ازياء - فساتين سهرة و مكياج و طبخ - فراخ مشوية بطريقه خطيرة

الكمية تكفي: 4 أشخاص
وقت التحضير: 5 دقائق
وقت الطهي: 45 دقيقة
المقادير: صدور فراخ زبادى بهارات ملح وفلفل خل ماية بصلة توم مهروس كاتشب زعتر قرفة ببريكا كركم عصير ليمون زبادى
التحضير: اولا تقطعى فرختك 8 قطع انا كان عندى نص كيلو صدور بعضمها انتى بقى والموجود عندك
بعد ماغسلتها بالدقيق والملح نقعتها نص ساعه فى شويه خل ومايه عشان الفراخ تطرى وتستوى اسرع
طبعا الافضل انك تتبليها من على بيات لكن لو مستعجله ماتقلش عن ساعتين فى التتبيله بتاعتها
وماتنسيش فى التتبيله تحطيلها زبادى...لانكم اكيد عارفين ان الزبادى كمان لما بيبات فى تتبيله الفراخ بيطريها ويخليها تستوى بسرعه
انا جبت الصدور وتبلتها عادى بميه بصل ( يعنى بعد ماتفرمى البصل تحطيه فى مصفه ورشه ملح وتعصريه كويس وتاخدى ميته )او بودر بصل
وحطى بقى بهاراتك زى ماتحبى....انا حطيت توم مهروس وكاتشب وزعتر وفلفل وقرفه وببريكا وكركم وعصير ليمون وطبعا ماننساش الزبادى
وحطتهم فى كيس لانى بحس ان الفرخه لما تتبل فى كيس بتشرب التتبيله افضل ماتسيبها كده فى الصنيه وطبعا قفلته حلو وعلى التلاجه عدل
الجديد انى جبت الصاجه بتاعه الفرن ولفيتها بورق الفويل وحطيت عليه الشبكه بتاعه الفرن
وبعد كده حطيت الفراخ بتاعتى ورشيت عليها رشه زيت زيتون او اى زيت عادى ورشه سماق ...انا بحبه على الفراخ عشان بيدى لون حلو ليها
انتى بقى تحطى الى عاوزاه ...ممكن صلصه او عسل ابيض بيدوا لون حلو برده فى الشوى
الطبخ: وشغلى بقى فرنك وسبيها تستوى براحتها وقلبيها لوعازت وبعد كده شغلى الشوايه وكلى اطعم فراخ مشويه بطريقه بيتى وسهله وجديده