ازياء - فساتين سهرة و مكياج و طبخ - ليه بنصلى بنذكى ......؟

السلام عليكم
لو سمحتوا جابواعليه ليه؟
بنصلى ..بنقراء القرآن ..بنذكى...بنتصدق.............
علشان نقول للناس احنا احنا احنا
ولا لان ده فرض و واجب علينا وان شاء الله ناخد ثواب عليه
انا كتبت الموضوع ده لانى بجد متضايقه جدا من الى بشوفه واسمعه
الى يقول انا ختمت القران 3 مرات ف رمضان
والتانى يرد انا اديت فلان مبلغ
ويرد واحد ويقول احنا بنصلى اكتلر من ساعتين ف التراويح

والتانى والتانى ........................

كله بلهجه التفاخر وده مش سوء ظن منى لا لانه ببساطه الاسلام مش قاءه للقران او صدقه اوصلاه او زكاه او ................
الاسلام اكبر من كده لان كل الى بسمعهم نيتفاخروا باشياء عملوها وهيه اصلا واجبه عليهم اغلبهم نتبقى تصرفاتهم عكس كده خالص
كدب- حلفان كدب -عدم انضباط فى العمل-نميمه-حسد-غرور-تكبر-تعالى...............

يا مسلمين قبل ما نقول قراءنا ولا بنصلى التراويح فى قد ايه ولا ولا
لازم نشوف ده اثفينا قد ايه؟
القران مش جرنان بنقراه وخلاص لازم نفهم ونتعلم ربنا عيزنا نكون ازاى
الصلاه مش مجرد حركات ننفذها تقضيه واجب لا دى لتهذيب النفس
الصدقه والزكاه لتنقيه اموالنا وعلشان نحس ان فيه ناس عايشه معانا محتاجه
واكتر طبعا من كده انا مش مطلعه للدرجه الكافيه انى اشرح اكتر من كده
انا عيزاكم بس تفتكروا حديث السيده عائشه رضى الله عنها عندما سؤلت عن اخلاق الرسول صلى الله عليه وسلم قالت
(كان خلقه القرآن)
شفتوا قد ايه رسولك كان انسان
صلوا عليه