ازياء - فساتين سهرة و مكياج و طبخ

عندك الألتزمات والفواتير 960ج
ونقولى 40 ج صدقه
و500ج حوشيهم أو أعملى بيهم جمعيه
باقى 1000ج

هاتى 2كيلو لحمه مكعبات ب120ج قسميها على 6 أكياس كل كيس ثلث كيلو مع خضار ورز
هاتى 2كيلو لحمه مفروم ب120ج كيلو قسميه على 4 مرات تعمليه عصاج للصوانى مكرونة بالبشاميل وجلاش باللحمه المفروم وكوسه باللحمه المفرومه وبطاطس باللحمه المفرومه
والكيلو التانى قسميه على 3 مرات أعملى منه كفته أو هامبورجر
هاتى 2كيلو بانيه ب80ج قسميه على 6 مرات كل مرة ثلث كيلو أعملى منه بانيه وشاورما وناجتس
هاتى 5 كيلو سمك بلطى ب75ج يعنى الكيلو ب15ج وأعملى كل مرة كيلو سمك مع رز وسلطه يبقى 5 مرات
هاتى 3 فرخات ب90ج قسميها على 6 مرات كل مرة نص فرخة أعمليها مشويه أو بالبطاطس
كده 485ج للحوم والسمك والفراخ

عيش ب15ج
خزين 100ج من رز وسكر ومكرونة وزيت وتوابل ودقيق وبقسماط
لبن ب80ج يبقى كل أسبوع 3 كيلو لبن علشان البنوته
فاكهة ب40ج
خضار ب80ج
للأفطار والعشا ب200ج بيض وجبن ومربى وحلاوة وبسطرمه وفول وطعميه

وبالتوفيق ان شاء الله