هل جربتي هذه المفاجأة لزوجك من قبل
 

هاد الموضوع أنا وعم ابحث شفتو وعجبني
وحبيت انقلكم ياه في نوع من تغيير الروتين بين الزوجين


بسم الله الرحمن الرحيم
السلام عليكم ورحمه الله و بركاته
.
.
.
حبيت اهديكم هاذي الفكرة البسيطه اللي سويتها لزوجي الغالي "الله يحفظة"
بس بصرااااحه تخبل عليها و كان مستاااااااااااااااااانس حده
.
.
.
اول شي بقولكم الفكرة و بعدين بشرح بالتفصيل
كانت فكرتي عبارة عن جلسه استرخاء و تدليك لأبو الشباب بس بطريقه غييييييييييييييييير .
.
.
الشرح هني
اولا كنت عارفه ان زوجي في هاليوم بيتاخر عن البيت شوي
و اكيد بيرد تعبان و انا بعد بلحق اجهز كل شي على راحتي .
طرشت له مسج مثل مسجات الاعلانات اللي يطرشونها المحلات
على اساس اني فاتحه محل (سبا spa) هههههه كحركه يعني
.
.
.
و هذا نص المسج

الآن ... سبا M&M يدعوكم لقضاء أجمل و امتع الاوقات
في الأجواء الشاعريه الساحره *** (اخترت اول حرفين من اسامينا)
لا تدو الفرصه ىتفو تكم !
احجز الان ولا تتردد!

اوقات العمل من الساعه (9 و حتى 12 مساءا)
للحجز و الاستفسار يرجى الاتصال على
الرقم :*******
او الايميل :*************

* ملاحظة :
((لا يسمح بالدخول بدون حجز مسبق))
.
.
.
و طبعا اهم شي في السالفه الملاحظة اللي في نهايه المسج
انه لازم يحجز قبل لا يجي المحل هههه اللي هو البيت طبعا
عقب فترة من طرشت المسج اتصل علي فديته اونا بيحجز هههههه
المهم كلمته بطريقه رسميه جدا و اوني وحدة صدق تشتغل في محل
بس احلى شي كنت اتكلم لبناني و عاد انا خبرة في الرمسه اللبنانيه
خبلت به مسكين حتى كان يسالني انتي حرمتي ولا انا غلطان
بس كنت اسويله طااااف و اقوله " عفوا انت شو عم تحكي انت مو بدك تحجز عندا" حتى قال اني شكيت في عمري لأكون غلطان بعد و اتوهق
و قال كنت عرقان و مستحي ما ادري ليش هههههههههههههههههههههه

وسالته عن اسمه و رقم تلفونه و قت الحجز بالضبط و بياناته وكل شي عنه
و شو نوع التدليك اللي يباه و ايضا تكلمنا عن الاسعار و كانه بيحجز فندق...
و كتبت كل شي في و رقه على اساس يوقع عليها عند حضورة..
.
.
التجهيز

و بعدين رحت اجهز الغرفه بس ما كنت مسويته في غرفة النوم
عشان يكون جو مختلف عن كل يوم و يحس ان فعلا في محل" spaسبا"
المهم زينت الغرفه بطريقه حلوة و استوحيت كل افكار التزيين من محلات التدليك ...
يعني كانت الغرفه مليانه شموع و حطيت ورود طبيعيه في صحن زجاجي
و خليتها تسبح في الماي و يبت ستاند عليه رفوف حطيت فيه مناشف و زينته بالورود
و حطيت عليه انواع مختلفه من زيوت التدليك المعطرة و كريمات لكل الجسم :
كريم للوجه , كريم لليدين , كريم للرجلين , كريم مرطب للشفاه, كريم معطر للجسم ...الخ
و كل الكريمات و العطور بروائح الفواكه و كنت ماخذتها من محلات اسمها "فروت اند باشن"
ما ادري اذا تعرفونه صراحة كريماتهم و عطورهم رووووووووعه
احلى عن بدي شوب بمليون مررره صدق الكريم الواحد بس يخلي الغرفه ريحتها بكبرها تخبل
فما بالج بمعطرات الجو و الشموع مالهم

المهم سويت جو للغرفه كأنه في محل للتدليك
.
.
.
عن نفسي
انا لبست لبس مثل اللي يلبسونه الفلبينيات في الاسقبال مال الفنادق و المحلات
يعني تنورة قصيرة و بلون اسود و ابيض لبس شبه رسمي بس مب رسمي واااايد
تعرفون عاد لازم حركات دلع شويع فتحت شعري و تعطرت
و لبست اكسسوارات بسيطه و ناعمه و مكياج خفيييييييييف مرره.
.
.
و جاءت اللحظة الحاسمه
دق الجرس و دخل البيت استقبلته ولا كأني اعرف هذا الشخص من قبل
كنت رسميه جدا و طبعا بعدني ارمسه باللبناني ههه
خليته يوقع على الحجز ماله ... بس بصراحه ضحكني حسيته مرره مستحي و متوهق
مب مستوعب اللي جدامه ههههههههههه فديته اللي يستحون انا
بعدين فتحت له باب غرفه السبا spa و شهق من كثر ما تفاجئ
خليته ينسدح و غطيته بالفوطه نفس اللي يسوونه في التدليك
و بديت ادلك جسمه حبه حبه من راسه لريوله بطريقه ناااعمه
بس صدق ما كان تدليك دلع كان تدليك استرخااااااااااااااااااء و راااااااحه
بديت بزيت التدليك و عقب حطيت له الكريمات و دلكت راسه و ريوله
و حطيت له الكريمات المرطبه و المعطره
و أخر شي عطرت جسمه كااااااااااامل بعطر الجسم وكانت ريحته خباااااااااااااااااال
.
.
.
و في النهايه شوفو المفاجاه

تخيلو شو

حصلته في سااااااااااااابع نومه من كثر الراحه و الاسترخاء اللي حس بهم هههههههههههههههه
.
.
.
و سلامتكم يا حلوات
هي حركه بسيطه بس فيها نوع من التغيير
و اتمنى انها تنال اعجابكم



منقووووووووووووووووول

رد: هل جربتي هذه المفاجأة لزوجك من قبل
 

واووووو موضوع يجنن
تسلم ايدك ياعسل عالنقل

رد: هل جربتي هذه المفاجأة لزوجك من قبل
 

رد: هل جربتي هذه المفاجأة لزوجك من قبل