ازياء - فساتين سهرة و مكياج و طبخ - ماتبقيش خدامه فى بيت جوزك

بالظبط كده يابنات زى العنوان مابيقول موضوع لاحظته كتيييييييييير قوى بعد الجواز ماتتحوليش
لخدامه اه والله طووووووووووووول النهار لف محشى وتنضيف مسح كنس تنضيف ترويق
السوق المكواه الولاد صويت زعيق شقاوة وفى الاخر حقى مهضوووووووووووم
شعر منكوش ريحه مش حلوة هدوم مقطعه وتعب طوووووووووووووووووول اليوم
وفى الاخر ارهااااااااااااااااااااااق ناسيه نفسك سواد تحت عينك زيى كده
* طيب بنوته حلوة هتقولى اما ل الزوجه دورها ايه ياناصحه؟
هقولك ياعسل
اول حاجه نفسى ننسى شغل الخدامين ده
قصدى اننا ننظم الشغل ده انا نفسى كنت كده على فكره
همى فى الحياه المواعين المحشى التنضيف الكنس المسح ..........الخ
لكن وقفت مع نفسى وقفه لازم اعمل حاجه انا مش خدامه كده
* خطوات التغيير كالاتى*
1 روحت الكوافير قصيت شعرى عملت لوك جديد خالص
2 على اد الامكانيات جبت ادوات مكياج جديده الوان مختلفه تغيير يعنى
3 عملت جدول للنضافه وشغل البيت
*يوم لكوى الهدووووووووووم*
*يوم للمسح والتلميع*
*يوم للطبخ بطبخ ليومين او ممكن اعمل صنفين واسخن بعد كده*
*يوم للنضافه الشخصيه من كله *
*يوم بعمل حمام كريم لشعرى او حنه*
*طبعا الولاد واحتياجتهم يوميا *
*زوجى طبعا اهتمامى بيه حسب شيفتات الشغل بتاعه بحاول اد ماقدر يوم الاجازة بتاعته
اقلل موضوع شغل البيت خاااااااالص*
* طيب العامل النفسى والظروف اللى احنا فيها مخليانا خنوقين هقولك انا بمر بنفس الحاله النفسيه
اللى كل الناس بتمر بيها واتضريت ضرر كبير من الظروف دى بس لازم اجمد علشان حياتى وبناتى
ولسانى مش بيبطل دعاء على الظالم
طيب اعمل ايه علسان اطلع نفسى من المود ده
بصى ياستى بعد ماتخلصى شغل البيت
تغيرى هدومك طبعا علشان ريحة العرق والتنضيف
تاخدى دش جااااااااااااااااامد اخر حاجه
تطلعى تلبسى بيجامه تحفه او اى حاجه شيك عندك وحطى ميك اب
حتى لو جوزك مش هنا لازم تتزينى لنفسك مفيش مشاكل تغيير وللنفسيه كمان
برفانك وتمام التمام
منتدى ازياء ليه دور مهم جدا
يعنى لو انتى بتحبى دايما تخشى على الطبخ غيرى ادخلى الاقسام التانيه
بجد فيها مواضيع كنوووووووووز بجد ثقفى نفسك طورى من معلوماتك
اتناقشى مع زوجك حتى لو نقاش بسيط دورى على مشاكل وحلها
ادخلى على القسم الاسلامى لفى بلاش تخلى نفسك فى قسم واحد
بس ياستى وهو ده التغيير واللى لازم تعمليه علشان ماتبقيش خدامه
زى ما جوزى لما يشوفنى يقولى ايه شغل الخدامين ده بهزار طبعا
بس خلاص مابقاش يقولها بعد النهارده تغيير بقى
فى امان الله يابنات موفقين ومتنسوش التقييم