قطايف سورية بالقشطة من مطبخ الشيف مونى بالصور
السلام عليكم ورحمة الله
اليوم ان شاء الله هقدملكم القطايف السورية طبعا هى تفرق عن القطايف المصرية انها نية مش مقلية فى الزيت واعتقد ان مدينة حلب مشهورة بالأكلة دى (فرج الله عن سوريا واهل سوريا) بس يمكن اللى يفرق ان اهل سوريا بيحطو دقيق سميد على عجينة القطايف وانا محطتش اول شىء مقادير عجينة القطايف: 2 كوب دقيق ابيض 2 كوب ماء دافىء 2 ملعقة كبيرة سكر نصف ملعقة صغيرة خمية فورية نصف ملعقة صغيرة بيكنج بودر ذرة ملح مقادير القشطة: علبة قشطة بوك(170 جرام) 2 كوب لبن حليب بارد 3 ملعقة كبيرة نشا ملعقة صغيرة فانيليا(وممكن استبدالها بماء ورد) وللتزيين: بندق مجروش عسل نحل اولا هنعمل عجينة القطايف فى بولا هنحط الدقيق والبيكنج بودر وذرة الملح http://i37.servimg.com/u/f37/15/33/51/98/110.jpg وفى بولا تانية هنحط الخميرة والسكر والمياه مع بعض ونخلطهم ونضيفهم على خليط الدقيق http://i37.servimg.com/u/f37/15/33/51/98/210.jpg ونخلطهم كويس جدا بالمضرب اليدوى(الويسلك)او الخلاط اليدوى الكهربائى لغاية مانتأكد ان مفيش اى كلاكيع فى العجينة http://i37.servimg.com/u/f37/15/33/51/98/310.jpg نغطى العجينة ونسيبها تختمر لمدة ساعة فى مكان دافى ونبدأ نجهز القشطة دى صورة لمكونات القشطة http://i37.servimg.com/u/f37/15/33/51/98/710.jpg هنحط الفانيليا والنشا على اللبن http://i37.servimg.com/u/f37/15/33/51/98/810.jpg هنقلبهم كويس جدا قبل مانحطهم على النار لغاية ماالنشا تدوب فى اللبن وهنحطهم على النار ونقلبهم لغاية ماالخليط يتكاثف ولما نطفى النار نحط عليهم علبة القشطة http://i37.servimg.com/u/f37/15/33/51/98/910.jpg ونقلبهم كويس لغاية ماكل المكونات تتجانس http://i37.servimg.com/u/f37/15/33/51/98/1010.jpg هنحط القشطة فى التلاجة لغاية مانحضر القطايف نرجع تانى لعجينة القطايف بالنسبة لسواء عجينة القطايف طبعا لازم مقلاة غير لاصقة وفيه ناس بيحطو العجينة فى المقلاة بالملعقة وفيه ناس بالقمع البلاستيك بس انا وجدت احسن حاجة واسهلها هو ابريق الشاى هنملا ابريق الشاى بالعجينة ونغطيه طبعا http://i37.servimg.com/u/f37/15/33/51/98/410.jpg هنسخن المقلاة على النار قبل ماننزل عليها عجينة القطايف http://i37.servimg.com/u/f37/15/33/51/98/510.jpg طبعا هى مش بتاخد وقت خالص على النار لما تدخل فى السواء هتعمل فقاقيع زى الصورة كده احنا ماشيين صح والعجينة مختمرة http://i37.servimg.com/u/f37/15/33/51/98/610.jpg هنشكل العجينة هنقفلها عادى زى مابنحشيها ونقليها فى الزيت بس الفرق المرة دى هنقفلها وهى فاضيه وهنسيب ربعها مفتوح ده شكلهم بعد ماقفلتهم قبل ماأحشيهم بالقشطة http://i37.servimg.com/u/f37/15/33/51/98/1110.jpg وده شكل الطبق النهائى بعد ماحشتهم بالقشطة وحطيت عليهم البندق المجروش وعسل النحل http://i37.servimg.com/u/f37/15/33/51/98/1210.jpg http://i37.servimg.com/u/f37/15/33/51/98/1310.jpg http://i37.servimg.com/u/f37/15/33/51/98/1410.jpg http://i37.servimg.com/u/f37/15/33/51/98/1510.jpg يارب موضوعى البسيط ده يكون عجبكم |
رد: قطايف سورية بالقشطة من مطبخ الشيف مونى بالصور
راح اجربهم
جزاك الله خيـر بارك الله في جهودك وأسال الله لك التوفيق دائما وأن يجمعنا على الود والإخاء والمحبة وأن يثبت الله أجرك ونفعا الله وإياك بما تقدمه |
رد قطايف سورية بالقشطة من مطبخ الشيف مونى بالصور
|
رد: قطايف سورية بالقشطة من مطبخ الشيف مونى بالصور
شكراً لك منْ القلب على هذآ العطاء
وصفة شهية بانتظار جديدك المميز تقبلي مروري وردي |
رد: قطايف سورية بالقشطة من مطبخ الشيف مونى بالصور
روعة يعطيكي العافية |
الساعة الآن توقيت السعودية الرياض و الدمام و القصيم و جدة 02:58 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.