سوريا
 

حوار بين طفل وامه

ماما ليش مارح ننزل هالمرا ع سوريا برمضان .. والله هنيك احلى
- حبيبي لانو سوريا هلأ مرضانه
- اي وكيف رح يصوم ابن جيرانا ,, وابن خالتي
وبنت عمو قالتلي انو انت لساتك صغير لما اخر مرا نزلنا
بدي ورجيا اني صرت صوم
- منحكيلون ع السكايب
- اوف اوف اوف كلو سكايب مابدييي
مافي عمو مسحراتي ع السكايب ,,
ومافي مدفع ع السكايب
مارح نهرب لما نروح معكن ع التراويح ونلعب بالحاره
ماما انا بدي العب طابه مو ع السكايب
بدي اسمع صوت جيرانا وقت بصيرو بغنو ع البرندا
وبدي اسمع صوت جارتنا يلي بتضل بتعيط
ماما مافيي منن هون بدي ارجع مابدي هي البلد بشعه
ماحلوة كل الناس ساكته ليش هيك ما بيحكو .. ما بيلعبو
وما بيضحكو وكمان ,,
ماما لك ليش عم تبكييي !
- حبيبي بوعدك السنه الجايه نرمضن بسوريا ..
- وازا ما وفيتي !
- انت كل يوم ونحنا عم نفطر قول يارب ترجع سوريا حلوة ..
هيك مننزل
- بس هيك ! اي كل يوم رح ادعي
ورح اطلب منو لبقا تمرضا لانو انا بشتقلا
ورح قلو كمان انو انا بحبا كتير وبكره هاد المكان
ورح صوم مشان يحبني ويعملي يلي بطلبو




ربي يفرجها عليكي يا سوريا وع كل بلاد العرب يارب