|
دخيل الكحل
دخيل الكحل لا منه جمع كل السـواد وجـاك ينام من التعب ساعة بظـلّ جفـون نعسانـه دموعك تزعج أحلامه إذا يوم الزمـن بكّـاك يسيح بوجنتك كنّه ظلام(ن) طاحـت أركانـه ويذبل وردك اللي قد تبسّم في ربيـع شفـاك يصير من الحزن كنّه غريب مضيّع أوطانـه حبيبي لا تعذبني عسى كـلّ العمـر يفـداك عسى من يجرح إحساسك يموت بكثرة أحزانه أحطّ الكون في كفّه وفي كفّـه أحـطّ رضـاك وارجّح كفّتك واترك جميع الخلـق زعلانـه تدلّل مثل ما ودك متى قلبـي قـدر يعصـاك وربي مايردّك لـو رغبـت بقطـع شريانـه أنا وش لي من العالم إذا دنياي مـن دنيـاك وما فيني غدا لك شعب طايع وانت سلطانـه حبيبي ما معي غيرك ولا عندي أحد يسـواك ملكت احساس من حبّك على فكره ووجدانـه أنا والقلب نتسابق على كفّ الولـه جينـاك وعندك نلتقي دام انـت عنوانـي وعنوانـه |
رد: دخيل الكحل
مشكور ه حبيبتي
|
رد: دخيل الكحل
|
| الساعة الآن توقيت السعودية الرياض و الدمام و القصيم و جدة 05:50 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.