ازياء - فساتين سهرة و مكياج و طبخ - خيار مخلل من عند فطومه

ازيكو يا بنات وحشتونى
انا طبعا عملتلكو الباذنجان المخلل من كام يوم كده وعجبكم والحمدلله

وده اللينك بتاعه

باذنجان مخلل بطريقتين والاتنين احلى من بعض

انا بقى النهارده عملتلكم الخيار المخلل المقرمش وان شاء الله هيعجبكم

انتى بس اقراى الموضوع بالتفصيل وانتى هتلاقى علاج لكل مشكله بتقابلك فى تخليل الخيار
ان شاء الله

اولا كده هقولكو ع المقادير

كيلو خيار
ملح خشن
معلقه كبيره سكر
توم وفلفل اخضر او احمر وكسبره وخل ولمون وزيت وشطه وقرنفل بس انا مكنش عندى قرنفل
للاسف
والتكه بتاعتى بقى

(حبهان وورق لورا )

ولازم ملح خشن عشان الخيار ما يتهريش منك ولا يدبل كمان

وادى طريقه تقطيعه للى مش واخده بالها
ودى المكونات اللى هخلل بيها الخيار

سكر وكسبره ناشفه وشطه وورق لورا وحبهان
طب واحده هتسالنى
انتى حطيتى سكر ليه ؟
اقولك يا ستى
السكر ده اهم واكبر سر من اسرار الخيار المخلل
(المقرمششششششششش)

لان السكر هو اللى بيخلى الخيار مقرمش بعد تخليله ومش بيخليه مهرى ولادبلان

شوفتو بقى فايده السكر

وادى الزيت والخل اللى استعملتهم
ندخل ع الطرييييييييييييييييييقه بقى

انا يا بنات
اول حاجه عملتها
جيبت ميه وحطيت فيها 4 حبيات حبهان ورقتين لورا
وغليتها كويس
وبعدين نزلتها من ع النار وسيبتها تبرد خالص

وبعدين لما بردت حطيت عليها الملح الخشن بتاعى وحوالى كوبايه ونص خل ابيض عادى

اهه طب واحده هتسالتى انا غليت الميه ليه ؟

هقولك يا ستى
غلى ميه الخيار المخلل فى الاول بيخليها ما تريمش ولا تعمل الطبقه البيضا اللى بنشوفها دايما على وش برطمانات المخلل

يعنى يعتبر انتى كده بتخللى بميه معقمه او ميه معدنيه فهمانى

وبعدين جيبت برطمان نسكافيه كان عندى ورصيت فيه الخيار بالشكل ده
وبعدين عدلته طبعا وحطيت السكر والشطه والكسبره وورق لورا و4 حبيات حبهان تانى
على وشه اهم
وبعدين جيبت قرن الفلفل ده واللمونتين دول وحطيتهم مع الخيار
عايزه تحطيهم مصححين حطيهم
ولو عايزه تعصرى اللمون براحتك برضه
وبعدين جيبت شويه التوم دول وقشرتهم وقطعتهم شرايح وحطيتهم برضه مع الخيار
والتوم يا بنات بيدى للخيار المخلل نكهه وطعم مميز
وبعدين ضيفت الميه المغليه بقى اللى غليتها فى الاول دى ع الخيار
وحطيت ربع كوبايه زيت
وقومت جايبه كيس بلاستيك وقفلت وش البرطمان الاول بالكيس
وبعدين قفلته عادى بقى بالغطا بتاعه
وقومت قالبه البرطمان مرتين تلاته كده عشان السكر يدوب والمكونات تتجانس والخيار يبتدى يشرب منها لحد ما يرتوى هههههههه

وسيبته حوالى 5 ايام مفتحتش عليه الا امبارح واحنا جايين نفطر وحطيته وسط الفطار ما شاء الله
حلاوه وقرمشه ما فيش بعد كدهوبعدين ضيفت الميه المغليه بقى اللى غليتها فى الاول دى ع الخيار
وحطيت ربع كوبايه زيت
وقومت جايبه كيس بلاستيك وقفلت وش البرطمان الاول بالكيس
وبعدين قفلته عادى بقى بالغطا بتاعه
وقومت قالبه البرطمان مرتين تلاته كده عشان السكر يدوب والمكونات تتجانس والخيار يبتدى يشرب منها لحد ما يرتوى هههههههه

وسيبته حوالى 5 ايام مفتحتش عليه الا امبارح واحنا جايين نفطر وحطيته وسط الفطار ما شاء الله
حلاوه وقرمشه ما فيش بعد كده:e027::e027::e027::e027::e0 27::e027::e027: