حصرى مع ضوء البسكويت المملح
ازيكوا يااحلى اخوااات
يارب يسعد مساكم وصباحكم ويسعد ايامكم بكل خيييير وبركة ان شاء الله النهاردة حبيباتي موضوعنا عن البسكويت المملح وطبعا اغلبنا بيحبه وبينفع اووي وقت المدارس او الفطار احيانا نحب نغير او بين الوجبات ناكله تصبيرة وماشاء الله بيعمل كمية رهيييييييبة وفيها البركة بفضل الله وممكن نعمله بالجبنة او بالملح عااادي بسم الله المقادير السهلة جداااا كوبين دقيق منخول مع معلقتين صغيرين بكينج بودر صفار بيضة كبيرة - ربع كوب حليب + معلقتين كبار حليب ربع كوب جبنة رومي يعني 3 شرايح ونص جبنة رومي مقطعين صغير اووي نفتفتهم بايدينا ان شاء الله 4 ملاعق كبيرة زبدة باااااردة - معلقتين كبار زيت معلقة صغيرة ملح ملحوظة هااااااامة حبيبااتي لو مش حابين نعمله بالجبنة الرومي ممكن بالجبنة الشيدر زي المراعي او كرافت او بريزيدون شرايح شيدر تمام كده يلا على االطريقه http://im65.gulfup.com/qD4Qny.jpg نحط الدقيق والبكينج بودر في بولة مع الزبدة الباردة والزيت ونفرك الزبدة بايدينا في كل الدقيق عشان يتشربها الدقيق وتكون الزبدة الباردة زي حبات صغننة في الدقيق http://im65.gulfup.com/hTDmRw.jpg ودلوقتي نحط الصفارة والجبنة الرومي اللي فرفتناها صغير بايدينا والحليب كماااان نحطه http://im65.gulfup.com/kpB61K.jpg ونعجن البسكوت كله مع بعضه زي كده لمدة 3 دقايق مش كتييير وهتكون العجينة طرية وحلووووة http://im65.gulfup.com/FIzg8B.jpg ودلوقتي عالرخامة نرش بسيط دقيق ياااادوب وناخد قطعة من العجين زي كده http://im65.gulfup.com/Ab8DPW.jpg ونفردها كوووويس بالنشابة سمك يكون مش تخين ابدااا ولا رفيع اوووي بحيث البسكوت يتحرق بعييد الشر ان شاء الله http://im65.gulfup.com/VAzG4N.jpg يعني يكون سمكها متوسط مش تخين ولا رفيع زي كده http://im65.gulfup.com/YwYGYP.jpg ونجيب العجلة المشرشرة دي ونساوي اطراااف العجينة وممكن سكينة عادي http://im65.gulfup.com/nZw5WJ.jpg ولما نساويها وتبقى مستطيل متساوي نقطع شرايط بالطوول وبعدين مربعات عشان تبقى بسكوت مملح ونعمل كده مع بقية العجينة واللي نخلصه نرصه في صينية مدهونة زيييت جنبنا وماشاء الله الكمية دي بتعمل يجي 37 بسكوتة توك بالجبنة طعمه رهيييييب والله بجد سبحانك يااارب http://im65.gulfup.com/zGzVeJ.jpg ولما نخلص كل البسكوت نجيب عود الشوي ده او شوكة لو حاااابين طبعا اسهل والجبنة الرومي باينة فيه وبتدي طعم تحححححححححفة ان شاء الله ونخرم البسكوت بخروم عشوائية بالشوكة عشان يبقى شكله زي بسكوت توك وطبعا الخطوة دي بتدي البسكوت هشاشة رهيييييبة وبتخليه يفضل بسكوت لاننا لو مش خرمنا البسكوت المملح بالشوكة هينفش بالفرن ويبقى قاااابب ومش حلووو وبعد مانخلص تخريم البسكوت بالشوكة ندخل صواني البسكوت المملح توك بالتلاجة لمدة نص سااااااااعة عشان يبرد كويس اووي لان دي من العجاين اللي لازم تبرد قبل ماندخلها الفرن عشان تفضل هشة ومقرمشة ان شاء الله طريقة التسوية http://im90.gulfup.com/82bXnD.jpg نسخن الفرن حرارة 160 الى 170 حرارة هااااااادية لمدة 5 دقايق بسسس ونحط الصواني عالرف الاوسط لمدة نص ساعة ان شاء الله وطبعا حرارة هادية عشان البسكوت مايتحرقش ويستوي براحته http://im90.gulfup.com/OcgE5h.jpg وبعد 25 دقيقة نفتح الفرن نشوف واحدة بسكوت مملح نرفعها من تحت ولونها دهبي وحلووو يبقى استوى من تحت نطفي الناار من تحت ونولع الشواية عشان ياخد البسكوت لووون دهبي جمييييل ومش بياخد اي وقت ان شاء الله ولما يستوي نسيبه تهدى حرارته في الصواني يجي ربع ساعة ونقدمه بسس كده بفضل الله الصورة النهائية اهى http://im90.gulfup.com/BzNqLr.jpg انا تعبت فى رفع الصور والتوقيع عليها والتنفيذ ارجوكم التقييم والف هنا وشفا وكل ماتقيمى تاخدىة واحده ونجيب العجلة المشرشرة دي ونساوي اطراااف العجينة وممكن سكينة عادي |
رد: حصرى مع ضوء البسكويت المملح
اتمنى ينول اعجابكم
|
رد: حصرى مع ضوء البسكويت المملح
تسلم ايدك حبيبتى
|
رد: حصرى مع ضوء البسكويت المملح
تسلم ايديكي والله يعطيكي العافيه
مع الاسف مافتحت الصور |
رد: حصرى مع ضوء البسكويت المملح
تسلمي غاليتي
|
الساعة الآن توقيت السعودية الرياض و الدمام و القصيم و جدة 12:06 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.