احترت في زوجي....دلوني
 

السلام عليكم ورحمة الله وبركاته
بصراحه انا كتبت مشكلتي واتمنى من اﻷخصائيات يساعدوني
انا زوجي عنيد وانا كذلك ودائما ندخل في مشاكل واختلافات ﻷتفه اﻷسباب
وآخر مشكله مازالت مأثره فيني رغم ان مر عليها عشرة ايام وانا لسا مااتكلم معاه ولاأقدر انظر فيه.
والسبب انا اختلفنا وحدثت مشكله وبدأ يهجم علي بالسب واللعن كعادته لما يزعل مايحترم احد مو بس انا الكل وبعدها بيوم طلب قلم من بنتي وكتب كسرات في باسم الحي اللي كانت تسكن فيه البنت اللي كان يحبها وخلاها يبغاني اشوفها ودخل غرفة النوم ومسكت الورقه ودخلت وراه وقلت يعني بتقهرني بهذي اصلا انا عارفه انك ماتحبني بس مافيه داعي تكتبلي قال ليش اقهرك ومسك الورقه وعلقها عالمرايا وقلت اذا عندك احياس وكرامه طلقني ليش تعيش مع وحده ماتحبها.
المهم خلاص من وقتها ما أقدر اسامحه ﻷنه يحاول يتكلم معي بس ماأنسى ورجعت قلت نفس الكلام طلقني وهو يضحك مطنشني وامس حدث حوار بسيط وقلت ليش تكتب دليل انها لسا في بالك قال كتبت وقت زعل وابغى استفزك ولو مابيك طلقتك لما قلتي طلقني..والمهم ان الورقه لسى في التسريحه ﻷني قررت ماأشيلها عشان ماأنسى وبصراحه كنت اقول يحبني بس الحين افكاري تسممت وصرت احس ان سنيني معاه في وهم وانه لسا يتذكرها ..على العلم ان زواجنا له عشر سنين
واتمنى انكم تفيدوني اش اسوي ﻷنه هو بحاول يتكلم وعادي بس انا اشوفها في وجهه...

رد: احترت في زوجي....دلوني
 

حبيبتى لاتخربي بيتك هو اكيد يبي يستفزك عشان يشوف غلاته ادلعي عليه شوى وخليه يصالحك وانسي الموضوع لاتقولي طلقنى مره ثانيه لان احتمال يقولها لك في لحظه غضب وتندمى زوجك شكله عصبي لاكن قلبه طيب والدليل انه رجع يتكلم معاك

رد: احترت في زوجي....دلوني
 

حبيبتي على العموم كل الازواج في لحظة من اللحظات يتذكرو صذيقاتهم السابقات بس في نوعين في نوع من الرجال بارع في اخفاء ما يجول في باله وفي نوع اللي في قلبه على راس لسانه وهذا لا يعني انو ما يحبك لكن تفهمي الوضع هذي طبيعة الانسان سواء مراة او رجل يمر عليه شريط الماضي الا اذا كان عندو زهايمر ههه فلا تكبري الموضوع انا مثلا لي كان يحبها زوجي كانت تسكن مقابلنا ومرات امزح مع زوجي وبقولو كنت تتكلم معها من هذه النافذة بيقولي هههه اكيد وكنت اغنيلها عبد الحليم وبرغم من ذلك والحمد لله متاكدة انو بيموت فيا والدليل على ذالك ما يقدر يفارقني ولا دقيقة واكبر دليل على الحب هو عدم القدرة على الفراق وزوجك شكلو ما يريد يفارقك لانو ما يريد يطلقت فكوني واعية وطنشي الموضوع لانك انت الحاضر عنده وانت المستقبل وهي مجرد ماضي راح وما يرجع فشوفي امامك وتعاملي مع الموضوع ومع زوجك ببساطة وارجعيلو بكل حب وكوني ذكية ودلوعة وجميلة افرحي فالموضوع جد عادي ويحصل مع اغلبنا سلام تركت في امان الله ورجعيلنا خبر

رد: احترت في زوجي....دلوني
 

شكرا حبيباتي على التفاعل معي بس بالنسبه للورقه اشيلها والا انتظر لين يشيلها ﻷني وبصراحه قلت بخليها زي ماعلقها يشيلها ..وعشان كل ماحاول يتقرب أذكره بفعلته..

رد: احترت في زوجي....دلوني
 

شيليها ولا تكوني عنيدة ولا تخلي الثغرة تكبر بينكم ويصير غيابك ولا وجودك نفس الشيء عنده