطاه ظهر و بدى يمشي ..

ام حمدان : الشو ولدي ولدي انا حمدان يمه .. ليش ما خبرتوني و تمت اتصيح ..
مزنه من شافت امها رجعت لها الحاله
جاسم : يمه دخليج هدي اعاصبج انا ما صدقت بنتج اتصخ
ام حمدان : حسبي الله و نعم الوكيل
حميده : لااله الا الله وحده
ام حمدان : دخيلك يا ولدي ودني عنده ابى اشوفه
جاسم : ممنوع الدخول عنده يمه .. يعني ما بتستفادين شي
ام حمدان : اهن شي اكون عنده قريبه منه قم يا ولدي
جاسم : ان شاء الله يمه بوديج
مزنه : انا بي معاكم
جاسم : انتي ريحي و انا بخبر سلطان ايبج العصر
مزنه : لا ما ابي بيه
جاسم : لا اتخلين ازعاج عليج الحينه قلتج سيري نامي
استلمت مزنه ع الامر الواقع و اتجهت الى غرفتها و نامت بعد ما غرفت مخدتها بالدموع ..
اتجهوا ام حمدان و جاسم للمشفى و لحقهم ابو حمدان اللي انصعق من الخبر وسط مقر عمله ..
مرت ساعات و ام حمدان تقرى ع ولدها و تقرى .. و بو حمدان يستغفر ..
طبعا ع المغرب .. توجهت مزنه للمشفى مع اخوها .. سلطان و في بدايه الممر سمعت هذا الحوار بين امها و ابوها
ام حمدان : انا السبب انا السبب
بو حمدان : هذا قضاء و قدر يا ام حمدان
ام حمدان : بس هو ظهر من البيت محرج
بو حمدان استغرب و الفت ع زوجته .. عسب اتقوله السالفه
ام حمدان و هي تسترجع الذكريات
>> كنت يالسه في الصاله الرئيسه ووو
ام حمدان : ها حمدان مروح
حمدان : هيه يمه بروح الدوام متاخر بغيتي شي ..؟
ام حمدان : ربي يحفظك الا اقول حمدان .. انته دريت اني حامل
حمدان : هههههههههههه اوكيه امايا بعدين مب متفيج الحينه
ام حمدان : انا ما امزح يا ولدي ..
تغيرت الوان حمدان و بدى يشوف امه
حمدان : امايا من صدقج اكبر اعيالج 22 و تبغين تحملين
ام حمدان : و الشو بها ..؟
حمدان : يمه الشو اقول حق ربعي و الله امي حامل و انا عمري 22 سنه اللي في عمري عندهم اعيال و امي حامل حلاته و الله
ام حمدان : هذا امر ربك يا حمدان
حمدان تنهد تنهيده قويه و ظهر من البيت و هاذي ظهرته
تقربت مزنه من امها بكل هدوء و اشرت ع بطن امها بصبعها : لو صار شي حق اخويه عمري عمري ما بسامح اللي في بطنج
دمعت اعيون ام حمدان
ابو حمدان : اكلي تبن لا ادبج يا قليله التربيه
ام حمدان : خلها يا بو حمدان .. حتى يا مزنه لو كان اللي في بطني بنت ..؟
مزنه .. بنت بنت بنت بنت تمت تتردد يا الله يا ما كنت اتمنى يكون عندي اخت .. دمعت اعيونها و لفت ويها بكبرياء : حتى لو كانت بنت يا امي اخوي حمدان .. فداهم كلهم ..
صمت قتل الجميع ..
و الثواني و الدقائق .. بدت تنعد ع اصابع ام حمدان ..
ع العشى ام سعد يت المشفى عسب اتزور ام حمدان و يلست اتهدى اشويه و اتيسرت ..
طبعا صار بالليل و الكل تيسر ع البيت ..
ثاني يوم الصبح الاثنين ..
صباح جميل بارد نوعا ما ..
كانت عائله بو حمدان تنظر .. رد الدكتور عليهم ..
الدكتور ببتسامه مشرقه : اللحمد الله يا جماعه الحاله استقرت ..
الجميع بويه مبستم اللحمد االله اللحمد الله ..
الدكتور : ان شاء الله بس يقوم من البنج تقدرون اتشوفنه ..
ام حمدان : نقدر نحدر عليه الحينه
الدكتور : اترمون بس لو سمحتوا دون ازعاج
حدرو عليه ..
جسمه كله متفخ من الحادث يلسوا عنده اشويه .. و ظهروا عسب حالته الصحيه
رجعوا له ع صلاه العصر و كان توه ناش من النوم يطالع جامته
مزنه : مرحبااااااا بالطفس اللي خلني اتخبل
حمدان : ببتسامه باهته : هلا مزنوه احدري حبيبتي
مزنه حدرت و باست اخوها ع راسه : اللحمد الله ع سلامتك يا اخوي
حمدان : ربي يسلمج
مزنه : ليش يا الدب اتسوي فينا جيه
حمدان : ربج كاتب
مزنه : خلاااص لا ترمس عن الحادث ما ابى احيد
حمدان : صح .. وين الباجي
مزنه : مب تارسه عينك انا شو
حمدان : ههههه لا تارستها و نص بعد بس قوم امي وين
مزنه : امي يايه وراي و الباقي يدورن موقف
حدرت ام حمدان الغرفه و سلمت ع ولدها اللي من شافها دمعه عينه و طاح يحضنها : امايا سامحيني .. انا اسف ما كان قصدي اللي قلته
ام حمدان : لا يا ولدي انته سامحني المفروض جد اعذرك ..
مزنه : خلاااص اللي راح راح لا اتسون افلام هنديه
ام حمدان & حمدان : ههههههههههههههههه



شورايج الشيـــــــــــــــــــخه في هذا البارت .....
جاسم يمشي بالممر يدور غرفة حمدان
الدكتور : لو سمحت
جاسم : خير
الدكتور : بغيتك اشويه
الدكتور بدى يكلم جاسم و يكلمه ....
جاسم : ضرب ايده ع الطاوله انته شو اتقول شو اتقول ...؟؟؟
الدكتور : اللي سمعته . اخوك صابه شلل و احمد ربك ما صابه شي ثاني [/align]
صرخات بدتت تسيري في جسده و كلمه عاجز ... قدد قتلته ...؟؟؟
بدى يمشي تثاقل اكبير ما يبى يوصل للاخر الممر يوصل حق اخوه شو يقول

انته يا اخوي مقعد ما بتمشى خلاص ...!!! افكار كثيره دارت في راسه
و اخيرا وصل الى نهايه الممر و وضع ايده ع مقبض الباب

مزنه :هيييييييه عن الدلع اوكيه انته من متى مواعدني بالسينما
اول ما تظهر اتوديني
حمدان : ما عندنا بنات يروحون السينما
مزنه : ليش ان شاء الله حرام وله حرام
حمدان: و اذا حد من الربع شافني وياج
مزنه : شو يعني بابا انا اختك هب اربيعتك
حمدان : ليش كاتبه لالفته ع ظهرج انا اخت حمدان
مزنه : ههههههههههههههه
حمدان : و انا صاج يشوفنج في المول وله شي عقب يقولون اهووو شوفوا اربيعه حمدانوا
مزنه و هي تضحك التفت حق اخوها الواقف عند الباب
مزنه : بسم الله الرحمن الرحيم
جاسم : شايفه يني انتي
مزنه : لا اخس اعنبو لا احم وله دستور
جاسم : انتي وايد ترمسين وله كنتي بتنتبهين حق دقه الباب
حمدان : هههه ايلس ايلس.. اشحالك
جاسم : قرب من اخوه و حبه ع راسه .. ابخير اللحمد الله شخبارك انته
حمدان : اللحمد الله
جاسم : وين امايا
مزنه : امايا ردت البيت مع ابويه و اخواني
جاسم : زين يلا امشي خل اوصلج البيت
مزنه : ليش
جاسم : الشو ليش باجر مدرسه
مزنه : ههههههههههه ع طاري المدرسه مسوين لي استدعاء ولي امر
جاسم + حمدان : شو مسويه بعد
مزنه : ما سويت شي
جاسم : اشوف قولي
مزنه : و هي تقول السالفه و حمدان ناقع ضحك
حمدان : صدقها مدريتكم جيه الطالبه اتحي علمها
مزنه : و انه شكو..؟
حمدان : شكو !!
جاسم : شكووااا شدعوه يبه شو بلاج قالبه كويتي
مزنه : اربيعتي الكويتيه انوار مأثره علي
حمدان : ههههههههه ويحليج اخاف اتينا باجر ترمسين هندي
جاسم : يالله بستر امنو بيرواح وياج باجر
مزنه : حد غيرك يا بعد جبدي
جاسم : الله يلوع جبدج طبعا هب رايح
مزنه : ايه لا اتروح و شوف الشو بسوي انا ما خبرت عن احم احم
جاسم : بروح يا النذله بروح
حمدان : شو ال حم حم
جاسم
مزنه : وله شي وله شي

ظهروا جاسم و مزنه من عند حمدان
مزنه : بلاك
حمدان : شو
مزنه : يه معتفس
حمدان : ملاني شي
مزنه : اجذب ع الهندي
حمدان : اقولج صخي احسن لج
الثلاثاء الصبح

وقفت مزنه عند الباب تنظر .. جاسم يوديها المدرسه و هي تنظر
ظهر ولد جيرانهم سعود .. سعودي الجنسيه شافته مزنه يعدل غرته
جان تمشى بهدوء عسب تدخل البيت لكن سعود سبقها ضرب هرن ع الخفيف و من الفضول اللي بمزنه التفت له ..

يا مزنه انتبهي في حد يراقبج << طلال <<

ابتسم سعود ابتسامه عذبه حق مزنه و وسلها حركه بيمعنى يسلم عليها شهقت مزنه يوم شافه اخوها ظاهر من باب الصاله
جاسم : يلا
مزنه : ي ي يلا
جاسم : هههههه كل هذا خوف من المديره
مزنه : اتخسي الا هي
جاسم : بنشوف يلا
مزنه : تعال تعال شو هاي الكشخه ما احيد شي عرس الصبح
جاسم : ما يخصج ... اووه سعود صبري بسلم و برجع
و قرب جاسم من سعود
جاسم : مرحباا الساع
سعود : هلا هلا تخاشموا ؛<< اسمحلولي يا اهل السعوديه ما اعرف اتكلم سعودي زين <<
جاسم : اشحالك يا ريال
سعود : بخير اللحمد الله انته شخبارك و الله مشتاقين لك مره مره يا بعد قلبي
جاسم : اشتاقت لك العافيه ..
سعود : شاف مزنه من بعيد .. << شكلك معاك الاهل ما بعطلك انشوفك ع خير
جاسم : ايه و الله الرضيعه بوصلها المدرسه و برد
سعود : مع السلامه
تحرك جاسم مع مزنه اللي يالسه متوتره
< يمكن قاله شي شو بيقول سلمت ع اختك و احلى طاف عطتني <<
وصلوا المدرسه
مزنه : جسوم بروح احط شنطتي و العبايه و برجع لا تتحرك
جاسم : و اتخلني واقف عن باب الاداره جيه
مزنه : ما بتاخر و رحت مزنه و حطجت عبايتها و شنطتها و هاي ظاهره
شافت روضه ..
روضه : يااااويل حالي يا مزنوه غرشوووب يطيح الطير من السما
مزنه : وينه ؟.؟
روضه : في الاداره
مزنه : هههههههههههه هذا اخويه يا فالحه
روضه : حلفي
مزنه : و راسج
روضه : لحقي عليه 12 بنت واقفين عن باب الاداره
مزنه : واعليه اخويه و تمت تمشى بسرعه
و فعلا الاخبال عند البنات كل واحده واقفه اونها اترمس اربيعتها
مزنه : صدق ما فيكم مذهب
ملاك : يت شريفه مكه
مزنه : اتغازلون اخويه و ما تبون ارمس
ملاك : حلفي
مزنه : جب زين
و راحت عن اخوها
جاسم : اللحمد الله و الشكر هاي مدرسه و مشفى الامراض العقليه
مزنه : تسالني اانا امش ع الاداره
روحوا عند مكتب المديره
و يلس جاسم يتفلسف و اونه يهاوش مزنه و مزنه يايتها ضحكه بس صاخه ووقع ع التعهد و ظهر
و هو ظاهر شاف البنات للحينه واقفات
جاسم بصوت عالي : حد يبى توقيع
كل البنات نقعوا ضحك
مزنه : هيه انته اتغازل و انا واقفه انجلع اقول
ظهر جاسم و هو يضحك و ركب سيارته و مزنه راحت صفها

جاسم قرر انه يروح الشغل عقب يستأذن و سير حق اخووه
البيت
نشت ام حمدان و توجهت للطابق الاول عند امها
ام حمدان : اماايا كنتي اترمسين حد
حميده : هيه فديتج ارمس اخوانج علي و عوشه بيزورنا نهايه الاسبوع
ام حمدان : هيه زين اشتقنا لهم
حميده : هيه و الله نحن كنا انسوي كل جمعه يميعه بس من جمعيتن ما سوينا
ام حمدان : تدرين يا امي الامتحانات جربت

تعالو نعطيكم نبذه عن عائله عوشه و علي
علي عنده 3 بنات و لدي
العنود و ساره و غدير
حسن و سالم
و عائله عوشه
3 بنات و 3 شباب
عبدالله و محمد و خالد
امل و مريم و خلود


في تقنيه بوظبي
الساعه 9:55

سلطان و راشد يشربون نسكفيه
راشد : يا سلطون من اول ما يلسنا .. و انته تطالع هذاك الشاب شو السالفه
سلطان : هذاك المحترم امسات و انا نايم بطلاس فر عليه غرشت ماي و خل الشباب يضحكون عليه و يوم نشيت محد طاع يقولي و ياني اليوم عيسى وخبرني انه قاسم اللي هذاك المنحط اللي يالس هناك
راشد : اتحب اندبه
سلطان : اكيد .. بنظره عليها !!! الف علامه استفهام
سلطان و راشد يحبون يلعبون حديد و لهم هيبه بالكليه

قاسم : و اقولك يوم فريت غرشه الماي ع سلطان تخبل علينا
سعيد : بس اللي سويته غلط
قاسم : مب غلط وله شي هو ما يدري ع شو شايف عمره
قاسم شاف ساعته
قاسم : انا تاخرت عندي كلاس عن اذنكم
سعيد : اوكيه مع السلامه تحرك قاسم و لحقوه سلطان و راشد
و اول ما حدر الحمام .. عسب يغسله ايده حدروا وراه راشد وقف ع الباب
و سلطان تقرب من قاسم و همس في ذانه : قاسم
تجمدت عينه و الماي ينصب ع ايده
: قاسم
قاسم مات من الزيغه يوم شافهم
سلطان : امسوي عمرك ريال ها و اتفر عليه غرشه الماي اصلا لو كنت ريال صدق اتفرها عليه و انا ناش هب راقد
تفوا عليك
قاسم : اقول احترم عمرك
سلطان : تم يهز رأسه و يتقرب من قاسم و راشد و رأه و يردون : نحن بنعلمك الاحترام
راشد ثبت قاسم ع الطوفه و سلطان بدى يضرب قاسم ظرب عنيف ع ويه عقب نومه في الارض و تم يرفسه و هو يقول عيل امسوي عمرك ريال ها و اضحك علي الشباب انزين نش و رنا مرجلتك ..
و لحق عليهم المشرف اللي سمع اصارخ قاسم طبعا قاسم و دوه المشفى و سلطان و راشد عند المدير
المدير :: انته الحينه مكفخ الولد عسب غرشه الماي لو اشتكيت عليه
سلطان : و الله انا احي اخذ حقي بيدي
المدير : حقك بيدك ها انزين تدري انه قاسم خشمه انكسر و 3 اضروس انكسروا
راشد شاف سلطان يبنا ندرب حديد اكثر ..!!
المدير : هييييييه انتو انته تتدربون حديد عسب تذبحون خلق الله تدرون اني لازم احولكم ع الشرطه
سلطان : حول شو اخاف منك ..؟
المدير : صخ يا قليل الادب لو لا اني اعرف ابوكم و الله لو حولتكم ع الشرطه
راشد : شو كلمه الحق قام ينزعل منها
المدير : انجلعوا اقعدو هناك ع ما اتصل في ابوكم
......

بو حمدان : و عليكم السلام و الرحمه ....خير ....هيه ...اشحالك ... ليش ... و الخيبه اتخيبهم الحينه ياي

في المدرسه .. كالعاده فارغ يالسين في نهايه الصف و يدقون
اليازيه : و طير الحمامي
اليميع : هيج غرامي هايم هيامي و الشوق ذابح وذكرتني به لليعتني بع حبه و حبيبه و الشوق غلاب .... شي قطعهم الوكيله حدرت عليهم
اليازيه : فرش التراب يضمني و هو غطائي حول الرمال تلفوني بل من ورائي
الوكيله بصوت هز بلاد : كل وحده تيلس مكنها
يلسوا البنات مكنهم
الوكيل: كل وحده اتظهر ورقه و قلم و تكتب ا__<< انا قليله ادب <<__
**************************
حمدان يطالع من جامته الشمس .. و بدت دمووع تنزل من عينه ...
<< طخ طخ
حدر جاسم : مرحبا اخويه
حمدان : مراحب
جاسم : بلاك
حمدان : اتعرف انته شو بلاني
جاسم : << معقوله عرف <<
حمدان : و انا اليوم احول انش و غمض اعيونه و رفع راسه و دموع بدت تنزل ... احاول امشي ع ريلي ما قدرت اتحرك و دقيت جرس للنيرس و طلبت .. الدكتور و قالي و قالي اللي انته ما قدرت تقوله يا اخوي

اني عاجــــــــــــــز << صرخه الم <

رد: يوم الله بلاني بالحب حبيت طفله اماراتيه كاملة
 

الجزء الرابع

حمدان يطالع من جامته الشمس .. و بدت دمووع تنزل من عينه ...
<< طخ طخ
حدر جاسم : مرحبا اخويه
حمدان : مراحب
جاسم : بلاك
حمدان : اتعرف انته شو بلاني
جاسم : << معقوله عرف <<
حمدان : و انا اليوم احول انش و غمض اعيونه و رفع راسه و دموع بدت تنزل ... احاول امشي ع ريلي ما قدرت اتحرك و دقيت جرس للنيرس و طلبت .. الدكتور و قالي و قالي اللي انته ما قدرت تقوله يا اخوي

اني عاجــــــــــــــز << صرخه الم <<

... عاجز هذه الكمله ترددت بين الممرات بين الغرف ....
و جاسم واقف منصدم ... ما يعرف ينطق وبلا حرف تقرب من اخوه و باسه ع خده ..
جاسم : ان الله اذا احب عبدا ابتلاه يا اخويه
حمدان بدى يهدى : و نعم بالله
جاسم : ان شاء الله بترجع شرات اول و احسن
حمدان : لا تطعيني امل اتعلق به انا اصلا خلاص انتهيت و نهايتي بتكون ع هاذا الكرسي
جاسم : هب زين عليك الرمسه اللي اتقولها و هذا قضاء و قدر و اكيد هذا امتحان ربي يمتحنك فيه عسب يشوف صبرك و قوتك
حمدان رفع راسه و كانه يدعي .. و نزلت دموع و دموعه كثرت يوم سال اخوه : الاهل دروى
جاسم بصوت حزين : لا للحينه
حمدان : تنهد تنهيده طويله ... خلهم انا بنفسي بخبرهم ..
##################
تابع :::لقصة ::يوم الله بلاني بالحب حبيت طفله صغيره ::
في التقنيه بوظبي

عند البوابه ...

بو حمدان : اركبو الله لا يبارك فيكم
راشد : ابويه ..
بوحمدان : جب وله كلمه انا ريال عمري 49 سنه اتحدروني في مشاكل ليش شو قصرت معاكم مو حرام عليكم خلتوني اترجى بو قاسم و اللي سوى و اللي ما يسوى عسبكم مب منقود عليكم اتخلوني اتنزل حق هذيله
سلطان : يا ابويه انته مو فاهم
بو حمدان : ما ابغى اسمع اصواتكم حسبي عليكم
و تمو ساكتين طول الدرب لين وصلو البيت
ام حمدان : يتو مسودين الويه
سلطان : اووووووووه بدينا انا ابويه بروح فوق عسب افتك من الرمسه
راشد : خذني معاك
حميده : لا حول و الشو تبغين فيهم يا ام حمدان
ام حمدان : يقولوج مكسرين الولد
حميده : الله يهديهم .. الا بتخبرج وين جسوم ولدج
ام حمدان : سار عنده اخوه حمدان
حميده : هييييييييه و انتي متى بتروحين صوبه
ام حمدان : قريب ان شاء الله .. خل نتغذى و بروح

..... مزنه توها وصلت البيت و ركبت فوق و قفت يوم سمعت اخونها يرمسون
راشد : ههههههههههه عجيب ها يوم رشيته بكس في عينه
سلطان : هيه و اللله عجيييييييب
راشد : اعجبك انا
مزنه : خخخخخخخ وين في اللعبه
راشد & سلطان : لا فديتج في الصدج
مزنه : الشو ..؟
راشد : شو اللي الشو
مزنه : انتو مكفخين واحد من صدقكم ..؟؟
سلطان : لا من جذبنا
مزنه تحمست لااا صدقت ضربتوا واحد انزين ليش
سلطان و راشد يالسين يمثلون و مزنه ميته ميته ضحك
و هي ناشه بتسير غرفتها
مزنه : و الله انكم تعرفون اتمثلون قصص
سلطان : اقولج جد اتقولين قصص
مزنه و هي تبلع رجيها شافت نظره بعين اخوها و هاي النظره ادل انه صادق
مزنه : اووووووويه حرام عليكم و الله حرام عليكم صدق ما فيكم مذهب
سلطان : بدت عاده ست هانم مزنه سيري غرفتج وله بطراااق يعدل ويهج هب ناقصين رمسه اكفايه رمسه باباتج
مزنه : لا حول وله قوه الا بالله و رحت غرفتها
###############

المكان : منزل ابو سعد
الوقت : 2:30 ظهرا
الغرفه: غرفه طلال

واقف طلال مجابل غرفه مزنه ... و في عينه الف سؤال و سؤال بينج و بينه شي يا مزنه بينج و بين سعود شي ....؟؟؟؟ تحبينه يحبج عاشتقج عاشقتنه اترمسينه ...؟؟؟ عيل ليش ابتسم في ويهج ذاك اليوم و ليش ارتبكتي من شفتي اخوج ....؟؟؟؟؟؟ ليش معذبتني يا مزنه ..
و غمض عينه يذكر احادث امس
.. ام سعد : يمه طلال انا عزمت اخطب لك بنت خالتك ساره
طلال : و امنو قالج اني ابغى اعرس للحين اصغير و هي بعدها اصغيره
ام سعد : هب اصغير ماشاء الله عليك ريال و ينشد بك الظهر
و بنت خالتك بتخلص هاي السنه ثونيه عامه و انته تشتغل ما شاء الله هب لازم الحينه العرس بس ملجه و ان شاء الله .. بعرسك يوم تخلص الثونيه و تحدر جامعه
طلال : امايا هذا زواج هب بس يوم وله يومين خليني استخير ع الاقل
ام سعد : اسمع عاد رحت وله يت ماشي غير بنت خالتك
طلال : و اذا انا ما ابغاه
ام سعد : ليش شو بلاها البنت
طلال : ما بلاها شي احسن البنات و الف من يتمناه
ام سعد : و ليش ما انته اتكون من الف اللي يتمنونها
.. وليش انته ما اتكون من الف اللي يتمنونها
.. وليش انته ما اتكون من الف اللي يتمنونها
.. وليش انته ما اتكون من الف اللي يتمنونها
.. وليش انته ما اتكون من الف اللي يتمنونها
.. وليش انته ما اتكون من الف اللي يتمنونها
.. وليش انته ما اتكون من الف اللي يتمنونها
..صوت امه تردد وايد و تم ساكت .. فتره
طلال و هو يشوف مزنه اتصلي صلاه الظهر .. ابتسم ابتسامه خبيثه
الحينه بعرف اذا انتي يا مزنه اتحبيني وله لا
نزل تحت يركض و توجه عند امه اللي كانو كلهم عندها يتغذون
طلال بصوت يملئه الخبث : امايا انا ابى بنت خالتي ساره

بصوت مملؤء بالفرحه الغامره ام سعد : صحيح صحيح يا ولدي
كلوووووووووووووش و تمت اتيبب
منال استغربت و تمت فاتحه عينها و قرصه عمرها شو اللي يالس يصير ...؟؟؟؟؟؟؟؟
نشت من الغذى و ما ترددت ثانيه وحده انها ادق ع مزنه
< الا صلاتي <<
ام حمدان و هي اتناول الصحن حق مزنه : خذي تلفون لج نشت مزنه و سارت الصاله الرئيسه
مزنه : الو
منال : لحقي
مزنه : الشو بلاج
منال : طلال بياخذ ساره بنت خالتيه
مزنه سكت و حست جنه خنجر يطعن بقلبها تمت ساكته و ما حست الا دموع تظهر من عينها انزين ليش شو السالفه ..؟؟؟
منال : الو الو
مزنه و هي اتحاول ما اتوضح شو بلاها : انزين مبروك
منال : يعني انتي عادي عندج
مزنه : و انا شو خصني
منال : انا اعرف انه اخويه يحبج يا مزنه
مزنه تمت ساكته : لو يحبني ما بياخذ ساره بس اللي في بالج اوهاك بواهم
منال : لالالا صدقني هو يحبج هو قال بنفسه
مزنه : يمكن يتسهبل ,.. و بصوت تخنقه العبره انا بخليج الحينه يالسه اتغذى
منال : بصوت كئيب و بخيبه امل : انزين مع السلامه
سكرت مزنه و يتها حاله هبوط و ركبت الدري و امها تناديها
ام حمدان : تعالى وين رايحه تعالى اتغذي
مزنه : ما اشتهي امايا ما اشتهي
و صلت مزنه غرفتها و دفتن راسها بالمخده و شهقاات بتقاطع تنسمع
و اللي واقف يستمتع بهذا المظهر < طــــــــــــــــــــــلال <<
ع العصر
ام حمدان تزهبت و لابست عباتها و اعيالها بعد
ام حمدان : شوفوا مزنه ما بتي وينا عند حمدان
صالح : لا امايا توني طليت عليها و كانت نايمه
ام حمدان : ياربي انا مدري شو صابها هاي البنت من رمسه في التلفون
ابو حمدان : ما عليج اكيد متضاربه ويه وحده من اربيعتها
ام حمدان : هيه صح يمكن ..الحينه الشو بتسوي ويه اعيالك سلطان و راشد
ابو حمدان : انا محضر عقاب لهم و ربي يعين

رد: يوم الله بلاني بالحب حبيت طفله اماراتيه كاملة
 

الجزء الخامس

وصلو ام حمدان و بوحمدان .. المشتسفى و اتقربوا من غرفه حمدان
صالح : مراحبا السااع
حمدان ببتسامه المعهوده : مراحبااا باجي هلا و غلا
صالح : اشحاالك و قرب منه و خاشمه
حمدان : ابخير و سهاله من صوبك
صالح : اللحمد الله عساك دووم
حمدان : اجمعين
بو حمدان ابتسم ع طلقائيه ولده صالح : اشحالك ولديه ان شاء الله احسن
حمدان : اللحمد الله ابويه
ام حمدان : يبت لك برياني يدادي وياي انا اعرفك ما اتحب اكل المشتسفيات الا كرسون الا عصير ما ادري الشوو ما يبون اكل عدل
حمدان : ههههههههه امايا الشو تبينهم ايبون مجبوس و هريس و غيمات
ام حمدان : هيه اصلا هذا الكل الصحي
جاسم و هي يفتح باب الغرفه و سمع امه و مات ضحك : ههههههههههههههههههههههههه امايا اتصدقين رمستج شرات رمسه يدتيه حميده
ام حمدان : و بلاها يدتك ها
جاسم : ما بلاها ما بلاها شي
ام حمدان : اتحريت بعد التفت حق حمدان .. حمدان يمه متى بيظهرونك
حمدان : سكت ...ما ادري امايا قريب
امه وهي اتصب الجاي و اتمده صوبه : انا بسير اشوف هالدكتور انته اللحمد الله ما بك شي تعافيت و خصيصا ان هذا الاسبوع مسوين لك عزيمه مال سلامتك كل الاهل بيتمعون
من قالت ام حمدان كل الاهل بتمعون ما اعرف شو صاب حمدان ارتبك و طاح عليه الجاي و صرخ لانه الجاي كان وايد حار
ام حمدان اتنش بسرعه : بسم الله عليك و هي تمسك جتفه
بو حمدان : نش سير اتغسل بسرعه
حمدان عبس ويه و حس بالعجز و الدمعه طاحت من عينه
ام حمدان : شو بلاااك نش
جاسم حس بالحزن و الم : امايا خليه
حمدان غمض عينه بشده و رفع راسه
و ابتسم ابتسامه الم : يمه انا تشللت من اثر الحادث
############################## #

مزنه تمشي في شارع طويل ما اتعرف نهايته
مزنه : وين انا الشو ها متى بوصل للين نهايه هالشارع وايد طويل ولا حضرتيه لابسه جعب ..؟؟ اوف
و بدت تمشي تمشي تمشي اااااااااخ يا ريولي
و اخير شافت طلال واقف عن نهايه الشارع و كانه المنقض الوحيد لها
مزنه بكل لهفه : طلال
التفت لها بسرعه و ابتسم في ويها
مزنه : طلال ودني البيت
طلال : ما اقدر اوديج
مزنه : ليش
طلال : زوجتي معاي
مزنه : بستغراب زوجتك
طلال : ما دريتي اني تزوجت
مزنه : قالوا بتخطب هب بتزوج
طلال : لا تزوجت ... شو بلاج جيه اتناظريني انتي اللي يبتيه للنفسج
مزنه : مزنه : يااا طلال افهمني انا انا ....اح
طلال : شو اتحبني ههههه متاخره يا مزنه
مزنه : اتصيح و طلال عطها ظهر و بدى يبتعد
مزنه : لااااا لااااااااااااااااا
::: بين اليقضه و بين الخيال ياتي الواقع ::::
مزنه حصلت كف عدل ويها
مزنه : وين وين انا
سلطان : شووو بلاج اتصارخين
مزنه : اوف اللحمد الله كان حلم
سلطان : صدق ان كان للخبال عنوان انتي عنوانه
و مزنه : هب متفيجه الساعه جم
سلطان بويه متضايج : لا تسالن عن الساعه شوفي امج اللي من يت من عند حمدان مرتفعه حرارتها و اتصيح
مزنه : الشو ..؟
سلطان : نزلي شوفيها
مزنه : و ابويه وينه
سلطان : ابويه نزلها و روح
مزنه : استغربت اكثر و اكثر و نزلت تحت عند امها
مها نايمه بحضن يدتها حميده و عيونها حمر
مزنه : امايا بلاج
ام حمدان :.........
مزنه : امايا
ام حمدان:...........
مزنه : انزين نشي بنوديج المستشفى
حميده : خليها يا بنتي
مزنه : بلاها يدوه
حميده : ليش ما تدرين انتي
مزنه : عن الشو
حميده : لا وله شي وله شي
مزنه : يدتي فيه شي خبريني
حميده : لا حول وله قوه الا بالله اول صلى ع النبي
مزنه : عليه الصلاه و السلام
حميده : اخوج حمدان اتشلل
مزنه سكت اول خمس دقايق و بدت ترجم العباره
اخوج يعني اخوي حمدان يعني حمدان اتشلل شو اتشلل ..؟؟؟ يعني ما يروم يمشي مقعد
مزنه دموع تنزل بصمت و استسلمت بنها تيلس و ساكته تطالع في امها و اتصيح بهدوءء الكل استغرب منها هذا الهدوء
حتى امها
مزنه و هي تسمح ادموعها : اللحمد الله ع كل حال ... امايا هذا قضاء و قدر ان شاء الله بيتعالج ارجوج بدال ما اتصيحن ادعي له
ام حمدان زاد اصيحها
مزنه : لا حول وله قوه الا بالله تعالى و ركبت فوق

منال ادور بغرفتها ما اتعرف شو اتسوي باجر الخميس و هي عارفه مليون بالمئه مزنه ما بتدوام المدرسه لان صفها بيظهرونه في الطابور بيعاقبونه
انزين الشو اسوي اتصل بها
ما ينفع لازم اشوفها فيس تو فيس
ظهرت من غرفتها
<< طخ طخ
طلال : امنو
منال : افتح الباب انا منال
طلال : فتح الباب ها منال
منال : بيروح بيت مزنه
طلال : يتلفت ورها يمين يسار
منال : الشو اتدور
طلال : ادور اللي ماسكج
منال : ههههههههه يا سخيف
طلال : احدري احدري ابي ارمسج
منال : هيه صح انا بعد ابى ارمسك حدرت و سكرت الباب وراها
منال : تمت ساكته فتره .. انته مو..
طلال : ههههههه امبله احبها
منال: امنو هاي
طلال : تستهبلين
منال : ههههههههههههههههه عيل ليش جيه سويت
طلال : تنهد شو تبغيني اسوي يعني ابى اعرف اذا اتحبني وله لا
منال : اتقوم و اتخبر امي اتسير تخطب لك ساره
طلال : لااااااا حبيبتي انا قلت لها البنت اول اتخلص ثونيه عقب اتسير تخطب
منال ويها نور من الابتسامه : يعني ما بتسيرون تخطبون هاي الايام
طلال : لا اتخسين وله بعد قرن
منال : هييييييييييييييييييييييييييه و تمت اتنطط
طلال : خبله انتي
منال : شو اسوي فرحانه
طلال : شو الفايده مزنه وله حست صاحت اشويه ورجعت شرات قبل تتنط
منال : لا و الله من وين اتشوفها انته و الله لو سمعت صوتها و هي اترمسني يو خبرتها
طلال و هو يضحك ياشر ع جامته
منال : و انا اقول مخبل البنت تراك و الله
طلال : قالت لج عن سالفه التفليع ع جمتها
منال : هيه و الله فديتها ما نامت زين يا الدب حرام عليك
طلال: ابي العوزها اشويه
منال : انزين نش وصلني عندها
طلال : شو تبتسوين اتروحين
منال بسير اشوفها
طلال : شوفيها باجر
منال : باجر بتغيب
طلال : ليش
منال : بيعقبون صفها كانو يدقون بالصف و يرقصون
طلال : ههههههههههه انتن يا البنات صرتوا اخس عن الشباب انزين نشي البسي عباتج بوديج و بالمره انا بمر ع حمدان و برد اشيلج
منال : انزين يلا
روحت منال تلبست عبايتها بس شافت شلكها بالمنظره
منال : اممممي انا بروح جي خل اتعدل اشويه
منال مو النوع اللي اتحب واايد تتعدل يوم تظهر لبست مخوره و جحلت عينها و لبست عبتها و ظهرت
في السياره
طلال : بدق لج رنه و اظهري اوكيه
منال ابتسمت اوكيه فتحت باب السياره و نزلت و انطلق طلال
و صلت منال عن باب الصاله و دقت الباب
راش كان يمشي رايح غرفه اخوه حمدان ياخذ منها شي و شاف وحده اتدق الباب و كان يقرى مسج واصلنه
و فتح الباب
تم يفتش في جيبه و منال مستغرررررررربه حدها
ظهر خمس دراهم و مدها ع منال
منال رفعت حوايبها : شافني شحاته انته ويهك
راشد استغرب من الصوت و رفع راسه اشوي اشوي : امنو ..؟
منال : هييه اكيد ما ابتعرفني مجابل الابتوب
؛؛ لا تستغربون من طريقه رمسه منال ترى يوم كانت يهال راشد يلعب معها و هم متربين مع بعض لكنه من زمان ما شفها <<
راشد : منال
منال اشويه استحت : هيه
راشد :الشو هالجمال كبرتي و الله
مزنه يايه مشتله من فوق : هيه هيه انته شو ما شي مذهب اترمسها منقود عن العرب
راشد: اللي يسمعج يتحرى شي ثاني الا اسلم صح منال
منال بحياء واضح : صح
مزنه تبى اتخلي منال اتحرج : منالوه ليش حاطه ابلشر ..؟؟؟
منال رفعت عينها بسرعه و فهمت شو تقصد مزنه : جب ما يخصج
راشد : صح ما يخصج
منال نزلت راسها و مزنه شافت السالفه مصخت
مزنه : اقولج امشي يدامي لا ارشج بكف الحينه

منال تبى اترد بس اونه تحافظ ع انوثتها حدرو فوق اول ما وصلوا الغرفه منال وره مزنه بالمخده و مزنه اتصرخ
منال : انا بوريج تدرين ما اروم ارد عليج
مزنه : متاكده ما فيج عرج انتي
منال : الحينه عاد بوريج و تركض ورها
<<< توم و جيري <<

في المستشفى ::
وصل طلال المستشفى و حدر و بدى يمشي في قسم حمدان
<< طخ طخ
حمدان : اتفضل
طلال : السلاااااااام عليكم
حمدان : هلا هلا و الله خشمك يا ريال
طلال : شو اخر اخبارك
حمدان : انا اللحمد الله زين وينك انته ما اتزورني وله شي
طلال : و الله ظرووووف الشغل و ما ادري شو اليوم فضيت بس وله يهمك اول ما تظهر من اهنه بنسوي انا وياك جدول حق الظهرات شو رايك عسب اتغير جو المستشفى
حمدان تنهد : ما اظن يا طلال
طلال : ليش عاد ..؟
حمدان : الظاهر ما خبروك
طلال: عن الشو
حمدان : اني .. اني صابته غصه و هو يقولها .. اني تشللت يا حمدان
طلال : فتح اعيونه و بلا اراده فتح ذارعيه و حضن حمدان
حمدان : ههههههه وين حنا فلم هندي
طلال تمت ساكت يالله يا حمدان ما شاء الله عليك قوي الايمان جبل ما يهزك ريح
حمدان : هييييييييه وين رحت
طلال : ها لا اهني
حمدان : انا اعرف انك مستغرب ليش اضحك وعادي يا طلال .. انا ابى امارس حياتي العاديه و بعدين الدكتور عطاني امل اني ارجع شرات اول و ارجوكم ما ابى حد يحسسني اني عاجز ..
طلال : و الله انك كبرت في عيني يا حمدان
حمدان : ابتسم .. و حب يغير الموضوع .. انزين طلول بنسوي بنرماج ظهره بس ها بعد ما اتعود ع الوضع اشويه
طلال : اوكيه هيه صح شو سالفه اخوانك سلطون و رشود
حمدان: الشو سالفتهم
طلال : محد خبرك
حمدان : لا الشو السالفه
طلال : يقولك ربي يسلمك ................

في غرفه ام حمدان .. تقرى القرأن و اتفكر يمكن هذا عقاب ..؟
بس عقاب من الشو ..؟؟
يمكن هذا امتحان لا حول وله قوه الا بالله يا ولدي
بو حمدان يحدر عليها و يلس يمها : ام حمدان بعدج جيه يالسه هب زين اللي اتسوينه هذا قضاء و قدر لازم ترضين به و الصبر زين هو بيتحسن ان شاء الله و انا مستعد اسفره اي مكان
ام حمدان : اللحمد الله ع كل حال و ع طاري السفر يوم بيرد البيت بسلامه برمسه
ابو حمدان : ان شاء الله .. ها شو صار ع اليمعه ..؟؟
ام حمدان : لا هم بيون من باجر ان شاء الله
ابو حمدان : حياهم الله البيت بيتهم

في غرفه مزنه تحلى سوالف البنات
بعد الضحك منال : نستني ليش انا يايه لج
مزنه : حست الموضوع فيه طلال هي ما صدقت تنسى و نزلت راسها .. ليش
منال: اظن اتعرفين
مزنه : اذا بخصوص طلال سكتي احسن لج
منال : انتي ابغى اعرف اتعاندين امنو
مزنه : اعاند ..!!!
منال : هيه اتعاندين انتي اتحبينه يا مزنه
مزنه : لو احبه خلاص هو بيتزوج
منال << ما ابغى اخرب خطه طلال "<<: لانه يبى ينساج يفكر انج ما اتحبينه
مزنه التفت بسرعه : انا ما قلت احبه وله ما احبه لا تيلسن اتسوين قصص
منال : حطي عينج بعيني و قولي انج ما اتميلن له
مزنه لفت صوب الجامه
منال : شفتي
مزنه بدت اتصيح : ما اعرف شو صار فيني من عرفت انه بيخطب بس خلاص الموضوع انتهى و انا لازم انسى
منال : شو تنسين انتي لازم اتبين انج اتحبينه عسب يشل فكره الزواج من راسه
مزنه : لا الدين يسمح وله العادات و التقاليد تسمح للبنت اتسير تتعرف حق شاب بحبها الشو تبين اهلي يذحوني ..؟؟؟
منال : ما اطلب منج هالشي يا السخيفه
مزنه : عيل اوقف له تحت و هو يلس فوق و اغني له
منال : صدق انج يهال غلطان اخويه يوم حبج
مزنه : هيه غلطان اصلا هو لازم يحب ايده كل يوم لاني .. لاني
منال : قوليها .. تحبينه صح
مزنه : اصلا شو يابج بيتنا انتي يلا روحي
منال : ههههههههههههههههههههه
رن تلفون منال .. و ابتسمت ابتسامه الله العالم شو رها
منال : الو ها سعاد << شرات ما انعرف سعاد اخت منال و متزوجه و ساكنه بدبي
مزنه : يااللله شو مشتاقه حق هاي البطه
منال : انزل الحينه صبري
انزين مع السلامه
منال : سعاد يايه تاخذني بتين اتسلمين عليها
مزنه : و الله
منال : هيه
مزنه : كم يبلها توصل
منال : قالت خمس دقايق
مزنه : عيل صبري خل اتلبس و اتكشخ
منال : هيه هيه تكخشي زين
مزنه : ههههههه اتكشخ حق امنو الا هي سعاد
منال : هيه تراج وايد مستهينه بختي برشج كف الحينه
سوت لها طاف مزنه و غيرت ملابسها و لابست مخوره بنفسجيه فاتحه و فيها شغل بنفسجي غامق
و حطت اجحال و جلوز و عطر
منال : الله شو هاي الكشخه
مزنه : جب لا
<< الحق حبيبك <<
منال : الو ها وصلتي
طلال : هيه انتي يا المخرفه اول سعاد و الحينه وصلتي
منال : انزين انزين بنزل الحينه
منال : يلا مزنه لبست مزنه شيلتها و نزلت مع منال و يوم فتحت باب الصاله
مزنه : هاي سياره طلال ..؟؟
منال : هيه بس سعاد ماخذتها
مزنه : متاكده
منال : ايه
مشت مزنه و منال و صلوا عند السياره و طلال تخبل يوم شاف مزنه
<< يااااربي اشكثر اشتقت حق ويها من قريب <<
منال و هي تفتح الباب : عاد مزنه حلفت الا تنزل اتسلم عليك
مزنه ما اقولكم شو صابها يوم شافت طلال اعيونه ما اتفارقها و شاق الحلج
مزنه :"<< الله ياخذج يا منال و الله لا كفخج و ادوس بطنج بعد و افلعج يااااااااااا الجلبه <<<<
طلال : مزنه اشحالج
مزنه رفعت راسها تطالعه : ال ال اللحمد الله زينه انته اشحالك
طلال : من بعد ما شفتج انا بخير تاكدي
مزنه قفطت لفت و ع طول حدرت البيت
طلال : هههههههههههههههههههه حركه حلوووووه فديتج انا و الله
منال : عسب اتعرف اختك
طلال : هههههههه عن عشر ريايل
منال : في عينك شافني بويه يلا اعزمني ع الكوكتيل
طلال : ع اللي سويته تستهلين تامرين امر انتي
منال : لو كنت اعرف جيه السالفه جان كل يوم سويتها
طلال : هههههههه شفتي ويها فديتها غدت طماطه
منال : ايه منقود و الله تتغزل في البنت يدامي
طلال : ضربها ع راسها جب انتي
<<< sms {{
منال : هههههههههههههههههههههههههههههه هههههههههههههههههههه هه
طلال : شو بلاج
منال : خذ اقرى
طلال : ما عليه يا منال عيل سعاد ها و اتكشخي بوريج يا ام كشه ان ما دست في بطنج ما يكون اسمي مزنه
طلال : ههههههههههههه تستهلين
منال : استهال ها خل حد يدبر لك مواقف
طلال : لااااا فديتج انا منولتي
منال : عيل الحينه بدال الكوكتيل ابى معاه اغراض من الدكان
طلال : يلاااعاد شو قالوا لج يالس ع بنك
منال : الله يعين مزنه عليك صدق انك بخيل
طلال : لااااااااا مزنه غير اعيوني اعطيها لو تبى
منال : هيه و انا اختك لا
طلال : هيه لا شو من الحينه اغار
منال : اغار اغار من امنو من مزنوه
طلال : و اتموتين بعد
منال : انزين يا طلال ان ما وريتك
طلال : هههههههه لا فديتج و ربي انتي الكل بالكل
منال : هيه جيه زين
الخميس ...
طبعا مزنه ما دوامت و مثلت ع امها انه راسها يعورها
و مر الوقت بسرعه و خلصت الدوامات
ام حمدان : يا مزنه يا مزنه
مزنه : نعم امايا
ام حمدان : شلي التلفون من الجرج و دقي ع جاسم خل يمر يشل اخرج حمدان من المستشفى
مزنه ابتسمت : اليوم بيظهر
ام حمدان : هيه .. صح و بعدين اتلبسي قوم خالج و خالتج بيوصلون بعد اشويه
مزنه : خالي علي و خالتي عوشه
ام حمدان : هيه
مزنه : و خالتي ام حمد
ام حمدان : بتي بتي
مزنه : الله وناااااااااسه
ام حمدان : يلا سيري
شلت التلفون مزنه و اتوجهت حق غرفتها و دقت حق جاسم
مزنه : جسوووووووم
جاسم : هلا هلا سلطان
مزنه : سلطان ...!!! هيه لهذي الدجه صوتي خشن
جاسم : انا عند الربع الحينه بغيت شي
مزنه: هييييييييييييه .. جسوم سير يب حمدان بيظهر اليوم من الدختر
جاسم : هيه ادري بمر عليه
مزنه : انزين مع السلامه
جاسم : مع السلامه
في سياره سلطان
سلطان : عيل ما شفت الجلب
راشد : تقصد قاسم
سلطان : حد جلب غيره
راشد : لا ما شفته يمكن للحينه منوم في المستشفى
سلطان : هههههههههههههههههههههههههه يمكن
راشد : اقول انا بتصل في امايا بشوف الشو الغذى
سلطان : لا اتشوف وله اشوف لازم اليوم انرد البيت شي عزيمه خالي علي بي من الشارجه و خالتي عوشه من راس الخيمه
راشد: الله وناسه معناته عبادي ولد خالتي عوشه بيكون موجود و هو حسون بنسير السينما الليله
سلطان : بنقنع حمدان اي وينا
راشد سكت اشويه : اخاف ما يرضى لانه ...
سلطان : عيل انته ما اتعرف حمدان زين يا راشد
>>>>>>>>>>
مزنه تكشخ اخر كشخه لانها من زمان ما شافت قومت اهل امها و مشتاقه حق بنات خالها وايد

لبست جلابيه ..كويتيه زرقى ع ورديه فيها شغل وايد حلو ..
حطت اجحال ازرق و اجلوز وردي فاتح نوعا ما
رفعت شعرها و اتجهت تبى تاخذ شيلتها
لقت طلال يطلعها و يبتسم و غمز لها و سكرت ستارتها و ابتسمت ...يكفي اعرف انه يحبني ..لكن لو يحبني لازم يلغى خطبته من بنت خالته هاي ساره ...
و لبست شيله عاديه سوده و نزلت
ابتسم اليميع يوم شافها
علي< ابو حسن < : مرحباااااا ببنت اختي هلا و الله
مزنه : هلا خالي اشحالك
بو حسن: اللحمد الله ع كل حال و قربت منه و سلمت عليه
و بعدين سلمت ع خالتها عوشه
عوشه : فديتها بنت اختيه غاديه عروس و اطالعت ولدها خالد
ابتسمت مزنه لا ارديا لانها اصلا ما انتبهت حق نظره خالتها انتبهت ع ولد خالتها اللي انعفس ويه و جه نظره للغدير اللي بان عليها اشويه و بتصيح
تقربت مزنه من امل و يلست تحظنها
امل بنت عوشه : مزنووووووووه حياااااااتي و الله اشتقت لج
مزنه : مي تو يا بطه و ربي اشتقت لج
عقب قربت من غدير و العنود
مزنه : فديتكم و الله و الله اشتقت لكم موووت
و تمت اتبوس فيهم
!!: و انا
مزنه رفعت راسها وله حسن ولد خالها
مزنه : مااالت عليك
حسن : هههههههه زين سلمي
مزنه : مب مسلمه اوكيه
حسن : السلام بلاش يا مزنوه
مزنه : و السلام عليكم
حسن : و عليج السلام و الرحمه يا بنت العمه كاااشخه اليوم الشو هالجمال
مزنه : فكنا و اللي عافيك
ام حسن : اوه عاد خلها يا حسن كل ما اتشوفها اتغايض بها
ابو حسن : هيه صح اصتلب احسن لك
الباجي : هههههههههههههههههههههههههههههه هههه
كلهم يريون حمدان و اكثرهم امل
بدوى بو حمدان يرمس ..
ابو حمدان : اللي ما اتعرفونه عن حاله ولديه حمدان انه انه .... بعد الحادث صار عنده شلل
الكل ردد : شلل شللل....!!!!!!!!!!
ام عبدالله < عوشه <: افى بس افى انا خالته و توني ادري ما اتصير هالرمسه
بو حسن : هيه صح يا ابو حمدان جيه ما اتخبرونا
بو حمدان : سانحوني يا جماعه انا بروحي كنت منصدم و ما حصلت وقت اخبركم
ام عبدالله و دمعتها ع خدها : و فيه عالج وله لا
ابو حمدان : نحن طرشنا ارواقه الخارج و ان شاء الله خير

ام حمدان بقوه ايمان : اللحمد الله ع كل حال ادعو له

امل محيره حق حمدان من هم اصغار ..
و نمى شي بقلبها اسمه حب الطفوله
طبعا الكل عرف انه حمدان ياه تشلل امل اول ما عرفت صاحت اصياح مو طبيعي و محد عارف الشو سببه الا غدير و مزنه معنها ما كانت ترضى تتعرف بحبها ..
مزنه وقفت : لو سمحتوا يوم يوصل قابلوه ببتسامه هب بدمعه اتحسسه بالشفقه
او بالعجز ارجوكم
سمعوا اليميع هرن يلعن عن وصلوا حمدان و جاسم
و ظهر عبدالله و خالد و راشد و سلطان و صالح و محمد
يساعدون جاسم
ظهروا الكرسي و حطوه حمدان عليه منظر خل الجميع يقشعر بدنه
و الكل حاول يحافظ ع هدوئه
حمدان : السلام عليكم و رحمه الله و بركاته
اليميع ببتسامه باهته : و عليكم السلام و رحمه الله و بركاته
قربت من حميده و باسته ع راسه : اللحمد الله ع السلامه يا ولدي
حمدان: الله يسلمج يدت...لمح امل .. امل حياته لمحها اعيونها تلمع و كانها اتحاول تخفي دمعتها و اتجهلها استغربت هالتجهال
حمدان : امايا حطوا الغذى يوعتوا الناس الساعه 3 و نص و زياده بعد
ام عبدالله : نحن هب غرب
ام حمدان : انتو راعين البيت فديتج يلا تعالى معاي خل انزهب الغذى
ام حسن : انا بي وياكم سار الحريم يزهبون الغذى و البنات يلسوا يسلولفون
مزنه : انزين الشو بنسوي الليله
العنود : هههههههههههههههه اللي انسويه كل ما نتيمع
مزنه : امممممممممم بس هاي الليله ما بينفع
العنود : ليش ..؟؟
مزنه : لانه سلطون شال الابتوب
العنود : ههههههههه و الابتوب غدير وين راح
مزنه : غديروووووو يبتيه
غدير: ههههههههه هيه باركي لي
مزنه : الف صلي و سلم عليك يا حبيب الله محمد كلوووووووووووش
غدير : اقولج عفن و هو عند المحل و محد راضي يشيله جان اقول حق خالج اذا ما سار ايبه هب سايره الكولج
مزنه : بنت ريايل
غدير : افى عليج
العنود : عيل العصر يمعي طلبتنا و خل نشتري من الدكان عسب السهره
مزنه : خلاص تم
مزنه لاحظت امل بها شي ...؟؟
مزنه : اموله .. اموله
امل : هااا
غدير: اللي ماخذ عقلج يتهنى به
امل : هههههههههههههه
مزنه : شو بلاج اتفكرين
امل : لا عندج كوز و بروجكت ما خلصت وله ذاكرت
مزنه : بسيطه ادري الليله
امل: هيه من جيه يبت الابتوب مالي
مزنه : حلوووو كملت بنسوي بارتي الليه
العنود : ع طاري البارتي تعالوا اتحيدون شو سو بنا الشباب اخر تجمع
مزنه : و هذا شي ينسي ؟.؟
غدير: ايه و الله طلعوا لنا قرون
امل : هههههههههههههههههههههههههههههه ههه و الله شكلج عجيييب يا غدير هههههههههههههههههههههههههههههه ههههههه
غدير: جب جب يعني انتي اللي كان شكلج كوول
خخخخخ ...أثولف الشيخه ....لعيون الملثمه بس باااااااااارت طويلــــــــــــــــــــــــــ ـــ ...
طلال في غرفه منال منال مغطيه ويها و مسكره ستارتها
طلال : نشي مشي منالوه
منال : ما ابغى خلني و اظهر من الغرفه
طلال : نشي فيه سبريس
منال : لا سبرايس وله شي خل السبرايس حق حرمتك
طلال : حرمتي ..؟؟؟
منال : اظهر عاد
طلال : الشره هب عليج ع اللي طرشتني عيل تطرني ها هب مخبرج امنو تحت
منال و الفضول ذابحها : امنو
طلال : قبل اشويه برد و تطردني
منال : يلااا عاد
طلال ابتسم : سعااااااااد
منال صااااااارت من الطايره و هي تركض
طلال بسم الله وين راحت حك راسه و طلع و له يشوفها طايحه بحضن اختها و اتبوس فيها
سعد : لالا دخيلج البيبي ما ابغيه يطلع شراتج لالا خوزي
منال: والله له الشرف يظهر ع خالته حلوه و كتكوته و الف من يتمنها
سعد : هيه وايد اشوف العرسان واقفين لين اخر الشارع
منال : و الله بعدني اصغيره ع جيه امور ماماتي شوفي ولدج شو يحط براسي
سعد : انا احط براسج انتي اللي اتحطين براسي و الله انتو يا البنات اتعرفون كل شي و فاهمين كل شي
منال : الشو تقصد يعني
سعد : اللي اقصده
سعاد تضحك : بعدكم ما تغيرتوا
اليميع : هههههههههههههههههههههههههههههه
نش بو سعد اللي كان يتوضأ للصلاه
سعاد توقف اتسلم ع ابوها
بو سعد : هلاااااا بنتيه هلا و الله
باسته ع راسه
بو سعد : و الله البيت دونج وله شي
سعاد اتمد السنها
منال : ياااا سلامو حنا وين رحنا
بو سعد : موجودين لكن سعاد غير
منال : تمت محتره


بعد صلاه العصر نشوا الحريم في بيت ام حمدان و ام حمدان زهبت فولتها
جايو حلويات و عصاير وفواكه و تيمعوا الشباب و الشياب و كلوا و بعدهم الحريم يلسوا ياكلون
ام حمدان : جاسم
جاسم : لبيه
ام حمدان : لبيه في منى ولديه خذ اخوانك و اعيال خالتك و اظهروا خاري
جاسم : حق الشو امايا
ام حمدان : ترى قوم جيرنا بيزورنا و هب عدله انتو يالسين جيه و المغرب جرب يعني ع ما توصلون وسط بوظبي الا الليل ظهر عليكم
جاسم : صح شباب يلا نشوا و انا بدق ع طلال خل اي وينا بعد بالمره
نشوا الشباب و غيرو ملابسهم و ظهروا اما الشياب روحوا القهوه

البنات و الحريم يترون قوم ام طلال اتيهم
ام طلال : السلام عليكم
ام حمدان و اليميع : و عليج السلام و الرحمه اقربي ماشي حد غريب
مزنه شافت سعاد : سعاااااااااااد حبيبتي اشتقت لج و راحت سلمت عليها
سعاد : اووويه مزنوه الشو هالجمال احلويتي لالالا ما اروم انا
مزنه : استحت اعيونج الحلوه
يلسوا الحريم مع الحريم و البنات مع البنات
غدير : بنات مللل الشو انسوي
مزنه : تعالوا نيلس ع النت
غدير : هيه صح يلا
طبعا مزنه سارت يابت من غرفه اخوانه لابتوبين
و يلسوا يسمعون اغاني و يرقصون
ع صلاه العشى استأذنوا قوم ام طلال و يلسوا البنات روحهم في الغرفه و صلت طلبيتهم من الدكان و نزلوا تحت يركضون عسب ايبونها و الحريم تزهبن و سارو يمرون ع وحده مربيه و حميده كل العاده يلست بالبيت مع البنات
حميده : يلاااااااا صفن عاده
العنود بصوت خفيف لاااا حول انا ما صدقت الدكان يوصل
حميده : يلا غدير ارفعي ثوبج
غدير رفعت
حميده : خلاص روحي يلا مزنه رفعي ثوبج
مزنه رفعت
حميده : يلا روحي يلا فديتج عنوده رفعي رفعي
العنود : ان شاء الله رفعت ثوبها
حميده طوفي يلا امل ارفعي عباتج انا هب عارفه ليش لابستها انتي
امل : يدته هب لابسه ثوب لابسه جنز
حميده : جن ياكلونج قولي امين
امل : يدتيه جنز جنز بنطلووووون
حميده : و انا جم مره قلت لج لا تلبسين هذا ال طنطون
مزنه: هههههههههههههههههههههه بنطلون بنطلووون
حميده : الي هو هذا منكر
امل : اخر مره يدتيه اخر مره
حميده : ذيج المره قلتي اخر المره
امل : لا صدق الحينه بسير اغير ملابسي
حميده : اشوف الحينه الساعه 9 و نص عشر و نص انتو نايمين فاهمين
العنود : يدتيه جيه دياي
حميده : سمعتوا
العنود : ان شاء الله ركبوا البنات فوق و حطوا الابتوب و يلسوا يجفون فلم لين ما سمعوا ازعاج الشباب و كانت الساعه 1 بالليل

امل : خلاااص انا تعبت بنام

العنود : انا بعد بنام
الباقي: هيه و الله تبعنا
غدير : ما فيني ارقاد
العنود : اصلا ماشي مكان تحت تمي عند مزنه فوق
مزنه : هيه صح تمي انا شبريتي مال شخصين
امل تتثاوب : هيه و الله انا هب عارفه ليش شاريه شبريه مال شخصين
مزنه : عسب ادلع و اتقلب و بعدين غرفتي جبيره لازم اسد الفارغ
امل : انزين انزين تصبحين ع خير
طفوا الليت لكن غدير و مزنه يالسين يسولفون
بهمس
رن تلفون غدير و غدير ارتبكت بس ردت
غدير : الو
مزنه تمسع كل حرف
غدير : هيه هيه لا مزنه ناشه غمضت عينها بقوه كانها غلطت بالرمسه
مزنه : امنو هاي اللي اتعرفني
غدير : بدريه الشو نسيتها
مزنه : اها سلمي سلمي عليها
غدير: ربي يسلمج انزين بدريه برمسج بعدين الحينه بنام يلا مع السلامه
مزنه بنظره شك بس صاخه
غدير: انا بروح الحمام بغسل ايدي مال الكاكوا
مزنه : روحي
بس غدير نشت شلت مزنه تلفونها و اتشوف اخر رقم متصل بها كلن رقم بدو ن اسم بس هذا الرقم اتعرفه وين شافيته نشت و شلت تلفون امل و يلست ادور رقم خالد لانها شاكه فيهم
و انصدمت يوم شافت نفس الرقم
ظهرت غدير من الحمام و شافتها و انصدمت : مزنه
مزنه : غدير ...!!!!!! ما كنت اتوقع
غدير: احبه يا مزنه احبه و الحب ما هو بختاري
مزنه : انتي تخبلتي خالد اصعر عنه بسنه و نص
غدير : عمر الحب ما عرف اعمار كاج انتي اتحبين واحد اكبر عنج الله يلعم بكم
مزنه : امنو ..؟
غدير: لا تتحريني غبيه طلال ولد جيرانكم كل شي واضح ان كان هب واضح بج واضح به
مزنه : صحيح اللي قلتيه و انا هب ناكره لكني ما ارمسه
غدير يلست اتصيح ..
مزنه حضنت غدير و قررت ما ترمس في الموضوع للين تهدى
بعدت ما هدت
مزنه : متى صارت هاي الرمسه
غدير : يوم كان اخر يوم تجمع في بيت خالتيه ام حمد يو انتي ما بتي رديتي البيت
مزنه : هييييييه
غدير : المهم < تبسمت < كنا نلعب غمزه انا و حسن اخويه و العنود اختيه و امل و هو يروح يمين و يسار و محد عاطنه ويه عقب حسون اخويه طفر و قال انه بينش و امل نادت خالد و كانه ما صدق ع طول جابلني و يلسنا نلعب
عقب قالي انه يبى مسج عن الجمعه و انه اربيعه مطرشله و هو ما عنده يرد
مزنه : حركه ذكيه و الله
غدير : ههههههههههههههههههههههههههه المهم طرشت مسج و يوم نمنا وصلنين مسج ممكن ارمسج انا خالد
بعد دقايق اتصل معنى ما رديت عليه بمسج و ما ادري كيف تجرأت و رمسته
مزنه : عن الشو رمستوا
غدير: لااااااااااا لاااا هاي اسرار بس بختصار قالي انه يحبني من 3 سنوات و انه ما اعترفي لي يتحرني احب جسوم اخوج
مزنه : اها و نهايه القصه
غدير : الشو تقصدين
مزنه : تعتقدين ابوج بيوافق و خالتيه بتوافق انج تاخذنيه
غدير : عمري ما رمست وياه بخصوص هاي المساله
مزنه : لازم ترمسين وياه
غدير صابها شي من التوتر و حطت ايدها بيد مزنه و همست : الحينه ارتحت يوم خبرتج