|
تجهيزات عرايس مصر الجزء الاول ( 1)
قال تعالى : { وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ} (21) سورة الروم
قال تعالى : ( هو الذي خلقكم من نفس واحدة وجعل منها زوجها ليسكن إليها ) السلام عليكم و رحمه الله و بركاته ازيكو يا بنات ان شاء الله القسم ده يفيد كل العرايس و كل البنات فى تجهيزاتهم و احتياجاتهم كل ماليه علاقه بالتجهيزات هايتقال هنا اى بنوته بتجهز محتارة تقول لينا وتشاركنا ونشوف احنا بنجيب ايه وناقصلنا ايه :rmadeat-a52ff53d67: كلو ايد واحدة بإذن الله :11_1_120[1]: بس ممنوع الخروج عن نص الموضوع ممنوع المحاثات الجانبيه |
رد: تجهيزات عرايس مصر الجزء الاول ( 1)
انا هابتدى اول مشاركه لموضوعى
انا مخطوبه الحمدلله وجبت كل حاجات المطبخ كلها بس كنت عايزة اسال البنات المفروض اجيب كام فوطه ؟؟؟ والطقم الصينى ايه احسن نوووووع ليه ؟؟؟ يالا مستنيا مشاركاتكو |
رد: تجهيزات عرايس مصر الجزء الاول ( 1)
والله حبيبتي موضوعك حلو هيك مسلي
ومفيد للصبايا وعقبال عند كل المنتدى يشارك بموضوعك اللزيز بس انا ما بعرف شو لازمك يعني اكيدة حد اكبر مني راح يكون اشطر :p ويا هلا فيكي بها القسم:018: |
رد: تجهيزات عرايس مصر الجزء الاول ( 1)
موضوع حلو
تانكس يا قمر |
رد: تجهيزات عرايس مصر الجزء الاول ( 1)
بنات اهلا بيكو بس الموضوع دة عبارة عن مشاركه ف التجهيزات
كل بنوته بتجهز ومحتاجه حاجه تقول واللى جابت برددو حاجه تقووول |
رد: تجهيزات عرايس مصر الجزء الاول ( 1)
مشكوورة يا الغاليـــــــة
على مووضووعك الجووناان |
رد: تجهيزات عرايس مصر الجزء الاول ( 1)
السلام عليكم انا لسه مشتركه جديد انا عنفسى جايبه 12 فوطه وفيه ناس بتجيب اكتر
|
رد: تجهيزات عرايس مصر الجزء الاول ( 1)
موضوعك جميل اوى واكيد كل البنات هتستفيد منه ولى عوده معاكوا قريب ان شاء الله
|
رد: تجهيزات عرايس مصر الجزء الاول ( 1)
يسلمووووووو حبيبتي على الموضوع الحلوووووو
وبالتوفيق لكل العرااايس000 |
رد: تجهيزات عرايس مصر الجزء الاول ( 1)
شوفى بقى ياستى اناوالحمد لله مخطوبة وخلاص فى التجهزات الاخيرة بس كنت عاوزة اعرف اية المكياجات اللى ممكن اجبها والبرفانات بس عاوزها تكون رومانسية شوية
|
رد: تجهيزات عرايس مصر الجزء الاول ( 1)
هاى يابنات انا برضه مخطوبه و تقريبا خلصت المفروشات وحاجات المطبخ وحاليا باجهز فى اللبس وحاجاتى الخاصه لو عندكم اى استفسار انا من اسكندريه ممكن اساعدكم يابنات
|
رد: تجهيزات عرايس مصر الجزء الاول ( 1)
السلام عليكم
انا مخطوبة الحمد لله بس مش عارفة ايه هي الحاجات اللي اجيبها في التجهيزات افيدوني وجزاكم الله خيرا |
رد: تجهيزات عرايس مصر الجزء الاول ( 1)
ليله العمر ليلة في العمر
بوفيه عشاء فاخر لمائه مدعو مع هدايا الفندق للعروسين زفه العروسين الدمياطي تورتة حتى سبع أدوار دى جي مصاحب طوال الفرح مع اجمل الأغاني الشرقية والغربية العاب الليزر والدخان تصوير فيديو كاميرا واحدة 3 ساعات تصوير الزفاف (8 صور) + صورة 30 X 40 داخل برواز تصوير فيلم 36 صورة مقاس13X 18 داخل البوم كوشه النباتات الخضراء شربات الفرح زفه للشربات والتورته ليلة أقامه للعروسين · ويمكنكم اختيار أي فقرة أضافية عن طريق المتعهد سعر البيع v في حالة اختياركم زفة الكمنجات (7 أشخاص) بدلا من الدمياطي 0500.00 جنية v راقصة شرقية مع فرقة ومطرب. 1000.00 جنية v راقصة شرقية على انغام CD 0700.00جنية v بى لايت داخل القاعة 0350.00 جنية v تصوير فيديو مكسير مصاحب طوال الفرح (2 كاميرا) 0650.00 جنية v تصوير فيديو مكسير مصاحب طوال الفرح( 3 كاميرا) 0850.00 جنية v فيلم 36 صورة مقاس 13 X 18 داخل ألبوم 0140.00 جنية v شاشة عرض مقاس 2.5 X 3.5 0400.00 جنية v باند شرقي مع مطرب ومطربة 0600.00 جنية v كسوة الكراسي بالفيونكة للفرد 0010.00 جنية v دانتيل للترابيزة 0025.00 جنية البوفيه الفضي البوفيه البارد مختارات من اللحوم الباردة المحضرة بالفندق محاشى مشكله، فيش باتيه خس ، طماطم، خيار ،حلقات البصل الطازجة سلاطة شرقية، طحينة باباغنوج، حمص، كول سلو سلطة البطاطس مع التونة، سلطة يوناني مخللات مشكله توابل فرنسية مختارات من أنواع خبز موفنبيك الطازجة المحضر بالفندق البوفيه الساخن بيف استيك مع الصوص دجاج بانيه كبيبة لبنانى كفته مشويه علي طريقة موفنبيك مكرونة فرن أرز شرقي بوفيه الحلويات بسبوسة ، كنافة ، بقلاوة جيلي ، أم على موس الشيكولاته كريم كراميل السعر 14999.00 جنيه. شامل الخدمة و الضريبة في حالة زيادة المدعوين برجاء إضافة 99,139 جنية للفرد البوفيه الذهبي البوفيه البارد مختارات من اللحم الباردة المحضرة بالفندق محاشى ومشكله، فيش باتيه خس، طماطم، خيار، سلاطة زبادي، كرنب احمر، كولسلو حمص، باباغنوج، تبوله، مخللات مشكله زيتون اخضر، سلطة الفاصوليا بيضاء حلقات البصل الطازجة مختارات من أنواع خبز موفنبيك الطازج المحضر بالفندق البوفيه الساخن فيليه سمك مقلي كباب وكفتة بيف استراجنوف بطاطس كروكيت مكرونة فى الفرن أرز ابيض الكارفنج 2 ديك رومى مقطع مع أرز شرقى بوفيه الحلويات سلطة فوكهة، حلويات شرقية، كريم كراميل، أم على، موس الشيكولاته جيلى جاتوهات فرنسيه مشكله السعر 17999.00 جنيه. شامل الخدمة و الضريبة في حالة زيادة المدعوين برجاء إضافة 169.99 جنية للفرد البوفيه الماسي البوفيه البارد مختارات من اللحوم الباردة المحضرة بالفندق محاشى مشكله، سالمون باتيه، سمك ميكس خس، طماطم، خيار، كرنب احمر، كولسلو حمص، باباغنوج، تبوله، مخللات مشكله، طحينة حلقات البصل الطازجة، مختارات من أنواع خبز موفنبيك الطازج المحضر بالفندق البوفيه الساخن فيليه سمك مقلي إيمانسيه اللحم البتلو مع صوص عش الغراب دجاج مشوي على طريقة شيف الموفنبيك أرز أبيض خضار سوتيه مشكل بطاطس كروكيت مكرونة فى الفرن الكارفنج خروف مشوي مقطع مع أرز شرقي بوفيه الحلويات كريم كراميل، بروفيترول الشكولاته، سلاطة فواكه، حلويات شرقية، جيلى ، تورت مشكله السعر 19999.00 جنيه. شامل الخدمة و الضريبة في حالة زيادة المدعوين برجاء إضافة 189.99 جنية للفرد |
رد: تجهيزات عرايس مصر الجزء الاول ( 1)
هاى بنات انا مخطوبة وقدامى سنة على الجواز وكنت عايزة اعرف كذا حاجة زى الحاجات بتاعت المطبخ والهدوم الخروج والبيت يعنى يبقوا اد ايه تقريبا
انا من اسكندرية واتمنى تفيدونى |
رد: تجهيزات عرايس مصر الجزء الاول ( 1)
انا عن نفسي انا كمان جبت 12 فوطه
|
رد: تجهيزات عرايس مصر الجزء الاول ( 1)
السلام عليكم يا بنات انا برده مخطوبة زيكو وجبت حاجات وقلت اقلوكو عليها على العموم هى : انا جبت 12 ملاية سرير و12 فوطة و2 بشكيل والمفروض بتجيبى 2 مفرش ستان ومفرش على حسب لاما قطيفة لاما تيجر و6 اطقم من ملايات سرير الاطفال وعلى العموم انا لوجبت حاجة تانى او عرفت حاجة تانى هبقى اقولوكو ويلريت اكون افدتكم
|
رد: تجهيزات عرايس مصر الجزء الاول ( 1)
انا جايبه 24 فوطه جميع الاحجام
|
رد: تجهيزات عرايس مصر الجزء الاول ( 1)
أنا حبيت تكون أول مشاركه ليه مفيده لأنى أستفدت كتير من المنتدى الجميل ده علشان كده حبيت أفيدكم أنا أشتريت النهارده قماش الستاير الخفيف والتقيل وأشتريت قماش الصالون والليفنج أنا رحت رايتكس كلاسيك فرع المعادى عاملين أوكازيون وتخفيضات حلوه أوى الشانيليا الساده والمنقوش نزله من 139 و149 جنية ل40 و50 جنيه وخدت منها لليفنج والحراير نزله ل30 جنيه وخدت منها للستاير وللصالون وهعمل عندهم الستاير لان تفصيلهم جميل جدا ومضمون هو غالى شويه بس تحفه وهناك العقاده والأويمه والبراقع الشد وأى موديل بينفذوا أكتر من رائع عن تجربه مع ناس كتير فقلت أخلينى فالمضمون حتى لو غالى هما كمان بيعملوا أعادة تنجيد أو تفصيل صالونات وأنتريهات كل الموديلات بس أنا مكنتش أعرف وكنت أتفقت مع نجار وربنا يسهل بس بردوا شغلهم حلو أوى فالموضوع ده وفيه فضلات لحد 5 متر وبتبقى بالقطعه فى حاجات 25 أو 30 القطعة كاملة على حسب طولها وخامتها ودى خدت منها لكرسي التسريحه وخدت منها لكراسي السفره وفيها حاجات حلو وشيك جدا اللى عرفته أن الأوكازيون لسه أول يوم وهيستمر لمدة أسبوعين وده فى كل الفروع سواء فرع الحرية مصر الجديده أوفرع الدقى أو فرع المعادى وده أكبر فرع وفيه أكبر كميه من المعروضات وبصراحه الناس تعاملهم شيك جدا وبيساعدوكى ويفيدوكى جامد جدا وهتلاقى عناوين الفروع وأرقام تليفوناتها على الموقع بتاعهم على النت :0152::11_3_2[1]:
|
رد: تجهيزات عرايس مصر الجزء الاول ( 1)
الله يسعدكوا بنات واللي مش مخطوبة تتخطب
واللي مخطوبه تتزوج واللي متزوجه الله يوفقها ويارب يسعدنا جميعا |
رد: تجهيزات عرايس مصر الجزء الاول 1
انا حشارك ويارب مشاركاتى تفيد بنات كتير
|
رد: تجهيزات عرايس مصر الجزء الاول ( 1)
بسم الله الرحمن الرحيم اولا حاجات غرفه النوم : مفرش السرير ,, ممكن اتنين واحد صيفى والتانى شتوى و كمان واحد كمان ليله الدخله اطفم الملايات ,, وتنوع بين المشجر والمطرز بطانيه ,, فردين مفرش قطيفه ,, ممكن يغتى عن المفرش الشتوى كوفرته ,, فردين لحاف فيبر ,, فردين مخدات فايبر (ف حاله ان المرتبه تاكى) الفوط ,, 12 وسط 12 كبير + الفوط الصغيره 2 بشكير 2 برنس ,, واحد حريمى والتانى رجالى شماعات ,, 12 خشب + 12 بلاستيك + 12 ساستن (بس نصيحه الساتان مش عملى , الهدوم بتزحلق من عليه) اباجوره ساعه حائط منبه اسدال صلاه + المصحف + سجاده صلاه مفاشر السراحه والكمودينو و الشفونيره طبعا بقى الملابس الى حاقولها بالتفصيل بعد كده والمكياج والاكسسوارات ثانيا حاجات المطبخ : فى اجهزه كهربائيه و فى ادوات الاجهزه : الخلاط الكبه العصاره مضرب البيض المفرمه مسخن المياه (كاتيل) قلاية البطاطس المكرويف او الفرن الصغير الثلاجه البوتوجاز الادوات : طقم حلل ألومنيوم طقم حلل ستانلس طقم بيركس طاسات احجام صوانى فرن احجام طقم صوانى تقديم (واحد للضيوف واحد للاستعمل العادى) طقم الاركوبال او الصينى طقم بيركس حله برتسو ,بخار مصفاه ألومنيوم كبيره اطباق لاستخدامك اليومى طقم توزيع و غرف (واحد ستانلس والتناى خشب) طقم معالق ( او شنطه معالق ) طقم بهارات وتوابل طقم سكاكين مقص سمك مقص فراخ طقم مطبخ (مريله + جوانتى + فوطه ) فوط مطبخ ,, من 5 ل 10 طقم شاى (اذا كان طقم الصينى مافيهوش طقم شاى) مخرطه مبشره قشاره فتاحه علب صفيح فتاحه زجاجات حاجه ساقعه قطاعه بيتزا مقوره ولاعه نشابه شياطه فرشه لغسيل الخضار عصاره ليمون مضرب بيض يدوى منخل ستانلس طبق ستانلس غويط للعجن اطباق بلاستيك غويطه لغسيل الخطار والفاكهه مساكه جاتوه براد ,, واحد كبير والتانى صغير طقم كنكات كساروله علب تلاجه ,, بلاستيك او ستانلس الهون قطاعه خضار ولحمه ,, خشب او بلاستيك او زجاج طقم مصافى صغيره طقم كوبايات شاى طقم كوبايت مياه كاسات عصير طقم مجات شاى طقم مجات شوربه اكياس تلاجه مشايه للمطبخ صفايه للمعالق والشوك ستانلس باسكيت للقماه اكياس قمامه تربو للبصل والثوم رول ورق فويل كيس شمع للطوارىء خلصنا من حاجه المطبخ و اوضه النوم نيجى بقى لحاجات الحمام ثالثا حاجات الحمام : ستاره للبانيو فرش لارضيه التواليت غالبا بيكون 3 قطع طقم اكسسوارات (صبانه + فرشه تواليت + علبه لفرش الاسنان والمعجون) منشر صغير (لملابس الداخليه) ادوات نظافه (مساحه - مكنسه - فرشه تواليت - جردل بالعصاره - فرشه ارض وغيره) منظفات (ديتول-و سائل لتنظيف الارض وغيره) ادوات استحمام (ليفه احجام-فرش اسنان-حجر خفاف-صابون استحمام وغيره) سله قمامه صغيره باسكيت غسيل ,, بس مش عملى خالص كرسى حمام ( خشب او بلاستيك ) شبشب للحما ,, واحد لكى واحد لزوجك فى ناس بتحب تحط شموع و ورد مجفف ف الحمام كنوع من الديكور او التجميل كفايه كده بقى عشان تعبت وحاكمل كمان شويه والله الحاجه دى مش نقلاها دى اليسته الى انا كتبتها لنفسى بمساعده ماما عشان انا حاتجوز شهر 7 الى جاى ده ان شاء الله عقبال كل البنات |
رد: تجهيزات عرايس مصر الجزء الاول ( 1)
انا كمان مخطوبة وبالنسبة للفوط انا عندى 25 فوطة وفى ناس بتجيب اقل وفى ناس بتجيب اكثر
|
رد: تجهيزات عرايس مصر الجزء الاول ( 1)
صباح الخير على كل البنات قولولى كدة يابنات هوا اكسسوارات الحمام تتاب منين |
رد: تجهيزات عرايس مصر الجزء الاول ( 1)
يسلمو يا غلا
|
| الساعة الآن توقيت السعودية الرياض و الدمام و القصيم و جدة 11:21 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.