ازياء - فساتين سهرة و مكياج و طبخ - ساعدونى بشئ مفيد الله يرضى عليكم

بسم الله الرحمن الرحيم
السلام عليكم بنات
اللهم صل علي سيدنا محمد وعلى اله وصحبه وسلم..

بعرض عليكم مشكلتى اللى خليتنى عصيبه اكتر من الاول ولدرجه انى كرهت نفسى
انا الحمدلله بنت متواضعه والحمد لله بحب الخير للكل ومش بحب ازعل حد منى ولا احب اشوف حد زعلان منى ، وانا طيبه كتير وخجوله كتير
انا في مرحله ثانويه بس المشكله ان مدرستى مشتركه يعنى اولاد وبنات !!
انا وحيده مش بحب الاختلاط .. يعنى مثلا في المدرسه مش بقعد مع شله بنات واحكى معاهم كده زى البنات التانيه .لا. بس البنات بيحبونى وبيجم ليتعرفو عليا وانا بعتبرهم اخواتى وبقف معاهم وقت الشده والوقت اللى يكونو محتاجينى فيه انا مش بتاخر عليهم في حاجه
وطبعا الاولاد منفصلين عننا ، هم ليهم ملعب واحنا لينا ملعب وفي سنه اولى مفيش فصول مشتركه لكن في سنه 2و3 في فصول مشتركه وفي لا.وده على حسب التخصص؛ انا الحمد لله فصلى مش مشتركـ,,
وا مدرستنا بعيده عن البيت في باصات بتودينا وتجيبنا وانا بحب لما امشى بالمدرسه علطول عينى في الارض
وان مثلا شاب حابب يستظرف ويلقى كلام كده ولا كده انا مش بركز، والكل في المدرسه صار يحترمنى والكل يشكر فيا طلبه ومدرسين
المهم انا طولت عليكم
ان فيه اولاد حابين يتقربو منى يعنى يرتبطو بيا وانا مش ببص في شكل اى ولد من المدرسه وكلمه ان الولد زميلى في المدرسه دى ملغيه من عندى
فيه اولاد كتير من المدرسه من سنى واكبر منى بسنه حابين يقربولى وانا صديتهم ،، وانتهينا
بس المشكله ان فيه ولدين مش راضيين يبعدو عنى
واحد منهم في سنه 3 وهو رئيس اتحاد الطلبه عندنا في المدرسه هو غلبان وطيب وكل حاجه بس انا مش بطيقه
وخصوصا لما فهمت من طريقه كلامه وتصرفاته وحب انه يتقرب منى انا بكرهه اكتر وكتير كنت بشتكيه من اقل حاجه بيعملها قدامى بخصوص المدرسه وهو كان يحترمنى كتير وكتير في اولاد بيستظرفو كده عليا هو يبعدهم عنى ..
ومن ناحيه تانيه في الباص اللى بروح فيه كله بنات ما عدا ولد واحد .. الولد ده قال لبنت معانا في الباص هو يعرفها شخصيا انه عايز يكلمنى وكده، والبنت دى جت قالتلى وقالتلى ان مفيش حد هيعرف من البنات اللى معانا انا طبعا قاطعتها بالكلام ورفضت ،،الواد ده مصدقش انى رفضت وقال للبنت دى حاولى معاها تانى وانا ارفض وهو مصمم
بعمل كتير حاجات تخليه يكرهنى ويبعد عنى وكل ما اعمل الحاجات دى هو يزيد فيها اكتر
وكل شويه يقعد يبصلى في الباص وانا مش بتحمل اى حاجه من ناحيته والبنات اللى معانا كلها عرفت ان الواد ده عايز يكلمنى وكده., وانا زهقت ع الاخر وكل المدرسه واثقه فيا وعارفانى كويس وانا خايفه من تصرفاتهم معايا هم الاتنين المدرسه كلها تشك فيا وتاخد عنى فكره وحشه
وانا ده اللى مكرهنى في نفسى لدرجه انى كرهت المدرسه والباص والمشكله انى مقدرش اترك الباص لان مفيش مواصلات تقدر توصلنى للمدرسه بسهوله
ساعدونى في حل الله يخليكم انا خلاص مش قادره استحمل المدارس خلاص يوم السبت وهتبدا العصبيه والخنقه من تانى بسببهم
قولولى حاجه يعنى اعمل ايه معاهم ,, فيه بنات لما يحصل معاها كده تكلمهم بنفسها وتقولهم انى مش عايزاكم , بس دى بنات جريئه .. لكن انا .. انا اتكسسسف اسلم على ابن عمى اللى قدى في السن <<
يا ربى بالله عليكم انا عارفه طولت معلش انا اسفه بس اعمل ايه جربت كل اللى اقدر عليه ,, انا عملت الموضوع هنا قولت يمكن تفيدونى بحاجه
والله يجازيكم الف خير يا رب ويدخلكم الجنه مع الابرار