ازياء - فساتين سهرة و مكياج و طبخ

السلام عليكم
اخباركم
اممم حبيت اعتذر من انساانه يمكن غلطت فحقها او ضايقتها بكلمه وانا مقصد وياريت انهاا سامحتني

اذا غلطت في حقك ارجوك تسامحني ترى نهايتي كفن ابيض وقبر صغير يحويني

نزعل ونتكبّــر وحنا من الطيـــن
والكل منا صــــدّ لا أقبل خويّــه

نفخر نقول إنا على الصد قاوين
وهــــيّ علينا في الحقيقـــــة قــــويه

ننسى نهايتنا وعلى وين ماشيــــن
وننسى الزمان اللي جمعنا ســـــــويه

المشكلة ماهي بـ حاجة لــ تخمين
ولاهي بعد ياناس صعبـــــة القضيـــه

دق الرقم : كيفك هلا فيك وأهليــن
أنــا الخـــوي اللـي مـــــزعّــل خويــــه

قلّه : تغيب وصـــورتك داخل العين
ويبقــى لـ حبك في خفـــوقي بقيـــــــــــــــه .

أخوان حنا لو يجي بيننا شيــن
و مانفتـــــــــــرق دام المحبـــــــة نديــــه

خلك قــوي لاتحتــــكرك الشياطين .
قبل الفوات وقبل وقت المنيــــــــــــــــه

كلّم اخوك بـــ اطيب الهرج واللين ..
وأعرف جميل الهرج يمســــح رديـــــــه

هذي هي الدنيا من الحين لـ الحين
لابد بين الناس تحصــــــل خطيـــــــــه

ومن لايقدّر غلطــــة أحبابه الحيــن
يقـــــرأ حـــــروفي ويعتبرها هــديه

باكر تمر سنين وسنين وسنيـــــن
والــــــكل يرحـــــــل في الدروب المـــــديـه

صدقني تندم وأذكر حروفنا زين
تندم على خلك إذ غاب ضيّـــــــــــــه

دنيا غريبــــة وأكثر الناس ماشين
وكم صــــاحبٍ والله مجافي اخويه