ازياء - فساتين سهرة و مكياج و طبخ

ازياء - فساتين سهرة و مكياج و طبخ (https://fashion.azyya.com/index.php)
-   منتدى اسلامي (https://fashion.azyya.com/56)
-   -   انا لازم البس على الموضه زى البنات واعيش حياتى بقى (https://fashion.azyya.com/450338.html)

شجوني 11-29-2013 04:21 PM

انا لازم البس على الموضه زى البنات واعيش حياتى بقى
 
بسم الله الرحمن الرحيم

السلام عليكم ورحمه الله وبركاته

انا لازم البس على الموضه زى البنات واعيش حياتى بقى


:e047:

:e04:

:e015:


اااااه انا هفضل لحد امتى فى طريقه لبسى دى

هفضل لحد امتى مداريه جمالى فى لبسى ده

كده محدش هيعبرنى وهفضل طول عمرى عانس

انا ليه مش بلبس سكينى وسميل وجينز زى البنات ؟؟

انا ليه مش بلبس بدى ومنى جيب وبوت ؟

انا ليه مش اطلع خصلتين من شعرى زى البنات اللى فى الجامعه ؟؟

انا ليه محطش مكياج واخلى شكلى حلو ؟؟

واشمعنى البنات اللى بتعمل كده الشباب يبصوا عليها وتعجبهم ؟

انا هفضل كده زى الغفير ؟؟

ما اعمل زيهم انا كمان واعيش حياتى واشمعنى هما ؟؟

اااااااه يا جماعه ده كلام بعض البنات اللى منتشر دلوقتى

عاوزه اقولك يا اختى ومين قالك ان البنت اللى بتلبس اللبس ده

وتحط المكياج والبرفانات وتعمل مهرجنات فى وشها بتبقى حلوه فى

عين الشباب ؟؟

لا والله الشباب بتبص للبنت دى بصه احتقار وازدراء

بتبص للبنت دى للفرجه وبس

عارفه الشباب بتقول ايه على البنت دى ؟؟

بتقول البنت دى مش محترمه

هقولك موقف انا مره كنت ماشيه فى الشارع وفى واحده لابسه

لبس ضيق شويه بس فواحد قال يا عم خلينا نتفرج ده لحم ببلاش

ياااااااه للدرجه دى البنت اللى بتلبس ضيق رخيصه فى عين الشباب

ااااااه والله


مش كده وبس لالالا

ده البنت دى ممكن تكون السبب فى ان شاب يروح يزنى

والله وحصل شوفت حوار بين شخصين فى موقع واحد بيقول للتانى

انا زنيت فى اختى والسبب لبس البنات الضيق اللى بشوفه فى

الشارع

مهو لو كل واحده لابسه نقاب مكنش حصل اللى حصل

ياااااااااه كلمه طلعت من شاب تخيلوا

يقول نقاب مش حتى حجاب محترم

واحد تانى بيقول انا مش قادر ابطل مواقع اباحيه والسبب لبس البنات

فى الشارع

يااااااااااااااااه كل ده حاصل واكثر من كده كمان

بسبب البنات اللى بتلبس ضيق

ليه يا اختى كده ده انتى بلبسك وتبرجك ده سلاح قوى الشيطان

بيستخدمه لاغواء شبابنا

ترضى تكونى السبب فى ان واحد يشوفك يروح يزنى ؟؟

ترضى تكونى السبب فى ان واحد يشوفك يتفرج على مواقع اباحيه

ترضى تكون السبب فى ان واحد يشوفك يقع فى العاده السريه

ترضى ان واحد يشوفك يطلق بصره على الحرام ؟

بلبسك ده وتبرجك ممكن كل ده يحصل

هتقدرى تشيلى اوزار كل دوول ؟؟

ااه مهو انتى هتشيلى اوزار الناس اللى هتبصلك

مش ربنا بردوا قال

ليحملوا أوزارهم كاملة يوم القيامة ومن أوزار الذين يضلونهم

بغير علم ألا ساء ما يزرون

هتقدرى تشيلى اوزار كل دول ؟

هو احنا ناقصين ذنوبنا علشان نشيل ذنوب غيرنا

تخيلى يوم القيامه تلاقى الاف من الشباب بتجرك لربنا

واحد يقول يا رب هى السبب فى انى زنيت

والتانى يقول يا رب هى السبب وقعتنى فى العاده السريه والفواحش

والتالث يقول يا رب هى السبب فى انى مبغضش بصرى

والرابع يقول يا رب هى السبب فى انى اتفرجت على مواقع النت

الاباحيه

ليه يا اختى كده ؟

ارحمة نفسك من عذاب ربنا وارحمى الشباب

ده ربنا فى القرءان ذكر الزانيه فى العذاب قبل الزانى

تتخيلوا ليه ؟؟

علشان البنت هى السبب فى المصيبه دى بطريقه لبسها وتبرجها

وكلامها مع الشباب

يا اختى الاسلام عاوز يحفظك ويحفظ الشباب فامرك بالحجاب

والحشمه

انتى زى الجوهره عندنا فى الاسلام الجوهره مش بتشوفيها محفوظه فى كذا علبه علشان متتسرقش؟؟

انتى زى الجوهره حجابك هو اللى هيحفظك علشان محدش يفكر يبص عليكى ويؤذيكى

انتى زى الورده والورده ايه اللى حاميها ؟؟ مش الشوك اللى حواليها ؟؟

ايوه علشان مش اى ايد تتمد عليها بسهوله

وبعدين مين قالك ان المتبرجه بلبسها دى هى اللى هتتخطب قبل المحتشمه ؟؟

ده يا حبيبتى نصيب مش حكايه لبس

وبعدين الشاب المحترم وركزى فى كلمه المحترم دى اووى الشاب المحترم

هيدور على واحده محترمه محتشمه فى طريقه لابسها

فانتى شيلى الافكار الشيطانيه دى من دماغك تماما وافتكرى الكلام ده

ما عند الله لا ينال الا بطاعته

ومتنسوش التقيم يا حبايبى


الخنساء :) 11-29-2013 04:34 PM

رد: انا لازم البس على الموضه زى البنات واعيش حياتى بقى
 
فعلاً كلامك صحيح
البنت المحتشمه مافيه شاب يقدر يحط عينه بعينها عكس الغير محتشمه ..
بارك الله بك غاليتي موضوع مفيد فعلاً
اساْل الله ان تعم الفائدة وان يجزيك خير الجزاء :)

*ام جوجو* 11-29-2013 09:02 PM

رد: انا لازم البس على الموضه زى البنات واعيش حياتى بقى
 
بارك الله فيكى

موضوع اكثر من رائع

شجوني 11-30-2013 01:29 PM

رد: انا لازم البس على الموضه زى البنات واعيش حياتى بقى
 
وخيرا جزاكم الرحمن حبيباتى اسعدنى مروركم الطيب

~دقات قلب~ 12-01-2013 02:08 AM

رد: انا لازم البس على الموضه زى البنات واعيش حياتى بقى
 
بارك الله فيك غاليتي
فعلا كلام مهم يا ريت البنات لو يسمعوا


الساعة الآن توقيت السعودية الرياض و الدمام و القصيم و جدة 10:04 PM.

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.


Search Engine Optimization by vBSEO 3.6.0