كنافة عش البلبل أساور صغيرة ومتساوية زى المحلات من مطبخ الشيف مونى بالصور
السلام عليكم ورحمة الله كل عام وانتم جميعا بخير يارب يكون عيد سعيد علينا كلنا ان شاء الله ده اخر موضوع هقدمه فى شهر رمضان ان شاء الله لأنى السنة دى معملتش حاجة العيد انا شفت كتير مواضيع على النت محتارين فى كنافة عش البلبل وانا كنت محتارة زيهم لأنها بتطلع منعكشة معاهم فحبيت انقل لكم تجربتى البسيطة فيها يمكن تفيدكم ان شاء الله ويارب تعجبكم المكونات: نصف كيلو كنافة طرح (واسمها بردو فى المحلات كنافة بورما) 2 كوب سمنةسايحة كوب ونصف سيرب تقيل بارد(السيرب هو الشربات او القطر او الشيرة) بندق ولوز للحشو(وممكن فستق او اى مكسرات تانيه يعنى حسب الرغبة) ملحوظة:المكونات دى على قد الصينية اللى انا مصوراها الطريقة اولا ده شكل الكنافة الطرح http://i37.servimg.com/u/f37/15/33/51/98/112.jpg هنقطع منها جزء صغير زى كده http://i37.servimg.com/u/f37/15/33/51/98/212.jpg ونلفه على ايدينا زى كده شايفين اخر الخصلة اللى قطعناها دى نمسكها بالايد التانية ونشدها واحنا بنلف بس طبعا الايد التانيه كنت بصور بيها فعشان كده الخطوة دى مش ظاهرة لازم نشد بالايد التانيه عشان الاساور تبقى ماسكة نفسها ومتخافيش مش هتتقطع منك ومش شرط نلف على ايدينا ممكن نجيب اى حاجة نلف عليها زى المعلقة الخشب او قلم مثلا اللى يريحنا http://i37.servimg.com/u/f37/15/33/51/98/312.jpg ونبدأ نرص فى الصينية بشكل دائرى ونحط فى كل واحدة نعملها المكسرات http://i37.servimg.com/u/f37/15/33/51/98/412.jpg http://i37.servimg.com/u/f37/15/33/51/98/512.jpg لغاية ماتخلص الصينية http://i37.servimg.com/u/f37/15/33/51/98/612.jpg هنسيبها برة ومن غير اى سمنة ليلة كاملة عشان تعضم وتنشف وتكون متماسكة ولما نيجى نساويها هنحطلها كمية السمنة وهتكون سايحة بس مش سخنة واللى تفتكر السمنة الكتير لاء هى مش كتير ولا حاجة هى بتتحمر فى السمنة دى فى الفرن وكمان لما بنخرجها من الفرن بنصفى السمنة الزيادة وهى اساس سواها كمية السمنة دى وده من عوامل نجاحها وفيه ناس بتحط اكتر مانا حاطة بكتير هنا واحنا بنحط عليها السمنة http://i37.servimg.com/u/f37/15/33/51/98/712.jpg http://i37.servimg.com/u/f37/15/33/51/98/812.jpg وهندخلها الفرن على حرارة عالية(200 مثلا) ده شكلها فى الفرن قبل ماتستوى على الاخر http://i37.servimg.com/u/f37/15/33/51/98/912.jpg ونطلعها لما يبقى لونها دهبى وفيها ناس بتحبها اغمق من اللى عاملاها بس انا شايفة ان كده معقول اول مانطلعها نصفيها من السمنة الزيادة ونحطلها السيرب البارد http://i37.servimg.com/u/f37/15/33/51/98/1012.jpg وممكن لما تبرد شوية نصفيها من السيرب الزيادة بس على فكرة ممكن تحطو سيرب اكتر للى بيحب السكر الزيادة فى الحلويات ونقدمها لما تبرد وده شكلها http://i37.servimg.com/u/f37/15/33/51/98/1111.jpg http://i37.servimg.com/u/f37/15/33/51/98/1211.jpg http://i37.servimg.com/u/f37/15/33/51/98/1311.jpg عوامل نجاح الكنافة الاساور: اولا الكنافة لازم تكون كنافة طرح مينفعش كنافة عادية ثانيا لازم تكون طازة جدا لو اتحطت فى الهوا نشفت او باتت مش هتنفع ثالثا واحنا بنشتغل بالكنافة لازم تكون متغطية بقماش مندى يعنى مبلول مياه عادية مش ساقعة بس معصور كويس جداااا رابعا هتسألونى هو النص كيلو عمل صينية واحدة بس هقولكم انا اسبعدت القطع المنعكشة فى الكنافة عشان الاساور متبقاش منعكشة معايا لأن طبعا على مانجيب الكنافة من المحل ونرجع بيها البيت فيه اجزاء منها هتتبهدل والقطع اللى استبعدتها دى فى الاخر اخدتهم وقطعتهم وعملت بيهم صينية كنافة عادية بالقشطة يارب موضوعى البسيط ده يكون عجبكم |
رد: كنافة عش البلبل أساور صغيرة ومتساوية زى المحلات من مطبخ الشيف مونى بالصور
تسلمي
|
رد: كنافة عش البلبل أساور صغيرة ومتساوية زى المحلات من مطبخ الشيف مونى بالصور
روعة يعطيكي العافية |
رد: كنافة عش البلبل أساور صغيرة ومتساوية زى المحلات من مطبخ الشيف مونى بالصور
تسلمين حبيبتى
موضوع رائع |
رد: كنافة عش البلبل أساور صغيرة ومتساوية زى المحلات من مطبخ الشيف مونى بالصور
يممممممممي شكلها لذيذه يسلموا الايادي
|
الساعة الآن توقيت السعودية الرياض و الدمام و القصيم و جدة 06:37 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.