ازاي اكون علاقة صداقة بيني وبين طفلي ؟؟؟
 

1. عودي طفلك ان يحكيلك يومه في الحضانة او في المدرسة
متقولهوس عملت ايه في المدرسة لانه حيقولك الحمد لله ويسكت
قوليلو نوع مختلف من الاسئلة
مثلا
ايه اكتر حاجه عجبتك انهارده في المدرسة ؟
لعبت مع مين في الجاردن ؟
في موقف زعلك ؟
مين اكتر حد بتحبة من زمايلك ؟
خلي ديما في بينكم لغة حوار حتي لو يومك مشغول

2. ديما خصصي وقت ولو لنصف ساعه تخصصيها للعب او عمل انشطة مع طفلك ده حيحسسه انك فهماه ومش حطه بينك وبينة حواجز

3. اوعي تقربي من طفلك وتتخلي عن اي اساس من اسس التربية مثلا مينفعش يقولك باسمك من غير ماما او مامي او امي
هزار الايد تخلي عنه يعني مينفعش يهزر معاكي مثلا بانه يشد طرحتك بس عادي جدا انه يلعب في خدودك مثلا حطي انتي قواعد التربية اللي تخلي ابنك حبيبك صحبك اللي بيحترمك

4. شجعي طفلك ديما علي الانجاز والتميز شوفي بيحب ايه وساعدية يتميز فيه مش لازم يبقي حسام حسن ارجوكي والله في حاجات كتير غير كرة القدم طفلك ممكن يعملها

5. مفيش طفل ملاك كل الاطفال بتغلط وبتعمل احيانا سلوكيات بتخرج الام عن شعورها عدلي سلوك طفلك بس ارجوكي خدي بالك ان يكون العقاب علي اد الخطأ وبلاش اذي بدني او نفسي مش لازم حماتك وصحبتك واخواته يعرفه انه عمل توليت علي نفسة او انه مكنش شاطر في الحضانة انتي اللي حترجعي تندمي اما يطلع معندوش ثقة في نفسة أو مش سوي نفسيا

6. ادعي ربنا يحفظ ذريتك من كل سوء ويساعدك تصحبيهم وتربيهم تربية سليمة

رد: ازاي اكون علاقة صداقة بيني وبين طفلي ؟؟؟
 

موضوع قيم مشكورة على المجهود

رد: ازاي اكون علاقة صداقة بيني وبين طفلي ؟؟؟
 

اشكرلك

رد: ازاي اكون علاقة صداقة بيني وبين طفلي ؟؟؟
 

جزاك الله خيرا
حاجة كمان تخلى طفلك قريب منك انك تجعلى بنيك وبنه سر لا يعرفه الا انت طبعا سر انت تعمليه مثلا لو بنت كبيرة شوية تقعدى معاها وتحطى لها مكياج وتقثوللها ده سر متعرفيش حد او تتفقى مع اولادك وتعملى مفاجأة لابوهم المهم عاوزة تعودى اولادك يقولو لكى اسررهم اجعلى بينك وبينهم سر يظنو ان لا احد يعلمه