حلى غرور انثى طعم ولا اروع
 

مساء الورد بنوتات سويت حلى قبل كم يوم

قلت اشارككم فيه وإن شالله يعجبكم

صراحة الكل أعجبهم مررره وهو سهل بالنسبة لي جداً

والحلو فيه بإذن الله بيكون مضبوط مع الكل مقاديرة مضمونة جداً




سويت كيك بيتي كروكر بالشوكولاته وفتته اول ما طلعته من الفرن
وحطيت عليه فنجان شاهي ماء مغلي مع ملعقة كبيرة نسكافية
وتركته على جنب .. ( بنات مو لازم تسون الكيكة عادي جيبوا جاهز وفتتوه)



جبت الصينيه اللي تنفك وبطنتها بالكيك من تحت والأجناب
بنات الكيك بيلزق بسهوله لأننا حطينا عليه موية ونسكافية فطالع يميل للعجين شوي
وراح يمسك بسهولة بالصينية ..




سويت خلطه بالخلاط السكاكين ( محضرة الطعام )

عبارة عن ..

علبة جبن فيلادلفيا ممكن تستبدلونها ب6 الى 8 قطع جبن كيري
2ظرف دريم ويب
2ظرف كريم كراميل
علبة قشطة ( التاج أو لونا أو اي نوع تحبون )
4م ك نيدوأو اي حليب مجفف
1 مغلف بسكويت ساده مطحون ناعم
ربع فنجان نسكافيه محلول بماء ( الماء مغلي تقريباً فنجان شاهي )
4 ملاعق سكربودره





الخليط ثقيل نوعاً ما بنات لو حابين الحلى يتماسك أسرع
زيدوا بسكويت مطحون من ناحيتي تركته تقريباً 3 ساعات

حطوه على الكيك اللي بالصينية وغطوه بباقي الكيك اللي مفتت





هنا غطيته بباقي الكيك وضغطت عليه بشويش عشان يمسك بالخلطة




تركته بالفريزر 3 ساعات وطلعته ..

هنا بعد ما طلعته وفكيته من الصينية ..



ذوبت شوكولاته خام مع شوية قشطة بالمايكرويف وحطيتها عليه
وحطيت فوقها توفي برضو ..



زينته بحبات السكر الملونه ..







وصحتين وعافية للي بيجربونه

...

رد: حلى غرور انثى طعم ولا اروع
 

طبخه شكلها لذيذ وشهي

تسلمي يا عسل

رد: حلى غرور انثى طعم ولا اروع
 

يعطيك العافية حبيبتي
سلمت يداك

رد: حلى غرور انثى طعم ولا اروع
 

يعطيكي العافيه حبيبي