رد: ملف كامل حول جهاز العروسة المغربية والمغآربية
دابا غادي انتاقلوا للعناية بالبشرة و الجسم والشعر
بما انكم عرايسات خاصكوم تهتمو اكثر بجسمكم وكل حاجة خاصها الاصلاص صلحوها من دبا وياريت لوكان تبداو من بكري ماشي تاتبقاليكوم سيمانة ولا شهر عاد تنوضو تجريو ألوغ نبداو بواحد المشكل عويييص وعند النساء كلهم شاغليهم بالهو وهو الركب كولنا تانبغيو يكونو ركيباتنا بويض تايشقشقو وخصوصا المغاربة مع فيهم البروطوكول بزاف واخا يكونو غامقين هير شوية بالصلاه تقوليك لاء كوووحل هههه ايوا ماعالينا كولنا عيالات وتانيغيو نشوفو راسنا زوينات باش نكونو مرتاحات ويلا كنا مرتاحات راه يكون المجتمع كولو مرتاح لحقاش المرأة راه هيا اساس المجتمع واحد النهار انا تانقرا فواحد المنتدى وانا تالقا وحدة تاتقول بالي كانو ركابيها كوحل وعقدينها ومشات عند الطبيبة ديال الجلد وعطاتها هاد الدوا الديرو سميتو SVR lysapha cicappel وقولوليها تعطيكون Peelin لاحقاش راه فيه 2 ديال الانواع هادا pleein وواحد النوع آخر ديال ليطراس قاتليها الديرو كول نهار لمدة 15 ليوم وتبقا تعاودو مرة في الاسبوع لحقاش تايبقا الاحتكاك مع الصلاة باش مايعاودوش يكحالو وهو تامانو راه مرتافع شوية ولكن راه تاليدوز بزاااف تايدير تقريبا 200 درهو والصريف والي جاها بزاف تبفا تحكليهوم حامضة كل نهار مع الملح الخشن ومن قبل تدهنهوم بعدا بالزيت البلدية من بعد تحك بالحامض والملحة وتنعس دابا غادي نعطيكم وصفة اخرى هائلة لتعطير الجسم انا الصراحة مزال ماجربتهاش ولكن راني ناقلهالكم من السيدة الي مجربها مباااشرة اشغنقوليكوم انا هاد الوصفة كانت عطاتها ليا خاالتي و هبلالاتني وزادت اكدتها الاخت لميااء الله يجازيها بخير و انا ناخد منهم بجووج وزدت عليها من عندي شوي واشغنقوليكوم على النتيجة وووووووووووووووووووواااااااااا و انا راه راااااااااجلي معايش معايا بعييد ( دعيو معايا ربي يجمع شملنا فبيت واحد) وكيجي غير مرة مرة و لكن والله الى كيبقى غير يشممششم فيا هههههههههه وفاش كيمشي كيقوليا والله تا ريحتك لالالالالاصقة فنيفي وعيا معايا ومقلتش ليه السر ههههههههههههههههههههه وبلا منعاود ليكوم فاش كيجيو عندي صحاباتي كيتستاو وكاع كيسولوني اشمن ريحة كنستعمل وكيقولو ليا باااينة غاالية عمرنا شميناها ههههههههههههههههههه والله تفالعراضات كيبقاو الناس يشمممو ولكن رااه الريحة كدوووووووخ و كتهنيييك من الكريمات و الريحات الغالية التمن المووهيم طوووللللللللت عليكوم ولكن راه تحمسسسسسسست حقااش كيعجبني هههههههههههه الموهيم غنحتاجو حليب اسميتو marie laurent a l'hauile d'amande متخلعووش من السمية هههههههههه كتبيها وديها لمول المكيااج راه موجووووووووووووووووووود والى قاليك معنديش وصيه يجيبو ليك 10 دراهم مسك اصفر موجود عند العطار 10 دراهم مسك اصفر تاهوا موجود صابونية دوف محكوكة قليل من المسك الحر طالك بيض ديال جونسون وفتشري واحد الريحات صغييييييوريين قد صبعك يمكن كيتباعو عن العطار كيديرو شي 15 درهم الى قدرتي تشريهوم كاملين شري الى مقدرتيش شري هادو الي ضروريين ريحة رشا ريحة سنبلة و ريحة الف وردة وريحة الف زهرة و ريحة سنبلة وريحة المسك راهوم صغيييورين بحال دياول الحج كاينة البكية فيها جميع الانواع شوفي حاولي ديري انواع ديال المسك زويينة صيري عند مالين البخور وشري انواع زوينة المهم صافي كنخلطو كووولشي فمولينيكس واحتفظي بيه فقرعة ديال الزاج و سديها وخليه يتخمر مدة 8 ايام متحليهش نهائيا خلال هاد المدة وصافي نهار التامن خودي منو شوية و ديريه فعنقك و تحت الابط وارا بررررررررررع لي دزتي من حداه تمشي نتي وتبقى رييحتك و الريحة كتبقى لالالالالالالالالالالالالالالا لالالالالاصقة خلال الاسبوع كاامل شوفي تقدري تخسري عليه تالديك 100 درهم ولكن راه يستااااااااااهل وغيبقا عندك مدة طوييييييييييييييلة وخا تبقاي غير كل مرة شري حاجة وخزنيها تتجمعي جميع المكوناات ودبا غانقوليكوم وصفة تزيل رائحة الفم الكريهة بما انه العرايسات ديالنا غادي يكونو جداد مزالين عزاز عند مولاي السلطان ماغاديش يغلي عاد تنوضي من النعاس عاد تغسلي وجهك يعني خاصكي تكوني دايرة الاحتياط لكولشي غادي التاخدي زيت الزيتون وغادي الدعكي بيها فمك مزياااان واللثة ديالك مزان من بعد غسلي فمك بمعجون الاسنان عاادي وخليك مداومة عليها وديريها خصوصا بالليل فاش تبغي تنعسي ماتبقاش حس الرائحة لانه زيت الزيتون يعمل كمعقم سبحان الله |
رد ملف كامل حول جهاز العروسة المغربية والمغآربية
وصفة للتخلص من الإفرازات المهبلية و الحكة من الدكتور جمال الصقلي
مكونات وصفة للتخلص من السيلان المهبلي و الحكة من الدكتور جمال الصقلي : حفنة من الخزامة لتر من الماء بصلة بيضاء او حمراء طريقة تحضيرللتخلص من السيلان المهبلي و الحكة من الدكتور جمال الصقلي : ناخذ الخزامة نضيف لها الماء و نضعها على النار حتى الغليان نصفي الخزامة و ناخد مائها و نضيف له ماء بصلة محكوكة و نستعمله لغسل المنطقة كل يوم هذه الوصفة رائعة للتخلص من جميع مشاكل المنطقة الحساسة كالحكة السيلان المهبلي الرائحة الكريهة و العديد من المشاكل اما هاد الوصفة التانية تانتمنى كل عروسة تاخدها قبل من العرس تاتصلاح للفطيات و الجراتيم الي تايكونو في المهبل و ممكن العروس ماتكونش عارفة و لكن عند اول اتصال جنسي تطلع واحد الرائحة كريهة و الي تايبقا مفكرها الزوج طول عمرو و للاشارة انهه الرجال لا ينسون الرائحة الكريهة ف كنتمنى تحرصو حبيباتي على المكان الي تايمشي ليه الانه ديال الزج ديالك باش يبقا دائما واخد عليك واحد النضرة الي هية محمودة و متستاهنوش بهاد الشي مهما طال الزمان ولا قصار بيكم انا غادي نعطيكم الثوم والي هو تايصلاح انتيبيوتيك وتايقضي على الفطريات فين ما كانو فاش تجي تنعسي عادي تجيبي دانون و تجيبي ضريس ديال التومة و تقطعيه على اربعة و بلعيه و كولي موراه هداك دانون و نعسي و غادي تستامري عليها لمدة اسبوع انا هاد الوصفة قريتها عند بزاف ديال الناس مجربينها وانا شخصيا متأكدة منها لحقاش عارفة الثوم والفوائد يالو و انا مجرباه روعه وتانتمنى تكشفو حابيباتي على بحال هاد المشاكل قبل ماتزوجو باش تجنبو اي احراج كنت تانتصفح هنا المنتدى ولقيت واح العضوة اتيو واحد الموضوع مهم على الاهتمام بالمنطقة الحساسة وبغيت النقلو ليكوم باش تستافدو منو حتى انتوما اقتباس:
و واحد المعلومة اخرى سمعتها من نساء مجربات الي كانت عندها المشكل في الحمل يعني ما تاتولدش ولكن بشرط يكون المشكل من المراة ماشي من الراجل تجيب البنيو و الدير فيه الماء طايب و الدير فيه الخزامة حتا تبغي تنعس وتدخل ف الفراش وتحط داك البنيو تحت منها تجلس عليه تا يتسالا داك البخار وتحيدو وتجتامع فهاديك اللحظة مع الزوج ديالها وتستمر عليها لمدة 3 ايام و ان شاء الله غادي يحصل الحمل |
رد: ملف كامل حول جهاز العروسة المغربية والمغآربية
هدا جهاز المغربية مخلا تشي الا ومقامت بيه ههههههههههههههههههههه
|
رد: ملف كامل حول جهاز العروسة المغربية والمغآربية
مشكووره
موضوع أكثر من روعه :* |
رد: ملف كامل حول جهاز العروسة المغربية والمغآربية
نورتو الموضوع حبيباتي بردودكم الحلوة
|
الساعة الآن توقيت السعودية الرياض و الدمام و القصيم و جدة 08:57 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.