ازياء - فساتين سهرة و مكياج و طبخ

التفكير السلبى او الاحساس بالجوع او الاحساس بالرغبه فى الاكل بيقضى عليها التفكير الايجابى
1_احنا بنحب الاكل صحيح بس بنحب جسمنا اكتر عشان هو نعمه من ربنا وصحتنا امانه فى ايديناوده تفكير ايجابى .
2_ لما تحسى بالجوع من غير مايكون معاد اكلك اعملى حاجه ايجابيه وغذى روحك بمعنى مثلا سبحى 100 مرة او اقرئى ماتيسر من القرءان او حتى اقرائى اى كتاب يكون مفيد وفى حاجه بتحبيها حتى لو هشتغلى اشغال يدويه وحاجات بتتطلب الابداع زى الخرز او الكروشيه وما شابه ...غيرى مسار تفكيرك
3_خسى عشان نفسك مش عشان حد انتى وبس
ليه؟
عشان لو الحد اللى انتى بتخسى عشان ترضيه ده بعتلك اشارات سلبيه فى اى وقت هتلاقى نفسك وقفتى واتنكستى اكتر من الاول
فلازم تحطى ف دماغك من الاول فى الموضوع ده (انا............ثم انا......... ثم انا)
4-انتى نفسك مكن تبعتى اشارات سلبيه لنفسك يعنى لازم تلغى من قاموسك (مش هقدر_مش هينفع_كفايه كده_انا تعبت_........ )او حتى لما حد يقابلك ويحس بفرق ويهنيكى مثلا ويقولك ماشاء الله انتى احلويتى بعد الرجيم او حتى قرايبك يشوفوكى بعد ماخسيتى شويه يقولولك معرفناكيش فى الحاله دى التفكير بيتقسم لحالتين الاول سلبى وهو انك تقتنعى انك كده كفايه واعك بقى شويه وبعدين اكمل وده بيبقى صعب انك تخرجى منه الا ووزنك زايد حتى لو جرامات قليله وهترجعى تبدائى تانى بصعوبه
والتانى ان الموضوع ده يزيدك اصرار على مشروعك او حلمك او هدفك لحد ماتوصلى ليه وهو ده المطلوب وده التفكير الايجابى
:e031::e031::e031: