جمالك مع ماسكات الشوفان :
ابهرتنى نتايج الشوفان فقلت لاازم نتكلم عن الفوايد الجمالية ليه واللى من اهمها انه بيرطب البشرة بشكل غير عادى وبيساعد على زيادة ليونتها وكمان على تنضيفها من الروس السودا والحبوب .
الماسك الاول :
نص موزة مهروسة ( يفضل تكون موزة مستوية اوى مش خضرا ) ومعلقة شوفان مطحون وشوية لبن صغيرين ومعلقة دقيق ورشة من جوزة الطيب المبشورة واخلطيهم مع بعض لحد ما يكونو عجينة ازجة وسيبيهم على بشرتك لمدة عشر دقايق وبعد كدة اغسلى بشرتك كويس والمسك ده لتنعيم البشرة.
المسك التانى:
معلقة شوفان مطحون مع معلقة بشر برتقال ومعلقة ونص زبادى ومعلقة زيت عصفر يخلطو مع بعض وتعملى بيهم تدليك باطراف الاصابع بشكل دائرةلبشرتك لمدة خمس دقايق مع تجنب منطقة العين وبعدها تغسلى وشك والماسك ده لتنضيف البشرة وازالة البثور والروس السودا
وبكدة موضوعنا النهاردة عن الشوفان خلص اتمنى يكون عجبكو ياريت اللى عندها اقتراح لموضوع معين تحبو نتكلم فيه بكرة تقولنا عليه
نورشاد