|
حتى الموت اللي كان بيستنى جهاد ما قدر يمنعه بإنه يعيش تفاصيل أبسط لحظة تركت هيك ابتسامة على وجهه .
هاي الصور تقريباً من سنة وتحديداً عند أول شتوة السنة الماضية .. بآخر شهر 10 /2013
صوّرتها وأنا عارفة إنها رح تكون من ضمن أرشيف الذكرى المؤلم اللي بنحتفظ فيه أنا وعيلتي لجهاد .. شتوة مبارح رجعتني سنة لورى ، للوقت اللي عرفنا فيه إنه جهاد مش مطوّل معنا بالحياة .. وإنه سرطان الدّم استفحل فيه وكان أقوى من كل العلاجات .. هيك ربنا أراد . فتحت الصور وتأملتها منيح ، لقيت فيها شيء غريب .. جهاد لمّا شاف المطر وهو بينزل بغزارة ما قدر ما يطلع ويستمتع فيه ، وهالشي واضح بابتسامته وفرحته اللي مبينة على وجهه بالصور .. الغريب إنه بهالوقت كان جهاد عارف وضعه الصحّي إنه صعب وإنه أيامه معدودة في الحياة ، مع هيك كان يقدر يستمتع في الأشياء اللي بحبها (على الأقل طول ما هي صحته كانت بتسمحله) ... بتأمّل بالصور وبقول : فعلاً السعادة قرار ، والانبساط بالأشياء حتى لو كانت صغيرة هو "قرار" بايديا احنا بنقرره "على الأقل بمعظم الأحيان" ، بغض النظر عن واقعنا والأشياء اللي بنعيشها .. اللي خلّا جهاد يبتسم هاي الابتسامة وتبين عليه هاي الفرحة هو إنه قرر إنه بدو يكون مبسوط ، وإنه الموت اللي بستناه مش رح يمنعه يستمتع بالمطر .. احنا كنا خايفين عليه وبنترجاه يدخل بلاش يتبلل ويلتفح لإنه جسمه ضعيف وما بيتحمل .. بس هو تحدّى قلقلنا وإلحاحنا وخوفنا عليه وعاش اللحظة واستمتع فيها .. عيشوا لحظاتكم اللي بتحبوها ، ما تمنعوا حالكم أو تخلوا الخوف يمنعكم من انكم تعملوا الأشياء اللي بتفرّحكم ... قرروا تعيشوا اللحظة .. لإنه حتى الموت اللي كان بيستنى جهاد ما قدر يمنعه بإنه يعيش تفاصيل أبسط لحظة تركت هيك ابتسامة وفرحة على وجهه . الله يرحمه هو كان صحته منيحه بس المرض غيره https://scontent-a-fra.xx.fbcdn.net/...c5&oe=54B34F69 https://fbcdn-sphotos-f-a.akamaihd.n...a623233d9f05bf بقلم أختي |
رد: حتى الموت اللي كان بيستنى جهاد ما قدر يمنعه بإنه يعيش تفاصيل أبسط لحظة تركت هيك ابتسامة على وجهه .
فعلاً السعادة قرار ، والانبساط بالأشياء حتى لو كانت صغيرة هو "قرار" بايديا احنا بنقرره "على الأقل بمعظم الأحيان" ، بغض النظر عن واقعنا والأشياء اللي بنعيشها .. ،، لآ حول ولآ قوة آلا بآلله آلله يرحمه يآرب ويغفر له ~ |
رد: حتى الموت اللي كان بيستنى جهاد ما قدر يمنعه بإنه يعيش تفاصيل أبسط لحظة تركت هيك ابتسامة على وجهه .
اقتباس:
آمين يا رب العالمين شكرا يا قلبي |
رد: حتى الموت اللي كان بيستنى جهاد ما قدر يمنعه بإنه يعيش تفاصيل أبسط لحظة تركت هيك ابتسامة على وجهه .
الله يرحمه ويغفر له
|
رد: حتى الموت اللي كان بيستنى جهاد ما قدر يمنعه بإنه يعيش تفاصيل أبسط لحظة تركت هيك ابتسامة على وجهه .
اقتباس:
|
| الساعة الآن توقيت السعودية الرياض و الدمام و القصيم و جدة 02:18 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.