"إنتِ منتقبة ليه؟؟!"
 

السلام عليكنَّ ورحمة الله وبركاته

هادخل في الموضوع على طول عشان مستعجلة والموضوع مستعجل :D

كل يوم تقريبا أُسأل من بنات اعدادي او زميلاتي

السؤال اللي بيتقال لكل منتقبة:

"إنتِ منتقبة ليه؟؟!"

وكمان لما بغطي عيني يقولولي:

"انتي بتغطي عينك ليه؟؟!"

وكل شوية اقعد افكر اني عايزه اجاوب عالسؤال دا جواب مش تقليدي

جواب مميز ويجذب انتباه اللي بتسألك وتخليها تفكر في الجواب بتاعي

ومن ثم تدخل مخها قصة النقاب وكدا اكون عملت دعوة واخدت اجر بسؤال

من المدعو نفسه ;)

المهم انا عايزه اعرف انتو جوابكم بيبقى ايه ؟؟

وبتقولو ايه لما تتسئلوا الاسئلة دي

انا عن نفسي بقول:

عشان انا ملكة والملكة ما ينفعش اي حد كدا يشوفها

او

عشان ربنا اعطاني في الاسلام مرتبة الملكة وامرني بالحجاب

فليه انا اتنازل عن المرتبة العظيمة دي؟!

او

عشان باقتدي بأمهات المؤمنين

او

عشان مش عايزه اي راجل كدا في الشارع يشوف شكلي وانا بضحك وشكلي وانا بعيط

وتعبيرات وشي،،هو كان مين ان شاء الله عشان يشوفني؟! :dry:


وبالنسبة لعيني بقول:عشان مش عايزه اي حد يشوف مني اي حاجة

بس انا لما بقول كدا لزميلاتي يقولوا: ياسلااااااااام (استهزاءا يعني)

انا مش ببالي بطريقة رد اللي ادامي انا كل اللي يهمني اني اقول جواب جامع شامل

في كلمات قليلة

فيا ترى انتوا بتقولوا ايه؟؟

وياريت الله يكرمكم تفيدوني واكيد في غيري هيستفيد من اللي هتفيدنا

وفي ميزان حسناتكم ان شاء الله ;)

رد: "إنتِ منتقبة ليه؟؟!"
 

كلامك صحيح ميه بالميه
بس بعض البنات الله يهديهن

رد: "إنتِ منتقبة ليه؟؟!"
 

كلامج صحيح
خخخ بس ماعندي جواب

رد: "إنتِ منتقبة ليه؟؟!"
 

علشان انا حرة
علشان أنا غالية
علشان أنا باحترم نفسي

انا فخورة جدا بنقابى
ويارب يمن على جميع المسلمات بنعمة النقاب