ازياء - فساتين سهرة و مكياج و طبخ - تشوكليت سويسرول بالكريم شانتى والفراولة من مطبخ الشيف مونى بالصور

السلام عليكم ورحمة الله
كل عام وأنتم بخير
ربنا يبلغنا رمضان على خير ان شاء الله
مقادير كيك السويسرول:
5 بيضات كبار(البياض مفصول عن الصفار)
كوب الا ربع سكر بودرة
فانيليا
رشة ملح
3 ملعقة كبيرة كاكاو
3 ملعقة كبيرة دقيق
دى المقادير
http://i80.servimg.com/u/f80/15/33/51/98/110.jpg

طبعا الكاكاو مخلوط مع الدقيق
الكيكة دى اسفنجية لا فيها بيكنج بودر ولا زبدة
الطريقة اول حاجة فى بولا بلاستيك هنضرب بياض البيض مع رشة الملح لغاية مايبقى مارينج ابيض ويبقى عامل زى التلج

http://i80.servimg.com/u/f80/15/33/51/98/210.jpg

وفى بولا تانيه هنضرب الصفار مع الفانيليا ونحط عليه السكر البودرة بالتدريج على 3 مرات لغاية مايبقى لونه ابيض وهش
http://i80.servimg.com/u/f80/15/33/51/98/310.jpg
وده شكل الصفار بعد ماتضرب مع كل كمية السكر البودرة
http://www.servimg.com/u/f80/15/33/51/98/410.jpg
هنبدء نضيفله المارينج(بياض البيض)على 3 مرات ونقلبهم بخفة شديدة من تحت لفوق عشان نحافظ على كمية الهواء اللى فى الخليط
http://i80.servimg.com/u/f80/15/33/51/98/510.jpg

وده شكل بياض البيض مع الصفار لما قلبناهم وخلصت كمية المارينج اللى عندنا
http://i80.servimg.com/u/f80/15/33/51/98/610.jpg
هنضفلهم الكاكاو والدقيق بردو على 3 مراحل بالتدريج وبردو نقلبهم بخفة شديدة من تحت لفوق لغاية ماالخليط يمتزج ونتأكد ان مفيش اى تكتلات للدقيق والكاكاو
http://i80.servimg.com/u/f80/15/33/51/98/710.jpg
كده بقى الخليط جاهز عندى
http://i80.servimg.com/u/f80/15/33/51/98/810.jpg
هنحط الخليط فى صينية خبز متبطنة كويس بورق الزبدة ونحاول نساويه فى الصينية على قد مانقدر
http://i80.servimg.com/u/f80/15/33/51/98/910.jpg
حطيت الكيك فى الفرن على حرارة منخفضة لغاية ماتم السواء
http://i80.servimg.com/u/f80/15/33/51/98/1010.jpg
واول مايطلع من الفرن نغطيه بفوطة او ورق زبدة عشان مينشفش وبعد كده نقلبه ونشيل من عليه ورق الزبدة بحذر ونبدء نحشيه باللى احنا عايزينه انا حشيته كريم شانتى وفراولة(لأنى طبعا عايشة فى بلد الفراولة فلازم استغلها)
بالنسبة لطريقة اللف انا شفت كزا فيديو على اليوتيوب عن السويسرول وطريقة لفه وفعلا الطريقة نجحت معايا انتو بتلفوه بالعرض بورق زبدة وممكن بعد كده تحطوه فى التلاجة عشان يتماسك اثناء التزيين والتقطيع وممكن لاء
انا زينته بفراولة وصوص شوكولاته وشوكولاته مبشوره
وده شكله النهائى
http://i80.servimg.com/u/f80/15/33/51/98/1110.jpg

http://i80.servimg.com/u/f80/15/33/51/98/1210.jpg

http://i80.servimg.com/u/f80/15/33/51/98/1310.jpg

http://i80.servimg.com/u/f80/15/33/51/98/1410.jpg

http://www.servimg.com/u/f80/15/33/51/98/1510.jpg

يارب الموضوع يكون عجبكم
وأى استفسار انا تحت امركم