ازياء - فساتين سهرة و مكياج و طبخ - ينادونك يا أم فلان ....

ينادونك يا أم فلان كبرتي وصرتي أم
دخلتي عالماً ثاني على بالك تعرفينه

ثقلتي شوي وصرتي شيء ما ندري كيف هذا تم
تحسبين الأمومة لعب على كيفك تسوينه

لك الله ما نسيت أنك طفله بحضن الهم
صغيره مهما كبرتي ولا أظنك تعرفينه

إلا ياحبي التايه من علمك فن الظلم
ظلمتي الحب ظلمتيني مع طفل تظمينه

اجيها من التعب ظميان أتلذذ في سقايا السم
أمازحها أجاملها وأقول أن زان لك زينه

تصدقني تعذبني ولا زادت أقول أسلم
أنا قلبي تحت آمر تشيلينه تحطينه

دخيلة مبسمك لامن تبسمتي وكنه دم
أموت من الوله لامن نزل شعرك على جبينه

دخيل معاتبك لامن تنرفزتي وقلتي نم
دخيل الشوق بعيونك على بالك تخبينه

تناديني أفز أقول هلا يا مرحبا سم
تعالي وأن بغيتي الروح على كيفك تخمينه

أناديها تناظرني يعني ترى صرت أم
والله منتي يا بنت غير طفلٍ تشيلينه