الحقوا علي لا يجنني عمي وياه
 

السلام عليكم ورحمة الله وبركاته

بنات

عمي من يوم ما رجع من السفرة صار يكرهني المفروض الواحد بعد ما يرجع من السفر يكون مروق

اما هو العكس!

والسبب انه قبل ما يروح السفرة صار بيني وبينه خلاف بسيط جدا وما يستاهل الزعل ابدا

والله انه قبل ما يروح المطار اعتذرت له مع ان هو الغلطان!
...…………….…….….………....
وصار يحب خواتي اكثر مني ويوم يكلمني يكلمني باستهبال ويخلص كلامه بسرعة عشان يخلص مني
.............………………………….
حتى انه في العيد ما تصور معاي المشكلة مو هنا

المشكلة تصور مع العيلة كلها وكل ما ابا اتصور معاه يطلع لي اعذار من جيبه
.........……………….……………
وبعدين سويت لي حساب في تويتر وقلت لعمي تابعني
قال والله لو شفت اللف والدوران مالج في تويتر والله بتشوفين شي ما شفتيه ومتابعة مني ماشي

بالله هذا رد؟

ما اريده يهنيني ولا شي بس ان يسويلي فولو

والله اللي يسوي للناس خير يلقى شر
.............................. ....................
والمصيبة اكتشفت موقع يرويك من هو اكثر واحد يجوف بروفايلك

والصدمة لقيت انه هو اكثر واحد يجوف بروفايلي في تويتر!!
"بداعي التجسس فقط"

بتقولون كيف عرفتي ان هو يتجسس عليج وان الشخص عمج؟

لانه ما حط لي فولو ويوم قال الكلام لما عطيته نكي في تويتر

اقولكم ان هو حاط صورته ومدينته واسمه بعد!
.............................. ..........….....
واليوم سوى حركة استفزتني

كنت اجيك التويتر مالي

شل الفون مالي بقوة وتم يجوف شو كنت اسوي
وانا على قولتهم " لا احرك ساكناً"
لأني واثقة من نفسي شو قاعدة اسوي

وبعدين فر الفون
…………….……………………..
والله شكلي بتجنن منه قولو لي ويش اسوي؟

واللي يقول ليش ما تخبرين ابوج
انا احب عمي كثير
ولو صار ضرابة بين ابوي وعمي وصار خلافات عائلية بيكون السبب مني

ساعدوووني

رد: الحقوا علي لا يجنني عمي وياه
 

الحمد لله والصلاة والسلام على رسول الله أما بعد:

أخيتي الغالية ,تصرفات عمك لربما بسبب حادث , أو لربما لكلام سمعه عنك , ولربما لشئ مغاير تماماً
أنصحك بمحادثة صريحة معه , وسؤال عن أسباب ردات فعله هذه.
ولكن قبل هذه المحادثة ,حاولي ان تضبطي أعصابك , واستعيني بالله , وبعدها استعيني بأحد عاقل ,
يتدخل بالحوار .

والله أعلم .


ربنا يستر علينا فوق الأرض وتحت الأرض ويوم العرض

رد الحقوا علي لا يجنني عمي وياه
 

لو سمحتي رسالة احترمي نفسك هذا عمي وهذا محرمي ومن اهلي وكيفي انا ادور حل وانتي هني جاية تسبين وتزيدين الطين بلة!

رد الحقوا علي لا يجنني عمي وياه
 

اختي العزيزة اشتاق اليك شكرا لك
وعلى نصائحك😘

رد: الحقوا علي لا يجنني عمي وياه
 

مثل ماقالت اختي اشتاق لك ..
اساليه عن سبب هذا التغير او خلي احد من اللي يجبهم عمك يساله ليش انت متغير على فلانه بس لايدري انه انتي اللي مرسلته
وخلي احد يتدخل بينكم لان ماظن عمك بيستقبل كلام منك دامه زعلان ..
اتمنى اكون افدتك .. وتقبلي مروري