ازياء - فساتين سهرة و مكياج و طبخ - حمام البخار والصنفرة وخلطتى السرية للشافايف الوردية تعالوا اعرفوها اقبل اى حد

السلام عليكم
اهلا بكل زائرة وكل عضوة فى الموضوع انا عندى ليكم مفجأة ولا فى الاحلام عندى حمام البخار والصنفرة وخلطة الشفايف الوردية بخلطات طبيعية 100 فى100 انا متاكدة ان الموضوع دة هيفدكم نبتدى بحمام البخار

طبعا اللى عندها اله حمام البخار حتعمل بيها واللى معندهاش
زى حلاتى حتعمل ايه بئى

حتيجى حله كبيره وتحطى نصها مايه ع البوتجاز وتحطى فيها نعناع اخضر او ناشف عادى
وبعد ما المايه تسخن تهدى النار عليها خالص خالص زى الشمعه
وتحطى فوطه ع وشك وتقربىمن الحله

عشر دقايق مش اكتر من كده لحد ما البخار يملا وشك
وبعدين تنشفى وشك بقطنه
وبعدين جرى ع ماسك غلق المسام

ووهو بسيط جدااااااااااا
نص معلقه ص عصير لمون
3 نقط ماء ورد
ومعلقه ص عصير خيار
تقلبيهم ع بعض ونسبهم ربع ساعه وتغسلى وشك

تمام لحد كده
وبعدين الصنفره اللى هى اهم حاجه
انا عندى صنفره ايفون الزرقا دى تحفففه واللى مش عندها اى نوع بتستعمله عادى
واللى مش عندها صنفره اصلا

تجيب معلقتين سكر خشن عليهم نص لمونه او معلقتين ملح خسن عليهم معلقه زيت زيتون

وبعدين تغسلى وشك حتحسى ان وشك نوووووووووور

وطبعا نحط اى نوع كريم مرطب عندنا وانا بستعمل نيفيا

نجى للشفايف بئى
الاول نحط فازلين طبى او اى فازلين انا بستعمل تندر كير من اوريفليم حلو اوى

وبعدين بفرشه سنان قديمه

والخلطه السحريه بئى حتخلى شفايفك ورديه

بودره دم الغزال وفازلين طبى

نخلطهم مع بعض وف علبه صغنونه نحطهم ونحط ع شفايفنا منهم كل يومين
بس بلاااااااااااااااش نكتر البودره عشان هى لونها تقيل اوى يعنى ربع معلقه صغيره ع تلت معالق كبيره فازلين

والله حتدعولى لما تجربوها

طبعا انا مش حتطلب التقيم زى كل مره بس انا بجد تعبت ف الموضوع وياريت نقدر تعب بعض دى اسرار المهنه مش ببخل عليكم بيها اه