مشكلتى كبيرة ومحتاجة مساعدة لانى بجد تعبت
 

السلام عليكم انا حاحكى حكايتى من الاول وياريت حد يقولى اعمل اية لانى تعبت بجدوماليش حد احكى معاة انا من الصعيد وانتو عارفين يعنى اية الصعيد يعنى العادات والتقاليد اللى لازم نمشى عليها
انا متزوجة وعندى 24 سنة وعندى طفلة عندها سنة ونصف مشكلتى جوزى ضعيف شخصية وبيسمع لامو ومعاة اخت مطلقة معقدة المهم مش حاطول عليكم المشكلة انو انا اتخانت مع جوزى لانو كان عايز يعمل مشروع على النت تسويق يمكن سمعتو عنو وقالى عايز الشبكة بتاعتى يبيعها علشان المشروع انا رفضت فى الاول وقولتلو يمكن يكون نصب المهم مسمعش الكلام ولما لاقيتو مصر على انو يبيعها قولتلو اوك حانزل انا واشوفها قالى لا لا انا اللى حاروح قولتلة لا المهم اشتد النقاش بينا وشك انها مش موجودة ف البيت وانها عند بيت اهلى وفضل يضرب فيا واخد منى الغوايش غصب عنى وهو تنالى دراعى وانا مستحملتش المهم اتصلت بابويا علشان يجى المهم ابويا جية رن الجرس راح نزل فتح لابويا وكان عايز يضربو المهم الناس اتلمت علينا فراح كسر الزجاج العربية المهم ابوة جية وبابا قالى اديلو الشيكة احنا مش عايزين حاجة المهم اديتو الشبكة وروحت عند بيت بابا لحد الان وليا 3 شهور وهو ولا تصل ولا سال عليا ولا على بنتو المهم انا كنت سامعة انو حيتجوز ومصدقتش بس امو من 3 ايام اتصلت بيا بتقولى انو فى واحدة بنت حرام لافت عليه وعايز يتجوزها والمهم انا قولتلها براحتو انا مش عايزاه وبقول حسبى الله ونعم الوكيل وانا مش حاسيبو قصدى حاشتكية بس انا سالت ولاد الحلال قالولى كلة من امو هى اللى بتجرى وتخطبلة لانها حماة بمعنى الكلمة وانا دلوقتى مش عارفة اعمل اية هل هو صح كدة ولا اية ومحتارة ارجع واكمل حياتى معاة علشان البنت ولا كدة خلاص وصلنا لمفترق الطرق بجد محتارة لو سمحتو فيدونى
وخايفة اتصل بية يرد عليا بكلام وحش وبابا مش حيرضى انى اكلمو

رد: مشكلتى كبيرة ومحتاجة مساعدة لانى بجد تعبت
 

مش عارفة انتي هتقراي اجابتي ولا لا بس حبيت اقولك ان دي مشكلة وكل بيت بتحصل فيه مشاكل كتير بس هي زادت والمفرود يكون عندك زكاء الزوجة المهم دلوقتي انتي تكلميه اكيد مش لدرجة ان يكون كرهك مثلا او مش عايزك تاني
انتي قولتي فالاول انك من الصعيد ورجال الصعيد نفسهم عزيزة جدا هو يمكن فاكر انه هيقلل من نفسه لما يصالحك بس دلوقتي المشكلة وسعت اوي لازم تكلميه وتتفاهموا وتحلي المشكلة ومتستنيش دقيقة واحدة متعرفيش بكرة في ايه اكيد لما تكلميه هيفرح بمكالمتك وقوليله انك استنتيه عشان يصالحك بس طلعت انا اللي بحبك اكتر وسبتيه كده بكام كلمه وربنا يجعلك اللي فيه الخير امين يارب

رد: مشكلتى كبيرة ومحتاجة مساعدة لانى بجد تعبت
 

كان نفسي اساعدك حبيبتي بس انا ما اعرف الجو في مصر ولا أعرف قوانين مصر لو كنتي هنا في المغرب كنت اخدتي حقك تاني و متلت بس أنا أقولك القضية فيها نصب و احتيال و خيانة زوجية انتي استخيري ربنا و استشيري محامي شاطر و دائما تقولي االلهم اجعل همي الآخرة لانه من كانت همه الآخرة اتته الدنيا رغما عنها



كمان الحل الي قالت لك فتاة من مصر حلو بس هي انتي قلتي عليه امة و البنت الي خانك معاها + انو ضعيف الشخصية ما اظن انه بيظبط

رد: مشكلتى كبيرة ومحتاجة مساعدة لانى بجد تعبت
 

طمنينا عليكي اختي ايش صار معاكي
بس أتمنى انك تتنازلي شويه عشان بنتك وبيتك
وإذا تقدري تتواصلي مع الدكتوره ناعمه الهاشمي عن طريق النت جميل
وقبلها اتصلي وقوي صلتك بالله وعليكي بالدعاء والاستغفار وسورة البقره
اقريها كل يووووووم
أسأل الله ان يفرج عنكي ماأهمك وان يلم شملكم عاجلاً غير آجلاً

رد: مشكلتى كبيرة ومحتاجة مساعدة لانى بجد تعبت
 

ربنا معاكى
بس انا رايى انك تكلميه وده علشان خاطر حياتك وبنتك

رد: مشكلتى كبيرة ومحتاجة مساعدة لانى بجد تعبت
 

الله يعطيك العافية

رد: مشكلتى كبيرة ومحتاجة مساعدة لانى بجد تعبت
 

انا متشكرة ع المشاركة والنصايح بس انا اكتشفت انو انسان مش بيحب غيرنفسة بس وعايش لمتعته بس ومينفعش اكلمة ﻻنو هو اللى طردنى وخانى واتجوز عليا وعلى عفشى كمان واحنا بعتنا كحد لابوة علشان يصلح قال سبوة دلوقتى لما يخلص دبلومة وبعدها فؤجئت انو اتجوز وع عفشى ﻻنى اللى اخدها مش محترمة خالص وغلطت معاه زى ماسمعت فمينفعش انى اكلمو ﻻنى هو نسى بنتو واى حاجة حلوة عملتها معاه وقبل كدة العشرة ﻻنو انانى وعايش لغرايزة وبس انا دلوقتى مش بقول غير حسبى الله ونعم الوكيل ف الظالم ﻻنى انااتظلمت جدااااااا معاه وعايزة اى واحد ف المنتدى يقول حسبى الله ونعم الوكيل سواء كبير او صغير بنت او ولد كل فرد ف المنتدى يدعيلى ربنا يكرمنى ويرجع الحق لاصحابو

رد: مشكلتى كبيرة ومحتاجة مساعدة لانى بجد تعبت
 

بشكر اﻻخت لحظة خشوع وكل االى شارك فى موضوعى بس بجد هو اللى حصل قعدت من 12شهر لحد دلوقتى محدش سال فيا وﻻ ف بنتى ﻻ هو وﻻ ناسة ودة اخرتها معاه ومعاهم والحمد لله اشتكيتوة لربنا والمحكمه وادعولى ربنا ينصرنى على ظالم

رد: مشكلتى كبيرة ومحتاجة مساعدة لانى بجد تعبت
 

اسلام عليكم,,,,,,,,,,,


الله معااااااااااااااااااك

رد: مشكلتى كبيرة ومحتاجة مساعدة لانى بجد تعبت
 

أمو إتصلت عليكي عشان ترجعك لإلو بطريقتها , لأنهم مش قادرين يواجهوكي ويجو يراضوكي

أنا لو مكانك أستناه إنو يتصل عليكي ويعتذر على إلي عملو معك ومع والدك

...

رد: مشكلتى كبيرة ومحتاجة مساعدة لانى بجد تعبت
 

حبيبتي انا برايي لما تزوج عليك يجب ان تبقي مع ابنتك الوحيدة واتصلي به وحسيسيه انا له ابنة ولا تحسيسيه انك محتاجة اليه بل حسيسيه ان ابنته محتاجة اليه كثيرا او اتصلي بامه وقولي لها وهي ستدبر الامر اذ كان يسمع لامه اطلبي من امه ان تحسسه بانته وزوجتة يعني انت وابنتك
وان شاء الله تنتصري والله معاكي حبيبتي

رد: مشكلتى كبيرة ومحتاجة مساعدة لانى بجد تعبت
 

شكرا ليكى ياورد بس اللى متعرفهوش انى امة هى اللى جابتها ليه وهى السبب فى اللى انا وصلتلو انا وبنتى وانى بيتى اتخرب بسببها بس تبان المﻻك البرئ فكرت كتير اكلمه واقوله اللى بيعملوا دة غلط بس صعبان
عليا نفسى ﻻنو خانى وانا والله معملت حاجة وحشه معاه وﻻ مع ناسو دمرونى ودمروا حياتى وظلموا بنتى منهم لله وحسبى الله ونعم الوكيل واهلى بصراحة رافضين انى اتصل بيه او حتى انو يرجعلى وانا بقول لو فى خير يرجع علشان بنتى تتربى معاه بس هو خان وانا نفسى اقعد معاه او حتى اكلمو بس لﻻسف قليلة الحيلة ﻻاملك غير افوض امرى لله وانا بصلى وادعى لربنا بس انا عايزة اسال هل هو يعتمد علية وينفع يكون ابا كويس دة حتى العيد مسالش ع بنتو انا مش عارفة اية شخصيتوا معندهوش قلب يحس وﻻ ضمير يفكروا بربنا ياريت حد يصحى ضميرة ويحننه ع بنتوا وحسبى الله ونعم االوكيل

رد: مشكلتى كبيرة ومحتاجة مساعدة لانى بجد تعبت
 

حبيبتي الاستغفااااااااااااااار وسورة البقرة يوميا بنية مافي نفسك

رد: مشكلتى كبيرة ومحتاجة مساعدة لانى بجد تعبت
 

حبيبتى معلش انتى غلطى فى البدايه انك ما رفضتى تديلو الشبكه مش مكتوبه فى القايمه يعن عليه عليه كنتى اول ما طلبها قولتى لابوكى وهو اتصرف مش تتصلى وهو بتخانق معاكى ومتنرفز
انتى عارفه حماتك وبنتها وانهما طبعا عيزينك تكونى زيها مطلقه كان المفروض تضيعى الفرصه عليهم وتكسبيه ........
المهم الى حصل حصل طبعا احسن حاجه انك رفعتى الامر للقضاء وان شاء الله يرجعلك حقك وربنا على كل ظالم

رد: مشكلتى كبيرة ومحتاجة مساعدة لانى بجد تعبت
 

يارب يهديلكياه ويرجعه لعقله امين
وحسبي الله ونعم الوكيل باللي كان السبب

رد: مشكلتى كبيرة ومحتاجة مساعدة لانى بجد تعبت
 

اولا شكراااااا ليكى حبيبتى سمسمة على المشلركة بس اللى انتى متعرفهوش ان الشبكة مش مكتوبة فى القايمة ودة كان اتفاق بيننا ولانى عادى فى ناس بتكتبها وناس لالالالالالا حسب التراضى بين الطرفين وهو قال انها هدية ومش عايز تتكتب عليه واحنا وافقنا لانى ناويين على العمار عرفتى حبيبتى يلا مش مشكلة الحمد لله انا مش ناقصة دهب ويمكن ربنا عمل كدة علشان تبان معادن الناس واصلها المادى وانا كل اللى طالبه ربنا ينصرنى نصره لا غالب لها وحسبى الله ونعم الوكيل